အယ်လ်ဖာ နှင့် အိုမီဂါ (၂၀၁၀)

ကြည့်ဖူးသမျှ Animation ဇာတ်ကားတွေထဲ အနဒါရေးတက် အဖြစ်ဆုံးလို့ အရင်ပြောပါရစေ။ Animation ကစ ဇာတ်လမ်းအဆုံး အရမ်းကောင်းပါတယ်။ မျိုးနွယ်မတူတဲ့ ဝံပုလွေပေါက်လေးနှစ်ကောင်ရဲ့ စွန့်စားခန်းပဲ ဖြစ်ပါတယ်။ အယ်ဖာ နဲ့ အိုမီဂါ ဆိုပြီး ခွဲခြားထားပြီး ဝံပုလွေမလေး ကိတ် ကတော့ ပိုပြီး အဆင့်မြင့်တဲ့ အယ်ဖာ မျိုးနွယ်က ဆက်ခံသူပေါ့။ နောက်ပိုင်း စားကျက်မြေရှားပါလာတဲ့နဲ့အမျှနယ်မြေတွေကြား ပေါင်းစည်းမှုရှိစေဖို့ အရှေ့ပိုင်း ဝံပုလွေတွေရဲ့ ဆက်ခံသူနဲ့ ဝံပုလွေမလေးတို့ လက်ထပ်ဖို့ ဖြစ်လာခဲ့ပါတယ်။ ဒါပေမဲ့ တစ်နေ့မှာ ဝံပုလွေမလေးနဲ့ အိုမီဂါ မျိုးရိုး ဝံပုလွေလေး ဟမ်ဖရီ တို့ဟာ လူသားတွေရဲ့ ဖမ်းဆီးခြင်းကို ခံလိုက်ရပြီး ပြန်လမ်းမဲ့နေခဲ့ကြတာပေါ့။ ဝံပုလွေမလေး ကိတ် ပျောက်သွားတာမို့ ဒေသနှစ်ခု မတည့်ကြတော့ဘဲ စစ်ခင်းဖို့အထိ ဖြစ်လာခဲ့ကြပါတယ်။ အဲ့လိုနဲ့ ကိတ် ဟာ သူ့ဒေသဆီကို ဟမ်ဖရီ နဲ့အတူ အိမ်ပြန်ဖို့ စွန့်စားခန်းဖွင့်ရပါတော့တယ်။ အိမ်ပြန်ရောက်တော့ ဘယ်အခြေအနေတွေ ဖြစ်နေမလဲ။ အရှေ့ဘက် ဝံပုလွေတို့ရဲ့ ဆက်ခံသူနဲ့ လက်ထပ်ရမှာလား။ လမ်းခရီးမှာ ချစ်ကြိုးသွယ်ခဲ့တဲ့ ဟမ်ဖရီ တစ်ယောက် အသည်းကွဲပြီး ကျန်ခဲ့မှာလား။

t.me/cartoonmoviesmms/1784

မှန်ထဲက ရဲတိုက်ငယ် (၂၀၂၃)

ပရိတ်သတ်အတွက် တင်ဆက်ပေးမယ့် ဇာတ်ကားလေးက ဂျပန် Novel ကို Animation Version လေးဖြစ်ပါတယ်။ ဆယ်ကျော်သက်လေး ၇ ယောက် ဟာ အိပ်ရာနိုးလာတဲ့အချိန်မှာ သူတို့ရဲ့အိပ်ခန်းထဲကမှန်တွေက တောက်ပတဲ့ မုခ်တံခါးကြီးဖြစ်နေပြီး သူတို့ရဲ့ ပျင်းစရာကောင်းတဲ့ ဘဝကြီးကို အံ့ဩစရာတွေအပြည့်နဲ့ နေရာတစ်ခုကို ဆွဲခေါ်ခံလိုက်ရပါတယ်။ အဲဒီနောက်မှာတော့ သူတို့ဟာ ဝံပုလွေမျက်နှာဖုံးနဲ့ မိန်းကလေးတစ်ယောက် မိုင် ရဲ့ Game ကစားဖို့ ဖိတ်ခေါ်ခံရပြီး ဘာတွေဆက်ဖြစ်မှာလဲ။ သူတို့ရဲ့ နေရာကို ပြန်နိုင်မှာလား စတဲ့ စိတ်လှုပ်ရှားစရာ အကြောင်းအရာတွေကို ဇာတ်လမ်းလေး ကြည့်ပြီး စီးမျောခံစားလိုက်ပါ။

t.me/cartoonmoviesmms/1786

ကြောင်နက်ကလေး (၂၀၁၉)

