အ​​​တော်ဆိုးတဲ့ လင်မယား (၂၀၂၅)

တစ်ခါက တစ်လောကလုံးကို မုန်းပြီး ဘယ်သူနဲ့မှမတည့်၊ အချင်းချင်းလည်း မတည့်ပြန်တဲ့ တွစ်လင်မယားနှစ်ယောက် ရှိပါတယ်။ သူတို့နှစ်ယောက်ကိုသဘောထားတိုက်ဆိုင်စေပြီး သူတို့ချစ်တဲ့အရာဆိုလို့ သူတို့ခြံနောက်က တွစ်လန်ဒီယား ဆိုတဲ့ ကစားကွင်းကြီးသာ ရှိပါတယ်။ သူတို့က ဒီကစားကွင်းကြီးကို ဖွင့်ပြီး ကြီးပွားချင်တာပါ။ ဒါပေမဲ့ ကစားကွင်းကြီး မဖွင့်ရသေးခင်မှာပဲ “သတ်မှတ်ချက်တွေနဲ့ မကိုက်ညီဘူး၊ အန္တရာယ်ရှိတယ်” ဆိုတဲ့အကြောင်းနဲ့ မြို့တော်ကကစားကွင်းကို လာပိတ်သွားခဲ့ပါတယ်။ ဒါကို မကျေနပ်တဲ့ တွစ် တို့က တစ်မြို့လုံးကို ဒုက္ခပြန်ပေးဖို့ ကြံစည်ပါတော့တယ်။ ဒီမသမာမှုမှာ ဘီရှာ နဲ့ ဘက်စီ ဆိုတဲ့ မိဘမဲ့ကလေးလေးနှစ်ယောက် ပါဝင်လာပြီး သူတို့နှစ်ယောက်က တွစ် တို့ရဲ့ အကြံတွေ အထမမြောက်အောင် လိုက်လံတားဆီးပါတော့တယ်။

t.me/cartoonmoviesmms/1658

ပုရွက်‌ဆိတ်ကောင်ကလေး (၂၀၀၆)

လူကတ်စ် ဆိုတဲ့ကောင်လေးတစ်ယောက်က သူ့ထက် သန်မာတဲ့ ကောင်လေးတစ်ယောက်ရဲ့ အနိုင်ကျင့်တာတွေကို ခံရလေ့ရှိတယ်။ အဲ့တော့ လူကတ်စ် လေးက သူ့ရဲ့ ဒေါသတွေ၊ စိတ်ပျက်မှုတွေကို အပြစ်မဲ့တဲ့ ပုရွက်ဆိတ်လေးတွေအပေါ်ပျက်စီးဖျက်ဆီးခဲ့မိတယ်။ ဒါပေမဲ့ ကျိန်စာတစ်ခုက သူ့ကို အသေးငယ်ဆုံး အရွယ်အစားအထိ ကျုံ့သွားတဲ့အခါမှာတော့ သူ၏ အဆိုးဆုံးသော အကြောက်တရားတွေ ရှင်သန်လာခဲ့ပါတော့တယ်။

t.me/cartoonmoviesmms/1663

မှင်စာ‌လေးများ - ကမ္ဘာလှည့် ဖျော်ဖြေပွဲ (၂၀၂၀)

