ကမ္ဘာဦးအစက ဒိုင်နိုဆောလေးများ ၂ (၂၀၀၂)

t.me/cartoonmoviesmms/1297

ဆန်တာကလော့ (၂၀၁၉)

ချစ်ခြင်းမေတ္တာကို လူသားတွေက နည်းလမ်းအမျိုးမျိုးနဲ့ ဝေမျှကြပါတယ်။ ဒီခေတ်မှာ စာအိတ်ထဲထည့်ပေးကြတဲ့ ပေးစာတွေ မရှိတော့ဘူးဆိုပေမဲ့ လူမှုကွန်ယက်ပေါ်ကဖြစ်ဖြစ် တစ်ယောက်ကို တစ်ယောက် စာတွေပေးပို့နေကြတုန်းပါပဲ။ ဒါပေမဲ့ ပေးပို့တဲ့ စာတွေထဲမှာ အမုန်းတရားတွေထက် ချစ်ခြင်းမေတ္တာတွေ ထည့်ပေးထားရင် မကောင်းဘူးလား။ ဒီဇာတ်ကားလေးကတော့ အေးမြတဲ့ ခရစ္စမတ်အကြောင်းကို နွေးထွေးတဲ့ ချစ်ခြင်းမေတ္တာနဲ့ ပုံဖော်ထားတဲ့ ချစ်စရာကောင်းတဲ့ ဇာတ်ကားလေးပဲဖြစ်ပါတယ်။ ခရစ္စမတ်မှာ လက်ဆောင်တွေ လာပေးနေတဲ့ခရစ္စမတ်ဘိုးဘိုးကြီးလို့ ခေါ်တဲ့ စန်တာကလောက်စ် အကြောင်း အခြေခံပြီး ပုံဖော်ထားတာပါ။ အခွင့်ထူးခံ လူပေါ်ကျော့ ဂျက်စပါ ဆိုတဲ့ လူငယ်လေးတစ်ယောက်ဟာ အဖေ့ရဲ့ စာပို့လုပ်ငန်းကြီးမှာ လက်ကျောတင်းအောင် မလုပ်ချင်ဘဲ ပျင်းရိနေတဲ့အတွက်ကြောင့် သူ့ကို အပြစ်ပေးတဲ့အနေနဲ့ လူသူမနီးတဲ့ ကျွန်းတစ်ကျွန်းပေါ်က မြို့ကလေးမှာ စာပို့သမားလုပ်ဖို့ ပို့လွှတ်စေခိုင်းခဲ့ပါတယ်။ ရိုင်းပြပြီး အမြဲဒေါသထွက်နေတဲ့ လူတွေနေတဲ့ အေးခဲခေါင်ဖျားလွန်းတဲ့ စမီရင်ဘာ့ဂ် မြို့ကလေးကနေ တစ်နှစ်အတွင်း ပေးစာ ၆၀၀၀ ထွက်လာအောင်လုပ်မှ ဒီမြို့ကနေ ပြန်ရမယ်။ မဟုတ်ရင် အဖေက အမွေ ပြတ်စွန့်လွှတ်မဲ့။

t.me/cartoonmoviesmms/1300

အတိတ်ရဲ့ ကတိများ (၂၀၀၄)

