စုဆောင်းသူရဲ့ တခြားကမ္ဘာက စွန့်စားခန်း

Genres - Adventure, Fantasy, Isekai

Takeru Kamishiro က သာမန် လခစားဝန်ထမ်းဆိုပေမဲ့ Madeus လို့ခေါ်တဲ့ ဓားရေးနဲ့ မှော်အတတ်တွေထွန်းကားရာ တခြားကမ္ဘာကို ဝင်စားခဲ့ပါတယ်။ Takeru ဟာ ရိုးရိုးရှင်းရှင်း ဝင်စားတာမဟုတ်ပါဘူး ၊ သူ့မှာ Skill တွေအများကြီးရှိတဲ့အပြင် ရုပ်ပိုင်းဆိုင်ရာကလည်း အများကြီး တိုးမြှင့်ခံထားရတာပါ။ နောက်ပြီး တန်ဖိုးရှိတဲ့ပစ္စည်းတွေကို ရှာဖွေနိုင်တဲ့ ''Search'' ဆိုတဲ့ Skill လည်းပါနေလေရဲ့ ၊ ဒီလိုအစွမ်းထက်တဲ့လူတစ်ယောက်က တခြားကမ္ဘာမှာ ဘယ်လို စွန့်စားခန်းထွက်မလဲဆိုတာကိုတော့....

t.me/animeseriesmyanmar/2578

ရော်ဘင်ဆင် (၂၀၀၇)

ဉာဏ်အလွန်ထက်တဲ့ ၁၁ နှစ်သား မိဘမဲ့ကလေး ရော်ဘင်ဆင် ဟာ ပစ္စည်းအသစ်တွေ တီထွင်လိုစိတ်ရှိသူတစ်ယောက်ပါ။ မိဘမဲ့ကျောင်းမှာ နေထိုင်ရင်း သူ့ကို မွေးစားမယ့် မိဘတွေကို မျှော်လင့်နေပေမယ့် ကံမကောင်းချင်တော့ မွေးစားချင်သူ မပေါ်လာခဲ့ပါဘူး။ ဒါကြောင့် ရော်ဘင်ဆင် လေးဟာ လောကမှာ သူ့ကိုလိုချင်တာ သူ့အမေတစ်ယောက်ပဲရှိလိမ့်မယ်လို့ တစ်ထစ်ချမှတ်ယူပြီး ငယ်ငယ်က သူ့ကို မိဘမဲ့ကျောင်းမှာ စွန့်ပစ်ခဲ့တဲ့ မိခင်ကို ပြန်ရှာဖို့အတွက် မိခင်ရဲ့ ရုပ်ပုံလွှာကို ပြန်ဖော်နိုင်မယ့် မှတ်ဉာဏ်ဖော်စက်ကို တီထွင်ခဲ့ပါတယ်။ တီထွင်မှုတွေမှာ ကျရှုံးနေကျဖြစ်တဲ့အတွက် သိပ္ပံပြပွဲမှာ သူ့ရဲ့စက် အလုပ်မဖြစ်ခဲ့တဲ့အပေါ် ကိုယ့်ကိုယ်ကိုသာ ဒေါသထွက်နေမိတာပေါ့။ တကယ်တမ်းတော့ သူ့စက်ဟာ အောင်မြင်ခဲ့ပြီး မသမာသူတစ်ဦးကြောင့် ပျက်ခဲ့ရတာဆိုတာ မရိပ်မိခဲ့ပါဘူး။ စက်ကို လာရောက် ခိုးယူခဲ့တဲ့ မသမာသူက နှယ်နှယ်ရတော့ မဟုတ်ဘူး။ အနာဂတ်က လာတာ။ ကဲ ဘာလို့ အနာဂတ်ကတောင် လာပြီး ကလေးရဲ့စက်ကို ခိုးရတာလဲ။ ဒီကလေးက အနာဂတ်မှာ ဘာများဖြစ်နေလို့ပါလိမ့်ပေါ့နော်။

t.me/cartoonmoviesmms/1139

ပန်ဒါနီမလေး (၂၀၂၂)

