စကြာဝဠာကြီးကိုသိမ်းပိုက်မည့်ဂြိုလ်သားအန္တရာယ် (၂၀၂၃)

နော်မန် ဟာ အာကာသစကြာဝဠာနှင့် အခြားဂြိုဟ်တွေပေါ်မှာ ရှိနိုင်မဲ့ သက်ရှိမျိုးစိတ်တွေ ဂြိုဟ်သားတွေကို အင်မတန်စိတ်ဝင်စားတဲ့ အလယ်တန်းကျောင်းသားလေးတစ်ယောက်ပါ။ သူ့မှာ ချာလင်း၊ ဖရန်ကီ၊ အလက်ဟန်ဒရို အစရှိတဲ့ ဝါသနာတူ ကျောင်းနေဘက်သူငယ်ချင်းတွေလည်း ရှိပြီးတော့ သွားအတူလာအတူတွေဖြစ်ကြပါတယ်။ တဖက်မှာတော့ ဇိုလ်ဒါ ဆိုတာ စကြာဝဠာတစ်ခုလုံးကို လိုက်လံသိမ်းပိုက်နေတဲ့ ဂြိုဟ်သားခေါင်းဆောင်ဖြစ်ပါတယ်။ သူဟာအာကာသယာဉ်အကြီးကြီးကို ပိုင်ဆိုင်ပြီးတော့ ဒရွိုက် ဆိုတဲ့ စက်ရုပ်စစ်တပ်လည်း ရှိပါတယ်။ ပြီးတော့ သူတို့ကို လိုက်လံတားဆီးနေတဲ့ ငြိမ်းချမ်းရေဘက်တော်သားအဖွဲ့ဝင် မက်စ် တို့အဖွဲ့လည်း ရှိပါသေးတယ်။ တနေ့မှာ ဇိုလ်ဒါ တစ်ယောက် ဂြိုဟ်တစ်ခုကို သိမ်းပိုက်ဖို့လုပ်နေတာကို မက်စ် တို့အဖွဲ့က တားဆီးလိုက်တဲ့အချိန်မှာ ဇိုလ်ဒါ စိတ်တိုသွားပြီး မက်စ် တို့ကို ရေဆုံးမြေဆုံးလိုက်ပါတော့တယ်။ ပြေးနေရင်း မလွတ်တော့မှန်းသိတဲ့အခါ မက်စ် တို့ဟာ အာကာသတွင်းပေါက်ထဲကို မောင်းဝင်လိုက်ပါတော့တယ်။ ဇိုလ်ဒါ လည်း နောက်ကထပ်ကြပ်မကွာ လိုက်လာတဲ့အခါ ခုနက နော်မန် တို့ရဲ့ ကမ္ဘာမြေပေါ်ကို ရောက်လာခဲ့ပါတော့တယ်။

t.me/cartoonmoviesmms/1553

ပျော်တတ်တဲ့ ပင်ဂွင်းလေး နှစ်ကောင် (၂၀၁၁)