လူသားတွေဟာ တောတောင်တွေကို တစ်ဖြေးဖြေး နယ်ချဲ့ရင်း လူနေအိမ်ဆောက်၊ စက်ရုံတွေဆောက်ပြီး တောထဲက တိရိစ္ဆာန်လေးတွေပါ နေစရာ ရှားပါးလာပါတယ်။ အဲ့ဒီထဲမှာ ရှောင်ဟိုင် ဆိုတဲ့ အနက်ရောင် ကြောင်လေးတစ်ကောင်လဲ ပါပါတယ်။ ရှောင်ဟိုင် ဟာ တောထဲမှာ နေစရာမရှိတဲ့နောက် လူတွေရဲ့ လမ်းကြို လမ်းကြားတွေမှာ သွားရောက်နေထိုင်ပေမဲ့ ရက်စက်တဲ့ လူတွေက ဒီကြောင်လေးတစ်ကောင်ကိုတောင် လိုက်ဖမ်းပြီး နှောက်ယှက်ကြပါတယ်။ အဲ့ဒီမှာပဲ ဖုန်ချီ ဆိုတဲ့ ကောင်လေးဟာ ရှောင်ဟိုင် ကို ကယ်တင်ပြီး နေထိုင်စရာ နေရာလေး တစ်ခုပေးခဲ့တယ်။ ရှောင်ဟိုင် ရော ဖုန်ချီ ရော ဟာ မွန်းစတားတွေ ဖြစ်ပြီး ပုံမှန်အချိန်မှာ အကောင်လေးတွေ အဖြစ် ရှိပေမဲ့ စွမ်းအားရှိတဲ့ အကောင်တွေ အဖြစ်လဲပြောင်းလဲနိုင်ပါတယ်။ ဒီလို မွန်းစတားတွေကို ဖမ်းဆီးနေတဲ့ အထက်က ဂိုဏ်းတစ်ခုလဲ ရှိတယ်။ သူတို့က လူသားနဲ့ မွန်းစတားတွေကြားက အခြေအနေကို ထိန်းသိမ်းတဲ့ အဖွဲ့ဖြစ်ပြီး ထိပ်တန်း အကြမ်းစား ဖမ်းဆီးသူကတော့ ဝူရှန် ပါ။ ဒီလို အေးချမ်းနေတဲ့ ဖုန်ချီ တို့ ရှောင်ဟိုင် တို့ ဘဝထဲကို မုန်တိုင်းဆန်မယ့် ဝူရှန် ဝင်ရောက်လာခဲ့သောအခါမှာတော့။

t.me/cartoonmoviesmms/1788

မှော်ဆရာကြီးရဲ့ ဆင် (၂၀၂၃)