လီမေလင်း ဆိုတဲ့ ၁၃ နှစ်အရွယ် ကောင်မလေးတစ်ယောက်ဟာ တရုတ်မိသားစုက ပေါက်ဖွားလာတာကြောင့် တရုတ်ရိုးရာ အရာအားလုံးကို နားလည်ထားပြီးကိုယ်တိုင်လည်း ဘုံကျောင်းကိစ္စတွေကို ဝင်ရောက် ဆောင်ရွက်နေသူပါ။ ဒါပေမဲ့ ဆယ်ကျော်သက်အရွယ်ကလေးပီပီပဲ မြတ်နိုးတန်ဖိုးထားရတဲ့ အဆိုတော်တွေ၊ ရင်ခုန်မိတဲ့ ကောင်လေးတွေ ရှိလာပါတော့တယ်။ အဲ့ဒီအချိန် ရှေးရိုးဆန်တဲ့ မိခင်ဖြစ်သူနဲ့ ကောင်မလေးရဲ့ ခေတ်ဆန်တဲ့ အတွေးအခေါ်တွေ ဘယ်လို အတိုက်အခံ ဖြစ်ကြမှာလဲဆိုတာတွေ။ လီမေလင်း လေးရဲ့ အကြိုက်ဆုံး အဆိုတော်အဖွဲ့ 4-Town အဖွဲ့က Concert ကျင်းပမှာဆိုတော့ သူ့ခမျာ သွားရဖို့ အရေးကြီးအောင် ကြိုးပမ်းအားထုတ်ရင်းနဲ့ စိတ်အရမ်း လှုပ်ရှားလာတဲ့အခါ လူစင်စစ်ကနေ ပန်ဒါနီ အဖြစ် ပြောင်းလဲသွားတတ်ပါတယ်။ ဘာတွေ ဆက်လက် ကြုံတွေ့ရမလဲ။ ဆယ်ကျော်သက် မိန်းကလေးတွေ ကြုံတွေ့ရတဲ့ ပထမဆုံး ဓမ္မတာ လာတဲ့အချိန်တွေ၊ ကိုယ့်ကိုယ် ကို လူကြီးလို့ သတ်မှတ်ချိန်မှာ မိဘတွေက ကလေးလိုသတ်မှတ်နေသေးလို့ ကတောက်ကဆ ဖြစ်ရတာလေးတွေ၊ ဆယ်ကျော်သက်သားသမီးတွေနဲ့ မိဘတွေကြား ရှိတတ်တဲ့ ပြဿနာလေးတွေ အပြင် သူငယ်ချင်းတွေကြား ထားရှိကြတဲ့ ဖြူစင်တဲ့ အချစ်မေတ္တာကိုပါ ခံစားရမှာပါ။

t.me/cartoonmoviesmms/1433

မကောင်းဆိုးဝါးမိသားစု (၂၀၁၇)

