ရေသူမလေး လူ (၂၀၁၇)

ရေသူမဇာတ်လမ်းလေးတွေကို ကြားဖူးမှာပေါ့၊ အခုကတော့ ချစ်ဖို့ကောင်းတဲ့ ရေသူမလေး ‘လူ’ အကြောင်းပါ။ တခြားဇာတ်လမ်းတွေလို လူသားနဲ့ချစ်တဲ့ ရေသူမလေးမဟုတ်ပဲ သီချင်းတွေချစ်တဲ့ ရေသူမလေးပါနော်။ လူသားဖြစ်ချင်တာထပ်၊ ခြေထောက်တွေနဲ့ကနေရရင် ပျော်နေတဲ့ ရေသူမလေးနဲ့ သူတို့နေတဲ့ပင်လယ်နားက မြို့ကလေး ပျော်စရာလေးတွေ၊ ကြည်နူးစရာလေးတွေရော အကျင့်ယုတ်တဲ့သူတွေနဲ့ ဝမ်းနည်းစရာလေးတွေရောအစုံအလင်နဲ့ မြုပ်ထားတဲ့ဇာတ်ကွက်လေးတွေနဲ့ ရေသူမလေး လူ အကြောင်းလေးကို ကြည့်လိုက်ပါဦး။

t.me/cartoonmoviesmms/1224

လနတ်သမီးလေး ချန်အယ် (၂၀၂၀)

တရုတ်လူမျိုးတွေရဲ့ လနတ်သမီးလေး ချန်အယ် ရဲ့ ကြေကွဲဖွယ်ပုံပြင်လေးကို လူတော်တော်များများ သိကြမှာပါ။ ဒီဇာတ်ကားလေးကတော့ အဲ့ဒီ ပုံပြင်လေးပေါ်ကို ဇာတ်အိမ်တည်ပြီး ရိုက်ကူးထားတာပဲဖြစ်ပါတယ်။ ဖေးဖေး တို့မိသားစုကတော့ အေးအေးချမ်းချမ်းနဲ့ လမုန့်ရောင်းပြီး အသက်မွေးနေတဲ့ မိသားစုလေး ဖြစ်ပါတယ်။ ဖေးဖေး အမေက သူ့ကို လနတ်သမီး ချန်အယ် အကြောင်း အမြဲပြောပြလေ့ရှိပြီး ဖေးဖေး ကလည်း ယုံကြည်သူပါ။ ဖေးဖေး ရဲ့အမေ သေဆုံးပြီးတဲ့နောက်မှာ ဖေးဖေး တစ်ယောက် သူမအမေကိုလက်မလွှတ်နိုင်ဘဲ သတိရနေခဲ့ပါတယ်။ ဖေးဖေး ရဲ့အဖေ နောက်အိမ်ထောင်ပြုဖို့ အကြောင်းဖန်လာခဲ့ချိန်မှာ ချန်အယ် နဲ့ အချစ်စစ်ပုံပြင်ကို ယုံကြည်နေတဲ့ ဖေးဖေး တစ်ယောက်ဆောက်တည်ရာမရဘဲ သူ့အဖေကို အပြစ်တင်နေခဲ့ပြီး ချန်အယ် က စစ်မှန်ကြောင်း သက်သေပြဖို့ သူ့အဖေနောက်အိမ်ထောင်ကို တားဆီးနိုင်ဖို့ လကမ္ဘာဆီသွားပြီး ချန်အယ် ကို ရှာဖို့ ကြိုးပမ်းပုံကို တင်ဆက်ထားတဲ့ Animation ကားကောင်းလေးတစ်ကား ဖြစ်ပါတယ်။

t.me/cartoonmoviesmms/1226

လော့ယန်မြို့ကလုပ်ကြံမှု (၂၀၂၃)

