ကြွက်စုံထောက် (၁၉၈၆)

၁၉၈၆ တုန်းကထွက်ရှိခဲ့ပြီး ရှားလော့ ဟုမ်းစ်ကို အခြေခံပြီးဖန်တီးထားတဲ့ ကြွက်စုံထောက်ကြီး ဘက်ဆဲလ် ရဲ့ကာတွန်းကားလေးကို တင်ဆက်ပေးလိုက်ပါတယ်ဗျ။ ဇာတ်လမ်းအကျဉ်းကတော့ လန်ဒန်မြို့ရဲ့နာမည်ကြီး အရုပ်လုပ်တဲ့သူတစ်ယောက်ဖြစ်တဲ့ ဖလန်ဘာရှန် ကို လင်းနို့တစ်ကောင်က ပြန်ပေးဆွဲသွားခဲ့ပါတယ်။ ဖလန်ဘာရှန် ရဲ့သမီးလေး အိုလီဗီယာ ကတော့ လွတ်မြောက်သွားပြီး သူ့ရဲ့အဖေကိုလိုက်ရှာဖို့အတွက် ဘေကာလမ်းက စုံထောက်ကြီး ဘက်ဆဲလ် ဆီကိုသွားရင်း လမ်းပျောက်သွားခဲ့ပါတယ်။ ဒီအချိန်မှာ အာဖဂန်ကနေစစ်မှုထမ်းပြီးပြန်လာပြီး တိုက်ခန်းလိုက်ရှာနေတဲ့ ဒေါက်တာ ဒေါ်ဆင် နဲ့လမ်းမှာတွေ့ပြီး ဒေါက်တာ ဒေါ်ဆင် က အိုလီဗီယာ ကို ကူညီပြီးတော့ ဘက်ဆဲလ် ကို လိုက်ရှာပေးခဲ့ပါတယ်။ ဒီလိုနဲ့ အိုလီဗီယာ ရဲ့အဖေကို ဖမ်းသွားတဲ့ လူက ဘက်ဆဲလ် ရဲ့ ရန်သူတော်ကြီး ပါမောက္ခ ရက်တင်ဂန် ရဲ့ တပည့်ဖြစ်တဲ့ လင်းနို့ ဖစ်ဂျက်ဒ် ဖြစ်နေတဲ့အခါမှာ ပါမောက္ခ ရက်တင်ဂန် က ဘယ်လိုအကြံဆိုးမျိုးကို ကြံစည်နေတာလဲ၊ စုံထောက်ကြီး ဘက်ဆဲလ် နဲ့ ဒေါက်တာ ဒေါ်ဆင် တို့က ရော တားဆီးနိုင်မလားဆိုတာကို ငယ်ဘဝရဲ့အမှတ်တရအပြည့်နဲ့ ပြန်လည်ကြည့်ရှုလိုက်ကြပါဗျ။

t.me/cartoonmoviesmms/1205

ထရန်စဖော်မာတို့၏ စစ်ပွဲအစ (၂၀၂၄)

IMDB - 7.7/10
Genre - Action, Sci-fi

ထရန်စဖော်မာတွေရဲ့ စစ်ပွဲအစ အော့တိမပ်ပရိုင်းနဲ့ မက်ဂါထရွန်တို့ရဲ့ ရန်ငြိုးအစကို ပြသထားတဲ့ ကာတွန်းရုပ်ရှင်ဖြစ်ပြီး Rating 7.8 အထိ ရရှိထားပါတယ်။ ဆိုက်ဘာထရွန်ဂြိုလ်ဟာ ကွင်တက်ဆင်တွေနဲ့ စစ်ဖြစ်ရင်း ပရိုင်းတွေအားလုံး ကျဆုံးသွားပြီး ဆန်တီနယ်ပရိုင်းတစ်ယောက်ပဲ ကျန်ခဲ့ပါတယ်။ ကွင်တက်ဆင်တွေကို အနိုင်ယူပြီး အိုင်ရာကွန်မြို့ကို ဆန်တီနယ်ပရိုင်းက အုပ်ချုပ်နေစဉ်မှာ စစ်ပွဲကြောင့် ဆိုက်ဘာထရွန်တစ်ခုလုံးရဲ့ စွမ်းအင်ရင်းမြစ် မေးထရစ် ပျောက်ဆုံးသွားတာကြောင့် အင်နာဂျွန်စွမ်းအင်တွေကို ရဖို့ တူးဖော်ရေးသမားစက်ရုပ်တွေကို ခိုင်းစေနေရပါတယ်။ တူးဖော်ရေးသမားတွေဟာ အနိမ့်စား စက်ရုပ်တွေဖြစ်ပြီး ပုံပြောင်းနိုင်စွမ်းရှိတဲ့ စက်လုံးတွေ ရင်ဘတ်မှာ မရှိကြပါ။ အော်ရိုင်ရန် နဲ့ ဒီ-၁၆ တို့ဟာ တူးဖော်ရေးသမား အချစ်ဆုံး သူငယ်ချင်းနှစ်ယောက်ဖြစ်ပြီး၊ အော်ရိုင်ရန် ဟာ စက်လုံးမရှိ အစွမ်းမရှိတဲ့ စက်ရုပ်ဖြစ်ပေမဲ့ အမြဲကြီးကျယ်တာတွေကို လုပ်ချင်နေသူဖြစ်ပြီး မေးထရစ်ကို ရှာပေးပြီး ဆိုက်ဘာထရွန်ဂြိုလ်ကြီးကို ကယ်တင်ချင်တဲ့ သူ အမြဲဖြစ်ချင်ခဲ့တာပါ။ တစ်နေ့မှာတော့ မေးထရစ်ကို ရှာပြီး ဆန်တီနယ်ပရိုင်းကို ပေးဖို့ ကြိုးစားရင်း မထင်ထားတဲ့ အဖြစ်အပျက်တွေနဲ့ စွန့်စားခန်းတွေရင်ဆိုင်ရပါတော့တယ်။

