နတ်မီးဖိုရှင် အမောင်လုလင်

တောင်ပေါ်သားလေး Jiang Han ကမိဘတွေကိုရှာဖွေဖို့အတွက် ကျင့်ကြံရေးလမ်းကြောင်းထဲကို ခြေချခဲ့ပါတော့တယ်။

မတော်တဆ သူ့ရဲ့ မာတာမိခင်ကြီးချန်ရစ်ခဲ့တဲ့ ကောင်းကင်သားရဲမီးဖိုကို အသက်သွင်းမိသွားပြီးတော့ တုနှိုင်းမဲ့နတ်တန်ခိုးကိုနိုးထအောင်လုပ်မိသွားပါတယ်။

မိဘတွေကို ရှာဖွေဖို့ သွားလာတဲ့ လမ်းမှာပဲ သူကအခက်အခဲမျိုးစုံကြုံတွေ့ခဲ့ရပြီး ကောင်းကင်သားရဲမီးဖိုကိုလိုချင်နေတဲ့ လောဘမုဆိုးတွေရဲ့ ပစ်မှတ်ဖြစ်လာခဲ့ပါတယ်။

ကောင်းကင်သားရဲမီးဖိုက လောကကြီးထဲကိုတဖန်ပြန်လည်ထွက်ပေါ်လာခဲ့ရာမှ အရှုပ်အထွေးတွေအစချီလာတဲ့အခါ 。。。

ကောင်းကင်သားရဲမီးဖိုက ဘယ်လိုအရာမျိုးလဲ?သူ့မိဘတွေပျောက်ဆုံးနေတာနဲ့ရောပတ်သက်နေမလား?

သူကရောကျင့်ကြံရေးအထွတ်အထိပ်ကိုရောက်ပြီး တစ်ကိုယ်တည်းအင်အားနဲ့ လမ်းတစ်ခုဖောက်ထွက်နိုင်မလားဆိုတာ 。。。

ကဲ ဒါလေးကတော့ တောင်ပေါ်သားလေး မြို့ပေါ်တက်ပြီးတော့ မိဘတွေကိုရှာရင်း ကျင့်ကြံရေးမြေကြီးကို ဘယ်လိုမွှေနှောက်မလဲဆိုတာကြည့်ကြရမှာပါ။ ရုပ်ထွက်မိုက်မိုက်နဲ့ ခပ်ကြမ်းကြမ်းကားမျိုးဖြစ်လို့ ကြည့်ရတာနောင်တမရစေမဲ့ ကားလေးတစ်ကားဖြစ်လာမှာပါပဲ။

t.me/animeseriesmyanmar/2547

အားလီ (၂၀၁၉)

ကာတွန်းကား ကောင်းကောင်းလေးတွေကို စောင့်မျှော်နေကြတဲ့ ပရိသတ်တွေအကြိုက်တွေ့စေမဲ့ ကာတွန်းကားလေးတစ်ကားကို မိတ်ဆက်ပေးချင်ပါတယ်။ ၁၂ နှစ်အရွယ် ကောင်လေး အာလီ ဟာ နည်းပညာမြို့တော်ကို ကာကွယ်ပေးနေတဲ့ လျှို့ဝှက်အေဂျင်စီတစ်ခုဖြစ်တဲ့ မာထာ ကနေ ဖန်တီးပြုလုပ်ပေးထားတဲ့ ခက်ခဲရှုပ်ထွေးလှတဲ့ လှုပ်ရှားမှုတွေကို အာရုံခံနိုင်တဲ့ စက်ကိရိယာ IRIS ကို မတော်တဆ အသက်သွင်းမိလိုက်ပြီးနောက်မှာတော့ လျှို့ဝှက်အေးဂျင့်တစ်ယောက်ဖြစ်လာပါတယ်။ သူ့ဦးလေး အေးဂျင့် ဘာကာ နဲ့အတူ တခြားငယ်ရွယ်တဲ့ အေးဂျင့်လေးတွေနဲ့ လေ့ကျင့်ပြီး မာထာ ရဲ့ မစ်ရှင်တွေကို ဘယ်လိုဆောင်ရွက်သွားမလဲ ဆိုတာကိုတော့ အေဂျင့် အာလီ ဆိုတဲ့ ၂၀၁၉ ခုနှစ်ထွက် ကာတွန်းကားလေးမှာ ကြည့်ရှုပေးကြပါဦးနော်။

t.me/cartoonmoviesmms/1365

အားလီ ၂ (၂၀၂၅)