လော့ယန်မြိုမှာဖြစ်ပွားခဲ့တဲ့ ဧကရာဇ်ကိုလုပ်ကြံမှုကနေစပြီး ဒီဇာတ်လမ်းလေးအစပြုလာခဲ့ပါတယ်။ ဧကရာဇ်ကိုယ်တိုင်ကျင်းပတဲ့ဆောင်းဦးရာသီအမဲလိုက်ပွဲမှာ လုပ်ကြံသူတစ်စုဟာ ဧကရာဇ်ကိုဦးတည်ကာ တိုက်ခိုက်သတ်ဖြတ်လာခဲ့ပါတယ်။ ဖြစ်ကြောင်းကုန်စင်ကို စုံစမ်းကြည့်တဲ့အခါမှာ လူသတ်သမားတွေသုံးတဲ့လက်နက်ဟာ ထူယွိဟွင်းပြည်သားတွေသုံးတဲ့လက်နက်နဲ့တူညီလိုနေတာကိုတွေ့ရှိခဲ့ပါတယ်။ တိုက်တိုက်ဆိုင်ဆိုင်ထိုနေ့မှာ ထူယွိဟွင်းပြည်ရဲ့ ဓားစာခံမင်းသား မုရုန်ကျိ ကလည်း အဲဒီအမဲလိုက်ပွဲမှာရောက်ရှိနေပါတယ်။ အဲဒီလိုနဲ့ ပြဿနာရဲ့မြားဦးက မုရုန်ကျိ ဆီအလှည့်ခံရပြီး လုပ်ကြံသူအဖြစ်ခေါင်းစဉ်တပ်ခံရပါတော့တယ်။ သူ့ကိုကူညီဖို ဘယ်သူပေါ်လာမလဲ? တာ့ထန် နဲ့ ထူယွိဟွင်း ရဲ့ စစ်ဖြစ်ခါနီးအခြေကရော ဘယ်လိုဆက်ဖြစ်မလဲ? ဒီလုပ်ကြံမှုရဲ့နောက်ကွယ်က တရားခံနဲ့ သူ့ရဲ့ရည်ရွယ်ချက်က ဘာလဲဆိုတာကို ဇာတ်လမ်းထဲမှာ ဆက်လက်ကြည့်ရှုကြဖို တိုက်တွန်းလိုက်ပါရစေ

t.me/cartoonmoviesmms/1228

ကလေးတစ်ယောက်၏ ဒဏ္ဍာရီ (၂၀၂၃)

ဟာသကာတွန်းကားလေးနဲ့မိတ်ဆက်ပေးချင်ပါတယ်။ ခရစ်စမတ် ရဲ့ထုံးစံအတိုင်း ဆန်တာ ဟာ လိမ္မာတဲ့ကလေးတွေကို လက်ဆောင်တွေအများကြီးပေးတယ်လို့ မိဘတွေကပြောကြပါတယ်။ ဒီတော့ ကလေးတွေမှာ ကိုယ်လိုချင်တဲ့လက်ဆောင်ရဖို့အရေး ခရစ်စမတ် ရောက်ဖို့တစ်လလုံး လိမ္မာပြရပါတယ်။ ဆန်တာ ကြားသွားရင် လက်ဆောင်မပေးတော့မှာဆိုးလို့ ယောင်လို့တောင် စကားအမှားမထွက်ရဲကြပါဘူး။ ဒီကလေးတွေထဲကမှ Greg ဆိုတဲ့ကောင်လေးဟာ ဂိမ်းစက်အသစ်လိုချင်နေပါတယ်။ လိမ္မာမှလိုချင်တာရမယ်ဆိုပေမဲ့ ခရစ်စမတ် မရောက်ခင်တစ်ပတ်လောက်အလိုမှာ သူ့သူငယ်ချင်းနဲ့အတူ အပြစ်ကြီးကြီးမားမားတစ်ခုလုပ်မိသွားပါတယ်။ ဒီအချိန်မှာ ဂိမ်းစက်ကိုလည်းဂရုမစိုက်နိုင်တော့ဘဲ ‌ဒီကိစ္စကိုဘယ်သူမှမသိဖို့အရေး လူတကာပျော်နေချိန်မှာ အပူအပင်တွေနဲ့လုံးပမ်းနေရပါတယ်။ Greg တို့သူငယ်ချင်း၂ယောက် ဘယ်လိုဆက်ဖြစ်မလဲဆိုတာ ဆက်ကြည့်လိုက်ပါဦးနော်။

t.me/cartoonmoviesmms/1230

ဆံပင်အနီနဲ့စုန်းမလေး (၂၀၂၀)

