သူငယ်ချင်း ၄ ယောက်စွန့်စားခန်း (၂၀၀၅)

မာတီ ဆိုတဲ့ မြင်းကျားလေးရယ်၊ အဲလက်စ် ဆိုတဲ့ ခြင်္သေ့ရယ်၊ မယ်လ်မန်း ဆိုတဲ့သစ်ကုလားအုတ်ရယ်၊ ဂလော်ရီရာ ဆိုတဲ့ ရေမြင်းမလေးရယ် သူတို့ ၄ ကောင်ဟာ နယူးယော့ခ်တိရစ္ဆာန်ရုံက တိရစ္ဆာန်လေးတွေဖြစ်ပါတယ်။ တစ်နေ့မှာ တိရစ္ဆာန်ရုံက ပင်ဂွင်း ၄ ကောင်က အန္တာတိကတိုက်ကို ထွက်ပြေးဖို့ ကြိုးစားနေကြတာကို မာတီ တွေ့လိုက်ရာက “ငါတို့လည်း အရိုင်းတောထဲမှာ တောရိုင်းသတ္တဝါတွေနဲ့ သွားရင် ပျော်စရာကောင်းမယ်” လို့ အတွေးရသွားပါတော့တယ်။ သူ့မွေးနေ့မှာ ကျန်တဲ့ သူငယ်ချင်း ၃ ယောက်က မွေးနေ့လုပ်ပေးပြီး လက်ဆောင်တွေ ပေးကြပေမဲ့ သူမပျော်တော့ပါဘူး၊ အကုန်လုံးက မဖြစ်နိုင်တဲ့အကြောင်း ပြောကြပါတယ်။ သူတို့ အိပ်သွားတဲ့အချိန်မှာ တစ်ယောက်တည်း ထွက်သွားဖို့ ဆုံးဖြတ်လိုက်ပြီး သူသွားတာကို တရေးနိုး အပေါ့သွားတဲ့ မယ်လ်မန်း က သိသွားပြီး အဲလက်စ် နဲ့ ဂလော်ရီရာ ကို ပြောပြလိုက်ပါတယ်။ ဒီလိုနဲ့ သူတို့တွေ မာတီ နောက်ကို လိုက်ရင်း လူတွေ မိသွားတဲ့အခါ တိရစ္ဆာန်ရုံ ပြောင်းခံရပြီး လမ်းမှာ သင်္ဘောပေါ်က ပြုတ်ကျကာ လူသူမရှိတဲ့ ကျွန်းတစ်ကျွန်းကို ရောက်သွားပါတော့တယ်။ အဲကျွန်းမှာ သူတို့ ဘာတွေနဲ့ ရင်ဆိုင်ရမလဲ၊ သူတို့ သူငယ်ချင်း ၄ ယောက်ဟာ အရင်လို ချစ်ချစ်ခင်ခင်နဲ့ ရှိနိုင်ပါ့မလား ဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1697

သူငယ်ချင်း ၄ ယောက်စွန့်စားခန်း ၂ (၂၀၀၈)

t.me/cartoonmoviesmms/1699

သူငယ်ချင်း ၄ ယောက်စွန့်စားခန်း ၃ (၂၀၁၂)

မာဒါဂတ်စကား လို့ ပြောလိုက်တာနဲ့ တလွဲတွေလုပ် ဟာသတွေဖြစ်နေတတ်တဲ့ ခြင်္သေ့ကြီး အလက်စ် နဲ့ သူ့သူငယ်ချင်းတွေဖြစ်ကြတဲ့ မြင်းကျား မာတီ သစ်ကုလားအုတ် မယ်လ်မန် နဲ့ ရေမြင်းမကြီး ဂလိုးရီးယာ တို့ကို ပြေးမြင်မိကြဦးမှာပါ။ ဒီနောက်ဆုံးထွက် အီရိုပ်စ် မိုက်စ် ဝေါ့န့်တက် မှာဆိုရင် အလက်စ် နဲ့ သူ့သူငယ်ချင်းတွေဟာ သူတို့ရဲ့ အိမ်ဖြစ်တဲ့ နယူးယောက် ဆင်ထရယ်ပါတ်ဇူး ကို ပြန်ဖို့ ကြိုးစားနေကြတုန်းပါ။ ဒါပေမဲ့ မောင်တေး ကာစီနို မှာ ဘဏ်ဖောက်ဖို့ ကြိုးစားနေတဲ့ ပင်ဂွင်းနဲ့ မျောက်တွေကို သွားခေါ်ရဖို့ အကြောင်းဖန်လာပါတယ်။ အဲ့လိုနဲ့ ပြင်သစ်က တိရစ္ဆာန်ထိန်းချုပ်ရေးအရာရှိမကြီး ဒူဘွာ နဲ့ တွေ့တဲ့အခါမှာ အလက်စ် တို့ မမျှော်လင့်တဲ့ အခြေအနေတွေနဲ့ ကြုံရပြန်ပါတယ်။ အလက်စ် တို့ သူတို့ရဲ့ အိမ်ကို ပြန်ရောက်နိုင်ပါ့မလား၊ ဒူဘွာ ကြီးက ဘယ်လိုတွေ တားဆီးမလဲဆိုတာကို အရှေ့က မာဒါဂတ်စကား ၁ & ၂ အတိုင်း ပရိသတ်များကို စိတ်မပျက်စေဘဲ ချစ်စရာ ဟာသဆန်ဆန် တိရစ္ဆာန်လေးတွေကို ကြည့်ရှုရမှာဖြစ်ပါတယ်။