ကျွန်တော်တို့အားလုံး ရနံတွေနဲ့ကင်းလို့ရချင်ရမယ်။ အရောင်တွေနဲ့ကင်းလို့ရချင်ရမယ်။ အချစ်ဆိုတာကြီးကိုတော့ ကင်းကွာဖို့ ခဲယဉ်းလွန်းလှပါတယ်။ ဒီဇာတ်လမ်းလေးက ဒုတိယကမ္ဘာစစ်အပြီး 1996ခုနှစ်မှာဖြစ်ပျက်ခဲ့တဲ့ ကျောင်းသားလေးတစ်ယောက်နဲ့ ကျောင်းသူလေးတစ်ယောက်အကြောင်းကိုရိုက်ပြထားတာပါ။ကျောင်းသား ကျောင်းသူဘဝ အစပိုင်းမှာရိုးစင်းစွာခင်ခဲ့ကြပေမယ့် နောက်ပိုင်းတော့ သူတို့နှလုံးတွေကသံစဉ်တွေပြောင်းကုန်တယ်..သို့ပေမယ့် သာမန်သူငယ်ချင်းတွေလိုပဲဖြတ်သန်းခဲ့ကြတယ်..သူတို့နေတဲ့ နေရာမှာ မျှော်စင်ကြီးတစ်ခုရှိတယ်။ ငယ်ရွယ်တဲ့သူတွေအဖို့ သူတို့မှာအိပ်မက်တွေလည်းရှိကြတယ်။ အဲ့ဒါကတော့ လေယာဉ်တည်ဆောက်ဖို့ပါပဲ။ ပြီးတော့ ထူးခြားတဲ့ မျှော်စင်ရဲ့ လျို့ဝှက်ချက်ကို သူတို့ဖော်ဖို့လုပ်နေတုန်းမှာပဲကောင်မလေးက ရုတ်တရက်ပျောက်သွားတယ်။ ကောင်မလေး ဘာကြောင့်ပျောက်သွားတာလဲ။ သူတို့ပြန်လည် ဆုံတွေ့နိုင်ဦးမလား

t.me/cartoonmoviesmms/1302

အပြာရောင်မိုးကောင်ကင် (၂၀၂၀)

အအိုအီ အိုင်အိုအီ ဆိုတဲ့ အထက်တန်းအရွယ် ကျောင်းသူမလေးဟာ ကားမတော်ဆမှုကြောင့် မိဘနှစ်ပါးလုံးဆုံးရှုံးပြီးတဲ့နောက်မှာ အစ်မဖြစ်သူ အခန်နေ အိုင်အိုအီ နဲ့အတူ ဘဝကို ရုန်းကန်ကြရပါတယ်။ ဒါပေမဲ့ မတော်မတဖြစ်တဲ့ အချိန်တုန်းက အအိုလေးဟာ ကလေးပဲရှိသေးတဲ့အတွက် အစ်မဖြစ်သူ အခန်နေ ကပဲမိဘတစ်ယောက်လို စောင့်ရှောက်ခဲ့ရပါတယ်။ အအိုအီငယ်ငယ်တုန်းက သူ့အစ်မရဲ့ ရည်းစားဟောင်း ဖြစ်သူ ရှင်းနိုခါနာမူရို ကြောင့် ဂီတာတီးတာကို ဝါသနာပါလာခဲ့ပါတယ်။ သူ ကျောင်းပြီးရင် မြို့ကနေ ထွက်သွားပြီး တိုကျို မှာ ဂီတအဖွဲ့တစ်ခုထဲ ဝင်ဖို့ ဆုံးဖြတ်လိုက်တယ်။ သူ့ရဲ့ ဝါသနာအပြင် သူ့အစ်မကို သူ့ကြောင့် ဆက်ပြီးမပင်ပန်းစေချင်တဲ့ ဆန္ဒကြောင့်လည်း သူတို့မြို့လေးကနေ ပိုပြီး ထွက်သွားချင်ခဲ့ပါတယ်။ တစ်နေ့ အအိုအီ တစ်ယောက် ဂီတာတီးကျင့်နေရင်း ၁၈ နှစ်အရွယ် ရှင်းနို ကို ရုတ်တရက် အခန်းထဲမှာ တွေ့လိုက်ပါတယ်။ ပြီးတော့ ယခု ပစ္စုပန်က ၃၁ နှစ်အရွယ် ရှင်းနို ကလည်း တိုကျို ကို ပြောင်းသွားတဲ့နောက် ဂီတပွဲတစ်ခုကြောင့် မြို့ကို ပြန်ရောက်နေပါတယ်။ ဒါပေမဲ့ အခု ရှင်းနို နဲ့ အတိတ်က ရှင်းနို က လုံးဝကို ကွာခြားနေပါတယ်။ ဒါဆို ၁၈ နှစ်အရွယ် ရှင်းနို က ဘာကြောင့် ရှိနေရတာလဲ၊ ငယ်ချစ်ဦးတွေဖြစ်ကြတဲ့ အခန်နေ နဲ့ ရှင်းနို ကရော။

t.me/cartoonmoviesmms/1304

နတ်မင်းတို့၏မျိုးဆက် (၂၀၂၁)

