ရုပ်ချောစေသော ရေ (၂၀၂၀)

IMDb - 6.1/10
Genre - Fantasy, Horror

ကိုရီးယားနိုင်ငံမှာ သူတို့ရဲ့ လူမှုပတ်ဝန်းကျင်ရဲ့ အလှအပစံနှုန်းတွေနဲ့ လွှမ်းမိုးခံရမှုတွေအကြောင်း စိတ်ကူးယဉ်ရိုက်ကူးထားတဲ့ ကိုရီးယား animation ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ရယ်ဂျီ ဟာ ငယ်စဉ်ကတည်းက မလှပတဲ့ ရုပ်ရည်နဲ့ ခန္ဓာကိုယ်ကြောင့် အနှိမ်ခံခဲ့ရတဲ့ ကောင်မလေးတစ်ယောက်ဖြစ်ပါတယ်။ လက်ရှိမှာ မိတ်ကပ်ဆရာမတစ်ယောက် အနေနဲ့ အလုပ်လုပ်နေပေမယ့် သူ့ရဲ့ ပုံပန်းသဏ္ဍာန်ကြောင့် အလုပ်မှာရော လူမှုဘဝမှာပါ အဆင်မပြေဘဲ လောကကြီးကို အမြဲမကောင်းမြင်နေတတ်တာပါ။ တနေ့မှာတော့ ရယ်ဂျီ ဟာ မထင်မှတ်ဘဲ scam mail တစ်ခုကို မှားနှိပ်မိပြီး အလှရည်တစ်ပုလင်း သူ့ဆီကို ပါဆယ်ရောက်လာပါတော့တယ်။ အဲဒီ အလှရည်နဲ့ ပြုပြင်လိုက်ရုံနဲ့ သူမတူအောင် လှပချောမောတဲ့ ကောင်မလေးတစ်ယောက်ဖြစ်သွားတဲ့အခါ… ရယ်ဂျီ ဟာ ဒီအလှရည်နဲ့ သူ ငယ်ငယ်ကတည်းက မက်မောခဲ့ရတဲ့ ခေါင်းအစခြေအဆုံးလှပလွန်းတဲ့ ရုပ်ရည်ကို မရရအောင် ယူဖို့အတွက် ကြိုးစားခဲ့တဲ့အခါမှာတော့ ရယ်ဂျီ ဟာ လှဖို့အတွက်ဆို ဘာမဆိုလုပ်ရဲလာပါတော့တယ်။

t.me/cartoonmoviesmms/311

အိပ်ပျော်နေသော မင်းသမီးလေး (၂၀၁၇)

IMDb - 6.3/10
Genre - Family, Adventure

အဖေနဲ့ပဲနေရပြီး အမိမဲ့နေတဲ့ ကောင်မလေးတစ်ယောက် ညတိုင်း သူမရဲ့ အိပ်မက်ထဲ မြင်နေရတဲ့ ဟက်လန်း ဆိုတဲ့ တိုင်းပြည်ငယ်လေးထို တိုင်းပြည်လေးရဲ့ မင်းသမီးလေးဟာ ထူးဆန်းစွာ သူမနဲ့ ရုပ်ရည်မျက်နှာပေါက်ချင်းတူညီနေသောအခါ သူမတို့အိမ်မှာ ထူးဆန်းစွာရှိနေတဲ့ တက်ဘလက်စ်လေးတစ်လုံး ထိုတက်ဘလက်စ်လေးဟာ မှော်စွမ်းအားရှိနေတာကို ထိုကလေးမလေးသိရှိသွားသောအခါ ဘာဆက်ဖြစ်မလဲ၊ ထူးဆန်းစွာ သေဆုံးခဲ့သော သူမရဲ့အမေကကော ဘယ်သူလဲ၊ ထိုမှော်တက်ဘလက်စ်လေးကကော ဘာတွေအစွမ်းထက်သလဲဆိုတာကို စိတ်ဝင်စားစွာ ကြည့်ရှုရမှာပါ။ ထူးဆန်းတာတွေ ကြိုက်နှစ်သက်တဲ့ ပရိတ်သတ်တွေအကြိုက်တွေ့စေမယ့် ဇတ်ကားတစ်ကားပါ။

t.me/cartoonmoviesmms/314

ဒေါသကြီးသောငှက်များ (၂၀၁၆)