t.me/cartoonmoviesmms/1207

အံ့ဖွယ် (၂၀၂၃)

IMDB - 6.6/10
Genre - Adventure/ Family

မယ်ရီကက်သရင်း ဆိုတဲ့ကောင်မလေးက သူ့အမေဆုံးပါးသွားလို့ တောထဲမှာ သုတေသနလုပ်နေတဲ့ အဖေ့ဆီလာနေဖို့ ရောက်လာခဲ့ပါတယ်။ သူ့အဖေက တောထဲမှာ လူအသေးလေးတွေရှိတယ်ဆိုတဲ့အကြောင်းကို အရူးအမူးကိုယုံကြည်နေခဲ့ပြီး သူ့ယုံကြည်ချက်မှန်ကြောင်း သက်သေပြဖို့ ကြိုးစားနေတာလည်းဖြစ်ပါတယ်။ ဒါကို မယ်ရီကက်သရင်း က အဓိပ္ပါယ်မရှိဘူးဆိုပြီး မယုံကြည်ဖြစ်နေရာက သူကိုယ်တိုင် လူအသေးလေးတွေနဲ့တွေ့ကြုံလိုက်ရတဲ့အခါမှာ ဘယ်လိုစွန့်စားခန်းတွေ၊ ဘယ်လိုပြဿနာတွေရင်ဆိုင်ရမလဲဆိုတာကို စိတ်၀င်စားဖွယ် ကြည့်ရှုရမှာပါ။ သိပ်ကောင်းတဲ့ ဇာတ်ကားတစ်ကားဖြစ်တာမို့ အညွှန်းတွေများပြီး အရသာပျက်မှာ စိုးတာကြောင့် လူအသေးလေးတွေက ဘာလုပ်ကြတာလဲ၊ မယ်ရီနဲ့ လူအသေးလေးတွေ ဘယ်လိုဆက်စပ်မှုရှိတာလဲ၊ သူတို့ဘာကို ရင်ဆိုင်နေကြရတာလဲ ဆိုတာကို ကိုယ်တိုင်ပဲ ကြည့်ရှုခံစားကြည့်ဖို့ တိုက်တွန်းလိုက်ရပါတယ်ခင်ဗျာ။

t.me/cartoonmoviesmms/1209

ရန်ဂို (၂၀၁၁)

IMDB - 7.2/10
Genre - Family

ရန်ဂို ဆိုတာက ပုတ်သင်လေးတစ်ကောင်ရဲ့ နာမည်ပါ။ လောကကြီးအတွက်သူရဲကောင်း ဖြစ်ချင်နေတဲ့ စိတ်ကူးယဉ်သမား ပုတ်သင်လေးပဲ ဖြစ်ပါတယ်။ သူရဲ့ အကြီးမားဆုံးမျှော်လင့်ချက်က မင်းသမီးကို ကယ်တင်နိုင်ဖို့နဲ့ သူရဲကောင်းအဖြစ် လောကကြီးမှာ အထင်ကြီးရဖို့ ဖြစ်ပါတယ်။ မမျှော်လင့်ထားတဲ့ ဖြစ်ရပ်တွေရဲ့ အတွဲအချိန်မှာ သူဟာ သဲကန္တာရထဲ သောင်တင်ခံရပြီး ရေပြတ်လပ်မှု ပြသနာကြုံနေတဲ့ မြို့ငယ်လေးကို ရောက်သွားပါတယ်။ ကိုယ်တိုင် ဘာမှ မဟုတ်တဲ့ ပုတ်သင်လေးကနေ အရမ်းပါးစပ်က တော်ကီကောင်းသူ ဖြစ်တာကြောင့် မြို့ခံလူတွေဆီမှာ အထင်ကြီး ယုံကြည်မှုရနိုင်ခဲ့ပါတယ်။ သူတို့မြို့ကို အဓိက ရန်ရှာနေတဲ့ ငှက်ကြီးကိုလည်း ရန်ဂို က လွဲချော်မှုတွေနဲ့ ရှင်းနိုင်လို့ အထင်ကြီးခံရသလို၊ မြို့လေးက လူတွေက သူ့ကို သူရဲကောင်းအဖြစ် သတ်မှတ်ပြီး ဒုက္ခတွေကိုကယ်တင်နိုင်မယ့် သူအဖြစ် ကိုးစားလာကြပါတယ်။ ရန်ဂို တစ်ယောက် မြို့ကလူတွေသိသွားတဲ့အခါ ဘယ်လို ပြသနာတွေ ကြုံရမလဲ၊ သူရဲကောင်းဆိုတာ ဘယ်လို အဓိပ္ပါယ်ရှိလဲဆိုတာကို သူနဲ့ မြို့သူငယ်များက နားလည်သွားနိုင်မလားဆိုတာ စိတ်ဝင်စားစရာကောင်းစွာ ဖော်ပြထားတာပါ။

