အမွှေစိန် ပင်ကွင်း ၄ ကောင် (၂၀၁၄)

ဒီဇာတ်လမ်းလေးကတော့ စကစ်ပါ, ကိုဝါလစကီ, ရီကို နဲ့ ပရိုမက်ဗိတ် ဆိုတဲ့ပင်ဂွင်းလေးကောင်တို့ရဲ့ စွန့်စားခန်းလေးတွေအကြောင်းပါ။ ဇာတ်လမ်းအစမှာတော့ စကစ်ပါ, ကိုဝါလစကီ, ရီကို တို့ဟာ ပရိုမက်ဗိတ် ကို မွေးဖွားမှုပြဿနာကနေ ကယ်တင်ခဲ့ပြီး ပရိုမက်ဗိတ် ဟာ စကစ်ပါ, ကိုဝါလစကီ, ရီကို တို့နဲ့ မိသားစုဝင်ဖြစ်လာခဲ့ပါတယ်။ ပရိုမက်ဗိတ် က နယူးယောက်မြို့ကို ရောက်ရှိပြီး ပင်ဂွင်းတွေကို ရန်ငြိုးကြီးနေတဲ့ ရေဘဝဲ ဒေဗ် က ဖမ်းသွားပါတယ်။ နောက်ပိုင်းမှာ အဖွဲ့သားတွေနဲ့ ပရိုမက်ဗိတ် ပူးပေါင်းပြီး ရေဘဝဲ ဒေဗ် ရဲ့ ယုတ်မာမှုတွေကို အတူတွန်းလှန်ရာကနေ အကုန်လုံး ဖမ်းဆီးနိုင်ခဲ့ပါတယ်။ နောက်ပိုင်းမှာတော့ အဖွဲ့ရဲ့ အငယ်ဆုံးကောင်လေး ပရိုမက်ဗိတ် ဟာ ပင်ဂွင်းတွေအကုန်လုံးကို ရေဘဝဲ ဒေဗ် လက်မှ ကယ်တင်ခဲ့ပြီး ဟာသတွေ တပုံကြီးနဲ့ ကြည့်ရမှာဖြစ်ပါတယ်။ မြန်မြန် ဒေါင်းပြီး ကြည့်ကြဖို့ တိုက်တွန်းလိုက်ပါတယ်။

t.me/cartoonmoviesmms/1715

ကျွန်ုပ်ရဲ့ သူငယ်ချင်း တိုရိုရို (၁၉၈၈)

၁၉၅၈ ခုနှစ်မှာ တက္ကသိုလ်ပါမောက္ခ တက်ဆူအို ကုဆာကာဘေး နဲ့ သူ့ရဲ့ သမီး ၂ ယောက်အတူ ရွာလေးတစ်ရွာမှာ ရှိတဲ့ အိမ်ဟောင်းတစ်လုံးစီကို ပြောင်းလာခဲ့ပါတယ်။ မိန်းမဖြစ်သူက နာတာရှည်ရောဂါ ခံစားနေရတာကြောင့် မိန်းမဖြစ်သူတက်နေတဲ့ ဆေးရုံနဲ့ နီးတဲ့ အိမ်လေးကို ရွေးချယ်ခဲ့တာပါ။ တောရွာတစ်ခုဖြစ်တဲ့အတိုင်း မမြင်ရတဲ့ ပရလောကယုံကြည်မှုတွေလည်း ရှိနေပါတယ်။ ပထမဆုံး တွေ့ကြုံခဲ့တာကတော့ Susuwatari လို့ ခေါ်တဲ့ မည်းမည်းလုံးလုံး ကျပ်ခိုးကောင်လေးတွေပါပဲ။ လူမနေတဲ့ အိမ်ဟောင်းတစ်လုံးမှာ အဲ့ဒီ ကျပ်ခိုးကောင်လေးတွေ ရှိနေမှာ အသေအချာဖြစ်ပြီး လူတွေ ရောက်လာတာနဲ့ နောက်ထပ် အိမ်လွတ်တစ်လုံး ရှာဖွေဖို့ လေနဲ့အတူ လိုက်ပါသွားကြတယ်လို့ ယုံကြည်ကြတယ်။ နောက်ထပ် တွေ့ရတာကတော့ အငယ်မလေး မေး ဥယျာဉ်ထဲ ဆော့ကစားနေချိန်မှာပဲဖြစ်ပါတယ်။ ယုန်လေးလိုပဲ နားရွက်ရှည်ရှည်နဲ့ အကောင်လေးတစ်ကောင်နောက်ကို လိုက်ရင်း သစ်မြစ်ဆုံကြီးရဲ့ အခေါင်းပေါက်ကနေ လိမ့်ကျသွားပြီး သူတွင်းထဲ ကျသွားတဲ့ အခါ အကောင်ကြီးကြီး အမွေးပွပွနဲ့ ချစ်စရာကောင်းတဲ့ မီးခိုးရောင် သတ္တဝါတစ်ကောင်ကို တွေ့သွားခဲ့ပါတယ်။