IMDb - 6.3/10
Genre - Family, Comedy

ကမ္ဘာကျော်ဂိမ်းကို ရုပ်ရှင်အဖြစ် ပြန်ပြီး အသက်သွင်းတဲ့ကားဖြစ်ပါတယ်။ Animation ပရိတ်သတ်တို့ မျှော်လင့်ခဲ့ရတဲ့ ရုပ်ရှင်ကားဆိုလည်း မမှားပါဘူး။ ဇာတ်လမ်းအရဆိုရင် အန်းဂရီးဘတ် တွေ ဖြစ်ပေါ်လာပုံကို အစပျိုး မိတ်ဆက်ပေးထားပါတယ်။ ဂိမ်းထဲမှာ ဘာကြောင့် ဝက်တွေနဲ့ ရန်ဖြစ်ရလဲဆိုတဲ့အကြောင်းကို သိရမှာပါ။ ဂိမ်းထဲက အတိုင်း ငှက်တစ်ကောင်စီရဲ့ စွမ်းရည်တစ်မျိုးစီကိုလည်း ကောင်းကောင်းမွန်မွန် ကြည့်ရှုခံစားရပါမယ်။ ဇာတ်လမ်းကြီးကြီးမားမားမရှိပေမယ့် တင်ဆက်ပြသပုံ မဆိုးတဲ့အတွက် ကြည့်ရှုမယ့် ပရိတ်သတ်တွေ သဘောကျ စိတ်ကျေနပ်စေမှာပါ။

t.me/cartoonmoviesmms/315

ပညာရှိဇီးကွက် (၂၀၁၀)

IMDb - 6.1/10
Genre - Fantasy, Adventure

ဆောရန်နဲ့ ကလတ် ဆိုတာ အသိုက်တစ်ခုထဲမှာ မွေးဖွားလာတဲ့ ဇီးကွက်ပေါက်လေး နှစ်ကောင်ပါ။ တစ်ကောင်က စိတ်ထားနူးညံ့သူဖြစ်သလို အခြားတစ်ကောင်က စိတ်ထားကြမ်းတမ်းသူပါ။ စိတ်ထားခြင်းလားလားမှ မတူတဲ့ သူတို့ညီအကိုနှစ်ယောက် တစ်နေ့တော့ အသိုက်ကနေ ထွက်ကျပြီး အိမ်ကနေ ခွဲခွာခဲ့ရပါတော့တယ်။ မပျံနိုင်သေးတဲ့ ဇီးကွက်ပေါက်လေးတွေကို စုဆောင်းကာ ကျွန်အဖြစ် ခိုင်းစားနေတဲ့ သန့်စင်သူများ ဆိုတဲ့ ဇီးကွက်တိုင်းပြည်ကို သူတို့ ရောက်ခဲ့ပါတော့တယ်။ သူတို့နှစ်ယောက် ဘယ်လို ဆက်ဖြစ်မယ်၊ ဘယ်လိုတွေ ဆက်ရင်ဆိုင်ရမယ်ဆို စိတ်ဝင်စားစွာ ဆက်လက်ကြည့်ရှုရမှာပါ။ စိတ်ဓါတ်ခွန်အားတွေအများကြီး ပေးစွမ်းနိုင်တဲ့ ဒီကားလေးကို ပရိသတ်ကြီးအတွက် တင်ဆက်ပေးလိုက်ရပါတယ်။

t.me/cartoonmoviesmms/316

ပက်ဖင်းငှက်မောင်နှမ စွန့်စားခန်း (၂၀၂၃)

ရာသီဥတုပြောင်းလဲမှုတွေကြောင့် အူနာ တို့နေတဲ့ ပက်ဖင်းကျောက်ဆောင်ကို တခြား ပက်ဖင်းငှက်မျိုးစိတ်တွေလာရောက်ခိုလှုံလာကြပါတယ်။ အသစ်ရောက်လာတဲ့ ပက်ဖင်း ငှက်အုပ်ထဲမှာ အစ်ဇဘယ်နဲ့ ရွှေရစ်ငှက် ဖီးနစ်ဆိုတဲ့ ငှက်ကလေးနှစ်ကောင်ပါလာကြပြီး အူနာတို့နဲ့ သူငယ်ချင်းတွေဖြစ်သွားကြပေမဲ့လည်း အစ်ဇဘယ်ကတော့ မုန်တိုင်းကြောင့် ပျက်စီးသွားတဲ့ အိမ်အဟောင်းကိုပဲ လွမ်းနေရှာပါတယ်။ တစ်နေ့မှာတော့ မြေကျင်းထဲက ပက်ဖင်းငှက်ဥလေးတစ်လုံးပျောက်သွားတဲ့အတွက် အူနာတို့ သူငယ်ချင်းတစ်သိုက်ရော ၊ အရွယ်ရောက်ငှက်တွေပါလိုက်ရှာကြပေမဲ့ မုန်တိုင်းကလည်းကပ်လာနေတဲ့အခါမှာ အူနာတို့ရဲ့ ငှက်ဥပျောက်ရှာပုံတော်ခရီးက ဘယ်လိုဆက်ဖြစ်လာမလဲဆိုတာ ဆက်လက်ကြည့်ရှုလိုက်ကြပါဦး။

