ဆိုးလ် ရထားဘူတာရုံ (၂၀၁၆)

ဆိုးလ် ရထားဘူတာကို ဗိုင်းရပ် ကူးနေတဲ့ အိမ်ယာမဲ့ တယောက် ရောက်လာတာကနေ တမြို့လုံးကို ပြန့်သွားပြီး လူတွေအကုန်လုံးနီးနီးကို ကူးကုန်ပါတယ်။ ဘူတာမှာ အိပ်ကြတဲ့ အိမ်ယာမဲ့တချို့နဲ့ မြို့က လူတချို့ပဲ အသက်ရှင် ကျန်ပါတော့တယ်။ ဟီဆန် ဆိုတဲ့ ကောင်မလေးကလည်း သူ့ရည်းစားနဲ့ စကားများပြီး ဘူတာကို ရောက်လာပြီး ဗိုင်းရပ်ကူးထားတဲ့ လူတွေ လိုက်လို့ ပြေးရင်းနဲ့ ဒုက္ခရောက်နေလို့ သူ့ကောင်လေးနဲ့ သူ့အဖေက လိုက်ရှာကြပါတယ်။ အဲ့ဖြစ်စဉ်တစ်ခုမှာ သူမကိုရော သူ့အဖေနဲ့ သူ့ကောင်လေးက ရှာတွေ့ပါ့မလား။ ဗိုင်းရပ်ကူးထားတဲ့ လူတွေကိုရော ဘယ်လို ရှင်းကြမလဲ ဆိုတာကတော့။ ထရိန် တု ဘုဆန် လိုပဲ စိတ်လှုပ်ရှားစရာ ဇာတ်ကားကောင်းလေး တစ်ကား ဖြစ်ပါတယ်။ ကြည့်ရှုအားပေးကြပါဦး ခင်ဗျာ။

t.me/cartoonmoviesmms/1740

ခွေးစွမ်းကောင်းလေးများ (၂၀၂၁)

ပေါ်ပက်ထရိုး(လ်) လေးတို့ရဲ့ ရန်သူတော်ကြီး ဟမ်ဒင်ဂါ တစ်ယောက် အက်ဒဗင်ချာစီးတီး ဆိုတဲ့ မြို့လေးမှာ မြို့တော်ဝန် သွားလုပ်ပြီး ဒီကမ္ဘာကြီးကို အန္တရာယ် ကျရောက်စေမယ့် စမ်းသပ်မှုတစ်ခုကို လုပ်ဖို့ ကြိုးစားလာပါတယ်။ ရန်သူတော်ကြီးရဲ့ အဖျက်လုပ်ငန်းကို အဖွဲ့ခေါင်းဆောင် ရိုက်ဒါ နဲ့ သူ့ရဲ့ အဖွဲ့ဝင် ပါပီ လေးတို့ တသိုက် ဘယ်လို ခေတ်မှီ နည်းပညာတွေ၊ စက်ပစ္စည်းတွေနဲ့ ရအောင် တားကြမလဲ။ အဖွဲ့ဝင် ပါပီ လေးတစ်ကောင်ရဲ့ အတိတ်ဇာတ်ကြောင်းကနေ အဖွဲ့အပေါ် ဘယ်လောက်ထိ ရိုက်ခတ်မှုရှိမလဲ။ ပက်ထရိုး(လ်) အဖွဲ့ဝင် အသစ်လေးက ဘယ်သူ ဖြစ်မလဲ ဆိုတာကို ချစ်စရာကောင်းတဲ့ ကာတွန်း ဇာတ်ကောင်လေးတွေနဲ့ ရယ်စရာ၊ ပျော်စရာ၊ သနားစရာ ရသမျိုးစုံကို ခံစားရင်း ကြည့်ရှုရမှာပါ။ Animation ဇာတ်ကားလေးဖြစ်တာမို့ ကိုယ့်မိသားစုနဲ့ သားသားမီးမီးတို့နဲ့ တူတူ ကြည့်ဖို့အတွက်လည်း အဆင်ပြေပါတယ်။ ချစ်ရတဲ့ မိသားစုနဲ့အတူ ပျော်ရွှင်ကြည်နူးစရာ အချိန်တစ်နာရီခွဲခန့်ကို ဒီ Animation ကားလေးနဲ့ တူတူ ကုန်ဆုံးလိုက်ပါ။

t.me/cartoonmoviesmms/1742

တီတီနာ ဆိုတဲ့ခွေးကလေး (၂၀၂၂)