ဘောလ်တိစ် ဆိုတဲ့ မြို့ငယ်လေးက မျှော်လင့်ချက်တွေဆိတ်သုဉ်းနေတဲ့ မြို့လေးလို့ ပြောရမယ်။ သူတို့ကြုံခဲ့ရတဲ့ စစ်ပွဲကြီးအပြီးမှာ လူတွေက မပျော်ရွှင်ကြတော့ပါဘူး။ စစ်ကြီးကလဲ ပြီးတာ ဒီကားထဲက ဇာတ်လိုက်လေး ရဲ့ တစ်သက်ရှိနေပြီ။ ဒါပေမဲ့ လူတွေက ပျော်ရွှင်မှုတွေ မရကြသေးဘူး။ မျှော်လင့်ချက်တွေ ယုံကြည်မှုတွေ ပြန်မရှင်သန်ကြသေးဘဲ အဆိုးတွေပေါ်ပဲ အာရုံစိုက်၊ အဆိုးတွေကိုပဲမျှော်လင့်ပြီး နေကြသူတွေပေါ့။ တစ်နေ့မှာ မျက်လှည့်ဆရာကြီး က ဒီလူအတွက် မျှော်လင့်ချက်တွေ ပြန်ရှင်သန်စေဖို့ မန္တန်ကြီးတစ်ခုကို လုပ်ဖို့ ဆုံးဖြတ်လိုက်ပါတယ်။ သူ့ခဗျာမှာလဲ သိပ်မကျွမ်းကျင်တော့ ဆင်ကြီးတစ်ကောင်သာ အမိုးကနေ ပွင့်ပြီး ပြုတ်ကျလာပါတယ်။ မျက်လှည့်ဆရာကြီး က သူ့မန္တန်က မအောင်မြင်ဘူး ထင်တာပေါ့။ မျက်လှည့်ဆရာကြီး ကိုယ်တိုင်လဲ သူ့ဆင်ကြီးက အဖွားကြီးတစ်ယောက် ပေါ်သွားပိတာကြောင့် ဂျေးထဲ အောင်းသွားရပါတယ်။ ဒါပေမဲ့ ဒီဆင်ကြီး ရောက်လာတာကပဲ ဒီကားထဲက ဇာတ်လိုက်လေး အတွက် ယုံကြည်မှုတွေကိုအသက်သွင်းရာမှာ၊ သူ့မိသားစုကို ရှာဖွေရာမှာ အရေးအကြီးဆုံးနဲ့ ပထမဆုံးခြေလှမ်း ဖြစ်ပြီး ဘယ်လို အံ့ဖွယ်ရာတွေကို ထပ်ဖြစ်စေမလဲ ဆိုတာ ကြည့်ရမှာပါ။

t.me/cartoonmoviesmms/1790

ရော်ဘင်ဟုဒ် (၁၉၇၃)

ရစ်ချက် ဆိုတဲ့ ဘုရင်ကြီးတစ်ပါး စစ်ထွက်တိုက်နေတုန်းမှာ ထီးနန်းကို အချောင်လိုချင်တဲ့ သူ့ရဲ့ ညီဖြစ်သူ မင်းသားဂျွန် က အာဏာသိမ်းလိုက်ပါတယ်။ အာဏာရှင်တို့ရဲ့ ထုံးစံအတိုင်း ဘယ်သူသေသေ ငတေမာပြီး ရော အချိုးတွေ စချိုးပါတော့တယ်။ နော့တင်ဟမ် က တိုင်းသူပြည်သားတွေကို အခွန်တွေ မတော်မတရား ကောက်ပါတော့တယ်။ ဒါပေမဲ့ တစ်ခုရှိတာက သူအုပ်ချုပ်မင်း လုပ်ချင်နေတဲ့ တိုင်းပြည်မှာ ရော်ဘင်ဟုဒ် ဆိုသူက ရှိနေပါတယ်။ ဒီတော့ မတရားတဲ့ ဘုရင်နဲ့ တရားမျှတမှုကို လိုလားတဲ့ ရော်ဘင်ဟုဒ် တို့ရဲ့ အားပြိုင်မှုတွေကို ဒီဇာတ်လမ်းမှာ မြင်တွေ့ရမှာ ဖြစ်ပါတယ်။

t.me/cartoonbynikko/232

ကြမ္မာအံတုရှင်သန်သူ လင်ထျန်း

အပိုင်းသစ် ၃၈

t.me/+tD9Cwx5sX_M0ZTI1

မြူခိုးလွှမ်းရီသော ဓားဒဏ္ဍာရီ 🌪🐾

အပိုင်းသစ် ၂၉

t.me/+S2OhrtI1t7wzYTZl

Wi-th You, Our Lo-ve Wi-ll Ma-ke It Thr-ough (2025)