သီချင်းမဆိုတတ်ပေမဲ့ အကနဲ့တင် အလှတရားလေး ဂလော်ရီယာ ကို သိမ်းပိုက်နိုင်ခဲ့တဲ့ မန်ဘယ် က သူနဲ့တူတဲ့ သားလေး အဲရစ်ခ် အတွက် အဖေကောင်းတစ်ယောက်ဖြစ်အောင် ကြိုးစားနေခဲ့ပါတယ်။ သွေးက စကားပြောတယ်ဆိုရမလားမသိ၊ သူ့သားလေး အဲရစ်ခ် က တခြားပင်ဂွင်းငယ်လေးတွေလိုမဟုတ်ဘဲ သီချင်းမဆိုတတ်သလို အကမှာလည်း သူ့လိုမျိုး ကျွမ်းကျင်မှုမရှိတာကြောင့် ဘာလုပ်ရမှန်းမသိ လမ်းပျောက်နေခဲ့တာပါ။ ဒီလိုနဲ့ အဲရစ်ခ် က မန်ဘယ် ၏ သူငယ်ချင်းပင်ဂွင်းပုလေး ရေမွန့် နောက်ကိုလိုက်ရင်း အိမ်ပြေးလုပ်ဖို့ ကြိုးစားတာမို့ သူက လိုက်ခေါ်ပြီး အပြန်လမ်းမှာတော့ သူတို့ပင်ဂွင်းတွေအတွက် မျိုးတုံးလုနီးနီး ကပ်ဘေးကြီးနဲ့ ရင်ဆိုင်ခဲ့ရပါတော့တယ်။ အဲဒါကတော့ ရေခဲတောင်ကြီးတွေ ရွေ့လျားပြိုကျပြီး သူတို့နေတဲ့ အင်ပါယာနယ်မြေတစ်ခုလုံးဟာ ရေခဲတောင်တွေကြားလေးဖက်လေးလံလုံးမှာ ပိတ်မိသွားရတာပါပဲ။ လွတ်နေတာဆိုလို့ သူတို့ သားအဖနှစ်ယောက်နဲ့ အဲရစ်ခ် ရဲ့ သူငယ်ချင်းလေးတွေပဲရှိချိန်မှာ ဒီဒုက္ခဘေးကနေ လွတ်အောင် သူတို့ဘယ်လိုရုန်းထွက်ကြမလဲ။ တကယ်ရော ရုန်းထွက်နိုင်မှာလား။ ဘယ်လိုနည်းလမ်းမျိုးနဲ့များ ရေခဲတောင်တွေကြားက လွတ်အောင် ရုန်းထွက်ကြမလဲ။

t.me/cartoonmoviesmms/1557

ကြောင်ဆိုး (၂၀၁၆)

IMDb - 7/10
Genre - Comedy

ဒီဇာတ်ကားက ကလေးကြည့်လို့မရတဲ့ ကာတွန်းဇာတ်ကားပါ။

အရက်သောက်၊ ဆေးချ၊ ခိုးဆိုးလုနှိုက်အလုပ်တွေပဲ အမြဲလုပ်နေတဲ့ ရှဲရို ဆိုတဲ့ ကြောင်ဆိုးတစ်ကောင်တစ်နေ့မှာ ကြောင်မလေးတစ်ကောင်ကို နှာဘူးထဖို့အသွားမှာ ကြောင်မလေးခမျာ သူ့ရုပ်ရည်မြင်ပြီး လန့်ဖျပ်ထွက်ပြေးရာမှ ဓါတ်လိုက်သေဆုံးသွားပါတော့တယ်။ အဲဒီမှာ ကြောင်မလေးရဲ့ သခင်နဲ့ ထိပ်တိုက်တိုက်ပြီး ဘိုင်ဝမ်းဆွဲရာကနေ သခင်ဖြစ်သူပါ တိုက်ပေါ်က ပြုတ်ကျပြီး ဦးနှောက်ပွင့်သေဆုံးသွားပါတယ်။ ဒါပေမဲ့ အတော်လေးအစွဲကြီးလှတဲ့ ကြောင်မလေးရဲ့ သခင်က ခေါင်းပွင့်တာတောင် ဇွန်ဘီအနေနဲ့ ပြန်အသက်ဝင်လာပြီး ရှဲရို တစ်ကောင်ကို လိုက်သတ်ပါတော့တယ်။ ဇာတ်လမ်းကတော့ ခပ်စားစားပါပဲ။ အပြောအဆိုတွေနဲ့ အောက်လုံးစကားတွေကို ရေလည်သုံးထားလို့ ကလေးတွေကို ပြလို့ရတဲ့ ကာတွန်းကားမဟုတ်တာကို ထပ်လောင်းညွှန်းလိုက်ရပါတယ်။

t.me/cartoonmoviesmms/1559

စင်ဒရဲလား နှင့် လျှို့ဝှက်မင်းသားလေး (၂၀၁၈)