Italian အင်ဂျင်နီယာ တစ်ဦးဖြစ်တဲ့ အူမ်ဘဲတို နိုဘီလေး ဆိုသူဟာ တစ်နေ့မှာ အပြင်ထွက်ရင်း တီတီနာ ဆိုတဲ့ ခွေးလေးတစ်ကောင်ကို ကောက်ရခဲ့ပါတယ်။ နောက်တစ်နေ့မှာတော့ ဝင်ရိုးစွန်းတွေကို စူးစမ်းလေ့လာတဲ့ ရိုးအယ်လ် အမန်ဆန် ဆိုသူဟာ မြောက်ဝင်ရိုးစွန်းကို သွားဖို့ Airship တစ်စင်း ဆောက်ပေးဖို့ သူ့ဆီ ဖုန်းနဲ့ ဆက်သွယ်လာပါတယ်။ Airship ဆောက်ပေးရုံမကပဲ မြောက်ဝင်ရိုးစွန်းကိုပါ အတူ လိုက်ပါခွင့် ရမယ်ဆိုတော့ အတိုင်းထက်အလွန် ပျော်မိတာပေါ့။ ဒီလိုနဲ့ တစ်နေ့ သူ့ရဲ့ Airship ကြီး ဆောက်လုပ်ပြီးစီးတဲ့အခါမှာ ရိုးအယ်လ် အမန်ဆန် နဲ့အတူ မြောက်ဝင်ရိုးစွန်းကို ခရီးနှင်ခဲ့ပါတယ်။ အဲ့ဒီခရီးမှာ သူ့ခွေးလေး တီတီနာ လည်း လိုက်ပါလာပါတယ်။ ဒီလိုနဲ့ အမန်ဆန် နဲ့ နိုဘီလေး တို့နှစ်ယောက်ဘယ်လောက် ရင်းနှီးသွားကြမလဲဆိုတာအပြင် တီတီနာ လေးရဲ့ ချစ်စရာကောင်းမှုကိုပါ မြင်တွေ့ရမှာမို့ ကြည့်ရှု ခံစားလိုက်ကြပါဦး။

t.me/cartoonmoviesmms/1744

နက်ခရက်ကာ နှင့် ကမ္ဘာကြီးလေးခု (၂၀၁၈)

ဒီကားလေးမှာ ခရစ္စမတ်ရဲ့ မရိုးအီနိုင်တဲ့ ခံစားမှုအနံ့အသက်လေးတွေ တွေ့မြင်ခံစားရဦးမှာပါ။ ဘာလို့လဲဆိုတော့ ဇာတ်လမ်းကို ခရစ္စမတ်အကြိုညလေးနဲ့ စတင်ထားတာပါ။ ကလာရာ ဆိုတဲ့ ကောင်မလေးမှာ သူ့အမေဆီက အမွေခံရထားတဲ့ တီထွင်ညာဏ်ရည် ထူးချွန်တဲ့ အရည်ချင်းပါလာတယ်။ မွေးချင်းသုံးယောက်ရှိတဲ့ မိသားစုလေးကို ချစ်ကြင်သူ ဇနီးမရှိပဲ ထိန်းကျောင်းလာခဲ့ရတဲ့ ကလာရာ တို့အဖေကတော့ နှစ်တိုင်း ခရစ္စမတ်ရောက်တိုင်း အတိတ်ဟောင်းတွေကို တူးဆွပြီး လွမ်းမောတတ်တယ်။ သူမှမဟုတ်ပါဘူး ကျန်တဲ့ မွေးချင်းတွေနဲ့ လုံးဝမတူတဲ့ ကလာရာ လေးလည်း ထပ်တူထပ်မျှပါပဲ။ ဒီလိုနဲ့ အမေ့ဆီက လက်ဆောင်တွေ ဆိုပြီး ခရစ္စမတ်အကြိုညမှာ ပင်ချောင်းသော့ခလောက်လေး ပါတဲ့ ဥလေးတစ်လုံးကို ကလာရာ ရရှိလာတယ်။ ဒါပေမယ့် လက်ဆောင်ဘူးထဲမှာ ဖွင့်ဖို့သော့ မပါလာခဲ့ဘူး။ အဲ့သော့ရဲ့ အဖြေကို သူတို့ ခေါင်းကိုင်အဖေကြီး ဒရော်ဆယ်မာယာ ဆီက ရပြီး အခြားကမ္ဘာတစ်ခုကို ရောက်ဖို့အကြောင်း ဖန်လာတဲ့အခါ။