အပိုင်းသစ် ၃

t.me/+RyZIfQFqomxlNGU1

ပန်းနစ်ဆိုသောမြို့ကလေး (၂၀၀၉)

အင်ဒီးယန်း၊ ကောင်းဘွိုင် နဲ့ မောင်မြင်း ဆိုတဲ့ ပလတ်စတစ်ရုပ်ကလေး သုံးရုပ်က ကျေးလက်ဒေသက ရွာလေးတစ်ရွာမှာ အတူနေကြပါတယ်။ တစ်နေ့ မောင်မြင်း ရဲ့ မွေးနေ့မှာ အင်ဒီးယန်း နဲ့ ကောင်းဘွိုင် တို့က မွေးနေ့လက်ဆောင်မဝယ်ရသေးတာ သတိရပြီး အများနဲ့မတူတဲ့ လက်ဆောင်တစ်ခုပေးဖို့ ရေးကြီးသုတ်ပျာ ပြင်ဆင်ကြပါတယ်။ လက်ဆောင်အဖြစ် ဘာဘီကျူးလုပ်တဲ့ အကင်ဖိုတစ်ခု တည်ဆောက်ဖို့ ဆုံးဖြတ်လိုက်ပြီး လိုတဲ့ အုတ်ချပ် ၅၀ ကို အွန်လိုင်းကနေ မှာယူလိုက်ပါတယ်။ ဒါပေမဲ့ အမှားအယွင်းဖြစ်ပြီး အုတ်ချပ် ၅၀ အစား သန်း ၅၀ ရောက်လာရာက အစပြုပြီး ပြဿနာတွေ တစ်ခုပြီးတစ်ခု တက်လာကာ သူငယ်ချင်း သုံးယောက် တလွဲတွေနဲ့ ဖြစ်ကြုံရတာတွေကို ကြည့်ရှုရမှာ ဖြစ်ပါတယ်။

t.me/cartoonmoviesmms/1794

အယ်လာ ဘယ်လာ ဘင်ဂို (၂၀၂၀)

ဇာတ်ကားလေးက ကလေးဘဝတုန်းက သူငယ်ချင်းတွေကို အရမ်းခင်ခဲ့ပေမဲ့ တစ်ယောက်ယောက်က အသစ်ဝင်လာတဲ့ သူငယ်ချင်းကြောင့် ကိုယ့်သူငယ်ချင်းကို ပိုခင်သွားမယ်ဆိုတဲ့ စိုးရိမ်မှုလေးတွေကို ပြန်လည်သတိရစေတဲ့ ဇာတ်ကားလေးဖြစ်ပါတယ်။ ဒီကားလေးထဲမှာ အယ်လာ နဲ့ ဟန်ရီ တို့ဟာ အရမ်းခင်တဲ့ သူငယ်ချင်းတွေဖြစ်ကြပါတယ်။ တစ်နေ့မှာတော့ တခြားမြို့က ပြောင်းလာတဲ့ သူဌေးသားလူပေါ်ကြော့ ဂျွန်နီ တစ်ယောက် ရောက်လာပါတော့တယ်။ ဂျွန်နီ ဟာ ပိုက်ဆံချမ်းသာပေမဲ့ မိဘတွေက အလုပ်ကြောင့် နေရာခဏခဏ ပြောင်းရတာမို့ သူငယ်ချင်းအတည်တကျ မရှိပါဘူး။ ဟန်ရီ ကို တွေ့ပြီး သဘောကျသွားတဲ့ ဂျွန်နီ ဟာ သူနဲ့ သူငယ်ချင်းဖြစ်ဖို့ မျိုးစုံ ကြိုးပမ်းပါတော့တယ်။ တစ်ဖက်မှာလည်း သူ့သူငယ်ချင်းကို သူများဆီ အပါမခံနိုင်တဲ့ အယ်လာ နဲ့ ဟန်ရီ ကို သူ့သူငယ်ချင်းဖြစ်စေချင်တဲ့ ဂျွန်နီ တို့အကြား ရန်ဖြစ်စကားများပြီး ပြဿနာတွေအမျိုးမျိုး ဖြစ်ပွားလာပါတယ်။ ဒီဇာတ်ကားလေးက တကယ့်ကို ချစ်စဖွယ်ပါ။ သူငယ်ချင်းအကြား ချစ်ခြင်းမေတ္တာကို ပြသထားသလို ပြဿနာတွေကြုံလာတဲ့အခါ ဘယ်လို ဖြေရှင်းရမယ်ဆိုတာကိုလည်း ပေါ့ပေါ့ပါးပါးနဲ့ ဟာသလေးတွေနဲ့ ပေါင်းစပ်ထားတာကြောင့် အဆုံးထိ ကြည့်ချင်သွားစေတဲ့ ချစ်စဖွယ် ဇာတ်ကားလေးဖြစ်ပါတယ်။