မိသားစုတစ်စုဆိုတာ အမြဲတမ်းပျော်ရွှင်နေရတာမဟုတ်ပါဘူး။ စိတ်ညစ်စရာလေးတွေ နည်းနိုင်သမျှ နည်းရင်ပိုကောင်းတာပေါ့။ ဒီဇာတ်ကားလေးထဲက အမ်မာ တို့ မိသားစုဟာလည်း လက်ရှိအချိန်မှာ အများစုမိသားစုတွေလိုပဲ အလုပ်နဲ့အိမ်ကြားမှာ ညှိဖို့ခက်နေပါတယ်။ အိမ်ထောင်ဦးစီးဖြစ်သူ အမ်မာ ရဲ့ အမျိုးသားက တစ်နေတစ်နေ့ အလုပ်နဲ့အိမ်ပဲကူးနေတယ်။ အမ်မာ ကိုယ်တိုင်ကလည်း သူ့အလုပ်နဲ့ ပတ်သက်နေပြီး သားသမီးတွေအတွက် အချိန်ကောင်းကောင်း မပေးနိုင်ကြ။ ဒီလိုနဲ့ ကလေးတွေကလည်း ကျောင်းမှာ ကိုယ်စီပြဿနာလေးတွေနဲ့ ရင်ဆိုင်နေရပါတယ်။ မိသားစုအတူရှိတဲ့အချိန်က တော်တော်နည်းသလို ရှိတဲ့အချိန်ကျလည်း ဘုနဲ့ဘောက်ဖြစ်နေကြပါတယ်။ ဒီလိုနေတဲ့ မိသားစုလေးဟာ သူတို့ဘဝကို ပြောင်းလဲပေးမယ့် နေ့တစ်နေ့ကို ကြုံလိုက်ရပါတယ်။ အဲ့ဒီနေ့ပြီးနောက်မှာ သူတို့မိသားစုလေးက “အေးအတူပူအမျှ” လို ပျော်ရွှင်စွာနေမလား၊ ဒါမှမဟုတ် “ကြိုးပျက်ခဲ့တဲ့အိမ်ထောင်မျိုး” လို မအောင်မြင်သွားမလားဆိုတာကတော့ စိတ်အပန်းဖြေတဲ့သဘောနဲ့ ကြည့်လိုက်ရင် သိလာမှာပဲ ဖြစ်ပါတယ်။

t.me/cartoonmoviesmms/1435

သိုးကလေး ရွှန် (၂၀၁၅)

ဒီတစ်ခါမှာဆိုရင်တော့ IMDb Rating 7.4/10 နဲ့ Rotten Tomatoes 99% ထိ ရယူထားတဲ့ ကားတွန်းကားလေးတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားကတော့ ထူးဆန်းစွာနဲ့ပဲ တစ်ကားလုံး စကားမပြောပါဘူး။ တွမ် နဲ့ ဂျယ်ရီ လိုမျိုး လက်ဟန်ခြေဟန်တွေနဲ့ပဲ ပုံဖော် ရိုက်ကူးထားတဲ့ ဇာတ်ကားဖြစ်ပါတယ်။ ဒီဇာတ်ကားဟာ ၂၀၀၇ ခုနှစ်မှာ TV ကာတွန်းစီးရီးအနေနဲ့ ရှိခဲ့ဖူးပြီး ၂၀၁၅ ခုနှစ်မှာ ဒီကားကိုထုတ်ခဲ့တာဖြစ်ပါတယ်။ ဇာတ်လမ်းကတော့အချေရုပ်နဲ့ ရွှန် ဆိုသော သိုးတစ်ကောင်ကနေ အစပြုပြီး ရိုက်ကူးထားတာဖြစ်ပါတယ်။ နေ့စဉ်ရက်ဆက် လုပ်နေရသော အလုပ်တွေကို ငြီးငွေ့လာတာကြောင့်လွတ်လပ်မှုကို ရှာဖွေရင်း မိမိသခင်ကို နေရပ်နဲ့ဝေးသော မြို့ကြီးဆီသို့ မထင်မှတ်ဘဲ ပို့လိုက်မိတာဖြစ်ပြီးနောက် သူတို့ သိုးအုပ်စုမြို့ပြကြီးမှာ သူတို့သခင်ကို ဘယ်လို ပြန်ရှာရင်း အလွဲတွေလုပ်မလဲဆိုတာကို တခွီခွီနဲ့ ကြည့်ရှုရမှာ ဖြစ်ပါတယ်။

t.me/cartoonmoviesmms/1437

ဆင်မ်စွန် (၂၀၀၇)