အသက် ဆယ့်နှစ်နှစ် အရွယ်ဖြစ်သူ ခါနာ က နတ်မင်းတွေရဲ့ မျိုးဆက် တစ်ဦးပါ။ သူမရဲ့ အမျိုးတွေဟာ မျိုးဆက်အလိုက် လက်ဆောင်ပဏ္ဏာပိုတဲ့ တာဝန်ကို ထမ်းဆောင်ရပါတယ်။ အီဇူမို နတ်သဘင်ပွဲတော်ဆိုရင် ဂျပန်တစ်နိုင်ငံလုံးက နတ်မင်းတွေရဲ့ လက်ဆောင်ကို အီဇူမို နတ်ကွန်းထိ သယ်ဆောင်ပေးရတာပါ။ ခါနာ မေမေက ဒီတာဝန်ကို ထမ်းဆောင်ရမှာ ဆိုပေမယ့် သူမ သေဆုံးသွားတဲ့အခါ ဒီတာဝန်က ခါနာ ပခုံးပေါ် ရောက်လာခဲ့ပါတယ်။ ခါနာ ကလည်း နတ်သဘင်ပွဲ ပြုလုပ်တဲ့ခရီးအဆုံးမှာ သူမ အမေကို တွေ့နိုင်မယ် ဆိုတဲ့ မျှော်လင့်ချက်နဲ့ ဒီခရီးကို တက်ကြွစွာ သွားပါတော့တယ်။ ဒါပေမဲ့ မမျှော်လင့်တဲ့ အဖြစ်အပျက်တွေ၊ မမျှော်လင့်ဘဲ ရခဲ့တဲ့ သူငယ်ချင်းနှစ်ယောက်နဲ့ အမေဆုံးပြီးကတည်း မပြေးနိုင်ခဲ့တဲ့ ခါနာ တစ်ယောက် ပြန်ပြေးနိုင်ပါ့မလား ဆိုတာကို ဆက်ကြည့်ပေးကြပါဦးနော်။

t.me/cartoonmoviesmms/1306

ဖာဒီနန် (၂၀၁၇)

IMDb - 5.9/10
Genre - Family, Comedy

ဖာဒီနန် ဟာ နွားရိုင်းသတ်ပွဲ ဝင်ဖို့ စပိန်နိုင်ငံ မြို့စွန့်က လေ့ကျင့်ရေးစခန်းမှာမွေးမြူထားတဲ့ နွားလေးဖြစ်ပြီး သူ့အဖေဟာ နွားရိုင်းသတ်သမား တစ်ယောက်နဲ့ မက်ဒရစ် ကိုပါ သွားပြီး ပြန်ရောက်မလာတော့တဲ့နောက်မှာတော့ လေ့ကျင့်ရေးစခန်းကနေ ထွက်ပြေးခဲ့ပါတယ်။ ဖာဒီနန် ကို နီနာ ဆိုတဲ့ မိန်းကလေးက သူ့ယာတောမှာ ခေါ်မွေးထားခဲ့တာမို့ ဖာဒီနန် လေးဟာ ယာတောက သူငယ်ချင်းတွေနဲ့အတူ ဘဝကို အေးအေးချမ်းချမ်း ဖြတ်သန်းခဲ့ပါတယ်။ ကြမ်းတမ်းရက်စက်မှုတွေကို မလုပ်ချင်တဲ့ ဖာဒီနန် ကြီးဟာ တိုက်ခိုက်ရေးကျွဲအဖြစ်ကနေ သူ့စိတ်တိုင်းကျ လွတ်လပ်တဲ့ ယာတောကဘဝကို ပြန်ရဖို့အတွက် ယာတောကသူငယ်ချင်းတွေရဲ့ အကူအညီနဲ့ ကြိုးပမ်းပုံကို အလွဲလေးတွေ၊ ရယ်စရာလေးတွေနဲ့ ကြည့်ရမှာမို့ ပရိသတ်တွေအကြိုက်တွေ့ကြမှာပါ။

t.me/cartoonmoviesmms/1308

မွန်းစတားကျွန်း (၂၀၁၇)