t.me/cartoonmoviesmms/1796

မားနိ ရှိစဉ်တုန်းက (၂၀၁၄)

ဇာတ်လမ်းပုံစံလုံးဝမသိပဲ ကြည့်မှ ဖီးလ်လို့ကောင်းမယ့် ဂျပန်ကာတွန်းဖြစ်ပါတယ်။ စတူဒီယို ဂျစ်ဘလီ ရဲ့ လက်ရာကောင်းတစ်ခုဖြစ်ပြီး မူရင်းဝတ္ထုကလည်း ဆယ်စုနှစ်တစ်ခုရဲ့ အကောင်းဆုံး ဝတ္ထုတစ်ခုအဖြစ် ဖော်ပြခံထားတာမို့ ကြည့်သင့်တဲ့ ကားကောင်းတစ်ကားပဲ ဖြစ်ပါတယ်။ နောက်ခံတေးဂီတပိုင်းမှာဆိုရင်လည်း အပြစ်ပြောစရာမရှိလောက်အောင် ပြည့်စုံလွန်းနေပြီး ဇာတ်လမ်းထဲ စီးဝင်သွားလောက်အောင် ကောင်းမွန်နေပါတယ်။ ဇာတ်လမ်းအကျဉ်းအနေနဲ့တော့ ကျန်းမာရေးမကောင်းလို့ ဘောင်ပြင် ရောက်နေတဲ့ ဆယ်ကျော်သက်ကောင်လေး ဂျုန် နဲ့ ပိုက်ဆံချမ်းသာလွန်းလို့ ဘောင်ပြင် ထွက်ပေးနေရတဲ့ ဆယ်ကျော်သက်ကောင်မလေး အရီစာ တို့ရဲ့ အချစ်ဇာတ်လမ်းလေး ဖြစ်ပါတယ်။

t.me/cartoonmoviesmms/1798

မယ်ရီ နှင့် စုန်းပန်းပွင့်လေး (၂၀၁၇)

မယ်ရီ ဆိုတဲ့ ကလေးမလေးဟာ မွေးရာပါ ဆံပင်နီကြောင်ကြောင်လေးပါ။ အရမ်း သွတ်သွတ်လက်လက် နေတတ်သလို လုပ်သမျှတိုင်းကလဲ အလွဲတွေကြီးပါပဲ။ သူဟာ လူကြီး မိဘတွေကို အရမ်းကူညီချင်ပေမဲ့ သူလုပ်လိုက်တိုင်း အလွဲကြီးတွေဖြစ်နေလို့ မခိုင်းရဲကြဘူး။ ဒီလိုနဲ့ မယ်ရီ လေးဟာ ဟိုယောင်ယောင် ဒီယောင်ယောင် လုပ်နေတတ်တဲ့ ကလေးမလေးတစ်ယောက် ဖြစ်နေတာပေါ့။ တစ်ရက်မှာတော့ တောစပ်အနီးမှာ မုန့်စားနေတုန်း ကြောင်လေးတစ်ကောင် မုန့်လာတောင်းစားလို့ ကျွေးလိုက်မိရာကနေ အဲ့ဒီ ကြောင်လေးကို တောအုပ်ထဲအထိ လိုက်သွားပါတော့တယ်။ မယ်ရီ တစ်ဖြေးဖြေး လိုက်သွားတဲ့အခါ ကြောင်လေးဟာ နှစ်ကောင် ဖြစ်သွားပြီး ထူးဆန်းတဲ့ ပန်းတွေအများကြီးရှိရာနေရာကို လမ်းပြပေးခဲ့ပါတယ်။ အရမ်းလှလွန်းတဲ့ ပန်းလေးမို့ မနေနိုင်ပဲ ခူးမိပြီး အိမ်သို့ သယ်ယူလာတဲ့နောက် မယ်ရီ ရဲ့ ဘဝမှာ ထူးထူးဆန်းဆန်း ဖြစ်စဉ်တွေ ပေါ်ပေါက်လာပါတော့တယ်။