ထရော့စ် ဆိုတဲ့ ကာတွန်းရုပ်ရှင်လေးကို မှတ်မိကြသေးလားမသိဘူး။ သီချင်းလေးတွေ လှလှပပလေးနဲ့ ဇာတ်လမ်းကောင်းကောင်းလေးလေ။ အခုအဲဒီ ထရော့စ် ရဲ့ အဆက်လာပါပြီ။ ဒီတစ်ခါတော့ မှင်စာလေးတွေရဲ့ ကမ္ဘာကြီးကို ချဲ့ပြလိုက်ပါပြီ။ ပေါ့ပီ နဲ့ ဘရန့်ခ်် တို့ဟာ သူတို့နေထိုင်တဲ့ မှင်စာမျိုးနွယ်စုဟာ ကမ္ဘာကြီးတစ်ခုလို ထင်ထားပေမယ့် မဟုတ်ခဲ့ပါဘူး။ အခြားသော မှင်စာမျိုးနွယ်လေးတွေ ရှိပါသေးတယ်။ အဲဒီမျိုးနွယ်တွေက တကယ်တော့ ဂီတအမျိုးအစားအပေါ် အကြိုက်မတူကြလို့ ရှေးရှေးတုန်းက လမ်းခွဲခဲ့ကြတဲ့ မျိုးနွယ်တွေပါပဲ။ ဟာ့ဒ်ရော့ခ်၊ ကလက်စစ်ကယ်၊ တက်ခ်နို၊ ကန်းထရီး၊ ဖန့်ခ်၊ ပေါ့ပ် ဆိုပြီး ၆ ခု ကွဲနေကြတာပါ။ ပေါ့ပီ တို့ကတော့ ပေါ့ပ်မျိုးနွယ်စုပါပဲ။ ဟာ့ဒ်ရော့ခ်မျိုးနွယ်စုရဲ့ ဘုရင်မ ဘာ့ဘ် က မျိုးနွယ်အားလုံးကို အနိုင်ယူပြီး မှင်စာအားလုံးကို ရော့ခ်ဂီတတစ်ခုတည်းအောက်မှာ အုပ်ချုပ်ဖို့ ကြိုးစားလာတဲ့အခါ ပေါ့ပီ နဲ့ ဘရန့်ခ်် တို့ စွန့်စားခန်းတွေ ထပ်ဖွင့်ပြီး ဘာ့ဘ် ကို တားဖို့ ကြိုးစားရပါတော့တယ်။ ဇာတ်လမ်းဖတ်မိတာနဲ့ ဒီတစ်ခါ ဂီတအစုံနားထောင်ရတော့မယ်ဆိုတာကို ကြိုသိမှာပါ။ ဇာတ်လမ်းကလည်း အတော်ကောင်းတာမို့ အားရပါးရ ကြည့်ပြီး အပန်းဖြေလို့ ရပါပြီ။

t.me/cartoonmoviesmms/1667

မှော်ဝင်စုတ်တံ (၂၀၁၄)

ဒီကာတွန်းကားလေးဟာ တရုတ်ရိုးရာပုံပြင်လေးထဲက တစ်ခုဖြစ်ပြီး ၂၀၁၄ ခုနှစ်မှာ ထွက်ရှိခဲ့တဲ့ ကားလေးဖြစ်ပါတယ်။ မာလီယန် ဟာ ပန်းချီဆွဲရတာကို နှစ်ခြိုက်တဲ့ ကလေးလေးဖြစ်ပြီး Hundred Flower Village မှာ နေထိုင်ပါတယ်။ တစ်ရက်မှာတော့ နတ်ဘုရားဆီကနေ မှော်စုတ်တံ ရခဲ့ပြီး မှော်စုတ်တံအစွမ်းနဲ့ ဒုက္ခရောက်သူတွေကို ကယ်တင်ပေးနေခဲ့ပါတယ်။ တစ်ဖက်မှာလည်း စစ်သူကြီးဟာ သူတိုရွာအောက်ခြေက ရွှေတွင်းကို တူးယူဖို့အရေး ရွာသားတွေ ထွက်သွားအောင် နည်းမျိုးစုံနဲ့ နှိပ်စက်လာတဲ့အခါ မာလီယန် လေးက မှော်စုတ်တံနဲ့ ဘယ်လိုတွေကယ်တင်ပေးမလဲ၊ လောဘသားကောင်တောရဲ့ နိဂုံးကရော ဘယ်လို ဖြစ်သွားမလဲ ဆိုတာ ပေါ့ပေါ့ပါးပါး ကြည့်ရှုရမှာ ဖြစ်ပါတယ်။

t.me/cartoonmoviesmms/1669

ပူးလေးတို့ တပ်ဖွဲ့ (၂၀၀၉)