t.me/cartoonmoviesmms/1746

ပါရာနော်မန် (၂၀၁၂)

ဒီကားလေးဟာ မက်ဆာချူးဆက် ပြည်နယ်ရဲ့ မြို့ဟောင်းတစ်ခုကို အခြေခံပြီး ရိုက်ကူးထားတဲ့ သရဲဇတ်လမ်းကားတစ်ကားပါ။ အသက် ၁၁ နှစ်အရွယ် နော်မန် ဆိုတဲ့ ကောင်လေးကတော့ အဓိကဇာတ်ကောင်နေရာကနေ ပါဝင်ထားပါတယ်။ နော်မန် မှာ မွေးရာပါ စွမ်းရည်တစ်ခု လက်ဆောင်ရထားပြီး သေဆုံးသွားတဲ့ ဝိညဉ်တွေကို မြင်တွေ့နိုင်သလို စကားပြောနိုင်တာပါ။ သူ မြင်တွေ့နေရတာတွေကို ဘယ်သူမှ မမြင်တဲ့အတွက် အရူးတစ်ယောက်လို သတ်မှတ်ခံထားရပြီး သူ့မိသားစုကကတောင် မယုံပါဘူး။ သူတို့ မြို့လေးမှာ စုန်းမတစ်ယောက်ရဲ့ ကျိန်စာအကြောင်း ပုံပြင် ဇာတ်လမ်းလေးရှိနေခဲ့ပေမယ့် အဲ့ဒီဇာတ်လမ်းမှာ အမှန်တကယ် ရှိနေခဲ့ပြီး နောက်ပြီး အဲ့ဒီမြို့လေးက လူတွေအားလုံးရဲ့ ကံကြမ္မာနဲ့ သက်ဆိုင်နေပါတယ်။ ဒီလိုနဲ့ တစ်နေ့မှာ ဝိညဉ်တွေနဲ့ စကားပြောဆိုနိုင်တဲ့ နော်မန် ဆီကို စုန်းမရဲ့ ကျိန်စာကို ရပ်တန့်ပေးဖို့ ရုတ်တရက် တာဝန်တစ်ခုပေးခြင်း ခံလိုက်ရတဲ့အခါ နော်မန် တစ်ယောက် စုန်းမရဲ့ ကျိန်စာကို ရပ်တန့်နိုင်ပြီး လူတွေအားလုံးကို ကယ်တင်နိုင်မှာလား၊ စုန်းမကရော ဘယ်လို အဆုံးသတ်သွားမလဲဆိုတာတွေကို ဆက်လက် ရှုစားကြပါဦးလို့…။

t.me/cartoonmoviesmms/1315

ဂျေလ်ဂျေလ်အစစ်နှင့်အတု (၂၀၂၁)

