မျက်နှာဖုံးဂိုဏ်း (၂၀၂၄)

စာတိုရို ဆိုတဲ့ စုံထောက်ဟာ သူ့ရဲ့ သတင်းပေးသမားလေး ဆကီ နဲ့အတူ အိုအုတ်စုဂျီ စုံထောက်ကုမ္ပဏီကို တည်ထောင်ထားပေမယ့် မယ်မယ်ရရ အလုပ်မဖြစ်တော့ ခက်ခဲတဲ့ အခြေအနေကို ရောက်နေပါတော့တယ်။ တစ်နေ့တော့ သူတို့မြို့မှာ ပွဲတော်ရာသီ ရောက်လာပြီး မြို့ပေါ်မှာ ခရီးသွား ဆပ်ကပ်တွေနဲ့ ပျော်ရွှင်မြူးထူးနေကြပေမယ့် တစ်ဖက်မှာတော့ လူတွေ အစုအပြုံလိုက် ပျောက်ဆုံးမှုတွေ ရှိနေပြီး အဲဒါတွေနဲ့အတူ ဘီးလုံးရာတွေပါ ပေါ်လာတတ်ပါတယ်။ အဲဒီကိစ္စကို စုံစမ်းဖို့ သတင်းသမားတစ်ယောက်က စာတိုရို ကို အလုပ်အပ်ခဲ့ပေမယ့် စုံထောက်က သူကိုယ်တိုင် မသွားဘဲ ဆကီ လေးကို လွှတ်လိုက်ပါလေရော။ တကယ်တော့ သူတို့နေတဲ့ မြို့က မြေအောက်မှာပါ “အမှောင်ထု” လို့ ခေါ်တဲ့ သီးခြား ဆိုဆိုက်တီ တစ်ခုရှိပြီး မကောင်းမှုတွေ၊ ခိုးဆိုးလုနှိုက်ဂိုဏ်းတွေနဲ့ ပြည့်နှက်နေတဲ့ နေရာတစ်ခု ဖြစ်ပါတယ်။ လူပျောက်မှုတွေရဲ့ နောက်ကွယ်က တရားခံကလည်း အမှောင်ထုထဲက မျက်နှာဖုံးဂိုဏ်းပဲလို့ ယူဆထားကြတာပါ။ ဒီလိုနဲ့ ဆကီ ကို အမှောင်ထုထဲကို သတင်းရှာ လွှတ်လိုက်ပေမယ့် ကောင်မလေးကိုပါ ပြန်ပေးဆွဲထားကြတော့ သူကိုယ်တိုင် အမှောင်ထုထဲကို သွားဖို့ ဖြစ်လာပါတော့တယ်။ အဲဒီလိုနဲ့ပဲ စာတိုရို ဟာ အမှောင်ထုထဲကို ရောက်သွားပြီး အဲဒီ မြေအောက်ကမ္ဘာမှာ မျက်နှာဖုံးဂိုဏ်းကို ရှင်းပစ်ဖို့ လုပ်နေတဲ့ နတ်ဆိုး 463 ဆိုတဲ့ သံချပ်ကာရထားကို ဦးစီးနေတဲ့ ရဲတပ်ဖွဲ့နဲ့ တွေ့ပြီး ပျောက်ဆုံးမှုတွေနဲ့ ပက်သက်ပြီး အတူတူ စုံစမ်းကြတဲ့အခါ ဆကီ ကိုရော ပြန်တွေ့နိုင်ပါ့မလား၊ အဲဒီ ပျောက်ဆုံးမှုတွေရဲ့ တရားခံကရော မျက်နှာဖုံးဂိုဏ်းဟုတ်ရဲ့လား၊ ဘီးလုံးရာတွေကရော ဘယ်ကလဲ၊ အခြား တရားခံတွေရော ရှိနေမလား ဆိုတာကို မြှုပ်ကွက်ပေါင်းစုံနဲ့ ကြည့်ရှုခံစားရမှာပဲ ဖြစ်ပါတယ်။ အနည်းငယ်တော့ ရှုပ်ထွေးမှုတွေ ရှိနိုင်ပေမယ့် သေချာ အာရုံစိုက်ကြည့်ရင် စိတ်ဝင်စားဖို့ကောင်းတဲ့ ဇာတ်လမ်းလေးတစ်ခု ဖြစ်လို့ ကြည့်ရှုအားပေးဖို့ ဖိတ်ခေါ်အပ်ပါတယ်ရှင့်။

t.me/cartoonmoviesmms/1319

အချစ်ပန်းလေး (၂၀၂၅)