စင်ဒရဲလား ပုံပြင်ဇာတ်လမ်းတွေက မရိုးနိုင်အောင်များပြားလှပါတယ်။ စိတ်ဝင်စားဖို့လည်းကောင်းပါတယ်။ ဒီအထဲကမှ ဒီဇာတ်လမ်းလေးကတော့အခြားဇာတ်လမ်းတွေနဲ့ မတူ တမူကွဲပြားခြားနားစွာ ဖန်တီးထားတာကို တွေ့မြင်ရမှာဖြစ်ပါတယ်။ ဒီဇာတ်လမ်းမှာ မင်းသားလေးဟာ နန်းတော်ထဲက မှော်ဆရာမကြီးရဲ့ အကောက်ကြံ ဒုက္ခပေးထားမှုကြောင့် စင်ဒရဲလား တို့ရဲ့အိမ်မှာ ကြွက်တစ်ကောင်အဖြစ် နေထိုင်နေရတာဖြစ်ပါတယ်။ ဒါကို စင်ဒရဲလား အပါအဝင် အခြား မိတ်ဆွေကြွက် နှစ်ကောင်လည်း မသိကြပါဘူး။ နန်းတော်က ပွဲသဘင်ကို သွားဖို့ လုပ်ကြရင်းနဲ့မှ မင်းသားလေး ရဲ့ဘဝအကြောင်း သိခဲ့ကြရတာပါ။ သူတို့ကို အကူအညီပေးနိုင်မယ့် မှော်ဆရာမလေး တစ်ယောက်နဲ့လည်း ဆုံတွေ့ရင်း နှီးခင်မင်ခဲ့ကြတယ်။ သူတို့အားလုံးရဲ့ ကြိုးစားမှုနဲ့ မင်းသားလေး ကို ကြွက်ဘဝကနေလူ့ဘဝကို ပြန်ရောက်ဖို့ ကြိုးပမ်းခဲ့ကြပုံတွေ၊ နန်းတော်ထဲက မှော်ဆရာမကြီး နဲ့ ရင်ဆိုင်တိုက်ခိုက်ကြရတဲ့ တိုက်ပွဲတွေနဲ့ စိတ်ဝင်တစားကြည့်ရှုရမယ့် ဆန်းပြားတဲ့ စင်ဒရဲလား ဇာတ်လမ်းလေးတစ်ပုဒ်ကို အခြားဇာတ်လမ်းတွေနဲ့ မတူ တမူကွဲစွာ ကြည့်ရှုခံစားရမှာဖြစ်တာမို့ အားပေးလိုက်ကြပါဦးနော်။

t.me/cartoonmoviesmms/1561

40 ကျော်အိမ်မက်

Tojima Tazabirou သူကတော့ Ka-men Ri-der ဖြစ်ဖို့ ငယ်ငယ်တည်းက လက်မလျှော့ဘဲ ကြိုးစားနေခဲ့သူပါ။ ဒီလိုနဲ့ အသက်က 40 ထိရောက်လာတော့လည်း အိပ်မက်ကို လက်လျော့ဖို့ ဆုံးဖြတ်လိုက်ပါတော့တယ်။ ဒါပေမဲ့လည်း Fake Shoker ဆိုတဲ့ဂိုဏ်းက ဦးဆောင်တဲ့ ရာဇဝတ်မှုတစ်ခုထဲ ပါသွားပြီး သူအရမ်းဖြစ်ချင်ခဲ့တဲ့ Kamen Rider ဖြစ်ဖို့အိပ်မက်က သူ့ကိုအန္တရယ်တွေအပြည့်နဲ့ စောင့်ကြိုနေတဲ့အခါမှာတော့ hero တစ်ယောက်လို ဟန်ဆောင်ရင်း အစစ်အမှန် hero ဖြစ်လာမလား