ပူးလေးတွေကို ချစ်တတ်သူဆိုရင်လည်း ဒီကားလေးကို လက်မလွှတ်သင့်ပါဘူးနော်။ ဇာတ်လမ်းအကျဉ်းလေးကတော့ ဒါဝင်၊ အောရက်စ်၊ ဘလက်စတာ နဲ့ စပါ့ကယ်လ် တို့ဟာ စနစ်တကျ လေ့ကျင့်ပေးထားတဲ့ ပူးလေးတွေပဲ ဖြစ်ပါတယ်။ သူတို့ကို ထိန်းကျောင်းပေးသူကတော့ ဘန်ပေါ့။ သူတို့အဖွဲ့ကို ဂျီ-ဖိုးစ် လို့ ခေါ်ပြီး သူတို့ဟာ အစိုးရဘက်က လိုက်နေတဲ့ အမှုကြီးတစ်ခုမှာ ပါဝင်အားဖြည့် စုံစမ်းရတာ ဖြစ်ပါတယ်။ ဒါပေမယ့် သူတို့ရဲ့ စုံစမ်းမှုမှာ အလွဲလေး ဖြစ်သွားပြီး အစိုးရက ဂျီ-ဖိုးစ် ကို ထပ်ပြီး မထောက်ပံ့တော့အောင် ပြန်သတ်မှတ်လိုက်တဲ့အခါ ဒါဝင် တို့ကိုပါ ထိန်းချုပ်ဖို့ ကြိုးစားပါတော့တယ်။ ဒီလိုနဲ့ ဒါဝင် တို့ လေးကောင်လည်း ရန်သူတွေလက်က လွတ်အောင် ပြေးပြီး သူတို့ စုံစမ်းခဲ့တဲ့ အမှုက မမှားကြောင်း သက်သေ ပြန်ပြဖို့ ကြိုးစားကြပါတော့တယ်။ အစိုးရကရော ဘာအမှုကို လိုက်နေတာလဲ။ ဂျီ-ဖိုးစ် အဖွဲ့ကရော သူတို့ မှန်ကန်ကြောင်း ဘယ်လိုသက်သေပြကြဦးမှာလဲ။ ဟာသလေးတွေနှောပြီး စိတ်ဝင်စားဖို့ကောင်းတာမလို့ ကြည့်ရှူကြဖို့ တိုက်တွန်းလိုက်ရပါတယ်။

t.me/cartoonmoviesmms/1671

ငယ်ရွယ်မှုရဲ့ အရသာ (၂၀၁၈)