ဟီရာဂိ နဲ့ ရှိဇုစုမိ တို့ကြားက အချစ်ပန်းလေး ဘယ်လို ဖူးပွင့်လာရလဲ ဆိုတာကို ပြသထားတာ ဖြစ်ပါတယ်။ ဟီရာဂိ တို့အဖွဲ့ဟာ သီချင်းဆိုဖို့ ပွဲထွက်ရတော့မှာ ဖြစ်ပြီး အခုတက်လာမဲ့ ပွဲမှာ သူတို့အဖွဲ့ရဲ့ဆုံးသွားတဲ့ သူငယ်ချင်းဟောင်း ယူကိ ဆိုတဲ့ ကောင်လေးရဲ့ သီချင်းကို ပြန်ရေးပြီး နောက်ဆုံးအနေနဲ့ ဖျော်ဖြေပေးဖို့ ပြင်ဆင်နေကြပါတယ်။ ဟီရာဂိ ဟာ သူ့အရင် သူငယ်ချင်း ယူကိ ရဲ့ တေးဂီတပါရမီကို လေးစားပြီး အားကျခဲ့ရတဲ့ အတွက် သူ့နားမှာပဲ အမြဲတစ်ပူးတွဲတွဲ ရှိနေခဲ့တယ်။ ဒါကို ရှိဇု ဟာ ဟီရာဂိ ကို ကြိတ် Crush နေပြီးတော့ နောက်ကွယ်ကနေ ပွဲကြည့် ပရိတ်သတ်လို ငေးနေရုံမှ အပ ဘာမှ မတတ်နိုင်ခဲ့ဘူး။ အခု ယူကိ လည်းဆုံးသွားပြီ ဖြစ်တော့ သူ့ရဲ့ သီချင်းကို ဆက်ဆိုဖို့ ပြင်ဆင်နေတုန်းမှာပဲ ဟီရာဂိ ဟာ ယူကိ ကို လေးစားမြတ်နိုးတာလောက်ပဲ ရှိပြီး ရှိဇု ကိုမှ တကယ်ချစ်နေတာ ဖြစ်ပါတယ်။ ဒီလိုနဲ့ သူတို့နှစ်ယောက်ကြား ခံစားချက်တွေ အပြန်အလှန် ရှိနေကြရင်း ဘယ်လိုလေး အချစ်ဇာတ်လမ်းကို ခင်းသွားကြမလဲ ဆိုတာ အားလုံးပဲ ကြည့်ရှုလိုက်ကြရအောင် နော်။

t.me/cartoonmoviesmms/1321

ဖိနပ်မပါသော ဂျန် (၁၉၈၃)

t.me/hanacartoons/5987

ဂျိုဗားနီးရဲ့ ကျွန်းကလေး (၂၀၁၄)

IMDb - 7.3/10
Genre - Adventure, Drama

ဒီကားလေးကတော့ ဂျပန်ကလေးနှစ်ဦးနဲ့ ဆိုဗီယက်မိသားစုတွေကြားမှာ ဖြစ်ပွားတဲ့ ငယ်ဘဝ၊ မိသားစု၊ မေတ္တာနဲ့ စစ်ပြန်အလွမ်းတွေအကြောင်း ဖြစ်ပါတယ်။

t.me/cartoonmoviesmms/732

ကုသိုလ်ပြုချင်သူ (၂၀၂၅)