ဇာတ်လမ်းလေးရဲ့အစမှာတော့ ခပ်ဟော့ဟော့ ဆံပင်အနီရောင်စုန်းမလေးတစ်ယောက်ဟာ အီးရားဝစ် လို့ခေါ်တဲ့ မွေးကင်းစကလေးလေးကို မိဘမဲ့ဂေဟာတစ်ခုမှာ တိတ်ခွေလေးတစ်ခွေနဲ့အတူထားခဲ့ပါတယ်။ အီးရားဝစ် လေးက စုန်းမရဲ့သမီးဆိုသလိုပဲ ဂေဟာက ကလေးတွေအားလုံးထဲမှာထက်ထက်မြတ်မြတ်ရှိအပြင် လူကြီးတွေကိုလည်း သူ့ကိုဘယ်လိုချစ်အောင်လုပ်ရမလဲဆိုတာကောင်းကောင်းသိတဲ့ ကလေးတစ်ယောက်ဖြစ်ပါတယ်။ ဒါကြောင့် ဂေဟာတစ်ခုလုံးမှာ အီးရားဝစ် လေးတစ်ယောက်မိဘမဲ့ဂေဟာကျောင်းအုပ်နဲ့မိဘမဲ့ဂေဟာတစ်ခုလုံးရဲ့ အသည်းလေးဖြစ်နေတာပေါ့။ တစ်နေ့မှာ ထူးဆန်းပြီး ကြောက်စရာကောင်းတဲ့ နတ်ဆိုးစုံတွဲနှစ်ယောက်က ဂေဟာမှာ ကလေးမွေးစားမယ်ဆိုပြီးရောက်လာပါတယ်။ သူတို့ မျက်စိကျသွားတဲ့သူက တစ်ကျောင်းလုံးရဲ့အသည်းလေး အီးရားဝစ် ပဲပေါ့။ အဲအချိန်ကစပြီး မွေးစားခံရတဲ့ အီးရားဝစ် တစ်ယောက် သူ့ဘဝကြီးဇောက်ထိုးမိုးမျှော်ဖြစ်သွားပါတော့တယ်။ အီးရားဝစ် တစ်ယောက် သူ့အကျင့်အတိုင်း ဒီလင်မယားနှစ်ယောက်ကို ဘယ်လိုပညာပြန်ပေးမလဲဆိုတာကိုဇာတ်လမ်းမှာကြည့်ရှုနိုင်ပါတယ်။

t.me/cartoonmoviesmms/1232

လမ်းမထက်ဝယ် (၂၀၂၃)

ဒီကာတွန်းရုပ်ရှင်ကို Cap-tain Under-pants နဲ့ Tur-bo တို့ရဲ့ ဒါရိုက်တာ Da-vid So-ren က ရိုက်ထားတာပါ။ အဲဒီနှစ်ကားကို တော်တော်များများလည်း သိကြမှာပါ။ ဒီအန်နီမေးရှင်းက Da-vid So-ren ရဲ့ နောက်ဆုံးထွက် အန်နီမေးရှင်းပါပဲ။အပေါ်ကကားတွေကို ကြည့်ဖူးတဲ့သူဆိုရင် သူ့ကားတွေကောင်းမကောင်း သိကြမှာပါ။ အခုအန်နီမေးရှင်းကတော့ ရှေ့က သူ့ကားတွေအားလုံးထက် ဝေဖန်ရေးသမားတွေ အမြင်မှာ သာလွန်နေပါတယ်။ ထုတ်ထားတာကလည်း ပါရာမောင့်အန်နီမေးရှင်း က ထုတ်ထားတာပါ။ ဇာတ်ကတော့ ရိုမီရို ၊ဂျူးလိယက် ကို ဂဏန်းတွေနဲ့ ခင်းထားသလိုလိုပါပဲ။ ဒါကိုမှ သီချင်းတွေနဲ့ဆိုတော့ West Side Story ကာတွန်း ဂဏန်းဗားရှင်းလိုလိုပေါ့။ အဲဒီနောက် ကာတွန်းဆိုတာ ကလေးတွေကြည့်တာလို့ အကြမ်းဖျဉ်းသတ်မှတ်ထားကြတဲ့အတိုင်း ကလေးတွေအတွက် အခွံထဲကထွက်ပြီး လောကကြီးကို ရင်ဆိုင်ရဲဖို့ ဘာညာ ပညာပေးမက်ဆေ့ာနည်းနည်းထည့်ပြီး ရိုမီရို ၊ဂျူးလိယက် ဇာတ်ကို အသက်သွင်းထားပါတယ်။ ဒီလိုဆိုရမယ့် ကာတွန်းရုပ်ရှင်ပါပဲ။