မြို့လေးတစ်မြို့မှာ သူငယ်ချင်း ၃ ယောက်ရှိပါတယ်။ ကလေးဘဝငယ်ငယ်လေးကတည်းက သူငယ်ချင်းတွေပေါ့။ သူတို့ ၃ ယောက်ထဲမှာ ရှောင်ယု နဲ့ လီမို ကတော့ ပိုပြီး သံယောဇင်ကြီးကြပါတယ်။ ရှောင်ယု လေးကလည်း ပညာရေးမှာ ထူးချွန်တယ်၊ လီမို ကတော့ ကလေးဆန်တယ်။ လုပ်ချင်တဲ့အရာဆိုရင် ဘာမှမစဉ်းစားပဲ လုပ်တတ်တယ်။ ဒါပေမဲ့ ရှောင်ယု အပေါ်မှာ လီမို ရဲ့ သံယောဇင်တွေကတော့ အနှိုင်းမဲ့ပါ။ သူတို့ သူငယ်ချင်း ၂ ယောက်မှာ ထူးခြားချက်တစ်ခုရှိပါတယ်။ စာသင်ခန်းထဲက ရယ်စရာတွေ၊ ဆရာစာသင်တာတွေ စသဖြင့် အားလုံးကို တိတ်ခွေလေးနဲ့ ဖမ်းပြီး နားထောင်တတ်ကြတာပါပဲ။ ရှောင်ယု ကျောင်းမလာတဲ့နေ့တွေဆို လီမို က အသံဖမ်း၊ ရှောင်ယု ကလည်း အားကျမခံ အသံထပ်ဖမ်း။ တစ်ဦးပေးတဲ့ တိတ်ခွေလေးတွေကို တစ်ဦးက နားထောင်ရင်း သံယောဇင်လေးတွေပိုတွယ်လာပြီး အချစ်အဖြစ်အရောင်း ပြောင်းလာကြပါတယ်။ ဒါပေမဲ့ သူတို့နှစ်ယောက်ကြား မမြင်ရတဲ့ ကံကြမ္မာတွေ ဝင်လာတဲ့အချိန် ဘယ်လိုတွေဆက်ဖြစ်မှာလဲ။ သူတို့ရဲ့ အချစ်တွေကို ဖွင့်ဟခွင့်ရမှာလား။ စိတ်ဝင်တစား စောင့်ကြည့်ရမှာပါ။ စကားပုံတစ်ခုရှိပါတယ်။ “အချစ်နဲ့ ချောင်းဆိုးခြင်းကို အောင့်ထားလို့ မရပါဘူး” လို့။ အားလုံး ဒီကားလေးကို ကြည့်နေစဉ်မှာ အားမလို၊ အားမရတွေ၊ စိတ်ထဲမရိုးမရွတွေ ဖြစ်နေမှာ ကျွန်တော် မြင်ယောင်မိပါတယ်။

t.me/cartoonmoviesmms/1673

တိုတောင်းသော ငြိမ်းချမ်းရေး (၂၀၁၃)

ဂျပန်ရှေးဟောင်း ဒဏ္ဍာရီပုံပြင်တွေကို Anime ပုံစံနဲ့ ကြည့်ချင်တဲ့သူတွေအတွက် လုံးဝရှယ်ဖြစ်နေတဲ့ Anime တစ်ခုနဲ့ မိတ်ဆက်ပေးပါမယ်။ ရှော့ ပီ့စ် ဆိုတဲ့ Anime လေးထဲမှာ သူ့နာမည်အတိုင်း ပုံပြင်တိုလေးပုဒ်ပါပါတယ်။ ၃ ပုဒ်က ဂျပန်ရှေးဟောင်း ပုံပြင်တိုလေးတွေဖြစ်ပြီး နောက်ဆုံးကတော့ ကမ္ဘာပျက်ခေတ်က စစ်ပွဲ ဇာတ်လမ်းတိုလေးပါ။ ဂျပန် ဒဏ္ဍာရီ ပုံပြင်တို (၃) ပုဒ်ကတော့ ဆုခုမိုဂါမိ ၊ ဟိနော့ယောဂျင်း နဲ့ ဂမ်ဘို ဖြစ်ပါတယ်။ နောက်ဆုံးကတော့ စစ်ကားပေါ့ဗျာ။ Animation Art Style ကလည်း တစ်ပုဒ်နဲ့ တစ်ပုဒ်မတူဘဲ အတော်လေးလည်း လှပါတယ်။ ဇာတ်လမ်းတို တစ်ပုဒ်ချင်းစီကလည်း စိတ်ဝင်စားစရာကောင်းတာမို့ တစ်ကားလုံး ပျင်းချိန်ကို မရှိပါဘူး။ ဂျပန် Anime Fan မဟုတ်တဲ့သူတွေအတွက်တောင် အကြိုက်တွေ့စေမှာ ဖြစ်လို့ Anime Fan တွေအတွက်ဆိုရင်တော့အတိုင်းထက်အလွန်ပေါ့ဗျာ။ ကြည့်ရှုခံစားလိုက်ကြပါဦး။

t.me/cartoonmoviesmms/1675

အန္တိမတက်လှမ်း ချင်ရှူးအစွမ်း

အပိုင်းသစ် ၉

t.me/+-Z-jUOLCKa02MDI1

မြူခိုးလွှမ်းရီသော ဓားဒဏ္ဍာရီ 🌪🐾

အပိုင်းသစ် ၂၇

t.me/+S2OhrtI1t7wzYTZl

လျှို့ဝှက်သော တောအုပ်စီသို့ (၂၀၂၄)