အခုတစ်ကြိမ် မိတ်ဆက်ပေးမဲ့ ဇာတ်ကားကတော့ ကလေးများနှင့် လူငယ်ပရိသတ်များအတွက် မဖြစ်မနေ ကြည့်ရမဲ့ ဇာတ်ကားဖြစ်ပါတယ်။ ကမ္ဘာကြီးကို မူးနောက်အောင် လုပ်တတ်တဲ့ စွမ်းအားကြီးတဲ့ ဂျင်းနီလေး ဂျေလ်ဂျေလ် ဆိုတာ ရှိပါတယ်။ ဇာတ်လမ်းအစမှာ ဂျေလ်ဂျေလ် ပျောက်သွားလို့ သူငယ်ချင်း နှစ်ယောက်ဖြစ်တဲ့ မိုတူ နဲ့ မာယန် တို့က သူ့ကို လိုက်ရှာခဲ့ကြပြီး မိုတူ ရဲ့ အစွမ်းထက် မှော်သံစဉ်တွေကြောင့် ဂျေလ်ဂျေလ် ကို ပြန်လည် ဖမ်းမိခဲ့ပေမဲ့ ထပ်ပြီး လွတ်သွားပြန်ပါတယ်။ အဲဒီအချိန်မှာ ပရောဖက်ဆာ ဆိုသူတစ်ယောက်ကလည်း ဂျေလ်ဂျေလ် အတုကို ဖန်တီးခဲ့ပြန်ပါတယ်။ ပရောဖက်ဆာ ရဲ့ ဂျေလ်ဂျေလ် အတု ဖန်တီးမှုကနေရလို့ ဖြစ်ပေါ်လာတဲ့ အမှားတွေ၊ စွန့်စားမှုတွေကို ဟာသနှောပြီး တွေ့ရမှာဖြစ်သလို ဂျေလ်ဂျေလ် အတုနဲ့ အစစ်ကို နောက်ဆုံးမှာ သူတို့ ခွဲနိုင်ခဲ့လားဆိုတာ ဒီဇာတ်လမ်းမှာ ခံစားကြည့်ရှုပေးကြပါဦး။

t.me/cartoonmoviesmms/1313

ဂါလီဗာ ပြန်လာပြီ (၂၀၂၁)

ဂါလီဗာ ဟာ လူဘီလူးကြီး ဖြစ်ရမယ်။ အဲဒီနိုင်ငံက တိုင်းသူပြည်သားတွေက ပိစိလေးတွေ ဖြစ်နေရမယ်။ ဒါဟာ သမာရိုးကျပုံပြင်ပါပဲ။ ထိုနိုင်ငံကို ဂါလီဗာ လာကူခဲ့စဉ်က သမိုင်းမှတ်တမ်းမှာလည်း ဒီအတိုင်းပါပဲ။ ဒါပေမဲ့ နှစ်ပေါင်း ၄၀ ကြာထွက်သွားပြီးမှ ပြန်ရောက်လာတဲ့ ဂါလီဗာ ကြောင့် ထိုနိုင်ငံသားတွေ ဦးနှောက်ခြောက်ရပါတော့တယ်။ ရှေးလူကြီးတွေရဲ့ ရှေ့ဖြစ်အဟောအရ နှစ်ပေါင်း ၄၀ ကြာချိန်မှာ ဂါလီဗာ ပြန်ရောက်လာတာမှန်ပေမယ့် သူတို့မှတ်တမ်းထဲကလို ဧရာမလူဘီလူးကြီးမဟုတ်ဘဲ သူတို့ရဲ့ ရွယ်တူကောင်လေးတစ်ယောက် ဖြစ်နေလို့ပါ။ ကိုယ့်နိုင်ငံဆီ ဟောကိန်းအတိုင်း ပြန်ရောက်လာတဲ့သူ၊ သူ့ကိုယ်သူ ဂါလီဗာ လို့ တွင်တွင်ပြောနေတဲ့သူက တစ်သက်လုံးထင်လာသလို လူဘီလူးကြီး ဟုတ်မနေတာကြောင့် အတုအယောင်ဆောင်ဆိုပြီး မယုံကြသလို ဂါလီဗာ ကိုယ်တိုင်လည်း ဆွမ်းခံရင်း ငှက်သင့်ဆိုတဲ့အတိုင်း လူဘီလူးအယောင်ဆောင်မှုနဲ့ ကွပ်မျက်ခံရမယ့် ကိန်းကို ဆိုက်သွားပါတယ်။ ဂါလီဗာ ကွပ်မျက်ခံရခါနီးမှ နိုင်ငံကြီးကို စစ်အင်အားနဲ့ တိုက်ခိုက်သိမ်းပိုက်ခံရမယ့် အခြေအနေတစ်ခုပေါ်လာတဲ့အခါ ဂါလီဗာအတု ဆိုတဲ့ ဂါလီဗာ နဲ့ တိုင်းသူပြည်သားအပေါင်းတို့ တူတူပူးပေါင်းပြီး တိုက်ပွဲဝင်ရပါတော့တယ်။