ယခုတစ်ခေါက်မှာတော့ ၂၀၁၉ တုန်းက ထွက်ရှိခဲ့တဲ့ ကာတွန်းကားပရိသတ်များအကြိုက်ဖြစ်ခဲ့တဲ့ အေဂျင် အာလီ ဇာတ်လမ်းရဲ့ နောက်ဆက်တွဲအဖြစ် ၂၀၂၅ မှာ အသစ်ထွက်ရှိထားတဲ့ အေဂျင် အာလီ ၂ ပဲဖြစ်ပါတယ်။ ဒီအပိုင်းမှာတော့ အာလီ ဟာ အကျင့်စာရိတ္တ မကောင်းတာကြောင့် မာထာ အေဂျင်စီ ကနေ အထုတ်ခံလိုက်ရတဲ့ လျှို့ဝှက်အေးဂျင့်ဟောင်း နီယိုနီမက်စ် ဆီကနေ မာထာအေးဂျင့်တွေရဲ့ ကိုယ်ရေးအချက်အလက်တွေကို ဖော်ထုတ်ပစ်ကာ နည်းပညာမြို့တော်တစ်ခုလုံးကို ပြဿနာတွေ တက်အောင်လုပ်ပစ်မယ်ဆိုတဲ့ ခြိမ်းခြောက်မှုတွေကို ခံနေရတဲ့အတွက် အေဂျင်စီကို ကာကွယ်ဖို့ အာလီ တစ်ယောက် မာထာကို သစ္စာဖောက်ပြီး စက်ရုပ်တိုက်ပွဲနဲ့ ခြိမ်းခြောက်ခံနေရတာတွေကို ရင်ဆိုင်ရပါမယ်။ အရာအားလုံးကို ဖျက်ဆီးပစ်နိုင်တဲ့ အဆိုးစွန်ဆုံး နည်းပညာအပေါ် ယုံကြည်မလားဆိုတာကို ဆုံးဖြတ်ရတော့မှာဖြစ်သလို တစ်ဖက်မှာလည်း အလီရှာ ဟာ IRIS ဝတ်ဆင်သူ အသစ်အဖြစ် နီယိုနီမက်စ် ရဲ့ အစီအစဉ်တွေကို အသွင်ယူစုံစမ်းပြီး အသင်းကို ကယ်တင်ရပါမယ်။ ရှုပ်ထွေးလှတဲ့ လျှို့ဝှက်ချက်တွေ၊ သစ္စာရှိမှုတွေကို စမ်းသပ်ခံရရင်း အာလီ တစ်ယောက် ကြောက်ရွံမှုတွေကို ခံစားလာရပြီး သူငယ်ချင်းတွေကို ကာကွယ်နိုင်ပါ့မလား

t.me/cartoonmoviesmms/1367

လိပ်ကလေးရဲ့ပုံပြင် - ဆမ်မီရဲ့စွန့်စားခန်း (၂၀၁၀)