အန်ဂျလို ဆိုတဲ့ ဆယ်နှစ်သားကောင်လေးတစ်ယောက်ဟာ ၁၀ နှစ်သားလေးတွေအတိုင်း အရမ်းစိတ်ကူးယဉ်ဆန်ပြီး သဘာဝတောတောင်ရေမြေတွေမှာ စွန့်စားခန်းခရီးထွက်ရတာကို အရမ်းခုံမင်နှစ်သက်တဲ့ ကောင်လေးတစ်ယောက်ဖြစ်ပါတယ်။ မြို့ပြတစ်ခုမှာနေထိုင်တဲ့ သူတို့မိသားစုဆီကို တစ်မနက်မှာ အဘွားဖြစ်သူက နေမကောင်းလို့ အသည်းအသန်ဖြစ်နိုင်တယ်ဆိုပြီး အဒေါ်ဖြစ်သူဆီကနေ ဖုန်းဝင်လာတဲ့အခါ အန်ဂျလို တို့မိသားစုဟာ ကားနဲ့ အဘွားရှိရာ ကျေးလက်ဒေသကို သွားဖို့ ဖြစ်လာခဲ့ပါတယ်။ ဒီလိုနဲ့ အလျင်လိုနေတဲ့ အန်ဂျလို တို့မိသားစုဟာ လမ်းမှာ တစ်ထောက်နား အပေါ့အပါးသွားဖို့ ဖြစ်လာခဲ့ပါတယ်။ ဒါပေမဲ့ သန့်စင်ခန်းဝင်ရင်း အချိန်ထဲ မျောသွားတဲ့ အန်ဂျလို ကို အလျင်လိုနေတဲ့ မိဘတွေက သတိမထားမိသွားလို့ အန်ဂျလို ဟာ တစ်ထောက်နား လမ်းဘေး ဓာတ်ဆီဆိုင်နားမှာပဲ ကျန်ရစ်ခဲ့ပါတယ်။ ဒါပေမဲ့ လောကဓံကို မကြုံဖူးသေးတဲ့ အန်ဂျလို လေးဟာ စိတ်အားထက်သန်မှုအပြည့်နဲ့ သူအရမ်းချစ်ရတဲ့ အဘွားရှိရာကို မရရအောင် သွားမယ်ဆိုပြီး အဝေးပြေးတောလမ်းကို မရရင်အောင် ဖြတ်ဖို့ လုပ်ခဲ့ပါတယ်။ အဝေးပြေးကားလမ်းပေါ်မှာ မဟုတ်ဘဲ တောလမ်းကနေ သွားဖို့ ဖြစ်လာခဲ့တဲ့ အန်ဂျလို လေးဟာ တောအုပ်ရဲ့ တစ်နေရာကို ရောက်သွားတဲ့အခါ ထူးဆန်းတဲ့ မုခ်ဝတစ်ခုကို ဖြတ်ပြီး စိတ်ကူးယဉ်ကမ္ဘာတစ်ခုလိုနေရာမျိုးကို ရောက်သွားပါတော့တယ်။

t.me/cartoonmoviesmms/1681

ကမ္ဘာငယ်လေး (၂၀၂၄)