t.me/cartoonmoviesmms/1717

ပိုကီမွန် - တောအုပ်ရဲ့လျှို့ဝှက်ချက် (၂၀၂၁)

ဇာရူဒ်တောအုပ်ထဲက စမ်းချောင်းနားမှာ ငိုနေတဲ့ Koko ကို ဇာရူဒ်နယ်ခံ ပိုကီမွန် တစ်ကောင်က သူနဲ့အတူ ခေါ်လာခဲ့ပါတယ်။ ဒါပေမဲ့ ဇာရူဒ်နယ်မြေကို အခြားသူတွေ ဝင်ခွင့်မရှိဘူးဆိုတဲ့ စည်းမျဉ်းကြောင့် Koko စွန့်ပစ်ရမှာ ဖြစ်ပေမဲ့လည်း ခေါ်ဆောင်လာပေးခဲ့တဲ့ ပိုကီမွန် က သူကိုယ်တိုင် ကလေးရဲ့ မိသားစုကိုရှာပေးမယ်ဆိုပြီး အုပ်စုကနေ ထွက်ခွာလာခဲ့တယ်။ အစမှာ သူဟာ Koko ကို လူသားတွေ နေတဲ့နေရာမှာ သွားထားဖို့ ကြံစည်ခဲ့ပေမဲ့ အခြေအနေအမျိုးမျိုးကြောင့် မထားဖြစ်ခဲ့ပါဘူး။ ပိုကီမွန် တစ်ယောက်က လူသားလေး Koko ကို သူ့သားအရင်းလိုမျိုးကိုယ်တိုင် စောင့်ရှောက်ခဲ့ပြီး လူသားဖြစ်ကြောင်းကို ဖုံးကွယ်ထားခဲ့တယ်။ ဒါပေမဲ့ အချိန်ကြာလာတဲ့အမျှ Koko တစ်ယောက် သူ့ကိုယ်သူ အခြားသူတွေနဲ့မတူညီတာနဲ့ပတ်သတ်ပြီး အမြဲသံသယဝင်ခဲ့ရာကနေ Ash နဲ့ တွေ့ဆုံတဲ့ချိန်မှာ သူဟာ လူသားတစ်ယောက်ဖြစ်တာ သိသွားပြီး သူ့မိဘအရင်းကို လိုက်ရှာဖို့ဖြစ်လာပါတော့တယ်။ Koko တစ်ယောက် သူ့မိဘတွေကို ရှာတွေ့မှာလား၊ ဇာရူဒ်တောအုပ်နဲ့ Koko မိဘတွေကြားမှာ ဘယ်လိုကိစ္စတွေ ပါဝင်ပတ်သတ်နေမှာလဲဆိုတာ စိတ်ဝင်တစား စောင့်ကြည့်ရမှာပဲ ဖြစ်ပါတယ်။

t.me/cartoonmoviesmms/1719

ဆာမူရိုင်းဝိညာဉ် (၂၀၂၁)