လူတွေရဲ့ ကျူးကျော်မှုတွေ၊ တစ်ကိုယ်ကောင်းဆန်မှုတွေကြောင့် တိရစ္ဆာန်လေးတွေရဲ့ ပိုင်နက်မြေက တစ်နေ့ထက်တစ်နေ့ ကျဉ်းမြောင်းလာပါတယ်။ အဲဒီလိုပဲစက်ရုံတွေ တည်ဆောက်တာ၊ အမှိုက်တွေ စွန့်ပစ်တာကြောင့် ကမ္ဘာအပူချိန်တက် လာပြီး ကုန်းနေ၊ ရေနေ တိရစ္ဆာန်လေးတွေရဲ့ ဘဝကိုထိခိုက်နေပြန်ပါတယ်။ အဲဒီလိုနဲ့ နောက်ပိုင်းမှာ လူသားတွေက ကိုယ့်လုပ်ရပ်ကိုယ် သိရှိလာပြီး ပြုပြင်ထိန်းသိမ်းမှုတွေလုပ်တာလည်း ရှိလာပါတယ်။ “လူသားတွေက ထူးဆန်းတယ်။ တချို့က ရှင်းလင်းသုတ်သင်နေချိန်မှာ တချို့ကတော့ အမှိုက်ဖွနေတုန်းပဲ” တဲ့။ ဘယ်လိုပဲဆိုပါစေ လူသားနဲ့ တိရစ္ဆာန် အတူယှဉ်တွဲနေထိုင်ရတဲ့ လောကကြီးမှာ အချင်းချင်း ကိုင်းကျွန်းမှီ ကျွန်းကိုင်းမှီပါပဲ။ ဒီကားလေးမှာတော့ ပင်လယ်လိပ်ကလေးတစ်ကောင် ဥကနေ အကောင်ပေါက်တဲ့အချိန်ကစလို့ လောကဓံတရားတွေကို ရင်ဆိုင်ရတာတွေ၊ သူငယ်ချင်း၊ ချစ်မေတ္တာအပြင် ဘဝရဲ့ အဓိပ္ပာယ်ကို ဘယ်လိုရှာဖွေတွေ့ရှိမလဲ ဆိုတာ ကြည့်ရှုရမှာ ဖြစ်ပါတယ်။

t.me/cartoonmoviesmms/1369

စကူဘီဒူး - ဆိုက်ဘာပြစ်မှု (၂၀၀၁)

IMDb - 7/10
Genre - Comedy, Adventure

ဒီတစ်ခါ ရုပ်ရှင်လေးမှာတော့ စကူဘီ တို့အုပ်စုဟာ သူငယ်ချင်း သိပ္ပံကျောင်းသား အဲရစ် ရဲ့ တက္ကသိုလ်ကို သွားစရာအကြောင်းဖန်လာပါတော့တယ်။ အကြောင်းအရင်းကတော့ ဂိမ်း ဖန်တီးသူတစ်ယောက်ဖြစ်တဲ့ အဲရစ် က စကူဘီ တို့အုပ်စုရဲ့ စွန့်စားခန်းတွေ အပေါ်မူတည်ပြီး ဂိမ်းတစ်ခု ထွင်ထားလို့ပါပဲ။ ရှက်ဂီ နဲ့ စကူဘီ ကတော့ ဂိမ်းအဓိက ဇာတ်ကောင်ဖြစ်ရတဲ့အရှိန်နဲ့ ဂိမ်းကို စမ်းဆော့ကြည့်ချင်စိတ် ငယ်ထိပ်ရောက်နေခဲ့ပါတယ်။ ဒါပေမယ့် အဲရစ် ဆီ တကယ်ရောက်သွားတဲ့အချိန်မှာတော့ ထင်ထားတာနဲ့ တက်တက်စင်အောင်လွဲသွားတာပါပဲ။ ဂိမ်းကို အစမ်းဆော့ကြည့်ဖို့ မဟုတ်ပဲ ဂိမ်းဖွင့်ခွင့်တောင် မရကြပါဘူး။ လွန်ခဲ့တဲ့ရက်ပိုင်းကပဲ အဲရစ် ရဲ့ ဂိမ်း တည်ဆောက်မှုအတွင်း အဓိကဖြစ်တဲ့ လေဆာပစ်လွှတ်မှုကနေ ဗိုင်းရပ်စ်တစ်ကောင် ခုန်ထွက်လာပြီး ပြဿနာ ဖြစ်သွားတာမို့ပါ။ ဂိမ်းထဲကနေ အပြင်လောကထိ သက်ရှိထင်ရှားအကောင်လိုက် ထွက်ချလာတဲ့ ဗိုင်းရပ်စ်ကြီးကို ထုံးစံအတိုင်း စကူဘီ တို့ကပဲ လိုက်ရှာဖမ်းရတော့တာပေါ့။ ဒါပေမယ့် စကူဘီ တို့သူငယ်ချင်း ငါးယောက်လုံးပါ ဗိုင်းရပ်စ်နဲ့အတူ ဂိမ်းထဲကို အပို့ခံလိုက်ရတဲ့အခါမှာတော့ ။

t.me/cartoonmoviesmms/1371

ဓါတ်ကြီးလေးပါး (၂၀၂၃)