ဆယ်ကျော်သက် လူငယ်လေး လူးကပ်စ် ဟာ သူ့အဖေ ပြောတဲ့ မျိုးရိုးလိုက် ရင်ကြပ်ရောဂါကြောင့် ရှူဆေးဆောင်ထားရသူပါ။ ရောဂါကြောင့် သွားချင်တဲ့နေရာတွေကိုလည်း သွားခွင့်မရပါဘူး။ ဒါပေမယ့် သူ့အဖေ မသိအောင် ပါတီပွဲကို ခိုးသွားပြီး ရှူဆေးဘူး ယူဖို့မေ့နေခဲ့ပါတယ်။ အဲ့အချိန်မှာပဲ အတန်းသားအားလုံးရှေ့မှာ ရုတ်တရက် မွန်းစတား အဖြစ် ပြောင်းသွားပါတော့တယ်။ ဒီနောက်တော့ သူ့ဘဝ ဘာတွေ ပြောင်းလဲသွားမလဲ၊ သူမ သတိမထားသေးတဲ့ သူ့မွေးရပ်မှာ ဘာတွေ ဖြစ်ခဲ့တာလဲ၊ သူ့အမေကရော ဘယ်လို အဖြစ်ဆိုးမျိုး ကြုံခဲ့တာလဲ ဆိုတာကို စိတ်လှုပ်ရှားစွာ ခံစားကြည့်ရမှာပါ။

t.me/cartoonmoviesmms/1310

ဂျေလ်ဂျေလ်အစစ်နှင့်အတု (၂၀၂၁)

အခုတစ်ကြိမ် မိတ်ဆက်ပေးမဲ့ ဇာတ်ကားကတော့ ကလေးများနှင့် လူငယ်ပရိသတ်များအတွက် မဖြစ်မနေ ကြည့်ရမဲ့ ဇာတ်ကားဖြစ်ပါတယ်။ ကမ္ဘာကြီးကို မူးနောက်အောင် လုပ်တတ်တဲ့ စွမ်းအားကြီးတဲ့ ဂျင်းနီလေး ဂျေလ်ဂျေလ် ဆိုတာ ရှိပါတယ်။ ဇာတ်လမ်းအစမှာ ဂျေလ်ဂျေလ် ပျောက်သွားလို့ သူငယ်ချင်း နှစ်ယောက်ဖြစ်တဲ့ မိုတူ နဲ့ မာယန် တို့က သူ့ကို လိုက်ရှာခဲ့ကြပြီး မိုတူ ရဲ့ အစွမ်းထက် မှော်သံစဉ်တွေကြောင့် ဂျေလ်ဂျေလ် ကို ပြန်လည် ဖမ်းမိခဲ့ပေမဲ့ ထပ်ပြီး လွတ်သွားပြန်ပါတယ်။ အဲဒီအချိန်မှာ ပရောဖက်ဆာ ဆိုသူတစ်ယောက်ကလည်း ဂျေလ်ဂျေလ် အတုကို ဖန်တီးခဲ့ပြန်ပါတယ်။ ပရောဖက်ဆာ ရဲ့ ဂျေလ်ဂျေလ် အတု ဖန်တီးမှုကနေရလို့ ဖြစ်ပေါ်လာတဲ့ အမှားတွေ၊ စွန့်စားမှုတွေကို ဟာသနှောပြီး တွေ့ရမှာဖြစ်သလို ဂျေလ်ဂျေလ် အတုနဲ့ အစစ်ကို နောက်ဆုံးမှာ သူတို့ ခွဲနိုင်ခဲ့လားဆိုတာ ဒီဇာတ်လမ်းမှာ ခံစားကြည့်ရှုပေးကြပါဦး။

t.me/cartoonmoviesmms/1313

ပါရာနော်မန် (၂၀၁၂)