t.me/cartoonmoviesmms/1234

မုန်တိုင်းနှိမ်နင်းသူများ (၂၀၂၄)

ဇာတ်ကားလေးကတော့ ၂၀၂၄ ခုနှစ်မှာ ထွက်ရှိခဲ့တဲ့ စပိန်စကားပြော ကာတွန်းကောင်းလေးတစ်ခုဖြစ်ပါတယ်။ လာမန်ချာ ဆိုတဲ့ ရွာကလေးမှာ ကီဟိုတီ မိသားစုနဲ့ ပန်ဆာ ဆိုတဲ့ မိသားစုနှစ်စုတို့လည်း နေထိုင်ကြလေတယ်။ အဲဒီမိသားစုနှစ်စုကတော့ အကြောင်းအရင်းအမျိုးမျိုးကြောင့် တစ်ယောက်နဲ့ တစ်ယောက်မတည့်ကြပါဘူး။ ဒါပေမဲ့ အယ်ဖွန်ဆို က ကီဟိုတီ နဲ့ ပွန်ချိုပန်ဆာ ဆိုတဲ့ ကောင်လေးနှစ်ယောက်ကတော့ မိဘတွေမတည့်ကြသည့်တိုင်အောင် အချစ်ဆုံးသူငယ်ချင်းအဖြစ် တစ်ယောက်နဲ့တစ်ယောက်သတ်မှတ်ထားကြပါတယ်။ လာမန်ချာ ရွာလေးဟာ နှစ်ပေါင်းများစွာ ငြိမ်းငြိမ်းချမ်းချမ်းနေထိုင်ခဲ့ကြပေမဲ့ နောက်ပိုင်းခုနှစ်တွေမှာတော့ မုန်တိုင်းကြီးတွေ တစ်လုံးပြီးတစ်လုံးတိုက်ခိုက်တဲ့အတွက် ကျေးရွာနေသူတွေ ပြောင်းရွှေ့ကြဖို့ ဖြစ်လာခဲ့တာပေါ့။ ဒါပေမဲ့လည်း စိတ်ကူးယဥ်ဆန်ပြီး စိတ်ကူးကောင်းတဲ့ အယ်ဖွန်ဆို လေးဟာ မုန်တိုင်းကြီးကို နှိမ်နင်းပြီး ရွာကိုကယ်တင်မယ်ဆိုပြီး ဆုံးဖြတ်ချက်ချကာ သူငယ်ချင်းဖြစ်သူ ပွန်ချို နဲ့ ဗစ်တိုးရီးယား တို့နဲ့အတူ သုံးယောက်သား မုန်တိုင်းကြီးကို နှိမ်နင်းဖို့ ရွာပြင်ကို ခရီးထွက်လာခဲ့ပါတော့တယ်။ သူငယ်ချင်းသုံးယောက် ဘယ်လို အခက်အခဲတွေဖြတ်ကျော်ရမလဲ။ သူတို့ရည်မှန်းချက်ရော အောင်မြင်သွားမလား?

t.me/cartoonmoviesmms/1236

ပွန်မ်ပို - ရုပ်ရှင်ချစ်သူလေး (၂၀၂၁)