ကမ္ဘာငယ်လေး လို့ခေါ်တဲ့ သတ္တုတွင်းမြို့ကို တိုင်ဟေ ဆိုတဲ့ စက်မှုလုပ်ငန်းကအုပ်စိုးပြီး ထူးဆန်းတဲ့ မြေအောက်ပေါက်ကြီးတွေနဲ့ တူးမြောင်းတွေကြောင့်ဝင်္ကပါကြီးလို ဖြစ်နေတာပါ။ ကဂါရီ နဲ့ ယူယာ ဆိုတာ အဲဒီမြေအောက်ပေါက်‌တွေထဲမှာ လမ်းတွေရှာရင်း မြေပုံဆွဲတဲ့သူတွေဆိုပေမယ့် ယူယာ ကတော့ မြို့ကနေ ထွက်သွားချင်နေခဲ့တာပါ။ ဒီလိုနဲ့ တစ်‌နေ့မှာ ကဂါရီ တစ်ယောက် ယူယာ ကိုလိုက်ရှာရင်း မြေအောက်အဖွဲ့အစည်းတစ်ခုက မြို့ကို ပျက်စီးစေနိုင်တဲ့ အရာတစ်ခုကို ကြိတ်ပြီး ကြံစည်နေတယ်ဆိုတာကို မြင်ခဲ့ရပါလေရော။ ဒါပေမယ့် တစ်ခုရှိတာက မြေအောက်ကနေ မြို့ပေါ်ကို ရောက်နိုင်ဖို့ အဓိကလိုအပ်တဲ့အရာက မြေပုံပါပဲ။ ဒီတော့ အဲဒီအတွက် မြေပုံကရော ဘယ်သူ့ဆီက ရမှာလဲ၊ မြို့ပေါ်က အဖွဲ့အစည်းကရော အဲဒီတိုက်ခိုက်မှုကြီးကို ခုခံနိုင်ပါ့မလားဆိုတာ မထင်ထားတဲ့ လှည့်ကွက်တွေနဲ့ ဇာတ်ကောင်တွေနဲ့ စိတ်ဝင်စားစွာ ကြည့်ရှုရမှာပဲဖြစ်ပါတယ်။ ကုရယုကဘာ နဲ့ မတူတာကတော့ နှစ်ကားလုံးက ဝင်္ကပါလို ပြောင်းလဲနေတဲ့ မြို့တွေမှာ ဇာတ်အိမ်တည်ထားတာဆိုပေမယ့် ပထမကားကတော့ စုံထောက်နဲ့ စစ်ဆေးရေးတွေကို အသားပေးဖန်တီးထားပြီး ဒုတိယကားကတော့ မြေပုံဆွဲသူတွေနဲ့ ဒေသတွင်းအဖွဲ့အစည်းတွေကြားက တိုက်ခိုက်မှုကို အဓိက ရိုက်ထားတာကြောင့် အမိုက်စား အက်ရှင်ခန်းတွေ ပိုပြီးပါဝင်တာကြောင့် ပျင်းဖို့ကောင်းမှာတော့ မဟုတ်ပါဘူး။

t.me/cartoonmoviesmms/1683

ပွဲဝောာ်ရာသီက လူပျောက်ဆုံးမှုများ (၂၀၂၄)