IMDB - 5.5/10
Genre - Action/ Adventure

ဒီကားဟာ ထူးထူးခြားခြားပဲ 2D ဇာတ်ကောင်တွေကို 3D နည်းဖြင့် ရေးဆွဲထားတာမို့ လှုပ်ရှားမှုတွေမှာ ချောမွေ့နေပြီး တစ်မျိုးလေး အမြင်ဆန်းစွာ ကြည့်ရှုရမှာပါ။ Anime ကို အနောက်တိုင်းဆန်ဆန်ကြည့်ရသလို ဂိမ်း Cutscenes တွေ ကြည့်နေရသလို အကြိုက်တွေ့စေပါလိမ့်မယ်။ ဇာတ်လမ်းကတော့ မေဂျီပြန်လည်ထူထောင်ရေးခေတ်ကို အခြေတည်ထားပေမယ့် ဆန်းပြားစွာပဲ လူသားတွေဟာ ဘီလူး၊ နတ်သူငယ်၊ လူပု၊ မှင်စာတွေနဲ့ အတူ ယှဉ်တွဲနေထိုင်နေတာကို တွေ့ရမှာပါ။ လူသား Ronin ဖြစ်တဲ့ အီဇို နဲ့ အကြွေးကြေသွားတဲ့ ဘီလူးတစ်ကောင် ဖြစ်တဲ့ ရိုင်ဒန်, နတ်သူငယ်မလေး ဆိုနျာ ကို သူမမျိုးနွယ်တွေရှိရာ မြောက်ဝင်ရိုးစွန်းဆီ ကာကွယ်ပို့ဆောင်ပေးရပုံကို ရိုက်ကူးထားတာပါ။ သူတို့သုံးယောက် လမ်းမှာ ရင်ဆိုင်ရမယ့် အန္တရာယ်အခက်အခဲတွေ၊ အီဇို ရဲ့ အတိတ်၊ နတ်သူငယ်တွေရဲ့ ထူးခြားတဲ့စွမ်းအင်၊ သူတို့ကိုလိုက်နေတဲ့ အဖွဲ့အစည်းတွေကြား အသက်ရှင်သန်အောင် ကြိုးစားဖြတ်သန်းပုံတွေကို စိတ်ဝင်စားဖွယ် တိုက်ခိုက်ခန်းများများနဲ့ တင်ဆက်ထားပါတယ်။

t.me/cartoonmoviesmms/1721

ငယ်ဘဝရဲ့ အိမ်မက် (၂၀၂၂)

IMDB - 7.2/10
Genre - Drama

၁၉၆၉ ခုနှစ်က လကမ္ဘာကို လူတွေ ရောက်သွားတဲ့ အချိန်မှာ လူတွေ ခံစားရတဲ့ ခံစားချက်ကို မတူညီတဲ့ ရှုထောင့် နှစ်မျိုးနဲ့ တင်ပြထားတာပါ။ အာကာသယာဉ်မှူးတွေရဲ့ အောင်ပွဲခံရတဲ့ အမြင်နဲ့ TV ဖန်သားပြင်ပေါ်မှာ ကြည့်နေကြတဲ့ လူသန်းပေါင်းများစွာလိုပဲ စိတ်လှုပ်ရှားနေခဲ့တဲ့ ကလေးတစ်ယောက်ရဲ့ အမြင်ကို ယှက်နွယ်ပြီး အသေအချာ ရိုက်ပြထားပါတယ်။ ဇာတ်ကြောင်းကတော့ လူတစ်ယောက်က သူအသက် ၁၀ နှစ်အရွယ်မှာ ၁၉၆၉ ခုနှစ် ဟူစတန်မှာ နေခဲ့ရတဲ့ ဘဝကို ဇာတ်ကြောင်း ပြန်ရင်း လကမ္ဘာကို သူကိုယ်တိုင် ရောက်သွားခဲ့တဲ့ အကြောင်းကို ပြန်ပြောထားတဲ့ ပုံ ဖြစ်ပါတယ်။ Animation သိပ်ကောင်းပြီး ၁၉၆၉ ခုနှစ်က အဖြစ်အပျက်တွေကို လှလှပပ ပုံဖော်ထားတာဖြစ်လို သေချာပေါက် ကြည့်သင့်တဲ့ ဇာတ်ကားလေး တစ်ကားဖြစ်ပါတယ်။

t.me/cartoonmoviesmms/1723

ငလက်မလေးများ (၂၀၁၃)