t.me/cartoonmoviesmms/1800

ရေရှားပါးမှုပြသနာ (၂၀၂၃)

ဒီဇာတ်ကားလေးကတော့ စစ်ပွဲအပြီးမှာ ကပ်ဘေးကြောင့် သောက်သုံးရေရှားပါးလာတဲ့တိုင်းပြည်အတွက် ပြည်သူတွေဘယ်လိုအခက်အခဲရောက်ရလဲ၊ ဘယ်လိုဖြေရှင်းကြမလဲဆိုတာကို တွေ့မြင်ရမှာဖြစ်ပြီး Sci-fi ဆန်ဆန်လေးနဲ့ Action ခန်းလေးတွေပါ ပါဝင်တဲ့ စိတ်ဝင်စားစရာကောင်းတဲ့ Anime Movie လေးဖြစ်ပါတယ်။ ဇာတ်လမ်းလေးရဲ့ အကျဉ်းချုပ်ကတော့ ကိုင်နာ လို့ခေါ်တဲ့‌ကောင်လေးနဲ့ ရီရီဟာ လို့ခေါ်တဲ့ အတ္တလန်တိုင်းပြည်ရဲ့ မင်းသမီးလေးဟာ စစ်ပွဲကြီးအပြီးနဲ့ ကပ်ဘေးကြောင့် တိုင်းပြည်မှာ သောက်သုံးရေရှားပါးလာခဲ့တယ်။ ဒီလိုနဲ့ ဒဏ္ဍာရီထဲမှာ ကြားခဲ့ရတဲ့ ပတ်လည်ထိပ်ဖျားအပင်ကြီးမှာ သောက်သုံးရေတွေ မြောက်များစွာရှိတယ်လို့ ကြားသိခဲ့ရတဲ့အတွက် ရီရီဟာ နဲ့ ကိုင်နာ တို့ဟာ လူစုဖွဲ့ပြီး အဲ့ဒီအပင်ကြီးကို ရှာဖို့ ခရီးထွက်ကြပါတော့တယ်။ ဒါပေမဲ့ ကိုင်နာ တို့ မထင်မှတ်လိုက်တာက ဒီထွက်လာတဲ့ ခရီးလမ်းမှာ သူတို့နေထိုင်တဲ့ ကမ္ဘာကြီးရဲ့ လျှို့ဝှက်ချက်နဲ့ ဘာလို့ နှင်းတွေဟာ အမြဲကျနေပြီး ထိပ်ဖျားအပင်ကြီးကို မှီခိုနေရမလဲဆိုတာကို သိရှိသွားရမှာဖြစ်ပါတယ်။ ဒီလို Adventure အပြည့်နဲ့ စိတ်ဝင်စားစရာကောင်းတဲ့ ကိုင်နာ တို့ရဲ့ ခရီးစဉ်ကို အားလုံးပဲ အတူတူ စိတ်ဝင်တစား ကြည့်ရှုလိုက်ကြရအောင်လား။

t.me/cartoonmoviesmms/1802

လူမျိုးတုန်း သတ်ဖြတ်မှုများ (၂၀၁၇)