t.me/cartoonmoviesmms/1354

ဝေဟင်ထက်က ချစ်မေတ္တာ (၂၀၂၀)

(၃) ပွင့်ဆိုင်အချစ်ဇာတ်လမ်း ဆိုတာမျိုး တော်တော်များများ ကြားဖူးကြမှာပါ။ မီအို, အာရာတာ နဲ့ မာဒိုကာ တို့ သူငယ်ချင်း (၃) ဦးမှာ အာရာတာ ကို ၂ ယောက်လုံးက ကြိတ်ကြွေနေကြပါတယ်။ မင်းသမီး မီအို ကတော့ အရာရာကို လွယ်လွယ်နဲ့ အရှုံးပေးတတ်တယ်။ မီအို နဲ့ အာရာတာ ကတော့ ငယ်သူငယ်ချင်းတွေမို့ ပိုရင်းနှီးကြတယ်။ ဒါကို မခံနိုင်တဲ့ မာဒိုကာ က တစ်နေ့မှာ မီအို ကို သူ အာရာတာ ကို စိတ်ဝင်စားနေကြောင်း ဖွင့်ဟလာတဲ့အခါ မီအို က အားပေး အားမြှောက်လုပ်လိုက်ပါသေးတယ်။ တစ်နေ့ မီအို နဲ့ အာရာတာ တို့ လျှောက်လည်ရင်း စကားများကြတယ်၊ စကားလွန်မိတယ်။ ဒါကို ပြန်တောင်းပန်ဖို့ မီအို ခမျာ အပြေးသွားတဲ့ လမ်းမှာတင် accident တစ်ခုကို ကြုံလိုက်ရပြီး ဝိဉာဉ် လွင့်သွားပါတော့တယ်။ သူ့ခံစားချက် အစစ်အမှန်တွေကို မပြောလိုက်ရတာမို့ မီအို ကတော့ ဘဝမကူးဘဲ ကြားကမ္ဘာမှာတင် လူ့လောကကို ပြန်သွားနိုင်ဖို့ အစွမ်းကုန် ကြိုးစားရပါတော့တယ်။ အဆုံးမှာ သူ လူ့လောကကို ပြန်သွားနိုင်ပါ့မလား၊ အာရာတာ ဘက်ကရော ဘယ်လို သဘောထားလဲ၊ ဘယ်လို အခက်အခဲတွေ ကြုံရမလဲ ဆိုတာကို ငြိမ့်ငြိမ့်လေး ကြည့်ရှုရမယ့် Anime ကားကောင်းလေး တစ်ခု ဖြစ်ပါကြောင်း ညွှန်းဆိုလိုက်ပါရစေ။

t.me/cartoonmoviesmms/1356

စကူဘီဒူး - မမ်မီရှာတော်ပုံ (၂၀၀၅)

အီဂျစ်က ပြန်လည်ထူထောင်ရေးစခန်းမှာ မထင်မှတ်ထားဘဲ ဘုရင်မ ကလီယိုပတ်ထရာ ရဲ့ ရှေးဟောင်းလိုဏ်ဂူကို တစ်နေ့မှာ ရှာဖွေတွေ့ရှိခဲ့ကြပါတယ်။ ထူးဆန်းထွေလာဖြေရှင်းကြတဲ့ စကူဘီ တို့ဟာလည်း အခင်းဖြစ်ရာနေရာကို တစ်လက်စတည်း ရောက်ရှိသွားကြပါတော့တယ်။ ကျိန်စာတွေ အထပ်ထပ် ခတ်ပြီး ထောင်ချောက်တွေနဲ့ စနစ်တကျ စီမံထားတဲ့ မသေမျိုး မံမီ စစ်သည်တွေရှိနေတဲ့ ဂူထဲမှာ ဘယ်လို ဖြစ်ရပ်ဆန်းတွေ ဖြစ်နေတာလဲ၊ အဲဒီ ဖြစ်ရပ်ဆန်းတွေကို စကူဘီ တို့အုပ်စု ဘယ်လို ဖြေရှင်းသွားကြမလဲ ဆိုတာကို သမိုင်းကြောင်းတွေ၊ ဒဏ္ဍာရီတွေနဲ့ စပ်လျဉ်းပြီး စိတ်ဝင်စားဖွယ် ကြည့်ရှုရမဲ့ movie တစ်ခုပဲ ဖြစ်ပါတယ်။

t.me/cartoonmoviesmms/1358

ရွှေရောင်မျက်နှာဖုံးနှင့် သူရဲကောင်းများ (၂၀၂၄)