t.me/animeseriesmyanmar/2616

စန်တာ စွန့်စားခန်း

အနာဂတ်ဂျပန်နိုင်ငံမှာ မွေးဖွားနှုန်းအလွန်ကျဆင်းနေတာကြောင့်မို့ ကလေးတွေကို ပိုးမွေးသလိုဂရုစိုက်မွေးပြီး အချိန်ပြည့်စောင့်ကြည့်နေရတာပါ။ အဲဒီလိုအခြေအနေမှာ စန်တာကိုအန္တရာယ်ရှိတယ်လို့ အားလုံးကသတ်မှတ်ထားကြတယ်။ နှင်းတွေထူတဲ့တစ်ရက် ဒီဇင်ဘာ၂၅မှာ အလယ်တန်းကျောင်းသား Kazushige Sandaက အတန်းဖော်Fuyumura တိုက်ခံတာကိုခံခဲ့ပြီး သူ့ပျောက်နေတဲ့သူငယ်ချင်း Onoကို ရှာပေးဖို့အကူအညီတောင်းလာပါတော့တယ်။ ဒီလိုနဲ့ ကလေးငယ်တွေကို လူကြီးတွေလက်အောက်ကနေကာကွယ်ဖို့ San-daတစ်ယောက် စန်တာဖြစ်ဖို့ ဆုံးဖြတ်လိုက်တဲ့အခါ ဘယ်လိုအခက်အခဲတွေကြုံရမလဲ

t.me/animeseriesmyanmar/2612

အချစ်ချိုချို အသည်းနွေးနွေး

စာမေးပွဲအမှတ်က အောက်ဆုံးရောက်နေပေမဲ့ အပြုံးမပျက်တဲ့ကောင်လေး Oota ဟာ အတန်းထဲက ရေခဲတုံးကောင်မလေး Kashiwada ကိုအမြဲ စနောက်နေတတ်ပါတယ်။ Kashiwada ရဲ့အေးတိအေးစက်မျက်နှာအမူအရာ ပြောင်းသွားအောင် အမျိုးမျိုး စနောက်ပေမဲ့လည်း Oota ရဲ့ emotion icon လို မျက်နှာပုံစံတွေကြောင့် အစီစဉ်တွေက အမြဲကျရှုံးနေပါသေးတယ်။ တကယ်တော့ Kashiwada က Oota ကို ကြိတ် crush နေတာပါ။ Oota ရဲ့ပေါက်ကရလုပ်ရပ်တွေနဲ့ Kashiwada ရဲ့ လျှို့ဝှက်ဆန်းကြယ်တဲ့ စိတ်ခံစားမှုတွေ၊ Type မတူတဲ့သူတို့နှစ်ယောက်ရဲ့ အချစ်ဇာတ်လမ်းလေးကို ခံစားရမှာပါ

t.me/animeseriesmyanmar/2610

မစ္စတာ ဖောက်စ် ၏ စွန့်စားခန်းများ (၂၀၀၉)

မစ္စတာ ဖောက်စ် ဟာ သတင်းစာဆရာတစ်ယောက်အဖြစ် အသက်မွေးပြီး သိပ်ချစ်စရာကောင်းတဲ့ မိန်းမနှင့် သားလေး အက်ရှ် တို့နဲ့အတူ ဘဝကို ပျော်ရွှင်စွာဖြတ်သန်းနေတယ်။ အိမ်ထောင်ရက်သား မကျခင်တုန်းက မစ္စတာ ဖောက်စ် ဟာ အပေအတေ သူခိုးဖြစ်ခဲ့ပုံရတယ်။ တစ်နေ့ သူ့တူဖြစ်သူအိမ်ကို အလည်လာတဲ့အချိန်မှာ မစ္စတာ ဖောက်စ် ဟာ အရင်ဗီဇတွေ ပြန်ပေါ်လာပုံရတယ်။ သူ့တူရောက်လာတာခြင်းဟာ သူ့အတွက် လက်ထောက်ကောင်းရပြီး ဆိုး၊ အရင်က ကြက်ခြံ ဘဲခြံတွေကို ဝင်မွှေခဲ့တဲ့ စွန့်စားခန်းအချိန်တွေ ပြန်ရအောင် ကြိုးစားပါတော့တယ်။ အင်မတန် ရက်စက်ပါတယ်ဆိုတဲ့ မွေးမြူရေးခြံပိုင်ရှင် ၃ ယောက်နားမှာ အိမ်ဝယ်ပြီး မစ္စတာ ဖောက်စ် ရဲ့ စွန့်စားခန်းတွေ စတင်တဲ့အခါ Rating 7.8 ရထားပြီး Comedy Adventure အမျိုးအစား Animation ကားကောင်းလေးဖြစ်ပါတယ်။ Animation ကားကောင်းကြိုက်တဲ့သူတွေအတွက် ကားကောင်းလေးတစ်ကားပါ။

t.me/cartoonmoviesmms/1565

နဂါးမုဆိုးများ (၂၀၀၈)