ဂျင်နိုဆိုဒယ် အော်ဂန် ဟာ ပရောဂျက်အီတို ရဲ့ နာမည်ကြီး စိုင်ဘာစွမ်းအင်ပညာဝတ္ထုကို အခြေခံပြီး ၂၀၁၇ ခုနှစ်မှာ ထွက်ရှိခဲ့တဲ့ ဂျပန် Anime ရုပ်ရှင်ဖြစ်ပါတယ်။ ဇာတ်လမ်းက အနာဂတ်ကမ္ဘာကို ပုံဖော်ပြသထားပြီး လူမျိုးသတ်ဖြတ်မှုတွေ အပြည့်အဝ ဖြစ်ပွားနေတဲ့ ကမ္ဘာအကြောင်း တင်ဆက်ထားခြင်းဖြစ်ပါတယ်။ ပရိုဒက်ရှင်းအိုင်ဂျီ ရဲ့ လက်ရာဖြစ်တာမို့ ကြည့်ရတာ အတော်ကို မျက်စိပဒဿရှိပါတယ်။ ဇာတ်လမ်းမှာ ထောက်လှမ်းရေးနည်းစနစ်တွေ၊ ထောက်လှမ်းပုံတွေ၊ အက်ရှင်ခန်းတွေ မြိုင်မြိုင်ဆိုင်ဆိုင် ပါတာမို့ မစ်ရှင်အိမ်ပါဆစ်ဘလ် ရုပ်ရှင်တွေနဲ့ ဒါအ်ဟတ် ရုပ်ရှင်တွေကို ကြိုက်သူတွေအတွက် တကယ်ကြည့်ဖို့သင့်တဲ့ ရုပ်ရှင်ပါ။ မကောင်းတဲ့အချက်တွေကို ပြောရရင်တော့ ဒီရုပ်ရှင်ကို ဘာသာပြန်တာက အတော်ခက်တဲ့အပြင် အင်္ဂလိပ်စာကို ကျေလည်အောင် နားလည်တဲ့သူတောင်မှ ဒီရုပ်ရှင်ကို ကြည့်ရင် ရုပ်ရှင်မှာပါတဲ့ နိုင်ငံရေးနောက်ခံတွေကို တီးမိခေါက်မိရှိထားမှ နားလည်နိုင်မှာပါ။ ဇာတ်လမ်းအကျဉ်းအနေနဲ့ ဆိုရရင် အမေရိကန်နိုင်ငံက အထူးတပ်ဖွဲ့အရာရှိ ခလာဗစ်စ် ရှက်ဖတ် ကို ကမ္ဘာတဝှမ်း ဖြစ်ပွားနေတဲ့ လူမျိုးသတ်ဖြတ်မှုတွေကြောင့် စုံစမ်းစစ်ဆေးရေးလုပ်ဖို့ တာဝန်ပေးခြင်းခံရပါတယ်။ ဒီလူမျိုးသတ်ဖြတ်မှုတွေဟာ ဂျွန် ပေါ်လ် ဆိုတဲ့လူနဲ့ ဆက်စပ်နေတယ်ဆိုတာ ခလာဗစ်စ် သိလာရပြီး သူ့ကို ခြေရာခံဖို့၊ ဖမ်းဆီးဖို့ ကြိုးစားရတဲ့နောက်မှာတော့ ဂျွန် ပေါ်လ် ရဲ့ အာရုံစိုက်မှုကို ပြန်ခံရပါတော့တယ်။ အဲ့ဒီနောက်မှာတော့ ဖြစ်ပျက်နေတာတွေအားလုံးရဲ့ နောက်ကွယ်မှာ အရမ်းရှုတ်ထွေးပြီး မယုံနိုင်စရာကိစ္စကြီးတစ်ခုရှိနေတာကို သိလိုက်ရတဲ့အပြင် ထိုကိစ္စကြီးထဲမှာ ခလာဗစ်စ် ပါ ဖြည်းဖြည်းချင်း ကြားညပ်သွားပါတော့တယ်။

t.me/cartoonmoviesmms/1804