စပရင်းဖီးလ်ရေကန်ကြီးဟာ တစ်နေ့တစ်ခြား အမှိုက်သရိုက်တွေပိုမိုဖြည့်နှက်လာပြီး ရေညစ်ညမ်းမှုအခြေအနေက တဖြည်းဖြည်းနဲ့ ပိုဆိုးလာပါတော့တယ်။ အဲ့ဒါကို မြို့သူမြို့သားတွေက သတိပြုမိလာပြီး ရေကန်ကြီးထဲကို ဘာအမှိုက်အညစ်အကြေးမှ မစွန့်ပစ်ဖို့ သဘောတူညီလိုက်ကြပါတယ်။ ဒါပေမယ့် ဆစ်ပ်ဆန် မိသားစုရဲ့ ကပျက်ကချော်လုပ်တတ်တဲ့ ထုံးစံအတိုင်း အဖေဖြစ်သူ ဟိုမာဆစ်ပ်ဆန် က ရေကန်ထဲကို မတော်တဆ အမှိုက်ပစ်လိုက်မိပါတယ်။ အဲ့ဒီအခါမှာအစိုးရက ဒီအဆိပ်အတောက်တွေ တခြားမြို့တွေကို မကူးစက်အောင် စပရင်းဖီးလ်မြို့ကို မှန်ခုံးကြီးတစ်ခုပြီး လာအုပ်သွားပါတော့တယ်။ ဆစ်ပ်ဆန် မိသားစုက ဒီအဖြစ်အပျက်ရဲ့ တရားခံတွေဖြစ်သွားပြီး သူတို့ဘယ်လိုရှောင်ပြေးကြရမလဲ၊ ဒီမှန်ခုံးကြီးထဲက လွတ်မြောက်အောင် ဘယ်လိုလုပ်ကြမလဲဆိုတာကို ရုပ်ရှင်ထဲမှာ ဆက်လက်ခံစားကြပါ။ ဒီကားရဲ့ အကောင်းဆုံးအချက်ကတော့ ဇာတ်လမ်းဇာတ်အိမ်ကို ရှုထောင့်ပေါင်းစုံကနေ သရော်ပြနိုင်တာပါ။ ဒီဇာတ်ကားထဲမှာ နိုင်ငံရေး၊ ဘာသာရေး သရော်မှုတွေလည်း ပါဝင်ပြီး ဟာသလေးတွေကလည်း အတော်ထိပါတယ်။ ထို့အပြင် ဒီကားမှာ အနာဂတ်ခန့်မှန်းချက်တစ်ခုပါဝင်သေးတယ်။ ဘာလဲဆိုတာတော့ သေချာလေး ကြည့်ကြည့်ရင် တွေ့ပါလိမ့်မယ်။

t.me/cartoonmoviesmms/1439

အန္တိမတက်လှမ်း ချင်ရှူးအစွမ်း 🐢

လောကတစ်သောင်းကုန်းမြေကြီးမှာ ဂိုဏ်းပေါင်းစုံ၊ မျိုးနွယ်စုပေါင်းစုံ၊ နတ်ဘုရားမိသားစုတွေ စသဖြင့်ရှိကြပြီး စွမ်းအားသည်သာအရာရာ၊ ကျင့်ကြံရေးပါရမီဆိုတာ အဆင့်အတန်းကိုအဆုံးအဖြတ်ပေးနိုင်တဲ့အရာတစ်ခုပါ။

ဒီလိုလောကကြီးထဲမှာ နတ်ဘုရားသားတော်၁၈ ဟာ မိုးသိမြေသိ ကျင့်ကြံရေးပါရမီမပါတဲ့ အားနည်းသူလေးပါတဲ့။ အကြောင်းကတော့ သူ့ရဲ့ချီပင်လယ်ပြိုကွဲနေခဲ့တာကြောင့်ပင်။

ဒီလိုနဲ့ တစ်နေ့မှာ ချင်ရှူးတစ်ယောက် နတ်ဘုရားသားတော်၁၈ရဲ့ခန္ဓာထဲကို ဝိညာဉ်ကူးပြောင်းလာပြီး လောကအနှံ့လျှောက်သွားပြီး Sign in လုပ်ရုံနဲ့ အမိုက်စားဆုတွေပေးမဲ့စနစ်လေးပါ ရလိုက်ပါသေးတယ်။ အဲဒီနောက် ထာဝရလှုပ်ရှားမှုချီပင်လယ်ရသွားပြီး တစ်ဖက်မှာစတင်ကျင့်ကြံရင်း တစ်ဖက်မှာလည်း နေရာအနှံ့မှာ Sign in လုပ်ပြီး ပိုပိုစွမ်းအားကြီးလာပါတော့တယ်။