မကောင်းတာတွေလုပ်ရင် ငရဲကျမယ်လို့ ဆုံးမခံရပြီးနောက် ၆ နှစ်သားသူငယ်ချင်းသုံးယောက်တို့ဟာ အကြီးကျယ်ဆုံးကုသိုလ်ကောင်းမှု တစ်ခုလုပ်ဖို့စွန့်စားပြီး စစ်ဖြစ်နေတဲ့ တိုင်းပြည်ကို ထွက်လာကြပါတယ်။ ဒါပေမယ့် သူတို့ရဲ့ရည်ရွယ်ချက်ကောင်းတွေက နေရာတိုင်းမှာ အလွဲအချော်တွေ၊ ပရမ်းပတာတွေကိုပဲ ဖြစ်ပေါ်စေတဲ့အခါ။ ဒီ ဆော်ဒီအာရေဗျ ရဲ့ ပထမဆုံး နက်ဖလစ် အန်နီမေးရှင်း ရုပ်ရှင်ဟာ ဟာသတွေ၊ ထူးဆန်းတဲ့ ပုံရိပ်တွေနဲ့ လူ့အဖွဲ့အစည်းကို သရော်ထားတဲ့ ဇာတ်လမ်းတစ်ခုဖြစ်တဲ့အပြင် ဇာတ်လမ်းအဆုံးထိ ဆွဲခေါ်သွားပေးမယ့် ဇာတ်အိမ်ဖြစ်နေတာကြောင့် လက်မလွှတ်တမ်း ကြည့်လိုက်ရအောင်။

t.me/cartoonmoviesmms/494

အာဖရိက က ပန်ဒါဝက်ဝံလေး (၂၀၂၄)

t.me/cartoonmoviesmms/492

မမ်မီများ (၂၀၂၃)

ဟာသကာတွန်းရုပ်ရှင်အသစ်လေးတစ်ခုလာပါပြီ။ ဒီကာတွန်းထဲမှာတော့ မံမီအားလုံးဟာ တမလွန်မြို့ကြီးတစ်ခုမှာ ထာဝရအသက်ရှင်နေထိုင်ကြပါတယ်။ မံမီအားလုံးကို ဖာရိုးဘုရင်ကြီး က အုပ်ချုပ်ပါတယ်။ ဖာရိုးဘုရင်ကြီး ရဲ့ သမီးတော် နက်ဖာ အတွက် ကြင်ယာဖက်ရွေးဖို့ အချစ်နတ်ဘုရားမရဲ့ ဖီးနစ်ငှက်ကို ရွေးခိုင်းရင်းနဲ့ တလွဲတွေဖြစ်ပြီး လှည်းပြိုင်သမား သွပ် ကို ရွေးချယ်ခံလိုက်ရပါတော့တယ်။ ဒါပေမဲ့ မင်းသမီးက လက်မထပ်ချင်လို့ ထွက်ပြေးရင်း၊ သွပ် ကလည်း သူ့ကိုသိမ်းဆည်းခိုင်းထားတဲ့ လက်ထပ်လက်စွပ် အခိုးခံရလို့ အပြစ်ပေးခံရမှာကြောက်ပြီး ပြန်လိုက်ရှာရင်း နှစ်ယောက်လုံး လူသားကမ္ဘာထဲကို ရောက်လာပါတော့တယ်။ မံမီတွေ လူသားကမ္ဘာထဲမှာ ဘာတွေတလွဲလုပ်ပြီး ဘာတွေရင်ဆိုင်ရမလဲဆိုတာ။

t.me/cartoonmoviesmms/466

ဘန် ၁၀ နှင့် အာကာသတိုက်ပွဲ (၂၀၂၀)