Anime ကိုမှ စုံထောက်ဇာတ်လမ်းတွေ၊ Action တွေ၊ မြှုပ်ကွက်တွေရဲ့ ခံစားမှုကို ကြိုက်တဲ့သူတွေအတွက် ဇာတ်လမ်းကောင်းလေးတစ်ပုဒ်နဲ့ မိတ်ဆက်ပေးချင်ပါတယ်။ ဆိုတာရိုး ဆိုတဲ့ စုံထောက်ဟာ သူ့ရဲ့ သတင်းပေးသမားလေး ဆာကီ နဲ့အတူ အိုဆုဇီ စုံထောက်ကုမ္ပဏီကို တည်ထောင်ထားပေမယ့် မယ်မယ်ရရ အလုပ်မဖြစ်တော့ ခက်ခဲတဲ့ အခြေအနေကို ရောက်နေပါတော့တယ်။ တစ်နေ့တော့ သူတို့မြို့မှာ ပွဲတော်ရာသီကို ရောက်လာပြီး မြို့ပေါ်မှာ ခရီးသွားဆပ်ကပ်တွေနဲ့ပျော်ရွှင်မြူးထူးနေကြပေမယ့် တစ်ဖက်မှာတော့ လူတွေ အစုအပြုံလိုက်ပျောက်ဆုံးမှုတွေ ရှိနေပြီး အဲ့ဒါတွေနဲ့အတူ ဘီးလုံးရာတွေပါ ပေါ်လာတတ်ပါတယ်။ အဲ့ဒီကိစ္စကို စုံစမ်းဖို့ သတင်းသမားတစ်ယောက်က ဆိုတာရိုး ကို အလုပ်အပ်ခဲ့ပေမယ့် စုံထောက်က သူကိုယ်တိုင်မသွားဘဲ ဆာကီ လေးကို လွှတ်လိုက်ပါလေရော။ တကယ်တော့ သူတို့နေတဲ့ မြို့က မြေအောက်မှာပါ အမှောင်ထု လို့ခေါ်တဲ့ သီးခြား Society တစ်ခုရှိပြီး မကောင်းမှုတွေ၊ ခိုးဆိုးလုနှိုက်ဂိုဏ်းတွေနဲ့ ပြည့်နှက်နေတဲ့ နေရာတစ်ခုဖြစ်ပါတယ်။ လူပျောက်မှုတွေရဲ့ နောက်ကွယ်က တရားခံကလည်း အမှောင်ထုထဲက မျက်နှာဖုံးဂိုဏ်း ပဲလို့ ယူဆထားကြတာပါ။ ဒီလိုနဲ့ ဆာကီ ကို အမှောင်ထုထဲကို သတင်းရှာလွှတ်လိုက်ပေမယ့် ကောင်မလေးကိုပါ ပြန်ပေးဆွဲထားကြတော့ သူကိုယ်တိုင် အမှောင်ထုထဲကို သွားဖို့ ဖြစ်လာပါတော့တယ်။ အဲ့ဒီလိုနဲ့ပဲ ဆိုတာရိုး ဟာ အမှောင်ထုထဲကို ရောက်သွားပြီး အဲ့ဒီမြေအောက်ကမ္ဘာမှာ မျက်နှာဖုံးဂိုဏ်း ကို ရှင်းပစ်ဖို့ လုပ်နေတဲ့ နတ်ဆိုး ၄၆၃ ဆိုတဲ့ သံချပ်ကာရထားကို ဦးစီးနေတဲ့ ရဲတပ်ဖွဲ့နဲ့ တွေ့ပြီး ပျောက်ဆုံးမှုတွေနဲ့ ပက်သက်ပြီး အတူတူ စုံစမ်းကြတဲ့အခါ။ ဆာကီ ကို ရော ပြန်တွေ့နိုင်ပါ့မလား။ အဲ့ဒီပျောက်ဆုံးမှုတွေရဲ့ တရားခံက ရော မျက်နှာဖုံးဂိုဏ်း ဟုတ်ရဲ့လား။ ဘီးလုံးရာတွေက ရော ဘယ်ကလဲ။ အခြား တရားခံတွေရော ရှိနေမလားဆိုတာကို မြှုပ်ကွက်ပေါင်းစုံနဲ့ ကြည့်ရှုခံစားရမှာပဲဖြစ်ပါတယ်။ အနည်းငယ်တော့ ရှုပ်ထွေးမှုတွေ ရှိနိုင်ပေမယ့် သေချာအာရုံစိုက်ကြည့်ရင် စိတ်ဝင်စားဖို့ကောင်းတဲ့ ဇာတ်လမ်းလေးတစ်ခုဖြစ်လို့ ကြည့်ရှုအားပေးဖို့ ဖိတ်ခေါ်အပ်ပါတယ်။

t.me/cartoonmoviesmms/1685