IMDB - 6.6/10
Genre - Adventure/ Family

မယ်ရီကက်သရင်း ဆိုတဲ့ ကောင်မလေးက သူ့အမေဆုံးပါးသွားလို့ တောထဲမှာသုတေသနလုပ်နေတဲ့ အဖေ့ဆီလာဖို့ ရောက်လာခဲ့ပါတယ်။ သူ့အဖေက တောထဲမှာ လူအသေးလေးတွေရှိတယ်ဆိုတဲ့အကြောင်းကို အရူးအမူးကိုယုံကြည်နေခဲ့ပြီး သူ့ယုံကြည်ချက်မှန်ကြောင်း သက်သေပြဖို့ ကြိုးစားနေခဲ့တာလည်း ဖြစ်ပါတယ်။ ဒါကို မယ်ရီကက်သရင်းက အဓိပ္ပါယ်မရှိဘူးဆိုပြီး မယုံကြည်ဖြစ်နေရာက သူကိုယ်တိုင် လူအသေးလေးတွေနဲ့ တွေ့ကြုံလိုက်ရတဲ့အခါ ဘယ်လို စွန့်စားခန်းတွေ၊ ဘယ်လို ပြဿနာတွေရင်ဆိုင်ရမလဲဆိုတာကို စိတ်ဝင်စားဖွယ် ကြည့်ရှုရမှာပါ။ သိပ်ကောင်းတဲ့ ဇာတ်ကားတစ်ကားဖြစ်တာမို့ အညွှန်းတွေများပြီး အရသာပျက်မှာ စိုးတာကြောင့် လူအသေးလေးတွေက ဘာလုပ်ကြတာလဲ၊ မယ်ရီ နဲ့ လူအသေးလေးတွေ ဘယ်လိုဆက်စပ်မှုရှိတာလဲ၊ သူတို့ ဘာကို ရင်ဆိုင်နေကြရတာလဲ ဆိုတာကို ကိုယ်တိုင်ပဲ ကြည့်ရှုခံစားကြည့်ဖို့ တိုက်တွန်းလိုက်ပါတယ်ခင်ဗျာ။

t.me/cartoonmoviesmms/1725

ရန်ဂို (၂၀၁၁)

IMDB - 7.2/10
Genre - Family

ရန်ဂို ဆိုတာ က ပုတ်သင်လေးတစ်ကောင်ရဲ့ နာမည်ပေါ့။ လောကကြီးအတွက်သူရဲကောင်း ဖြစ်ချင်နေတဲ့ စိတ်ကူးယဉ်သမား ပုတ်သင်လေးပေါ့။ သူ့ရဲ့ အကြီးမားဆုံးမျှော်လင့်ချက်က သူရဲကောင်းအဖြစ်နဲ့ မင်းသမီးလေးကို ကယ်တင်နိုင်ဖို့ပဲ ဖြစ်ပါတယ်။ မမျှော်လင့်ထားတဲ့ ဖြစ်ရပ်နဲ့ သူဟာ သဲကန္တာရထဲမှာ သောင်တင်ခဲ့ရပြီးတော့ ရေပြတ်လပ်မှု ပြသနာရှိတဲ့ မြို့ငယ်လေးကို ရောက်သွားတယ်။ ကိုယ်တိုင်ကသာ ဘာမှ မဟုတ်တာ၊ ပါးစပ်က တော်ကီ ကောင်းတဲ့ ကောင်ဆိုတော့ မြို့ခံလူတွေဆီက အထင်ကြီး ယုံကြည်မှုကို ယူနိုင်ခဲ့တယ်။ သူတို့ မြို့လေးကိုအဓိက ရန်ရှာနေတဲ့ ငှက်ကြီးကိုလည်း ရန်ဂို က လွဲချော်မှုတွေနဲ့ ရှင်းပစ်လိုက်နိုငလေတော့ ပိုပြီး အထင်ကြီးခံရတယ်။ မြို့လေးထဲက လူတွေက သူ့ကို သူရဲကောင်း အဖြစ် သတ်မှတ်လိုက်ပြီး သူတို့ မြို့ရဲ့ ဒုက္ခတွေကို ကယ်တင်နိုင်မယ့် သူအဖြစ် ကိုးစားလာကြတယ်ပေါ့ဗျာ။ သူရဲကောင်းဆောင်နေတဲ့ ရန်ဂို တစ်ယောက် မြို့က လူတွေ သိသွားတဲ့အခါ ဘယ်လို ပြသနာတွေ ကြုံတွေ့ရမှာလဲ၊ သူရဲကောင်းဆိုတာ ဘယ်လို အဓိပ္ပါယ်ဆိုတာကို နားလည်သွားနိုင်မှာလဲဆိုတာ စိတ်ဝင်စားစရာပါ။