ဒါ့အပြင် မူလခန္ဓာပိုင်ရှင်ရဲ့ပွေလီမှုတွေကြောင့် နတ်ဘုရားသားတော်၁၈ထံ ဖမ်းပြီးပို့ခံလိုက်ရရှာတဲ့ နတ်သမီးတမျှချောမောပေမဲ့ လက်သံပြောင် ရတနာတိုက်အလုံးပေါင်းဒါဇင်ချီစားနိုင်သောသူ၊ ကျောက်စိမ်းရေကန်မှ ချစ်စဖွယ်သူတော်စင်မယ်လေး စတဲ့အလှပဂေးတွေနဲ့ပတ်သက်မိရင်း ချင်ရှူးတစ်ယောက် မဖြစ်မနေ အစွမ်းထုတ်ပြဖို့လိုလာပါတော့တယ်။

ဒီလိုနဲ့ ကျန်တဲ့နတ်ဘုရားသားတော်တွေကိုအနိုင်ပိုင်းကာ နောက်ဆုံးအောင်နိုင်သူဖြစ်လာပြီးသကာလ တဖြည်းဖြည်း လောကကြီးရဲ့လျှို့ဝှက်ချက်အမှန်တရားတွေကို သိလာရတဲ့အခါ….

လျှို့ဝှက်ချက်တွေ မြှုပ်ကွက်တွေအလယ်မှာ ချင်ရှူးတစ်ယောက် စနစ်ကိုဂုတ်ကဆွဲပြီး လောကတစ်သောင်းကိုအုပ်စိုးမဲ့ စွမ်းအားရှင်အရှင်သခင်ကြီးအဖြစ်ကို ဘယ်လိုတက်လှမ်းသွားမလဲဆိုတာကတော့…. 🦊🥕

t.me/animeseriesmyanmar/2586

ကောင်းကင်ညီလာခံရဲ့ အမှိုက်ကောက်ဆရာကြီး 🐿️

ခေတ်သစ်အချိန်အခါ သာမန်နေ့စဉ်ဘဝလေးမှာ မမျှော်လင့်ဘဲ ဝိညာဉ်စွမ်းအင်ပြန်လည်ကောင်းမွန်လာရာမှ သိုင်းလမ်းစဉ်နိုးထလာပြီး ဒဏ္ဍာရီလာဇာတ်လမ်းနဲ့ ခေတ်သစ်ပေါင်းစပ်တဲ့ စိတ်ကူးယဉ်ဆန်ဆန်လောကဖြစ်တည်လို့လာခဲ့ပါတော့တယ်။

ကျောက်ရှင့်တစ်ယောက် ကောင်းကင်ညီလာခံရဲ့ စွန့်ပစ်ပစ္စည်းတွေကို recycle လုပ်ခြင်းအားဖြင့် အထူးစွမ်းရည်ရရှိလာသတဲ့။

ဒီလောက်ဆန်းကြယ်တဲ့စွန့်ပစ်ပစ္စည်း ဘာပါလိမ့်ဆိုတော့ မဟာတန်ခိုးရှင် စွန်းဝူခုန်းဆီက ကျွတ်ကျတဲ့အမွေး၊ နတ်မင်းကြီးဆေးဖော်စပ်ရာမှ အပျက်အစီးဆေး၊ မက်မွန်ဥယျာဉ်မှ နတ်သမီးဖန်ထောင်ရဲ့ စည်းမျဉ်းဖောက်ဖျက်ပစ္စည်း အစရှိတာတွေတဲ့ဗျာ။