မြေ၊ ရေ၊ လေ၊ မီး ဓာတ်ကြီးတွေကို ယူထားတာပါ။ ဒြပ်မြို့တော်ကြီးမှာ ရေ၊ လေ၊ သစ်သား နဲ့ တိမ်တွေ နေကြပေမဲ့ မီးနိုင်ငံက လူတွေကိုတော့ အဝင်မခံပါဘူး။ မီးမျိုးနွယ်တွေဟာ မြို့စွန်တစ်နေရာမှာ မီးမြို့လေး ဆောက်ပြီး သတ်သတ်နေကြရတာပါ။ အဲဒီမီးမျိုးနွယ်တွေထဲမှာ အမ်ဘာ ဆိုတဲ့ ဒေါသကြီးတဲ့ မီးကောင်မလေးတစ်ယောက်ရှိပါတယ်။ သူဟာ သူ့အဖေရဲ့ မီးမုန့်ဆိုင်ကို လက်လွှဲယူဖို့ စောင့်နေရပြီး သူ့အဖေကတော့ အမ်ဘာ ရဲ့ ဒေါသတွေကို ထိန်းနိုင်တဲ့နေ့မှာ ဆိုင်ကို လွှဲပေးပြီး အနားယူမှာပါ။ ဒါပေမဲ့ ဆိုင်ကို မဆက်ခံနိုင်ခင်မှာပဲ ရေပိုက်တွေနဲ့မတော်တဆမှုတွေဖြစ်ပြီး ဆိုင်အပိတ်ခံရမဲ့ ပြဿနာတက်လာပါတယ်။ အဲဒီအချိန်မှာ ရေကောင်လေး တစ်ကောင်နဲ့ ခင်မိပြီး မီးမြို့တော်ထဲကို ရေတွေ စိမ့်လာတဲ့ ပြဿနာကို ဖြေရှင်းဖို့ ကြိုးစားကြတဲ့အခါ။

t.me/cartoonmoviesmms/1373

ကြောင်ကလေး (၂၀၀၂)

တစ်နေ့မှာ ဟရု ဆိုတဲ့ အထက်တန်းကျောင်းသူလေးဟာ ကျောင်းသွားတဲ့လမ်းမှာ လမ်းဖြတ်ကူးနေတဲ့ ကြောင်လေးကို ကားတိုက်ခံရတာကနေ ကယ်ပေးခဲ့ပါတယ်။ ဒါပေမယ့် သူကယ်ခဲ့တဲ့ ကြောင်လေးဟာ စကားပြောတတ်တဲ့အပြင် ကြောင်တိုင်းပြည်ရဲ့ အိမ်ရှေ့စံမင်းသားလေးဖြစ်နေပါသေးတယ်။ အဲဒီကနေစလို့ ဟရု ရဲ့ နေ့စဉ်ဘဝမှာ ကြောင်တွေနဲ့ ပတ်သက်ပြီး ထူးဆန်းဆန်းတွေ စဖြစ်လာပြီးနောက်ဆုံးမှာ ကြောင်တိုင်းပြည်ကို ခေါ်ဆောင်သွားခံရဖို့ ဖြစ်လာတဲ့အခါမှာတော့ ။ ဒီဇာတ်လမ်းဟာ Whi-sper of the He-art ရဲ့ MC ဖြစ်တဲ့ ရှီဇူကီ ရေးထားတဲ့ ဇာတ်လမ်း ဖြစ်ပြီး ဖန် သီအိုရီ လည်းရှိပါတယ်။ အဓိကကတော့ WOTH မှာပါတဲ့ ဘာရွန် ဆိုတဲ့ ကြောင်ရုပ်တုလေးက ဒီမှာ အသက်ဝင်နေတဲ့အပြင် နာမည်နဲ့ ရုပ်လည်း အတူတူပါပဲ။ ဒါ့အပြင် သေချာသတိထားကြည့်ရင် ဒီနှစ်ကားရဲ့ ဆက်စပ်နေတဲ့ scene တော်တော်များများကိုလည်း တွေ့ရမှာမို့ ကြည့်ရှုအားပေးလိုက်ကြပါဦး ။