ဒီကားလေးဟာ မက်ဆာချူးဆက် ပြည်နယ်ရဲ့ မြို့ဟောင်းတစ်ခုကို အခြေခံပြီး ရိုက်ကူးထားတဲ့ သရဲဇတ်လမ်းကားတစ်ကားပါ။ အသက် ၁၁ နှစ်အရွယ် နော်မန် ဆိုတဲ့ ကောင်လေးကတော့ အဓိကဇာတ်ကောင်နေရာကနေ ပါဝင်ထားပါတယ်။ နော်မန် မှာ မွေးရာပါ စွမ်းရည်တစ်ခု လက်ဆောင်ရထားပြီး သေဆုံးသွားတဲ့ ဝိညဉ်တွေကို မြင်တွေ့နိုင်သလို စကားပြောနိုင်တာပါ။ သူ မြင်တွေ့နေရတာတွေကို ဘယ်သူမှ မမြင်တဲ့အတွက် အရူးတစ်ယောက်လို သတ်မှတ်ခံထားရပြီး သူ့မိသားစုကကတောင် မယုံပါဘူး။ သူတို့ မြို့လေးမှာ စုန်းမတစ်ယောက်ရဲ့ ကျိန်စာအကြောင်း ပုံပြင် ဇာတ်လမ်းလေးရှိနေခဲ့ပေမယ့် အဲ့ဒီဇာတ်လမ်းမှာ အမှန်တကယ် ရှိနေခဲ့ပြီး နောက်ပြီး အဲ့ဒီမြို့လေးက လူတွေအားလုံးရဲ့ ကံကြမ္မာနဲ့ သက်ဆိုင်နေပါတယ်။ ဒီလိုနဲ့ တစ်နေ့မှာ ဝိညဉ်တွေနဲ့ စကားပြောဆိုနိုင်တဲ့ နော်မန် ဆီကို စုန်းမရဲ့ ကျိန်စာကို ရပ်တန့်ပေးဖို့ ရုတ်တရက် တာဝန်တစ်ခုပေးခြင်း ခံလိုက်ရတဲ့အခါ နော်မန် တစ်ယောက် စုန်းမရဲ့ ကျိန်စာကို ရပ်တန့်နိုင်ပြီး လူတွေအားလုံးကို ကယ်တင်နိုင်မှာလား၊ စုန်းမကရော ဘယ်လို အဆုံးသတ်သွားမလဲဆိုတာတွေကို ဆက်လက် ရှုစားကြပါဦးလို့…။

t.me/cartoonmoviesmms/1315

စုံထောက် ကိုနန် (၂၀၂၄)

ဒီဇာတ်ကားရဲ့ အဓိကဇာတ်လမ်းက ဟိုကိုင်ဒို မှာရှိတဲ့ အိုနိုအယ် မိသားစုတစ်စုဆီက ရတနာ ခိုးယူဖို့ ကြံစည်နေတဲ့ ကိုင်တိုကစ် ကို လိုက်ဖမ်းရာကနေ စတာပါ။ ဒါပေမဲ့ ရုတ်တရက် ဆိုသလို လူသတ်မှု တစ်ခု ဖြစ်သွားပြီး ကိစ္စတွေက ပိုရှုပ်ထွေးလာပါတယ်။ အဲဒီမှာ ကိုနန် နဲ့ ဟတ်တိုးရီ တို့ဟာ သတ်ဖြတ်သူကို ဖော်ထုတ်ဖို့ ကြိုးစားရင်း ရတနာရှာပုံတော် ဖွင့်ရပါတော့တယ်။ ဒီဇာတ်ကားက လျှို့ဝှက်ဆန်းကြယ်မှုတွေ၊ အက်ရှင်ခန်းတွေ နဲ့ ပြည့်နှက်နေသလို ကိုနန်၊ ဟတ်တိုးရီ နဲ့ ကိုင်တိုကစ် တိုရဲ့ အပြန်အလှန် အချေအတင် ပြောဆိုမှုလေးတွေကလည်း အရမ်းကို ရယ်စရာကောင်းပါတယ်။ IMDb Rating 6.7/10 လည်း ရရှိထားတာမို့ စိတ်ဝင်စားစရာကောင်းတဲ့ ဇာတ်ကား တစ်ကား ဖြစ်တယ်လို့ ပြောလို့ရပါတယ်။ သေချာတာတစ်ခုကတော့ ဒီဇာတ်ကားဟာ ကိုနန် ပရိသတ်တွေကိုရော၊ ကိုနန် ကို ပထမဆုံး ကြည့်မယ့် သူတွေ အတွက်ပါ စွဲဆောင်နိုင်မှာပါ။ အေးအေးလူလူ ဇာတ်ကား ကြည့်ရတာကို ကြိုက်နှစ်သက်သူတွေအတွက်တော့ ဒီဇာတ်ကားလေးကို ကြည့်ကြည့်ပါလို့ တိုက်တွန်းလိုက်ပါရစေ။