t.me/cartoonmoviesmms/1750

သူရဲကောင်း ၆ ယောက် (၂၀၁၄)

ဝင်ငွေအကောင်းဆုံး ဇာတ်ကားအဖြစ် ရပ်တည်ခဲ့တဲ့ ဇာတ်ကားဖြစ်ပြီး ပေးထားတဲ့ message တွေကောင်းမွန်လှပပါတယ်။ ဘေးမက်စ် ရဲ့ ချစ်စရာကောင်းတဲ့ အပြုအမှုလေးတွေနဲ့ ပုံစံတွေကို သဘောကျမိမှာ အမှန်ဖြစ်ပြီး ဘေးမက်စ် ရဲ့ လှုပ်ရှားပြုမှုပုံတွေကို ပင်ဂွင်းပေါက်စလေးတွေရဲ့ အပြုအမှုကို ပုံစံတူယူပြီး ဖန်တီးထားတာပါ။ ဒစ်စနီ နဲ့အတူ မာဗယ် က ပါပူးပေါင်း ရိုက်ကူးထားတဲ့အတွက် အစောပိုင်းထွက်ခဲ့တဲ့ ဒစ်စနီ ဇာတ်ကောင်တွေနဲ့ မတူကွာခြားလှပါတယ်။

t.me/cartoonmoviesmms/1752

နီမိုရှာဖွေခန်း (၂၀၀၃)

အသစ် ဘယ်လောက်ကောင်းကောင်း အဟောင်းလေးကို မမှီဘူးဆိုတဲ့ စကားလေးအတိုင်းပါပဲ၊ ဒီတစ်ခါတော့ အဟောင်းထဲက အကောင်းလေးတစ်ကားကို ပြန်လည် တင်ဆက်လိုက်ပါတယ်။ နီမို ဆိုရင် မသိသူမရှိသလောက်ပါပဲ။ အောင်မြင်မှုများစွာကိုလည်း ရရှိခဲ့တဲ့ ရုပ်ရှင်ကားကောင်းတစ်ကား ဖြစ်ခဲ့ပါတယ်။ Clown fish လေးဖြစ်တဲ့ မိတဆိုးသားလေး နီမို တစ်ကောင် သူနေထိုင်ရာ သမုဒ္ဒရာကြီးထဲကနေ လူတစ်ချို့ ဖမ်းဆီးခေါ်ဆောင်သွားခြင်းခံလိုက်ရတဲ့အခါ ဖခင်ဖြစ်သူ မာလင် က လိုက်လံရှာဖွေတဲ့ ဇာတ်လမ်းပဲ ဖြစ်ပါတယ်။ ဒီသားပျောက်ရှာပုံတော်မှာ စွန့်စားခန်းတွေ တစ်လှေကြီး ပါဝင်ပြီး ဇာတ်လမ်း ဇာတ်အိမ်ကောင်းကောင်းနဲ့ စိတ်ဝင်စားစရာလည်း ကောင်းတာမို့ ပရိတ်သတ်တွေ သဘောကျနှစ်ခြိုက်ကြမှာ အသေအချာပါပဲ။ ဒီတော့ အားပေးကြပါဦး။

t.me/cartoonmoviesmms/1754

ဒိုရီကို ရှာဖွေခြင်း (၂၀၁၆)