t.me/cartoonmoviesmms/1375

စပိုက်ဒါမန်း - အပြိုင်ကမ္ဘာများ (၂၀၂၃)

မိုင်းစ် မိုရယ်လစ်စ် ဟာ အပြိုင်စကြဝဠာက သူငယ်ချင်းတွေနဲ့ ခွဲခွာပြီးနောက် ပြန်မတွေ့ရတော့တာ ကြာပါပြီ။ သူ သတိရနေဆဲပေမယ့် တစ်ယောက်မှ လာမတွေ့ဖြစ်ကြပါဘူး။ တစ်နေ့မှာတော့ အပြိုင်စကြဝဠာတွေကြားထဲကို ခရီးသွားနိုင်တဲ့ စူပါဗီလိန် စပေါ့ နဲ့ ရင်ဆိုင်ဖို့ ဖြစ်လာပါတယ်။ အဲဒီအချိန်မှာပဲ စပိုင်ဒါဂွမ် တို့၊ ပီတာပါကာ တို့နဲ့ တွေ့ပြီး အပြိုင်စကြဝဠာတွေကို စောင့်ရှောက်တဲ့ အဖွဲ့ခေါင်းဆောင် စပိုင်ဒါမန်း မီဂဲ ဆီကို ရောက်သွားပါတယ်။ အဲဒီမှာမှ စကြဝဠာပေါင်းစုံက စပိုင်ဒါမန်း ရာထောင်ချီနဲ့ ထပ်တွေ့ပြီး စကြဝဠာကြီးကို ဘယ်လိုကယ်တင်ကြမလဲ ဆိုတာ ဆက်ကြည့်ရမှာဖြစ်ပါတယ်။

t.me/cartoonmoviesmms/1377

ရွာထဲမှာ လူမိုက်ဆိုတဲ့ကောင်ရှိတယ်ဗျ။ အရက်ကလေးဝင်လိုက်ရင် အော်တော့တာ

" အေး၊ တင်မောင်ကွ၊ မလုပ်ရဲတာ ဘာမှမရှိဘူးကွ " တဲ့

မလုပ်ရဲတာ ဘာမှမရှိရင် အလှပြင်ဆိုင်က ကျော်သန်းတို့လို့ ဖျင်ခံရဲလား လို့မေးခံရပြီးကတည်းက

အရက်မူးလာရင်

" အေး၊ တင်မောင်ကွ၊ လူမိုက်နော်၊ မလုပ်ရဲတာ တစ်ခုဘဲရှိတယ်ကွ " တဲ့

ပန်းနစ် ဆိုသောမြို့ကလေး (၂၀၀၉)