ဘန် ၁၀ ကိုဆိုမသိတဲ့လူမရှိလောက်ပါဘူးနော် အခုကားလေးကတော့ ဘန် ၁၀ နဲ့ အာကာသထဲက ဂြိုဟ်သားတွေရဲ့တိုက်ပွဲရယ် ဘန် ၁၀ ရဲ့နာရီလေးဘယ်လိုဖြစ်လာလဲရဲ့ နောက်ကြောင်းတွေရယ် ကြားထဲကဆက်စပ်မှုတွေအကြောင်းပါ။ ဘန်တို့ရဲ့ကမ္ဘာဂြိုဟ်ဆီကိုဥက္ကာခဲတစ်ခုဦးတည်လာနေတာကို သိပ္ပံပညာရှင်ကြီးဖေလ်ကတစ်ဆင့်သိခဲ့ရပါတယ်။ ကမ္ဘာပေါ်ကသာမန်လူဆိုးတွေလောက်ကိုဖမ်းရတာပျင်းနေတဲ့ဘန်ကအာကာသထဲထိသွားပြီး ဥက္ကာခဲကိုလမ်းကြောင်းလွဲအောင်တိုက်ထုတ်ပစ်လိုက်ဖို့စိတ်အားထက်သန်နေပါတယ်။ ဒီစွန့်စားခန်းမှာအရေးကြီးတာကဘန့်ရဲ့နာရီရယ် သုံးတတ်ရင်သုံးတတ်သလို အစွမ်းထက်တဲ့ နာရီသော့ရယ်ပဲဖြစ်ပါတယ်။ အမှန်တော့လာနေတဲ့ဥက္ကာခဲဆိုတာဂြိုဟ်သားရာဇဝတ်ကောင်ကြီးရဲ့ယာဉ်ပျံပါပဲ သူကဘန့်ရဲ့နာရီသော့ကိုလိုချင်လို့ကမ္ဘာထိလိုက်လာပေမယ့်။ ဘန်ကတော့အာကာသထဲကိုရောက်ပြီးကမ္ဘာနဲ့ အဆက်အသွယ်၊ အထိန်းအချုပ်မဲ့သွားချိန်မှာ နာရီကိုစတီထွင်ခဲ့တဲ့ ဂြိုဟ်သားသိပ္ပံပညာရှင်ကြီးနဲ့တွေ့ခဲ့ပါတယ်။ ထိုသိပ္ပံပညာရှင်ကြီးရဲ့အကြံဉာဏ်တွေအကူအညီတွေနဲ့ ဘန်ဟာကမ္ဘာကို ကယ်တင်တဲ့ရင်တမမကြည့်ရမယ့်ဇာတ်ကားကောင်းလေးဖြစ်ပါတယ်။

t.me/cartoonmoviesmms/458

အတူတူရဲရဲရင့်ရင့် ရင်ဆိုင်ကြစို့ (၂၀၂၀)

ဒီကားလေးဟာဆိုရင် လူမှုဆက်ဆံရေးမကောင်းတဲ့ကောင်လေးနဲ့ ကိုယ့်ရဲ့ရုပ်ရည်အပေါ် ယုံကြည်ချက်ကင်းမဲ့နေတဲ့ကောင်မလေးတစ်ယောက်တို့ရဲ့အချစ်ဇာတ်လမ်းကို ရိုက်ကူးထားတာဖြစ်ပါတယ်။ အချိန်ရှိတိုင်း သူဝါသနာပါရာ ကဗျာတွေကိုသာ ဖွဲ့နွဲ့နေတတ်ပြီး လက်ရှိမှာ ခါးနာနေတဲ့မိခင်အစား ဈေးဝယ်စင်တာရဲ့လူကြီးထိန်းဝန်ဆောင်မှုလုပ်ငန်းမှာ ဝင်လုပ်ပေးနေတဲ့ကောင်လေး ချယ်ရီနဲ့ ချစ်စရာကောင်းတဲ့အရာမှန်သမျှကိုကြိုက်တတ်တဲ့ စမိုင်းဆိုတဲ့ ဆယ်လီကောင်မလေးတို့နှစ်ယောက်ဟာ ကံစီမံရာဆုံတွေ့မှုတစ်ခုကနေစလို့ တစ်လှမ်းချင်းနီးစပ်လာခဲ့ကြပါတယ်။ ဒီလိုနဲ့ တဖြည်းဖြည်းချင်း တစ်ယောက်ရဲ့ယုံကြည်ချက်မရှိဖြစ်နေရတဲ့အချက်ကို တစ်ယောက်က လက်ခံမြတ်နိုးပေးတဲ့အဆင့်ထိ ရောက်လာခဲ့ကြပေမယ့်လည်း သူတို့နှစ်ယောက်ရဲ့ဘဝရှေ့ရေးမှာ တစ်ခုသောပြဿနာက ကြားဝင်လာတဲ့အခါမှာတော့။ အဲ့ဒီပြဿနာကို ရအောင်ဖြေရှင်းသွားပြီး လက်ချင်းတွဲသွားမလား။ လက်မြှောက်အရှုံးပေးသွားမလားဆိုတာကိုတော့ ဇာတ်ကားထဲရှုစားလိုက်ကြပါခင်ဗျ။

t.me/hanacartoons/5938

ခေတ်သစ်တစ်ခု စတင်ခြင်း (၂၀၂၄)