ပွန်မ်ပို ဆိုတဲ့ကောင်မလေးက ညလိဝုဒ်မှာ ဇာတ်ကားအသေးလေးတွေနဲ့ အရမ်းနာမည်ကြီးတဲ့ ရုပ်ရှင်ထုတ်လုပ်သူတစ်ယောက်ပေါ့။ သူက ရုပ်ရှင်ကြည့်ရတာအရမ်းကြိုက်တဲ့အတွက် တစ်နေ့မှာ သူ့ရဲ့လက်ထောက်ဖြစ်သူ ဂျင်းဖီနီ ကို သူရုပ်ရှင်ဘယ်လောက်ကြိုက်ကြောင်းတွေ ပြောပြပြီး သူကိုယ်တိုင်ရေးထားတဲ့ဇာတ်ညွှန်းတစ်ခုကို ဇာတ်ကားအဖြစ်ရိုက်ဖို့အတွက် ဂျင်း ကို ဒါရိုက်တာလုပ်ခိုင်းဖို့ တာဝန်ပေးလိုက်တယ်။ ဂျင်း ကလည်း ငယ်ငယ်ကတည်းက ရုပ်ရှင်ဖန်တီးချင်တဲ့အိပ်မက်ရှိပေမယ့် အခုမှ စရိုက်ရမှာဆိုတော့ သူ့ရဲ့အခက်အခဲတွေက ဘာတွေဖြစ်မလဲ။ ဘယ်လိုတွေကျော်လွှားမလဲဆိုတာ ကြည်ကြည်နူးနူးနဲ့ ကြည့်ရမယ့် အန်နမီ လေးပဲဖြစ်ပါတယ်ဗျ။

t.me/cartoonmoviesmms/532

စုံထောက်ကိုနန် (၂၀၁၉)

တစ်နေ့သ၌ ကျွန်ုပ်၏အိမ်တွင် နိစ္စဓူဝအလုပ်ဖြစ်သော တီထွင်ဖန်တီးကလိသောအလုပ်ကိုလုပ်နေခိုက် မောင်နန် နှင့် မိယွန်း တို့ ရောက်လာကြလေသည်။ မောင်နန် ၏ အမူအရာသည် တစ်စုံတစ်ခုကို အလိုရှိနေသောအမူအရာဖြစ်နေ၍ ကျွန်ုပ်လည်း အဘယ်သို့သောအကြောင်းကြောင့်စိတ်နှလုံးအိမ်၌ လိုချင်တပ်မက်မှု အာရုံထင်‌ေနပေသနည်းဟု မေးမိလေရာ မောင်နန် လေးကသူ၏ချစ်သူ မိလွမ်း သည် စင်္ကာပူသို့ အလည်ခရီးသွားသဖြင့် နောက်ကလိုက်ချင်နေကြောင်း၊ စင်္ကာပူသို့ ဝင်ရန် လိုအပ်သော စာရွက်စာတမ်း အင်ထုရန်အလို့ငှာ ကျွန်ုပ်၏ အကူအညီကိုလိုအပ်နေကြောင်း ပြောပြ အကူအညီ တောင်းခံလေ၏။ ကျွန်ုပ်လည်း တတ်သည့်ပညာအလကားမရဆိုသည့် နှလုံးကို မူလျက် မောင်နန် ဆီက ဖွတ်ကလိဒင်္ဂါးပြားတောင် မရနိုင်သည်ကို သိ၍ မကူညီနိုင်ကြောင်း ယဉ်ယဉ်ကျေးကျေးအော်ငေါက်ဆဲဆို၍ ပြောလိုက်ရာ မောင်နန် လေးသည် အင်မတန် အိန္ဒြေကြီးသောအမူအရာဖြင့် နှုတ်ခမ်းစူခြေဆောင့်ကာ ထွက်သွားလေသည်။ ဤသို့ဖြင့် မောင်နန် လေးသည် ကျွန်ုပ်အပေါ်သဘောထားကြီးစွာဖြင့် စိတ်ကောက်နေပြီး အိမ်သို့ပေါ်မလာပဲ နေရာ သီတင်းအပတ်နှစ်ပတ်ခန့်ကြာမှ ဘလက်ဘိုင်လိုက်ပြီး ပြန်ပေါ်လာ၏။ အဘယ်ကြောင့် ဤသို့ ဘလက်ဘိုင်လိုက်နေရသနည်း။

t.me/cartoonmoviesmms/594

နောက်ကွယ်ကလူ (၁၉၉၅)