မျက်လုံးလေး ပြူးပြူးနဲ့ အဖြစ်အပျက်တွေကို ကြာကြာမခံပဲ မေ့တတ်တဲ့ ဒိုရီ ဟာ တစ်နေ့တော့ အကြောင်းတစ်ခုကြောင့် သူ့အဖေနဲ့ အမေကို ပြန်သတိရလာတာကနေ သူ့သူငယ်ချင်းတွေဖြစ်တဲ့ မာလင် နဲ့ နီမို တို့ရဲ့ အကူအညီကို ယူပြီး သူ့မိဘတွေကို ပြန်တွေ့ချင်ဇောနဲ့ ရှာပုံတော်ခရီးဖွင့်ပါတော့တယ်။ ငါးပြာလေး ဒိုရီ ဟာ သူ့မိဘတွေနဲ့ ပြန်တွေ့နိုင်ပါ့မလား။ ဒီဇာတ်ကားရဲ့ စကားတစ်ခွန်းဖြစ်တဲ့ Just Keep Swimming ဆိုတဲ့ စကားဟာ ကျွန်တော်တို့အတွက် မှန်ကန်လွန်းနေခဲ့ပါတယ်။ ကျွန်တော်တို့တွေအားလုံးလည်း ဘဝက ဘယ်လိုပဲ ထိုးနှက်နေပါစေလည်း ငါးပြာမလေး ဒိုရီ လိုပဲ ဆက်လက်ကူးခတ် ရှေ့ဆက်လိုက်ကြရအောင်ဗျ။

t.me/cartoonmoviesmms/1756

ဥရောပ၏ ကားပြိုင်ပွဲကြီး (၂၀၂၅)

IMDb - 6/10
Genre - Family, Adventure

ပါရီပြည်နယ်နားက မိသားစုပန်းခြံမှာ နေတဲ့ အက်ဒါ က ပြိုင်ကားမောင်းရတာ အရမ်းဝါသနာပါတယ်။ သူ့အိပ်မက်က နာမည်ကြီး ဂရန်းပရစ် ပြိုင်ပွဲမှာ ဝင်ပြိုင်ဖို့ပါ။ ဒါပေမဲ့ သူ့မိသားစုရဲ့ ပန်းခြံလေး အကြပ်အတည်းဖြစ်နေချိန်မှာ အက်ဒါ တစ်ယောက် သူ့အိုင်ဒေါ အက် ရဲ့ ဝတ်စုံကို ယူဝတ်ပြီး ပြိုင်ပွဲထဲ ခိုးဝင်ဖို့ ကြံရပါတယ်။ ဆုကြေးငွေနဲ့ မိသားစုကို ကယ်တင်မယ်လို့ မျှော်လင့်ရင်း ပြိုင်ဘက်တွေရဲ့ အတားအဆီးတွေကို ကျော်ဖြတ်ပြီး သူ့ရဲ့ စွမ်းရည်ကို သက်သေပြရပါတယ်။ ဒီရုပ်ရှင်က မိသားစုနဲ့အတူ ကြည့်လို့ရတဲ့ ရယ်စရာ၊ စိတ်လှုပ်ရှားစရာ ဇာတ်ဝင်ခန်းတွေ ပြည့်နှက်နေပါတယ်။ ဒါရိုက်တာ ဝယ်လ်ဒီမာ ဖတ်စ် ရိုက်ထားပြီး ဂျက်မာ အာတတန်၊ ဟေးလီ အက်တဝဲ တို့လို နာမည်ကြီးတွေ အသံသရုပ်ဆောင်ထားပါတယ်။ ကလေးတွေရော လူကြီးတွေရော ပျော်ပျော်ရွှင်ရွှင် ကြည့်လို့ရမယ့် ကားကောင်းလေးပါ။

t.me/cartoonmoviesmms/1758

တောသားတွေကိုဂျင်းထည့်တဲ့ ၂ ကောင် (၂၀၀၀)