အင်ဒီးယန်း၊ ကောင်းဘွိုင် နဲ့ မောင်မြင်း ဆိုတဲ့ ပလတ်စတစ်ရုပ်ကလေးသုံးရုပ်က ကျေးလက်ဒေသက ရွာလေးတစ်ရွာမှာ အတူနေကြပါတယ်။ တစ်နေ့ မောင်မြင်း ရဲ့ မွေးနေ့မှာ အင်ဒီးယန်း နဲ့ ကောင်းဘွိုင် တို့က မွေးနေ့လက်ဆောင်မဝယ်ရသေးမှန်းသတိရပြီး အများနဲ့မတူတဲ့ လက်ဆောင်တစ်ခုပေးဖို့ ရေးကြီးသုတ်ပျာပြင်ဆင်ကြပါတယ်။ လက်ဆောင်အဖြစ် ဘာဘီကျူးလုပ်တဲ့ အကင်ဖိုတစ်ခုတည်ဆောက်ဖို့ ဆုံးဖြတ်လိုက်ပြီး လိုတဲ့အုတ်ချပ်ရေ ၅၀ ကို အွန်လိုင်းကနေမှာယူလိုက်ပါတယ်။ ဒါပေမဲ့ အမှားအယွင်းဖြစ်ပြီး အုတ်ချပ် ၅၀ အစား သန်း ၅၀ ရောက်လာရာက အစပြုပြီး ပြဿနာတွေတစ်ခုပြီးတစ်ခုတက်ကာ သူငယ်ချင်းသုံးယောက် တလွဲတွေဖြစ်ကြုံရတာတွေကို ကြည့်ရှုရမှာဖြစ်ပါတယ်။

t.me/cartoonmoviesmms/1382

လောင်မြိုက်နေသော မီးတောက်တစ်ခု (၂၀၂၄)

လူငယ်လေး လျိုဟန်စွင့် ဟာ ကျိုဟယ်မြို့ ခရိုင်လုံခြုံရေးစခန်း စခန်းမှူး သွမ့်လင် ရဲ့ မွေးစားသားဖြစ်ပါတယ်။ မကောင်းသူပယ် ကောင်းသူကယ်တဲ့သူရဲကောင်းလေးဖြစ်ချင်တဲ့ လျိုဟန်စွင့် ဟာ ရောဂါတစ်မျိုးကြောင့် သွမ့်လင် ရဲ့ ချုပ်နှောင်ခြင်းကို ခံထားရပါတယ်။ လမုန့်စားပွဲညမှာ လွန်ခဲ့တဲ့ ၁၀ နှစ်ကပျောက်ဆုံးသွားကြတဲ့ ပိုင်ထင်တောင် အမှုက စတေးသူများအဖွဲ့မှ ကလေး ၁၀ ယောက်ဟာ စက္ကူရုပ်လေးတွေ အဖြစ်နဲ့ မိဘတွေဆီကို ပြန်လာကြပြီး ဖျော်ဖြေပွဲလာရောက်ဖို့ ဖိတ်ကြားခဲ့ပါတယ်။ လျိုဟန်စွင့်၊ တုစွိုက် နဲ့ စွန်းရှောင်ချို့ တို့ ၃ ယောက်ဟာလည်း ပိုင်ထင်တောင် ကို သွားရောက်စုံစမ်းဖို့ ဆုံးဖြတ်ခဲ့ပါတယ်။ ပိုင်ထင်တောင် မှာ ပုန်းခိုနေတဲ့ မှော်ဂူသောက်မှ နတ်မယ်တော်လေး ရှောင်ပိုင် နဲ့ တွေ့ခဲ့ပြီး အချင်းချင်းတိုက်ခိုက်ခဲ့ပြီးနောက် သူတို့နှစ်ယောက်ရဲ့ အစွမ်းကိုပေါင်းစည်းပြီး စက္ကူရုပ်လေးတွေကို အသက်ဆက်ပေးလို့ရကြောင်း သိရှိသွားခဲ့ပါတယ်။ အဲ့ဒီနောက်မှာတော့ အစွမ်းကို တည်ငြိမ်အောင် လေ့ကျင့်ကြပါတော့တယ်။ သူတို့အစွမ်းတွေပေါင်းစည်းလိုက်ခြင်းက ကောင်းကျိုးလား ဆိုးကျိုးဖြစ်မလား။ လွန်ခဲ့တဲ့ ၁၀ နှစ်က အမှုကို ကြိုးကိုင်သူက ဘယ်သူဖြစ်မလဲ။

t.me/cartoonmoviesmms/1384

စတီဗင် ယူနီဗာ့စ် (၂၀၁၉)