t.me/cartoonmoviesmms/1701

မွန်းစတားအိမ်ကြီး (၂၀၀၆)

IMDB - 6.6/10
Genre - Horror/ Comedy

အမြဲမှန်ပြောင်းတစ်ခုနဲ့ အလုပ်ရှုပ်နေတတ်တဲ့ DJ တစ်ယောက်က သူ့အိမ်ရှေ့အိမ်ကို အမြဲစူးစမ်းနေတတ်ပါတယ်။ အမြဲတိတ်ဆိတ်ပြီး ကလေးတွေကို မနှစ်သက်၊ ကလေးတွေလာရင် မောင်းထုတ်တဲ့ မစ္စတာ နက်ဘာ-ခရကာ ရဲ့ အိမ်ကြီးကကလေးတွေကို တော်တော်မုန်းတဲ့သူပါ။ ကလေးတွေကလည်း သူ့ကို ကြောက်ကြပြီး သူ့ကို မကြည့်ချင်တဲ့ လူဆိုးလေးတွေကလည်း အိမ်ကို နည်းမျိုးစုံနဲ့ နှောက်ယှက်ကြပါတယ်။ ကလေးတွေ အများဆုံး လမ်းပေါ်ထွက်တဲ့ ဟော်လိုဝင်း ကာလဆိုတာကလည်း မစ္စတာ နက်ဘာ-ခရကာ အတွက် အမုန်းဆုံးအချိန်ဖြစ်လာပါတယ်။ ဒါပေမယ့် သူဘာလို့ ဒီလောက်တောင် ပစ်ပစ်ခါခါဖြစ်နေရတာလဲဆိုတဲ့ နောက်ကွယ်က အကြောင်းအရင်းလေးတွေရှိသေးတယ်။ ဒီလိုအကြောင်းအရာတွေကို ဖော်ထုတ်ဖို့ အကြောင်းဖန်လာတော့ DJ တို့နဲ့ ကလေးတစ်သိုက်ကဘယ်လိုတွေ လုပ်ကြမယ်ဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1703

နေရောင်ခြည် ကောင်မလေး (၂၀၁၉)

“နေရောင်ခြည်ကို မမြင်ရတော့ရော ဘာဖြစ်လဲ?? ကောင်းကင်ပြာကြီးထက် နင့်ကို ပိုပြီး လိုချင်တယ်” ဆိုတဲ့ စကားက ၁၆ နှစ်သားကောင်လေး ဟိုဒါကာ ရဲ့ မိုက်ရူးရဲစကားတစ်ခွန်းဖြစ်ပြီး ဒီစကားတစ်ခွန်းကပဲ ကမ္ဘာကြီးတစ်ခုလုံးကို ပြောင်းလဲပစ်လိုက်တာနဲ့ သက်ဆိုင်နေပါတယ်။ ဟုတ်ပါတယ်၊ ဟိုဒါကာ ဆိုတဲ့ ကောင်လေးက အဲ့ဒီစကားနဲ့အညီ လုပ်ချသွားခဲ့ပြီး ကိုယ်ချစ်ရသူနဲ့ ကမ္ဘာကြီးတစ်ခုလုံးကို ဘယ်ဟာကိုရွေးမလဲဆိုရင် မိုက်ရူးရဲဆန်ဆန်နဲ့ ကိုယ့်ရဲ့ချစ်သူကို ရွေးခဲ့ပါတယ်။ ကျွန်တော်တို့လည်း အဲ့ဒီ ၁၆ နှစ်သားကောင်လေးလို မိုက်ရူးရဲဆန်ခဲ့ဖူးကြတာရှိမယ်လို့ ထင်ပါတယ်။ ဟိုဒါကာ ဆိုသူက သူနေတဲ့ ကျွန်းမြို့လေးကနေ တိုကျိုမြို့ကြီး ဆီကို ထွက်ပြေးလာတဲ့ ၁၆ နှစ်အရွယ် အိမ်ပြေးကောင်လေးဖြစ်ပြီး အာမာနို ဟီနာ ဆိုတဲ့ ကောင်မလေးကတော့ တိုကျိုမြို့ကြီးမှာ အချိန်ပိုင်းအလုပ်လုပ်ပြီး ဘဝကို ထိန်းကျောင်းနေသူဖြစ်ပါတယ်။ တိုကျိုမြို့ကြီးမှာ အသက်မပြည့်သေးတဲ့ ကလေးတွေအတွက် အလုပ်ရဖို့ အရမ်းခဲယဉ်းသလို ဟိုဒါကာ အနေနဲ့ တိုကျိုမြို့ကြီးမှာ ဒုက္ခပင်လယ်ဝေပြီး အခက်အခဲတွေကြုံခဲ့ရပါတယ်။ ဒါပေမဲ့ တစ်နေ့မှာ ဟီနာ ဆိုတဲ့ ကောင်မလေးနဲ့ အမှတ်မထင်တွေ့ဆုံပြီး အလွန်ထူးခြားတဲ့ အစပျိုးမှုတွေ စတင်ခဲ့တာဖြစ်ပါတယ်။