ဒီလိုနဲ့ ကျောက်ရှင့်တစ်ယောက် စွန်းဝူခုန်း၊ အာ့လန်နတ်ဘုရား၊ လနတ်သမီးချန်အယ် အစရှိတဲ့ ဒဏ္ဍာရီလာပုဂ္ဂိုလ်တွေနဲ့ပူးပေါင်းပြီး အင်အားစုအသီးသီးက အန္တရာယ်ကို ဘယ်လိုရင်ဆိုင်ဖြေရှင်းသွားကြမလဲဆိုတာကို မြင်တွေ့နိုင်မှာပဲဖြစ်ပါတယ်။

လူကြီးမင်းတို့ထင်တဲ့အတိုင်း အနောက်ဘက်သို့ခရီးသွားခြင်းနဲ့ နတ်ဘုရားဘွဲ့နှင်းခြင်းမှတ်တမ်းထဲက ဇာတ်ကောင်တွေကို ဒီကားမှာ ပြန်လည်တွေ့ဆုံနိုင်ဦးမှာပဲဖြစ်ပါတယ်။

t.me/animeseriesmyanmar/2589

အင်္ကျီကွက်နဲ့ နင်ဂျာရုပ်လေး (၂၀၁၈)

အဲလစ်စ် ဆိုတဲ့ ကောင်လေးဟာ သူ့မွေးနေ့မှာ မတွေ့တာကြာနေပြီဖြစ်တဲ့ ဦးလေး စတီးဝါ့ဒ် ဆီကနေ နင်ဂျာရုပ်လေးတစ်ရုပ် လက်ဆောင်ရခဲ့ပါတယ်။ နင်ဂျာရုပ်လေးဟာ တကယ့်အပြင်က ပုံမှန်နင်ဂျာသမားတွေလို အနက်ရောင်အင်္ကျီနဲ့ မဖြစ်ဘဲ အင်္ကျီအကွက်လေးနဲ့ ဖြစ်နေပါတယ်။ ဒါ့အပြင် ပိုထူးဆန်းတာက နင်ဂျာလေးဟာ အသက်ရှိနေတာပဲ ဖြစ်ပါတယ်။ အမြဲတမ်း မဝံ့မရဲ ဖြစ်နေတတ်တဲ့ အဲလစ်စ် ဟာ နင်ဂျာရုပ်လေးရဲ့ ကျေးဇူးနဲ့ ဘယ်လိုတွေဆက်ဖြစ်လာမလဲ။ သူတဖက်သတ် ကြိတ်ပြီးချစ်နေရတဲ့ ကောင်မလေးကရော သူ့လိုငရဲကြောက်လေးကို ပြန်ချစ်လာနိုင်ပါ့မလား။ နင်ဂျာရုပ်လေးက သူ့ကို ကူညီသလို သူကလည်း နင်ဂျာရုပ်လေးကို ဘယ်လိုပြန်ကူညီရမှာလဲ။ နင်ဂျာရုပ်လေးကရော ဘာကြောင့် အင်္ကျီအကွက်လေးနဲ့ ဖြစ်နေပြီးတော့ အသက်ဝင်နေရသလဲ။ ဇာတ်လမ်းလေးကို ကြည့်ရင်း အဖြေရှာကြည့်လိုက်ပါ။

t.me/cartoonmoviesmms/1444

အင်္ကျီကွက်နဲ့ နင်ဂျာရုပ်လေး ၂ (၂၀၂၁)