နှစ်(၂၀)ပြည့်တိုင်း ပေါ်လာပြီး လူတွေကို သတ်ဖြတ်ပါတယ်။ အဲဒီနဂါးရဲ့ ရန်ကိုကြောက်တဲ့ ဘုရင်ကြီးကသူ့ရဲ့တူမလေးကို နဂါးကြီးကိုသုတ်သင်နိုင်တဲ့သူရဲကောင်းကို ရှာဖို့လွှတ်လိုက်ပါတော့တယ်။ တစ်ဖက်မှာ နဂါးရဲ့ရန်ကြောင့် မိဘကိုဆုံးရှုံးလိုက်ရတဲ့ကောင်လေးတစ်ယောက်နဲ့ သူ့သူငယ်ချင်းတို့ဟာအသက်မွေးဝမ်းကြောင်းအတွက် မုဆိုးအလုပ်ကိုလုပ်ပြီးပိုက်ဆံလှည့်လည်ရှာဖွေကြပါတယ်။ သူတို့နှစ်ယောက်နဲ့ ဘုရင်ရဲ့တူမလေးတို့မတော်တဆတွေ့ဆုံကြပြီး ကမ္ဘာကြီးကိုကယ်တင်ဖို့ နဂါးကြီးကို ဘယ်လိုတွေရင်ဆိုင်ကြမလဲဆိုတာစိတ်လှုပ်ရှားဖွယ် မြင်တွေ့ရမှာပါ

t.me/cartoonmoviesmms/1567

ကွန်စတန်တင်း - ပဟေဠိအိမ် (၂၀၂၂)

ကမ္ဘာပျက်စစ်ပွဲကြီးအပြီး စစ်လည်းနိုင်သလို ဂျက်စတစ်လိ အဖွဲ့ဝင် တွေနဲ့ ကမ္ဘာကြီးကိုယ်တိုင် ဆုံးရှုံးမှုတွေ အများကြီးကြုံလိုက်ရပါတယ်။ ကမ္ဘာကြီးလည်း ပျက်စီးမှုဒဏ်ကြောင့် အဆုံးသတ်လုဆဲ ဖြစ်လာပါပြီ။ ဒါကြောင့် ဂျွန် ကွန်စတန်တင်း က ဖလက်ရှ် ရဲ့ အလျင်နဲ့ ဖလက်ရှ်ပွိုင့် ဖန်တီးပြီး ဒီဖြစ်စဉ်တွေလုံးဝ မဖြစ်ခဲ့သလို အတိတ်ကို ပြင်ဆင်ဖို့ အကြံထုတ်ခဲ့ပါတယ်။ ဒါပေမဲ့ အဲ့ဒီလိုပြင်ဆင်စဉ်မှာ ရုတ်တရက် ပဟေဠိဆန်ဆန် စံအိမ်ကြီးထဲကို ရောက်သွားပါတယ်။ အိမ်ထဲမှာ ဂျွန် ချစ်ရတဲ့ ဇီ နဲ့ သေပြီးသား သူ့မိတ်ဆွေတွေ ရှိနေတာပါ။ ဒါပေမဲ့ သူတို့က လူစင်စစ် မဟုတ်ဘဲ မကောင်းဆိုးဝါး ဖြစ်နေပြီး ဂျွန် ကို ဝိုင်းသတ်လိုက်ကြပါတယ်။ ဒါပေမဲ့ ဂျွန် က သေသွားတယ်လို့ မရှိဘဲ ဒီအိမ်ထဲမှာပဲ အချိန်စက်ဝန်း ကျော့နေသလို ပြန်ရှင်လာလိုက်၊ အသတ်ခံရလိုက်နဲ့ ကြက်ဥနဲ့ ကြက်မ ဘယ်ကစသလဲ ဆိုသလို သံသရာလည်နေပါတယ်။ ဒီလို ဖြစ်လာတဲ့နောက် ဂျွန် ကွန်စတန်တင်း လည်း သူ့ကို ဒီသံသရာစက်ဝန်းထဲ ထည့်ထားတာ ဘယ်သူလဲ၊ ဒီပဟေဠိစံအိမ်ထဲကနေ လွတ်အောင် ဘယ်လို ထွက်ပြေးရမလဲ ဆိုပြီး ကြံရပါတော့တယ်။