ဒီဇာတ်ကားလေးကတော့ စွန့်စားခန်းတွေနဲ့ ဟာသကို နှောပြီး ရိုက်ထားတဲ့ Animation ကားကောင်းလေးတစ်ကား ဖြစ်ပါတယ်။ ချာလီ ဆိုတဲ့ အိမ်ခြေရာမဲ့ အမေရိကန် သူခိုးကောင်လေးဟာ တစ်ရက်မှာ တရုတ်မင်းဆက် တစ်ခုရဲ့ ဆန်ချွင်ဒီ တိုင်းပြည်ကို မှော်ဂိတ်ပေါက်ကနေ ရောက်သွားရာကနေ အဲဒီတိုင်းပြည်ရဲ့ သူရဲကောင်းတစ်ယောက် ဖြစ်လာပုံကို ဒီဇာတ်ကားထဲမှာ အရောင်စုံစုံနဲ့ ကြည့်ရှုခွင့်ရမှာ ဖြစ်ပါတယ်။ ဒီဇာတ်ကားက ၈၀ ခုနှစ် နှောင်းပိုင်းတွေတုန်းက တရုတ်ပြည် တောင်ပိုင်းမှာ ရှေးဟောင်း မျက်နှာဖုံးတွေ ရှာတွေ့ထားတဲ့ ဖြစ်ရပ်မှန်ကို အခြေတည်ပြီး စိတ်ကူးယဉ် ရိုက်ကူးထားတဲ့ ဇာတ်ကားတစ်ကားလည်း ဖြစ်ပါတယ်။

t.me/cartoonmoviesmms/1360

နတ်တန်ခိုးရှင်ရဲ့မဟာကုသိုလ်တော်

သာမညောင်ညအရည်အချင်းပဲရှိတဲ့ Xuan Qi ကအစတုန်းကတော့ နတ်တန်ခိုးစာရင်းပေါ်ထဲမှာဘာအဆင့်သတ်မှတ်ချက်မရှိတဲ့ နတ်တန်ခိုးရှင်တစ်ယောက်ပေါ့။

သူ့ရဲ့ လူ့ဘဝအတွက်အတွေးအခေါ်ကတော့ ရိုးရိုးလေးပဲ ဒီလောကကြီးမှာ‌ဘေးကင်းကင်းနဲ့အေးအေးချမ်းချမ်းရှင်သန်နိုင်ဖို့ပဲ။

ဒါပေမဲ့ လူကငြိမ်ငြိမ်နေပေမဲ့ကံက ငြိမ်ငြိမ်မနေဘူးဆိုသလိုပဲ သူအပြင်ထွက်လိုက်တာနဲ့ ဧကရီချင်းချန်နဲ့ ရှေးဟောင်းနတ်ဆိုးရဲ့တိုက်ပွဲနဲ့သွားတိုးပြီးတော့ ကြားထဲကမြေစာပင်ဖြစ်သွားရော။

အသက်အန္တရာယ်နဲ့ကြုံလာတဲ့အချိန်မှာပဲ  Xuan Qi ကရုတ်တရက် ထျန်းရှို့စနစ်ကိုအသက်သွင်းမိသွားခဲ့တယ်။

အကျော်အမော်တစ်ယောက်လိုဟိတ်ဟန်ထုတ်လိုက်တာနဲ့ အင်အားတွေအဆက်မပြတ်ရနိုင်တဲ့ တကယ့်ရွှေလက်ချောင်းကိုရသွားတာပေါ့။

နောက်ပိုင်းမှာတော့ သူကအလွဲအလွဲအချော်ချော်နဲ့ နတ်အရှင်ဘုရင်လူဝင်စားဆိုတဲ့အထောက်အထားကြီးကိုရသွားပြန်ရော။