t.me/cartoonmoviesmms/1705

ပျောက်ဆုံးနေသော မင်းသမီးလေး (၂၀၁၇)

ငယ်ရွယ်တဲ့ မင်းသားလေးဟာ အိမ်နီးချင်းနိုင်ငံရဲ့ မင်းသမီး‌လေးပျောက်ဆူံမှုမှာ ရှာဖွေဖို့ တာ၀န်ပေးအပ်ခြင်း ခံရပါတယ်။ ရှာဖွေနေတုန်းမှာပဲ နဂါးတကောင်ဟာ ထူးဆန်းစွာပဲ သူ့ရဲ့ခရီးစဉ်မှာ ပူးပေါင်းလာခဲ့ပါတယ်။ နဂါးလေးက ဘာလို့ မင်းသမီးလေးကို ကူရှာတာလဲ။ မင်းသားလေးကရော မင်းသမီးလေးကို တွေ့မှာလား။

t.me/cartoonmoviesmms/1707

မျိုးဆက်သစ် (၂၀၁၈)

IMDB - 6.8/10
Genre - Sci-fi, Family

မေ ဆိုတဲ့ကောင်မလေးဟာ သူငယ်ငယ်ကတည်းက အဖေနဲ့ အမေ ကွဲသွားတာကို ကိုယ်တိုင်မြင်တွေ့ခဲ့ရသူဖြစ်ပြီး အဖေကို လွမ်းတဲ့စိတ်၊ နာကျည်းတဲ့စိတ်နဲ့ကြီးပြင်းလာခဲ့ပါတယ်။ အမေဖြစ်သူကလည်း ယောကျ်ားနဲ့ကွဲကွာသွားပြီးနောက် စက်ရုပ်တွေကို သူ့အတွက် စိတ်ထွက်ပေါက်အဖြစ် ခံယူခဲ့ပြီး သမီးထက် စက်ရုပ်တွေကိုပို အလေးပေးခဲ့ပါတယ်။ ဒီအချက်တွေကြောင့် မေ က စက်ရုပ်တွေကိုစိတ်နာမုန်းတီးနေပြီး စက်ရုပ်တွေအပေါ် အရမ်းအားကိုးအားထားသူတွေကို အလိုလိုမုန်းတီးနေခဲ့တာပါ။ တစ်ဖက်မှာလည်း Gen 6 Q-Bots စက်ရုပ်တွေက လူတိုင်းမရှိမဖြစ် လိုချင်တဲ့ အိမ်သုံးစက်ရုပ်လေးတွေဖြစ်လာခဲ့ပါတယ်။ အဲ့ဒီစက်ရုပ်တွေကို တီထွင်သူကတော့ ဒေါက်တာ တန်နာရိုက်စ် ဖြစ်ပြီး သူဟာ ဒီ Gen 6 စက်ရုပ်တွေကို အလွဲသုံးစားလုပ်မယ့် CEO ကြီး ဂျက်စတင်ပင် ရဲ့ အန္တရာယ်ကို သိရှိနေခဲ့ပါတယ်။ အဲ့ဒါကြောင့်ပဲ သူက Q-Bots တွေထက် ပိုအဆင့်မြင့်တဲ့စက်ရုပ်တစ်ရုပ်ကို တိတ်တခိုး ဖန်တီးခဲ့ပြီး အဲ့ဒီစက်ရုပ်နဲ့ မေ တို့ အမှတ်မထင်တွေ့ဆုံသွားတဲ့အခါ။ ဘာတွေဆက်ဖြစ်ကြမလဲ၊ ဂျက်စတင်ပင် ရဲ့ အစီအစဉ်က ဘယ်လိုလဲ၊ အပြင် ဒေါက်တာ တန်နာရိုက်စ် ရဲ့ စက်ရုပ်က ဘယ်လိုစက်ရုပ်မျိုးလဲဆိုတာကိုတော့ ဇာတ်ကားထဲမှာ စိတ်ဝင်စားစွာ ကြည့်ရှုရမှာပဲ ဖြစ်ပါတယ်။