t.me/cartoonmoviesmms/1569

မှင်စာမုဆိုး (၂၀၂၁)

စကြဝဠာကြီးထဲမှာ လူသား တိရိစ္ဆာန် မှင်စာ ဂြိုလ်သား စတဲ့သက်ရှိတွေအားလုံး ညီညွှတ်မျှတစွာနေထိုင်နိုင်ဖို့ ကမ္ဘာမြေဆိုတဲ့လှပတဲ့နေရာလေးကိုလည်း ဖန်ဆင်းခဲ့ကြတယ်။ ဒါပေမယ့် လူသားတွေကတော့ ကမ္ဘာမြေရဲ့အလှကို မစောင့်ရှောက်ဘဲ ဖျက်စီးကြတယ်ဗျာ။လူသားအချင်းချင်း စစ်ပွဲတွေခင်း အာဏာတွေပြကြရုံမက မှင်စာလေးတွေကိုပါ ထိခိုက်လာခဲ့တော့ မှင်စာလေးတွေဟာလည်း ကမ္ဘာမြေကြီးရဲ့အောက်ခြေမှာပဲ ပုန်းလျှိုးကွယ်လျှိုးနဲ့နေထိုင်ကြရတာပေါ့။ ဒါတင်မက လူသားတွေဟာ အကောင်လေးတွေကိုနှိပ်စက် အပင်တွေခုတ်နဲ့ ကြာတော့ ကမ္ဘာကြီးလည်းတဖြည်းဖြည်းပျက်စီးလာခဲ့တယ်။ ဒါကိုသည်းမခံနိုင်တော့တဲ့ စုန်းမကြီးတွေဟာ ကြီးမားလှတဲ့ Titan ကြီးတွေကို ဆင့်ခေါ်ပြီး ကမ္ဘာမြေကိုဖျက်စီးကာ အသစ်တဖန်ပြန်စဖို့ စီစဉ်ပါတော့တယ်။ ဒါကိုသိရှိသွားကြတဲ့ သူရဲကောင်းတစ်စုဟာ ဖန်ဆင်းရှင်စုန်းမကြီးတွေကို လိုက်လံတားဆီးကြတော့တာပေါ့။ အပြောသာလွယ်ပေမယ့် ဖန်ဆင်းခံလူသားတွေက ဖန်ဆင်းရှင်ကိုခံချဖို့ဆိုတာ ကြားရုံနဲ့ မဖြစ်နိုင်တဲ့ကိစ္စပါ။ ဒီလိုမဖြစ်နိုင်တဲ့ကိစ္စကို သူငယ်ချင်းတွေ ဘယ်လိုပူးပေါင်းပြီး ဘယ်လိုတိုက်ခိုက်ကြမလဲဆိုတာ။

t.me/cartoonmoviesmms/1571

ဘွတ်ဖိနပ်နဲ့ ကြောင်ကလေး (၂၀၁၁)