t.me/cartoonmoviesmms/1317

မျက်နှာဖုံးဂိုဏ်း (၂၀၂၄)

စာတိုရို ဆိုတဲ့ စုံထောက်ဟာ သူ့ရဲ့ သတင်းပေးသမားလေး ဆကီ နဲ့အတူ အိုအုတ်စုဂျီ စုံထောက်ကုမ္ပဏီကို တည်ထောင်ထားပေမယ့် မယ်မယ်ရရ အလုပ်မဖြစ်တော့ ခက်ခဲတဲ့ အခြေအနေကို ရောက်နေပါတော့တယ်။ တစ်နေ့တော့ သူတို့မြို့မှာ ပွဲတော်ရာသီ ရောက်လာပြီး မြို့ပေါ်မှာ ခရီးသွား ဆပ်ကပ်တွေနဲ့ ပျော်ရွှင်မြူးထူးနေကြပေမယ့် တစ်ဖက်မှာတော့ လူတွေ အစုအပြုံလိုက် ပျောက်ဆုံးမှုတွေ ရှိနေပြီး အဲဒါတွေနဲ့အတူ ဘီးလုံးရာတွေပါ ပေါ်လာတတ်ပါတယ်။ အဲဒီကိစ္စကို စုံစမ်းဖို့ သတင်းသမားတစ်ယောက်က စာတိုရို ကို အလုပ်အပ်ခဲ့ပေမယ့် စုံထောက်က သူကိုယ်တိုင် မသွားဘဲ ဆကီ လေးကို လွှတ်လိုက်ပါလေရော။ တကယ်တော့ သူတို့နေတဲ့ မြို့က မြေအောက်မှာပါ “အမှောင်ထု” လို့ ခေါ်တဲ့ သီးခြား ဆိုဆိုက်တီ တစ်ခုရှိပြီး မကောင်းမှုတွေ၊ ခိုးဆိုးလုနှိုက်ဂိုဏ်းတွေနဲ့ ပြည့်နှက်နေတဲ့ နေရာတစ်ခု ဖြစ်ပါတယ်။ လူပျောက်မှုတွေရဲ့ နောက်ကွယ်က တရားခံကလည်း အမှောင်ထုထဲက မျက်နှာဖုံးဂိုဏ်းပဲလို့ ယူဆထားကြတာပါ။ ဒီလိုနဲ့ ဆကီ ကို အမှောင်ထုထဲကို သတင်းရှာ လွှတ်လိုက်ပေမယ့် ကောင်မလေးကိုပါ ပြန်ပေးဆွဲထားကြတော့ သူကိုယ်တိုင် အမှောင်ထုထဲကို သွားဖို့ ဖြစ်လာပါတော့တယ်။ အဲဒီလိုနဲ့ပဲ စာတိုရို ဟာ အမှောင်ထုထဲကို ရောက်သွားပြီး အဲဒီ မြေအောက်ကမ္ဘာမှာ မျက်နှာဖုံးဂိုဏ်းကို ရှင်းပစ်ဖို့ လုပ်နေတဲ့ နတ်ဆိုး 463 ဆိုတဲ့ သံချပ်ကာရထားကို ဦးစီးနေတဲ့ ရဲတပ်ဖွဲ့နဲ့ တွေ့ပြီး ပျောက်ဆုံးမှုတွေနဲ့ ပက်သက်ပြီး အတူတူ စုံစမ်းကြတဲ့အခါ ဆကီ ကိုရော ပြန်တွေ့နိုင်ပါ့မလား၊ အဲဒီ ပျောက်ဆုံးမှုတွေရဲ့ တရားခံကရော မျက်နှာဖုံးဂိုဏ်းဟုတ်ရဲ့လား၊ ဘီးလုံးရာတွေကရော ဘယ်ကလဲ၊ အခြား တရားခံတွေရော ရှိနေမလား ဆိုတာကို မြှုပ်ကွက်ပေါင်းစုံနဲ့ ကြည့်ရှုခံစားရမှာပဲ ဖြစ်ပါတယ်။ အနည်းငယ်တော့ ရှုပ်ထွေးမှုတွေ ရှိနိုင်ပေမယ့် သေချာ အာရုံစိုက်ကြည့်ရင် စိတ်ဝင်စားဖို့ကောင်းတဲ့ ဇာတ်လမ်းလေးတစ်ခု ဖြစ်လို့ ကြည့်ရှုအားပေးဖို့ ဖိတ်ခေါ်အပ်ပါတယ်ရှင့်။