ပြေးလွှားဖို့ အတွက် ကံကြမ္မာနဲ့ မွေးဖွားလာကြတဲ့ မြင်းကောင်မလေးတွေက ဘာပဲလုပ်လုပ် မပြေးဘဲနဲ့ မနေနိုင်ကြပါဘူး။ ဂျန်ဂယ်ပေါ့ကတ် လို့ခေါ်တဲ့ကောင်မလေးက တစ်ရက်မှာ သူငယ်ချင်းတွေနဲ့အတူ အပြေးပြိုင်ပွဲကို လာကြည့်ရင်း ဖူဂျိ ခိဆဲခိ ဆိုတဲ့ အပြေးသမားနိုင်သွားတာကို မြင်သွားတဲ့အခါ သူလည်း အဲဒီလိုမျိုး ပြေးချင်တယ်၊ အမြန်ဆုံး မြင်းကောင်မလေးဖြစ်ချင်တယ်လို့ဆုံးဖြတ်ချက်ချခဲ့ပါတော့တယ်။ ဒီလိုနဲ့ ဂျန်ဂယ် က ဖူဂျိ ရဲ့ နည်းပြဖြစ်တဲ့ နာဘဲ လက်အောက်မှာ လေ့ကျင့်ဖို့ ဖြစ်လာပါတယ်။ ဖူဂျိ ကလည်း အကြောင်းတစ်ခုကြောင့် အပြေးသမားအဖြစ် ကနှုတ်ထွက်ခဲ့ရပြီး ဂျန်ဂယ် ကို အတူတူစောင့်ရှောက်ပေးဖြစ်ခဲ့ပါတယ်။ ဂျန်ဂယ် တစ်ယောက် ဘယ်လိုမျိုး ပြိုင်ဘက်တွေနဲ့ တွေ့ဆုံရမလဲ၊ ဖူဂျိ ကရော ဘာအကြောင်းတွေကြောင့် အနားယူခဲ့တာလဲ၊ ပြန်ပြီးရော ပြေးဖို့ ဖြစ်နိုင်ပါ့မလား ဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1329

ဒိုင်နိုဆော ဒိုင်ယာရီ (၂၀၂၄)

အသစ်စက်စက် ဆောက်လုပ်ထားတဲ့ အပန်းဖြေပန်းခြံတစ်ခုမှ ဒိုင်နိုဆောအစစ်တွေကိုပါ ပြသထားပါတယ်။ ဒီပရောဂျက်ကို အိုဒိုရိုကီ ကဦးဆောင်ကာ တိုကျိုမြို့လယ်မှာ ဖွင့်လှစ်ထားတာပါ။ ဒီပန်းခြံကို လာရောက်လည်ပတ်ဖို့ စစဖွင့်ခြင်းမှာတင် ၂ နှစ်စာ ဘိုကင်တွေ ပြည့်သွားလောက်အောင် လူအများရဲ့ အာရုံစိုက်ခြင်းခံထားရပါတယ်။ ရှင်းချမ်း ကတော့ သူ့ရဲ့ငါးနှစ်သားအရွယ် နွေရာသီကို ကမ်းခြေမသွားရဘဲ အိမ်မှာပဲ သောင်တင်ဖြတ်သန်းနေရပါတယ်။ ဒီလိုနဲ့ တစ်နေ့မှာ သူနဲ့သူ့သူငယ်ချင်းတွေ ဒိုင်နိုဆောပန်းခြံကို လည်ပတ်ခွင့်ရပြီး ဂိုက်ဖြစ်သူ အန်ဂျဲလာ-ချမ်း နဲ့ဆုံခဲ့ကြတယ်။ အိမ်ပြန်ရောက်ပြီးနောက်နေ့မှာ ရှင်းချမ်း နဲ့ သူ့ခွေးလေး ရှီရို ဟာ ဒိုင်နိုဆောကလေးလေးတစ်ကောင်နဲ့ အမှတ်မထင်တွေ့ပြီး အိမ်ကို ခေါ်မွေးစားလိုက်ပါတယ်။ ဒီ ဒိုင်နိုဆောလေးကို ပြန်ခေါ်ဖို့ အိုဒိုရိုကီ ဘက်ကအသည်းအသန် ကြိုးစားပါတော့တယ်။ ဒိုင်နို‌ဆောပန်းခြံရဲ့ လျှို့ဝှက်ချက်က ဘာလဲ၊ ဒီ ဒိုင်နိုဆောကလေးလေးကို ရော အသည်းအသန် ပြန်လိုချင်နေတာ ဘာကြောင့်လဲ၊ ရှင်းချမ်း တို့က ရော ဒီကလေးလေးကို ကာကွယ်နိုင်မလားဆိုတာ စောင့်ကြည့်ရမှာပါ။