ပုစ်စ် က ဝရမ်းပြေး။ အတိတ်ရဲ့ အရိပ်မဲတစ်ခုကြောင့် လက်ရှိအနေအထားမှာနာမည်မျိုးစုံနဲ့ ဝရမ်း ထုတ်ခံထားရတဲ့ ဝရမ်းပြေးတစ်ယောက်ပေါ့။ အဲ့ဒီခေတ်ကာလမှာ ဒဏ္ဍာရီလိုလို ပုံပြင်လိုလိုနဲ့ လူပြောများနေတဲ့ ဗုံးဗျာတစ်ခုက မှော်ပဲစေ့ပဲ။ ပုစ်စ် ရဲ့ နာကျင်စရာ အတိတ်ဆိုးဟာလည်း အဲ့ပဲစေ့လေးတွေနဲ့သက်ဆိုင်နေပြန်ရော။ သူ့ဘဝတစ်လျှောက်လုံး ရှာဖွေခဲ့တဲ့ ပဲစေ့တွေက ဒဏ္ဍာရီတစ်ခုသာသာလို့ ထင်ခဲ့တာ။ တကယ်တမ်းက ဂျက် နဲ့ ဂျီလ် ဆိုတဲ့ လင်မယားနှစ်ယောက်မှာ သွားရှိနေတယ်။ ပုစ်စ် က အဲ့ဗျာတစ်ခုကို ဘားတစ်ခုမှာ ရရှိခဲ့ပြီး ဂျက် နဲ့ ဂျီလ် ဆီက ခိုးဖို့ ကြံရွယ်တယ်ပေါ့။ သွားခိုးရာကနေ သူ့လိုပဲ ကြောင်နက်လေးတစ်ကောင်ကလည်း ပဲစေ့တွေကို လာခိုးတယ်။ အဲ့မှာ နှစ်ကောင်သား စုံမိပြီး အချင်းချင်း ရန်ဖြစ်နေရင်းနဲ့ ဂျက် နဲ့ ဂျီလ် က သိသွားတော့ လိုက်ဆော်ပါရော။ ပုစ်စ် က ကစ်တီ ကို သူ့အကြံ ဖျက်ဆီးတယ် ဘာညာဆိုပြီး တိုက်ခိုက်ကြအပြီး ပုစ်စ် ရဲ့ အတိတ်ဆိုး အရိပ်မဲထဲက လူတစ်ယောက် ပြန်ပေါ်လာခဲ့တယ်။ သူကရော ပုစ်စ် နဲ့ ဘယ်လိုပတ်သက်နေမလဲ။ အတိတ်က အရိပ်မဲဟာ ဘယ်လိုတွေလာပြန်လည်ချည်နှောင်လာအုံးမလဲ။ အညစ်အကြေးတွေပေစွန်းနေတဲ့ သူ့နာမည်ကိုရော ပြန်သန့်စင်နိုင်သွားမလား။

t.me/cartoonmoviesmms/1573

ဘွတ်ဖိနပ်နဲ့ ကြောင်ကလေး - နောက်ဆုံးဆန္ဒ (၂၀၂၂)

လူဆိုးပေါင်းစုံဟာ မှော်ဝင်တောအုပ်ကြီးတစ်ခုထဲက ဆုတောင်းတစ်ခုကို ဖြည့်ပေးနိုင်တဲ့ ကြယ်တစ်လုံးကို လိုက်ရှာဖို့ ကြိုးစားနေကြပါတယ်။ ဘွတ်ဖိနပ်ကြောင်ကြီး ဟာ ကြောင်ပီပီ အသက် ၉ ချောင်းရှိပေမဲ့ စောင်တလွဲတွေလုပ်ရင်း သေတာများတော့ အသက်နောက်ဆုံး တစ်ချောင်းပဲ ကျန်ပါတော့တယ်။ အဲ့ဒီတော့ အရင်လို အသက် ၉ ချောင်း ပြန်ပြည့်ဖို့ ဆုတောင်းဖို့ သူလည်း ကြယ်ကြီးကို ရှာဖို့ ကြိုးစားရပါတော့တယ်။ အဲ့ဒီ စွန့်စားခန်းတစ်လျှောက် ရန်သူတွေ၊ မိတ်ဆွေတွေ၊ မိသားစုတွေ ဘယ်လိုကြုံပြီး ဘယ်လိုရင်ဆိုင်ရမလဲဆိုတာ ဆက်ပြီးကြည့်ရမှာပါပဲ။

t.me/cartoonmoviesmms/1575