2029 ခုနှစ်မှာ နည်းပညာက အရမ်းထွန်းကားနေပြီး Cyborg တွေကို နေရာတိုင်းမှာ တွေ့မြင်နိုင်ပြီး လူတွေရဲ့ ဦးနှောက်ကို အင်တာနက်နဲ့ တိုက်ရိုက် ချိတ်ဆက်နိုင်တဲ့အထိ တိုးတက်နေတဲ့ခေတ်ကာလပဲ ဖြစ်ပါတယ်။ တိုးတက်လာတဲ့ နည်းပညာနဲ့အတူ အန္တရာယ်တွေလည်း ပါလာပါတယ်။ Puppetmaster ဟာ နည်းပညာကို အသုံးချပြီး လူတွေရဲ့ ဦးနှောက်ကို Hack နေတဲ့ Hacker တစ်ဦးဖြစ်ပြီး၊ Cyborg ရဲမှုးဖြစ်သူ မိုတိုကို ကာဆူနာဂီ နဲ့ သူ့ရဲ့ အဖွဲ့ဟာ Puppetmaster နဲ့ ထိပ်တိုက် ရင်ဆိုင်ဖို့ ဖြစ်လာတဲ့အခါမှာတော့။

t.me/cartoonmoviesmms/809

ဘုရင်မကြီးရဲ့ ခွေးကလေး (၂၀၁၉)

ဘုရင်မကြီး အဲလိဇဘက်မှာ အချစ်တော် ကော်ဂီခွေးလေးတွေအမြောက်အမြားရှိကြတာ သိကြမှာပါနော်။ တော်ဝင် ကော်ဂီတွေ လို့တောင် ခေါ်ရတဲ့အထိ ဘုရင်မကြီးက သက်တမ်းကြာ တစ်လက်တည်း ချစ်ပြီး အခမ်းအနားတွေမှာ တောင် နန်းခမ်းနန်းနားနဲ့ တက်ခွင့်ရတဲ့ ကလေးလေးတွေပါပဲ။ ခုကားမှာတော့ အဲဒီအကြောင်းလေးကို ကာတွန်းကားအဖြစ် ပုံဖော်ထားတာဖြစ်ပါတယ်။ ဘုရင်မကြီးဟာ ကော်ဂီလေးတွေ အများကြီးရှိတဲ့ထဲကမှ ရက်ဇ် ဆိုတဲ့ ကော်ဂီလေးကို အချစ်ဆုံးခေါင်းဆောင်ခွေးလေးအနေနဲ့ သတ်မှတ်ထားပေးတဲ့အထိ ချစ်မြတ်နိုးရတာပါ။ ဒါပေမယ့် တစ်နေ့မှာတော့ အမေရိကန် သမ္မတ လာလည်တုန်း ရက်ဇ် လေးဟာမတော်တဆ ပြဿနာရှာလိုက်မိပါတယ်။ ဘုရင်မကြီးလည်း စိတ်မဆိုးစဖူး ဆိုးသွားပါတော့တယ်။ အဲဒါကို အခွင့်ကောင်းယူပြီး ရက်ဇ် လေးကို မနာလိုသူ ချာလီ ဟာ လက်စဖျောက်ဖို့ ကြံပါတယ်။ ရုန်းကန်ရင်း လွတ်မြောက်ဖို့ ကြိုးစားရင်း နဲ့ သူ့ဘဝရဲ့ အချစ်စစ်ကို ရှာတွေ့သွားချိန်မှာတော့ ချစ်သူကို ကာကွယ်ပေးဖို့ ဆိုတဲ့ တာဝန်ကိုပါ ထမ်းဆောင်ရပါတော့တယ်။ ရက်ဇ် လေး အနေနဲ့ ချာလီ လက်ထဲက လွတ်မြောက်နိုင်ပါ့မလား၊ သူ့ချစ်သူကို ကာကွယ်နိုင်မှာလား၊ တချိန်မှာ ရော ပြန်ကလဲ့စား ချေနိုင်မှာလား၊ သူချစ်တဲ့ ဘုရင်မကြီးရင်ခွင်ထဲ ပြန်ရောက်နိုင်ပါ့မလားဆိုတာကိုတော့ ဇာတ်လမ်းထဲမှာ ကြည့်ရှုရမှာပါ။

t.me/cartoonmoviesmms/803