အဲလက်စ် ကတော့ သူ့ရဲ့ နင်ဂျာရုပ်လေး ပျောက်သွားတယ်ပဲ ထင်နေခဲ့ပေမဲ့လက်တွေ့မှာတော့ မီးရှို့ဖျက်ဆီးခံလိုက်ရပါတယ်။ သူတို့ မျက်မြင်သက်သေဖြစ်ခဲ့တဲ့ အမှုက ဗီလိန်ကလည်း သက်သေတွေ မခိုင်လုံတဲ့အတွက် အချုပ်ကနေလွတ်လာတော့မလာပါ။ အဲလက်စ် ကတော့ သူ့အမေကို နင်ဂျာရုပ်နဲ့ ဆင်တူ အရုပ်လေးတစ်ရုပ် ထိုးပေးဖို့ ပူဆာပါတော့တယ်။ ဒီလိုနဲ့ ဗီလိန်ကြီး ထောင်ဒဏ်ကို ရှောင်လွှဲနိုင်ခဲ့ပြီး လွတ်လာချိန်မှာတော့။ အဲလက်စ် တို့ သူငယ်ချင်းတစ်သိုက် ဘယ်လိုရင်ဆိုင်ကြမလဲဆိုတာ ဇာတ်လမ်းထဲမှာ အတူတူ အဖြေရှာကြည့်ကြပါစို့။

t.me/cartoonmoviesmms/1446

ရွာငယ်လေးမှ ကြိုဆိုပါ၏ (၂၀၂၁)

နေစရာအိမ်အသစ်ကို ရှာဖွေနေတဲ့ အော့ဂျီမိသားစုက ဒေသခံတွေ အမှိုက်ပစ်လေ့ရှိတဲ့ နေရာအနီးနားက စမယ်လီဗီးလ် ဆိုတဲ့ ရွာလေးကို ရောက်လာကြပါတယ်။ သိတဲ့အတိုင်းပဲ အမှိုက်ပုံအနီးနားက ရွာလေးဆိုတော့ အနံ့အသက်ကတော့ ဆိုးဝါးတာပေါ့။ ဒါပေမဲ့ ဆိုးဝါးလှတဲ့ အနံ့အသက်တွေရှိတဲ့ ရွာလေးကို အော့ဂျီ မိသားစုက “အိမ်” လို့ ခံစားရတယ်တဲ့။ ဘာဖြစ်လို့ ဒီလိုနေရာလေးကို အိမ်လို့ ခံစားရတယ်ဆိုတာကို ကြည့်ရှုလိုက်ကြပါဦး။

t.me/cartoonmoviesmms/1448

သီးခြားကမ္ဘာငယ်လေး (၂၀၂၁)

ဇွန်ဘာ့ဂ်ပိုးကောင်လေးတွေနေထိုင်တဲ့ သီးခြားကမ္ဘာငယ်လေးတစ်ခုရှိတယ်။ သိပ်ကိုပျော်စရာကောင်းတယ်။ အချင်းချင်းရန်လိုမှုနည်းတယ်၊ ရိုင်းပင်းတယ်၊ ကူညီတယ်၊ ဆိုးယုတ်မှုဆိုတာဘာမှန်းမသိတဲ့သူတို့ ကမ္ဘာငယ်လေးကို ကျူးကျော်သူ အရိုင်းအစိုင်းတွေဟာ ဝင်ရောက်တိုက်ခိုက်လာတယ်၊၊ အင်အားချင်းမမျှတဲ့အပြင် တိုက်ပွဲအတွေ့အကြုံနည်းပါးလွန်းတဲ့ ဇွန်ဘာ့ဂ်လေးတွေဟာ မရှုမလှရှုံးဖို့လက်မတင်လေးလိုပါတော့တယ်။ အဲ့အချိန်မှာပဲ ဇွန်ဘာ့ဂ်လေးတစ်ကောင်ဟာ နတ်သမီးတစ်ပါးဆီကို အကူအညီတောင်းပါတယ်။ ကျူးကျော်သူတွေကို အပြီးအပိုင်နှိမ်နှင်းပေးဖို့ပေါ့။ အဲ့ဒီနောက်မှာတော့ မမျှော်လင့်တဲ့ကိစ္စတွေဆက်တိုက်ဖြစ်လာပါတော့တယ်။ ဇာတ်လမ်းလေးကလည်းကောင်းတဲ့အပြင် ရိုက်ချက်တွေလည်း တော်တော်လှတာမို့ Animation ကားကောင်းကြိုက်သူတို့လက်မလွှတ်သင့်ပါကြောင်း

t.me/cartoonmoviesmms/857