t.me/cartoonmoviesmms/1727

လယ်ဗယ် 9999 စွမ်းအားရှင်

အပိုင်းသစ် ၄

t.me/+dUPn0cbUyNMzNTY1

Tou-gen An-ki Episode 15

t.me/+AVnihtHDQeQzNjg9

နောက်ဆုံးအနေနဲ့ တစ်ခုလောက်မေးလို့ရမလား (၂၀၂၅)

အပိုင်းသစ် ၅

t.me/+UNebFczYja1jZGZl

မှင်စာလေးများ (၂၀၁၄)

Animation ပရိတ်သတ်တွေအတွက် ဘော့စ်‌ထရွို့(စ်) ကာတွန်းဇာတ်ကားကို တင်ဆက်လိုက်ပါတယ်။ IMDb Rating (6.8/10) ရရှိထားတဲ့ ဇာတ်ကားဖြစ်လို့ ကာတွန်းကြိုက်ပရိတ်သတ်တွေ လက်လွတ်မခံသင့်တဲ့ ဇာတ်ကားပါ။

t.me/cartoonmoviesmms/1732

ဘာဘီလေးနှင့် ကလေးထိန်းစွန့်စားခရီး (၂၀၂၃)

ဘာဘီကားကြိုက်တဲ့သူတွေအတွက် လတ်လတ်ဆက်ဆက် အသစ်ထွက်ထားတဲ့ ဘာဘီ ဇာတ်ကားလေးလာပါပြီ။ ဒါပေမဲ့ ဒီကားလေးကတော့ ဘာဘီ ၏ ညီမဖြစ်တဲ့ စကစ်ပ်ပါ ရဲ့ ဇာတ်ကားလေးပါ။ နွေရာသီပိတ်ရက်မှာ ကလေးထိန်းစင်တာလေး ဖွင့်ထားတဲ့ စကစ်ပ်ပါ တစ်ယောက် အဆင်ပြေပြေ ကလေးထိန်းနိုင်ပါ့မလား။ ဘယ်လိုပြဿနာတွေဖြစ်ပြီး သူ့သူငယ်ချင်းတွေနဲ့ ဘယ်လိုရင်ဆိုင်ကြမလဲ ဆိုတာကတော့။

t.me/cartoonmoviesmms/1734

ငယ်စဉ်ဘဝ ကတိစကားများ (၂၀၀၄)

ကျွန်တော်တို့အားလုံး ရနံတွေနဲ့ကင်းလို့ရချင်ရမယ်။ အရောင်တွေနဲ့ကင်းလို့ရချင်ရမယ်။ အချစ်ဆိုတာကြီးကိုတော့ ကင်းကွာဖို့ ခဲယဉ်းလွန်းလှပါတယ်။ ဒီဇာတ်လမ်းလေးက ဒုတိယကမ္ဘာစစ်အပြီး 1996 ခုနှစ်မှာ ဖြစ်ပျက်ခဲ့တဲ့ကျောင်းသားလေးတစ်ယောက်နဲ့ ကျောင်းသူလေးတစ်ယောက်အကြောင်းကို ရိုက်ပြထားတာပါ။ ကျောင်းသား၊ ကျောင်းသူဘဝအစပိုင်းမှာ ရိုးစင်းစွာ ခင်ခဲ့ကြပေမယ့် နောက်ပိုင်းတော့ သူတို့နှလုံးတွေက သံစဉ်တွေ ပြောင်းကုန်တယ်။ သို့ပေမယ့် သာမန်သူငယ်ချင်းတွေလိုပဲ ဖြတ်သန်းခဲ့ကြတယ်။ သူတို့နေတဲ့နေရာမှာ မျှော်စင်ကြီးတစ်ခုရှိတယ်။ ငယ်ရွယ်တဲ့သူတွေအဖို့ အိပ်မက်တွေလည်းရှိကြတယ်။ အဲ့ဒါကတော့ လေယာဉ်တည်ဆောက်ဖို့ပါပဲ။ ပြီးတော့ ထူးခြားတဲ့ မျှော်စင်ရဲ့ လျို့ဝှက်ချက်ကို သူတို့ဖော်ဖို့ လုပ်နေတုန်းမှာပဲ ကောင်မလေးက ရုတ်တရက် ပျောက်သွားတယ်။ ကောင်မလေး ဘာကြောင့် ပျောက်သွားတာလဲ။ သူတို့ ပြန်လည် ဆုံတွေ့နိုင်ဦးမလား ဆိုတာကိုတော့ ခံစားကြည့်လိုက်ပါဦး။ အိပ်မက်ဆန် လှအလွန်းတဲ့ တိမ်ရှု့ခင်းတွေနဲ့ IMDb rating အနေနဲ့ 7.1 အထိ ရထားတဲ့ Drama, Romance, Sci-fi Anime ကောင်းတစ်ခုလည်း ဖြစ်ပါတယ်။