ဒီလိုနဲ့ စနစ်ကိုလက်တစ်ဖက်မှာဆွဲပြီး တစ်ဖက်မှာတော့နတ်ဆိုးတွေကိုတိုက်ရင်းခိုက်ရင်း နာမည်ကျော်ကြားလာတာနဲ့အမျှ အင်အားကြီးပုဂ္ဂိုလ်တွေရဲ့ အာရုံစိုက်မှုကိုခံရပြီး ရန်သူလည်းတိုးပွားလာလေတော့...။

အေးချမ်းချင်တဲ့မောင်အေးချမ်းတစ်ယောက် မအေးချမ်းနိုင်တော့တဲ့အခါ

t.me/animeseriesmyanmar/2543

ဟော့ပ် (၂၀၁၁)

ဒီရုပ်ရှင်ဟာ အီစတာပွဲ ကို အခြေပြုပြီး ရိုက်ထားတဲ့ ကလေးကြိုက် ကာတွန်းလို့ ပြောပေမယ့် တကယ့်ကို လေးနက်တဲ့ ရုပ်ရှင်တစ်ခုလို့လည်း ပြောလို့ရပါတယ်။ ငယ်ငယ်ထဲက ကြည့်ခဲ့ပေမယ့် ဘယ်အရွယ်ရောက်ရောက်၊ ဘယ်အချိန် ပြန်ကြည့်ကြည့်လည်း ရိုးမသွား၊ ပျင်းမသွားတဲ့ ရုပ်ရှင်ပဲ ဖြစ်သဖြင့် ရုပ်ရှင်ကြိုက်တဲ့ ရုပ်ရှင်ချစ်သူ တွေကိုလည်း ဒီဇာတ်ကားကို ကြည့်ဖို့ အကြံပြုပါတယ်။

t.me/cartoonmoviesmms/1143

နတ်မီးဖိုရှင် အမောင်လုလင်

တောင်ပေါ်သားလေး Jiang Han ကမိဘတွေကိုရှာဖွေဖို့အတွက် ကျင့်ကြံရေးလမ်းကြောင်းထဲကို ခြေချခဲ့ပါတော့တယ်။

မတော်တဆ သူ့ရဲ့ မာတာမိခင်ကြီးချန်ရစ်ခဲ့တဲ့ ကောင်းကင်သားရဲမီးဖိုကို အသက်သွင်းမိသွားပြီးတော့ တုနှိုင်းမဲ့နတ်တန်ခိုးကိုနိုးထအောင်လုပ်မိသွားပါတယ်။

မိဘတွေကို ရှာဖွေဖို့ သွားလာတဲ့ လမ်းမှာပဲ သူကအခက်အခဲမျိုးစုံကြုံတွေ့ခဲ့ရပြီး ကောင်းကင်သားရဲမီးဖိုကိုလိုချင်နေတဲ့ လောဘမုဆိုးတွေရဲ့ ပစ်မှတ်ဖြစ်လာခဲ့ပါတယ်။

ကောင်းကင်သားရဲမီးဖိုက လောကကြီးထဲကိုတဖန်ပြန်လည်ထွက်ပေါ်လာခဲ့ရာမှ အရှုပ်အထွေးတွေအစချီလာတဲ့အခါ 。。。

ကောင်းကင်သားရဲမီးဖိုက ဘယ်လိုအရာမျိုးလဲ?သူ့မိဘတွေပျောက်ဆုံးနေတာနဲ့ရောပတ်သက်နေမလား?

သူကရောကျင့်ကြံရေးအထွတ်အထိပ်ကိုရောက်ပြီး တစ်ကိုယ်တည်းအင်အားနဲ့ လမ်းတစ်ခုဖောက်ထွက်နိုင်မလားဆိုတာ 。。。

ကဲ ဒါလေးကတော့ တောင်ပေါ်သားလေး မြို့ပေါ်တက်ပြီးတော့ မိဘတွေကိုရှာရင်း ကျင့်ကြံရေးမြေကြီးကို ဘယ်လိုမွှေနှောက်မလဲဆိုတာကြည့်ကြရမှာပါ။ ရုပ်ထွက်မိုက်မိုက်နဲ့ ခပ်ကြမ်းကြမ်းကားမျိုးဖြစ်လို့ ကြည့်ရတာနောင်တမရစေမဲ့ ကားလေးတစ်ကားဖြစ်လာမှာပါပဲ။

t.me/animeseriesmyanmar/2547

အားလီ (၂၀၁၉)