IMDB - 7/10
Genre - Adventure

စွန့်စားခန်းတွေ၊ ရတနာရှာဖွေရေးတွေကို ကြိုက်တတ်တဲ့သူတွေအတွက် old but gold ဇာတ်ကားကောင်းလေးတပုဒ် တင်ဆက်ပေးလိုက်ပါတယ်။ အယ်လ်ဒိုရာဒို ဆိုတာက ရှေးနတ်ဘုရားတွေ ဖန်းဆင်းထားခဲ့ပြီး ရွှေအပြည့်နဲ့ ရွှေမြို့တော်ကြီးလို့ သိကြပါတယ်။ ဒါပေမဲ့ ဒီမြို့ကို တော်ရုံနဲ့တော့ ရှာမတွေ့နိုင်ဘူးပေါ့ဗျာ။ မီဂယ် နဲ့ တူလီယို ဟာဆိုရင် လောင်းကစားတောင်မှ လိမ်စားတဲ့ အကြံဖန်သမားတွေပဲ ဖြစ်ပါတယ်။ ကံကောင်းလား ဆိုးလားတော့မသိ၊ အယ်လ်ဒိုရာဒို ကို သွားတဲ့ မြေပုံကို လောင်းကစားလုပ်ရင်း ရခဲ့ပြီး ပြေးရင်းလွှားရင်းနဲ့ပဲ အဲ့မြို့တော်ကို ဆိုက်ဆိုက်မြိုက်မြိုက် ရောက်သွားပါတယ်။ ဘယ်လို ခိုးထုတ်ကြမလဲဆိုတာကိုတော့။

t.me/cartoonmoviesmms/1760

အစမ်းခန့်လေး အာကီနို (၂၀၂၃)

IMDb - 6.6/10
Genre - Drama

ပိတ်ရက်မှာ မိသားစုနဲ့အတူ ကြည့်ရှုခံစားဖို့ကောင်းတဲ့ ဂျပန် Anime ရုပ်ရှင်ကားလေး တင်ဆက်ပေးချင်ပါတယ်။ ဇာတ်လမ်းလေးကတော့ ခေါင်းစဉ်အတိုင်းကုန်တိုက်ကြီးတစ်ခုမှာ အစမ်းခန့်အနေနဲ့ စတင်အလုပ်လုပ်ရတဲ့ အကူဝန်ထမ်းမလေးအကြောင်းပါ။ ဇာတ်လမ်းအရ ဇာတ်လိုက်ကောင်မလေး အာကိနို က လူသားဆိုပေမဲ့ သူတို့ကုန်တိုက်ဆိုတာက တိရစ္ဆာန်အကောင်ပလောင် လာရောက်ဈေးဝယ်ကြတာမျိုးပါ။ လူသားတွေဆိုလို့ ဝန်ထမ်းတွေပဲ ရှိတာပေါ့။ အဲဒီမှာ အာကိနို တစ်ယောက် ဝန်ထမ်းလုပ်ရင်း ဘာတွေကြုံတွေ့ရမလဲ၊ အခက်အခဲတွေကိုဘယ်လိုကျော်လွှားမလဲဆိုတာကို ပေါ့ပေါ့ပါးပါး တင်ဆက်ပေးထားတာပဲ ဖြစ်ပါတယ်။ ဒီလိုပြောလို့ ဇာတ်လမ်းလေးက ရိုးရှင်းပေမဲ့ ဝန်ဆောင်မှုပေးတာနဲ့ပတ်သက်တဲ့ သင်ခန်းစာယူစရာလေးတွေ၊ အလုပ်ခွင်အတွေ့အကြုံလေးတွေရော ပါဝင်တာကြောင့် ကြည့်ရတာ အချိန်အလကား မကုန်စေရပါဘူးနော်။

t.me/cartoonmoviesmms/1762

ကျွန်တော့်ချစ်သူ စက်ရုပ်မလေး

အပိုင်းသစ် ၄

t.me/+2Am2Z-ICOBRmYTU1