t.me/cartoonmoviesmms/1711

ရှိုးတိုးရှန့်တန့် ရင်ခုန်သံ

အပိုင်းသစ် ၄

t.me/+2_CGpmUv0VkwNjg1

ကြယ်ကလေးရဲ့ချစ်ပုံပြင်

အပိုင်းသစ် ၄

t.me/+1UHRCK4f_WBiMDI9

အမွှေစိန် ပင်ကွင်း ၄ ကောင် (၂၀၁၄)

ဒီဇာတ်လမ်းလေးကတော့ စကစ်ပါ, ကိုဝါလစကီ, ရီကို နဲ့ ပရိုမက်ဗိတ် ဆိုတဲ့ပင်ဂွင်းလေးကောင်တို့ရဲ့ စွန့်စားခန်းလေးတွေအကြောင်းပါ။ ဇာတ်လမ်းအစမှာတော့ စကစ်ပါ, ကိုဝါလစကီ, ရီကို တို့ဟာ ပရိုမက်ဗိတ် ကို မွေးဖွားမှုပြဿနာကနေ ကယ်တင်ခဲ့ပြီး ပရိုမက်ဗိတ် ဟာ စကစ်ပါ, ကိုဝါလစကီ, ရီကို တို့နဲ့ မိသားစုဝင်ဖြစ်လာခဲ့ပါတယ်။ ပရိုမက်ဗိတ် က နယူးယောက်မြို့ကို ရောက်ရှိပြီး ပင်ဂွင်းတွေကို ရန်ငြိုးကြီးနေတဲ့ ရေဘဝဲ ဒေဗ် က ဖမ်းသွားပါတယ်။ နောက်ပိုင်းမှာ အဖွဲ့သားတွေနဲ့ ပရိုမက်ဗိတ် ပူးပေါင်းပြီး ရေဘဝဲ ဒေဗ် ရဲ့ ယုတ်မာမှုတွေကို အတူတွန်းလှန်ရာကနေ အကုန်လုံး ဖမ်းဆီးနိုင်ခဲ့ပါတယ်။ နောက်ပိုင်းမှာတော့ အဖွဲ့ရဲ့ အငယ်ဆုံးကောင်လေး ပရိုမက်ဗိတ် ဟာ ပင်ဂွင်းတွေအကုန်လုံးကို ရေဘဝဲ ဒေဗ် လက်မှ ကယ်တင်ခဲ့ပြီး ဟာသတွေ တပုံကြီးနဲ့ ကြည့်ရမှာဖြစ်ပါတယ်။ မြန်မြန် ဒေါင်းပြီး ကြည့်ကြဖို့ တိုက်တွန်းလိုက်ပါတယ်။

t.me/cartoonmoviesmms/1715

ကျွန်ုပ်ရဲ့ သူငယ်ချင်း တိုရိုရို (၁၉၈၈)