t.me/cartoonmoviesmms/1331

အောင်မြင်ခဲ့သော အချိန်လေးများ (၂၀၂၄)

ကျောင်းသားလေး ကနာတာ အာဆာရာ ဟာ သီချင်းဗီဒီယိုတွေကို ဖန်တီးချင်တဲ့ သူ့ရဲ့ အိပ်မက်ကိုလောလောလတ်လတ် ရှာဖွေတွေ့ရှိထားသူပါ။ သူကြိုက်တဲ့ ရှုခင်းလေးတွေကို ရိုက်ထားတတ်ပြီး ကြိုက်တဲ့ သီချင်းလေးတွေကို ပေါင်းစည်းကာ သီချင်းဗီဒီယိုတွေ ဖန်တီးရတာကို ဝါသနာပါသူတစ်ယောက်ပေါ့။ တစ်နေ့မှာတော့ ကျောင်းပွဲတော် ကြော်ငြာဗီဒီယိုလုပ်ဖို့ ဝါသနာအိုးလေး ကနာတာ ကို သူငယ်ချင်းတွေက အကူအညီတောင်းလိုက်ပါတယ်။ ကနာတာ တစ်ယောက် သီချင်းဗီဒီယိုအတွက် အကိုးအကားရှာဖို့ ခြေဦး တည့်ရာ လျှောက်သွားရင်း လမ်းဘေး တစ်နေရာ မိုးရွာထဲမှာ ခံစားချက်အပြည့်နဲ့ ဂစ်တာတီးပြီး သီချင်းဆိုနေတဲ့ မိန်းမငယ်လေးတစ်ယောက်ကို တွေ့လိုက်ပါရော။ နောက်တစ်နေ့ ကျောင်းကို ရောက်တော့ မနေ့က တွေ့ခဲ့တဲ့ အဆိုရှင်က ဒီနေ့မှ ကျောင်းကို အသစ်ရောက်လာတဲ့ သူ့ရဲဆရာမဖြစ်နေပါတော့တယ်။ ဆရာမက အရင်က သူဝါသနာအရမ်းပါတဲ့ သီချင်းတွေ ဖန်တီးခဲ့ပေမယ့် တစ်ပုဒ်မှ နာမည်လည်းမကြီး၊ ပရိသတ်ရင်ထဲကိုလည်း မရောက်စေခဲ့တာမို့ သူ့ရဲ့ အိပ်မက်ကို စွန့်လွှတ်ပြီး ဆရာမ အလုပ်နဲ့ အသက်မွေးဝမ်းကျောင်းပြုဖို့ ဆုံးဖြတ်လိုက်တာပါ။ အဲဒီမှာ ကျောင်းသားလေး ကနာတာ ဟာ ဆရာမရဲ့ သီချင်းကို သီချင်းဗီဒီယိုလုပ်ပြီး လူတွေဆီကို ဖြန့်ချီချင်တယ်လို့ ခွင့်တောင်းလိုက်ပြီး ကနာတာ က ဆရာမဝါသနာပါတဲ့ သီချင်းတွေကို ဆက်လုပ်နိုင်အောင် ဘယ်လိုအားပေးသွားမယ်ဆိုတာကို ကြည့်ရှုရမှာ ဖြစ်ပါတယ်။

t.me/cartoonmoviesmms/1333