t.me/cartoonmoviesmms/1736

အခွံထဲက စိတ်ဝိညာဉ် (၁၉၉၅)

2029 ခုနှစ်မှာ နည်းပညာက အရမ်းထွန်းကားနေပါပြီ။ ဆိုင်ဘော့ဂ်(စ်) တွေကိုနေရာတိုင်းမှာ တွေ့မြင်နိုင်ပြီး လူတွေရဲ့ ဦးနှောက်က အင်တာနက်နဲ့ တိုက်ရိုက် ချိတ်ဆက်နိုင်တဲ့အထိ တိုးတက်နေတဲ့ ခေတ်ကာလပဲ ဖြစ်ပါတယ်။ တိုးတက်လာတဲ့ နည်းပညာနဲ့အတူ အန္တရာယ်တွေလည်း ပါလာပါတော့တယ်။ ပပ်ပက်မတ်စတာ ဟာ နည်းပညာကို အသုံးချပြီး လူတွေရဲ့ ဦးနှောက်ကို Hack နေတဲ့ Hacker ပဲ ဖြစ်ပါတယ်။ ဆိုင်ဘော့ဂ်ရဲမှုး မိုတိုကို ကာဆနဂီ နဲ့ သူ့အဖွဲ့ဟာ ပပ်ပက်မတ်စတာ နဲ့ ထိပ်တိုက် ရင်ဆိုင်ဖို့ ဖြစ်လာတဲ့အခါမှာတော့။

t.me/cartoonmoviesmms/1738

ဆိုးလ် ရထားဘူတာရုံ (၂၀၁၆)

ဆိုးလ် ရထားဘူတာကို ဗိုင်းရပ် ကူးနေတဲ့ အိမ်ယာမဲ့ တယောက် ရောက်လာတာကနေ တမြို့လုံးကို ပြန့်သွားပြီး လူတွေအကုန်လုံးနီးနီးကို ကူးကုန်ပါတယ်။ ဘူတာမှာ အိပ်ကြတဲ့ အိမ်ယာမဲ့တချို့နဲ့ မြို့က လူတချို့ပဲ အသက်ရှင် ကျန်ပါတော့တယ်။ ဟီဆန် ဆိုတဲ့ ကောင်မလေးကလည်း သူ့ရည်းစားနဲ့ စကားများပြီး ဘူတာကို ရောက်လာပြီး ဗိုင်းရပ်ကူးထားတဲ့ လူတွေ လိုက်လို့ ပြေးရင်းနဲ့ ဒုက္ခရောက်နေလို့ သူ့ကောင်လေးနဲ့ သူ့အဖေက လိုက်ရှာကြပါတယ်။ အဲ့ဖြစ်စဉ်တစ်ခုမှာ သူမကိုရော သူ့အဖေနဲ့ သူ့ကောင်လေးက ရှာတွေ့ပါ့မလား။ ဗိုင်းရပ်ကူးထားတဲ့ လူတွေကိုရော ဘယ်လို ရှင်းကြမလဲ ဆိုတာကတော့။ ထရိန် တု ဘုဆန် လိုပဲ စိတ်လှုပ်ရှားစရာ ဇာတ်ကားကောင်းလေး တစ်ကား ဖြစ်ပါတယ်။ ကြည့်ရှုအားပေးကြပါဦး ခင်ဗျာ။

t.me/cartoonmoviesmms/1740