၁၉၅၈ ခုနှစ်မှာ တက္ကသိုလ်ပါမောက္ခ တက်ဆူအို ကုဆာကာဘေး နဲ့ သူ့ရဲ့ သမီး ၂ ယောက်အတူ ရွာလေးတစ်ရွာမှာ ရှိတဲ့ အိမ်ဟောင်းတစ်လုံးစီကို ပြောင်းလာခဲ့ပါတယ်။ မိန်းမဖြစ်သူက နာတာရှည်ရောဂါ ခံစားနေရတာကြောင့် မိန်းမဖြစ်သူတက်နေတဲ့ ဆေးရုံနဲ့ နီးတဲ့ အိမ်လေးကို ရွေးချယ်ခဲ့တာပါ။ တောရွာတစ်ခုဖြစ်တဲ့အတိုင်း မမြင်ရတဲ့ ပရလောကယုံကြည်မှုတွေလည်း ရှိနေပါတယ်။ ပထမဆုံး တွေ့ကြုံခဲ့တာကတော့ Susuwatari လို့ ခေါ်တဲ့ မည်းမည်းလုံးလုံး ကျပ်ခိုးကောင်လေးတွေပါပဲ။ လူမနေတဲ့ အိမ်ဟောင်းတစ်လုံးမှာ အဲ့ဒီ ကျပ်ခိုးကောင်လေးတွေ ရှိနေမှာ အသေအချာဖြစ်ပြီး လူတွေ ရောက်လာတာနဲ့ နောက်ထပ် အိမ်လွတ်တစ်လုံး ရှာဖွေဖို့ လေနဲ့အတူ လိုက်ပါသွားကြတယ်လို့ ယုံကြည်ကြတယ်။ နောက်ထပ် တွေ့ရတာကတော့ အငယ်မလေး မေး ဥယျာဉ်ထဲ ဆော့ကစားနေချိန်မှာပဲဖြစ်ပါတယ်။ ယုန်လေးလိုပဲ နားရွက်ရှည်ရှည်နဲ့ အကောင်လေးတစ်ကောင်နောက်ကို လိုက်ရင်း သစ်မြစ်ဆုံကြီးရဲ့ အခေါင်းပေါက်ကနေ လိမ့်ကျသွားပြီး သူတွင်းထဲ ကျသွားတဲ့ အခါ အကောင်ကြီးကြီး အမွေးပွပွနဲ့ ချစ်စရာကောင်းတဲ့ မီးခိုးရောင် သတ္တဝါတစ်ကောင်ကို တွေ့သွားခဲ့ပါတယ်။

t.me/cartoonmoviesmms/1717

ပိုကီမွန် - တောအုပ်ရဲ့လျှို့ဝှက်ချက် (၂၀၂၁)

ဇာရူဒ်တောအုပ်ထဲက စမ်းချောင်းနားမှာ ငိုနေတဲ့ Koko ကို ဇာရူဒ်နယ်ခံ ပိုကီမွန် တစ်ကောင်က သူနဲ့အတူ ခေါ်လာခဲ့ပါတယ်။ ဒါပေမဲ့ ဇာရူဒ်နယ်မြေကို အခြားသူတွေ ဝင်ခွင့်မရှိဘူးဆိုတဲ့ စည်းမျဉ်းကြောင့် Koko စွန့်ပစ်ရမှာ ဖြစ်ပေမဲ့လည်း ခေါ်ဆောင်လာပေးခဲ့တဲ့ ပိုကီမွန် က သူကိုယ်တိုင် ကလေးရဲ့ မိသားစုကိုရှာပေးမယ်ဆိုပြီး အုပ်စုကနေ ထွက်ခွာလာခဲ့တယ်။ အစမှာ သူဟာ Koko ကို လူသားတွေ နေတဲ့နေရာမှာ သွားထားဖို့ ကြံစည်ခဲ့ပေမဲ့ အခြေအနေအမျိုးမျိုးကြောင့် မထားဖြစ်ခဲ့ပါဘူး။ ပိုကီမွန် တစ်ယောက်က လူသားလေး Koko ကို သူ့သားအရင်းလိုမျိုးကိုယ်တိုင် စောင့်ရှောက်ခဲ့ပြီး လူသားဖြစ်ကြောင်းကို ဖုံးကွယ်ထားခဲ့တယ်။ ဒါပေမဲ့ အချိန်ကြာလာတဲ့အမျှ Koko တစ်ယောက် သူ့ကိုယ်သူ အခြားသူတွေနဲ့မတူညီတာနဲ့ပတ်သတ်ပြီး အမြဲသံသယဝင်ခဲ့ရာကနေ Ash နဲ့ တွေ့ဆုံတဲ့ချိန်မှာ သူဟာ လူသားတစ်ယောက်ဖြစ်တာ သိသွားပြီး သူ့မိဘအရင်းကို လိုက်ရှာဖို့ဖြစ်လာပါတော့တယ်။ Koko တစ်ယောက် သူ့မိဘတွေကို ရှာတွေ့မှာလား၊ ဇာရူဒ်တောအုပ်နဲ့ Koko မိဘတွေကြားမှာ ဘယ်လိုကိစ္စတွေ ပါဝင်ပတ်သတ်နေမှာလဲဆိုတာ စိတ်ဝင်တစား စောင့်ကြည့်ရမှာပဲ ဖြစ်ပါတယ်။

t.me/cartoonmoviesmms/1719