t.me/cartoonmoviesmms/1319

အချစ်ပန်းလေး (၂၀၂၅)

ဟီရာဂိ နဲ့ ရှိဇုစုမိ တို့ကြားက အချစ်ပန်းလေး ဘယ်လို ဖူးပွင့်လာရလဲ ဆိုတာကို ပြသထားတာ ဖြစ်ပါတယ်။ ဟီရာဂိ တို့အဖွဲ့ဟာ သီချင်းဆိုဖို့ ပွဲထွက်ရတော့မှာ ဖြစ်ပြီး အခုတက်လာမဲ့ ပွဲမှာ သူတို့အဖွဲ့ရဲ့ဆုံးသွားတဲ့ သူငယ်ချင်းဟောင်း ယူကိ ဆိုတဲ့ ကောင်လေးရဲ့ သီချင်းကို ပြန်ရေးပြီး နောက်ဆုံးအနေနဲ့ ဖျော်ဖြေပေးဖို့ ပြင်ဆင်နေကြပါတယ်။ ဟီရာဂိ ဟာ သူ့အရင် သူငယ်ချင်း ယူကိ ရဲ့ တေးဂီတပါရမီကို လေးစားပြီး အားကျခဲ့ရတဲ့ အတွက် သူ့နားမှာပဲ အမြဲတစ်ပူးတွဲတွဲ ရှိနေခဲ့တယ်။ ဒါကို ရှိဇု ဟာ ဟီရာဂိ ကို ကြိတ် Crush နေပြီးတော့ နောက်ကွယ်ကနေ ပွဲကြည့် ပရိတ်သတ်လို ငေးနေရုံမှ အပ ဘာမှ မတတ်နိုင်ခဲ့ဘူး။ အခု ယူကိ လည်းဆုံးသွားပြီ ဖြစ်တော့ သူ့ရဲ့ သီချင်းကို ဆက်ဆိုဖို့ ပြင်ဆင်နေတုန်းမှာပဲ ဟီရာဂိ ဟာ ယူကိ ကို လေးစားမြတ်နိုးတာလောက်ပဲ ရှိပြီး ရှိဇု ကိုမှ တကယ်ချစ်နေတာ ဖြစ်ပါတယ်။ ဒီလိုနဲ့ သူတို့နှစ်ယောက်ကြား ခံစားချက်တွေ အပြန်အလှန် ရှိနေကြရင်း ဘယ်လိုလေး အချစ်ဇာတ်လမ်းကို ခင်းသွားကြမလဲ ဆိုတာ အားလုံးပဲ ကြည့်ရှုလိုက်ကြရအောင် နော်။

t.me/cartoonmoviesmms/1321