ဒီကားကတော့ ဂျက် တွေကို အသက်ရှိတဲ့ပုံစံအနေနဲ့ ရိုက်ကူးထားတဲ့ ကားကောင်းတစ်ကားပါ။ လူသားတစ်ဝက် ဂျက် တစ်ဝက်ဖြစ်တဲ့ စတီဗင် က စင်္ကြဝဠာတစ်လျှောက် ငြိမ်းချမ်းမှု ဖော်ဆောင်ပြီး သူငယ်ချင်းတွေနဲ့အတူပျော်စရာ ဇာတ်သိမ်းခန်းလေး ကျင်းပနေခဲ့တာပေါ့။ ဒီအချိန်မှာပဲ ဂျက် တစ်ယောက် ရောက်လာပြီး သူနဲ့ သူ့သူငယ်ချင်းတွေကို တိုက်ခိုက်တဲ့အခါ မျှော်လင့်မထားတာတွေ ဖြစ်လာပါတော့တယ်။ ကြာမြင့်ချိန်ကလည်း မပြောပလောက်တဲ့အပြင် ဇာတ်လမ်းလေးကလည်း ကောင်း Musical Type လည်း ဖြစ်တာကြောင့် အတော်လေး ကြည့်ကောင်းတဲ့ ဇာတ်ကားတစ်ကားပါ။

t.me/cartoonmoviesmms/1386

အယ်လာ ဘယ်လာ ဘင်ဂို (၂၀၂၀)

ကလေးဘဝတုန်းက ကျွန်မတို့တွေ သူငယ်ချင်းတွေကို အရမ်းခင်တဲ့အကြောင်းတွေ ဝန်မခံခဲ့မိကြပေမဲ့ တစ်ယောက်ယောက်ကများ သူငယ်ချင်းအဖြစ်နဲ့ ဝင်လာခဲ့ရင် ကိုယ့်ထက်ပိုခင်သွားမှာကိုတော့ တိတ်တဆိတ်စိုးရိမ်ခဲ့ကြတာမလား။ ဒီကားလေးထဲမှာ အယ်လာ နဲ့ ဟန်ရီ တို့ သိပ်ခင်ကြတဲ့ သူငယ်ချင်းတွေပေါ့။ သိပ်ခင်တဲ့ သူတို့အကြားကို တခြားမြို့က ပြောင်းလာတဲ့ သူဌေးသားလူပေါ်ကြော့ ဂျော်နီ တစ်ယောက် ရောက်လာပါတော့တယ်။ ဂျော်နီ ဟာ ပိုက်ဆံချမ်းသာပေမယ့် မိဘတွေက အလုပ်ကြောင့် နေရာခဏခဏ ပြောင်းရတာမို့ သူငယ်ချင်းအတည်အကျ မရှိပါဘူး။ ဟန်ရီ ကိုတွေ့ပြီးတော့ သဘောကျသွားပြီ သူနဲ့သူငယ်ချင်းလုပ်ဖို့ မျိုးစုံကြိုးပမ်းပါတော့တယ်။ တစ်ဖက်မှာလည်း သူ့ရဲ့သူငယ်ချင်းကို သူများဆီ အပါမခံနိုင်တဲ့ အယ်လာ နဲ့ ဟန်ရီ ကို သူ့သူငယ်ချင်းဖြစ်စေချင်တဲ့ ဂျော်နီ တို့ ရန်ဖြစ်စကားများပြီး ပြဿနာတွေ ဆက်တိုက်ဖြစ်ပါတော့တယ်။ ဒီကားလေးက တကယ့်ကို ချစ်စဖွယ်ပါ။ သူငယ်ချင်းတွေအကြား ချစ်ခြင်းမေတ္တာကို ပြထားသလို ပြဿနာတွေ ကြုံရင်လည်း ဘယ်လို ဖြေရှင်းရတယ် ဆိုတာကို ပေါ့ပေါ့ပါးပါးနဲ့ ဟာသလေးတွေပေါင်းစပ်ထည့်ရင်း ပြထားပါတယ်။ အဆုံးထိ ကြည့်ချင်သွားအောင် ချစ်စဖွယ် ဇာတ်ရုပ်လေးတွေ ပါဝင်တာမို့။

t.me/cartoonmoviesmms/1388