ကာတွန်းကား ကောင်းကောင်းလေးတွေကို စောင့်မျှော်နေကြတဲ့ ပရိသတ်တွေအကြိုက်တွေ့စေမဲ့ ကာတွန်းကားလေးတစ်ကားကို မိတ်ဆက်ပေးချင်ပါတယ်။ ၁၂ နှစ်အရွယ် ကောင်လေး အာလီ ဟာ နည်းပညာမြို့တော်ကို ကာကွယ်ပေးနေတဲ့ လျှို့ဝှက်အေဂျင်စီတစ်ခုဖြစ်တဲ့ မာထာ ကနေ ဖန်တီးပြုလုပ်ပေးထားတဲ့ ခက်ခဲရှုပ်ထွေးလှတဲ့ လှုပ်ရှားမှုတွေကို အာရုံခံနိုင်တဲ့ စက်ကိရိယာ IRIS ကို မတော်တဆ အသက်သွင်းမိလိုက်ပြီးနောက်မှာတော့ လျှို့ဝှက်အေးဂျင့်တစ်ယောက်ဖြစ်လာပါတယ်။ သူ့ဦးလေး အေးဂျင့် ဘာကာ နဲ့အတူ တခြားငယ်ရွယ်တဲ့ အေးဂျင့်လေးတွေနဲ့ လေ့ကျင့်ပြီး မာထာ ရဲ့ မစ်ရှင်တွေကို ဘယ်လိုဆောင်ရွက်သွားမလဲ ဆိုတာကိုတော့ အေဂျင့် အာလီ ဆိုတဲ့ ၂၀၁၉ ခုနှစ်ထွက် ကာတွန်းကားလေးမှာ ကြည့်ရှုပေးကြပါဦးနော်။

t.me/cartoonmoviesmms/1365

အားလီ ၂ (၂၀၂၅)

ယခုတစ်ခေါက်မှာတော့ ၂၀၁၉ တုန်းက ထွက်ရှိခဲ့တဲ့ ကာတွန်းကားပရိသတ်များအကြိုက်ဖြစ်ခဲ့တဲ့ အေဂျင် အာလီ ဇာတ်လမ်းရဲ့ နောက်ဆက်တွဲအဖြစ် ၂၀၂၅ မှာ အသစ်ထွက်ရှိထားတဲ့ အေဂျင် အာလီ ၂ ပဲဖြစ်ပါတယ်။ ဒီအပိုင်းမှာတော့ အာလီ ဟာ အကျင့်စာရိတ္တ မကောင်းတာကြောင့် မာထာ အေဂျင်စီ ကနေ အထုတ်ခံလိုက်ရတဲ့ လျှို့ဝှက်အေးဂျင့်ဟောင်း နီယိုနီမက်စ် ဆီကနေ မာထာအေးဂျင့်တွေရဲ့ ကိုယ်ရေးအချက်အလက်တွေကို ဖော်ထုတ်ပစ်ကာ နည်းပညာမြို့တော်တစ်ခုလုံးကို ပြဿနာတွေ တက်အောင်လုပ်ပစ်မယ်ဆိုတဲ့ ခြိမ်းခြောက်မှုတွေကို ခံနေရတဲ့အတွက် အေဂျင်စီကို ကာကွယ်ဖို့ အာလီ တစ်ယောက် မာထာကို သစ္စာဖောက်ပြီး စက်ရုပ်တိုက်ပွဲနဲ့ ခြိမ်းခြောက်ခံနေရတာတွေကို ရင်ဆိုင်ရပါမယ်။ အရာအားလုံးကို ဖျက်ဆီးပစ်နိုင်တဲ့ အဆိုးစွန်ဆုံး နည်းပညာအပေါ် ယုံကြည်မလားဆိုတာကို ဆုံးဖြတ်ရတော့မှာဖြစ်သလို တစ်ဖက်မှာလည်း အလီရှာ ဟာ IRIS ဝတ်ဆင်သူ အသစ်အဖြစ် နီယိုနီမက်စ် ရဲ့ အစီအစဉ်တွေကို အသွင်ယူစုံစမ်းပြီး အသင်းကို ကယ်တင်ရပါမယ်။ ရှုပ်ထွေးလှတဲ့ လျှို့ဝှက်ချက်တွေ၊ သစ္စာရှိမှုတွေကို စမ်းသပ်ခံရရင်း အာလီ တစ်ယောက် ကြောက်ရွံမှုတွေကို ခံစားလာရပြီး သူငယ်ချင်းတွေကို ကာကွယ်နိုင်ပါ့မလား

t.me/cartoonmoviesmms/1367