t.me/cartoonmoviesmms/1211

အချိန်ကို ရပ်တန့်နိုင်သောစွမ်းအင် (၂၀၂၂)

ဆူဇူရှီရို ဆိုတဲ့ သတင်းစာပို့တဲ့ကောင်လေးတစ်ယောက်ဟာ သူ့ရဲ့နေ့စဉ်လုပ်ငန်းဆောင်တာတွေကို ပုံမှန်အတိုင်း လုပ်ဆောင်ပြီး ပညာသင်ဆုအတွက် ကြိုးစားနေတဲ့ လူငယ်လေးတစ်ယောက်ဖြစ်ပါတယ်။ ဒါပေမယ့် ဆူဇူရှီရိုမှာအချိန်ကို ရပ်တန့်နိုင်တဲ့ စွမ်းအင်တစ်ခုရှိနေပါတယ်။ အဲ့ဒီစွမ်းအင်ရှိနေခြင်းကိုလည်း ဆူဇူရှီရိုတစ်ယောက် သိခဲ့တာတော့ သိပ်မကြာသေးပါဘူး။ ဒါပေမယ့် သူတို့နေတဲ့ နေရာမှာ ဆူဇူရှီရိုအပြင် နောက်ထပ် အချိန်ကို ရပ်တန့်နိုင်တဲ့ လူတွေရှိနေခဲ့ပါတယ်။ တစ်နေ့မှာတော့ သူတို့နဲ့ ဆူဇူရှီရိုတို့ မထင်မှတ်ပဲ တွေ့ဆုံဖြစ်ခဲ့ပြီး ဇာတ်ရဲ့ အဓိက အလှည့်အပြောင်းက ဘယ်လိုမျိုးတွေ ဆက်ဖြစ်မလဲ၊ အချိန်ရပ်တန့်နိုင်တဲ့သူတွေရဲ့ အဓိကရည်ရွယ်ချက်က ဘာတွေဖြစ်မလဲ

t.me/cartoonmoviesmms/1214

ဖန်ဆင်းရှင်များ (၂၀၂၃)

အမေရိကန်အရင်းရှင်သူဌေးကြီးတွေက Native Americanတွေ ရှိတဲ့ တောအုပ်ကို ဖျက်၊ သစ်ပင်တွေကို ခုတ်လှဲပြီး ရေနံပိုက်လိုင်းသွယ်ဖို့ ကြိုးစားနေစဉ်၊ Native Americanတွေက အဲဒီပရောဂျက်ကို ဆန္ဒပြဖို့ ပေါင်းပြီး စုဝေးခဲ့ကြပါတယ်။ Native Americanတွေထဲမှ အသက်အကြီးဆုံး အဖိုးကြီးက ကမ္ဘာမြေကြီးကို ဖန်ဆင်းခဲ့တဲ့ ဖန်ဆင်းရှင်အကြောင်းကို အစချီလို့ ပတ်ဝန်းကျင်ကို ထိန်းသိမ်းချင်အောင် ဇာတ်လမ်းပုံပြင်အနေနဲ့ ပြောပြထားပါတယ်။ ဒီ Animation ရဲ့ အဓိကဇာတ်လမ်းက ဖန်ဆင်းရှင်က ဘယ်သတ္တဝါမှ မရှိသေးတဲ့ ကမ္ဘာကြီးကို ဘယ်လိုဖန်တီးမလဲ၊ သူဖန်တီးတဲ့ ဖန်တီးမှုတွေက အချင်းချင်းတည့်မလား၊ ဘယ်လိုပြဿနာတွေတက်နိုင်မလဲ၊ လူတွေကို ရော ဘယ်သူက ဖန်တီးခဲ့တာလဲဆိုတာကို စိတ်ဝင်စားစရာလှပစွာ ဖော်ပြထားတာပါ။ ထို့အပြင် ကိုယော့ လို့ခေါ်တဲ့ လှည့်စားတတ်တဲ့ ဝံပုလွေက ဖန်ဆင်းသူရဲ့ ဖန်တီးမှုတွေကို ဘယ်လိုကုန်းတိုက်မလဲ၊ လူတွေက ခေတ်အဆက်ဆက် ဘယ်လိုပြဿနာရှာလာမလဲဆိုတာကိုလည်း Animation ကောင်းကောင်းနဲ့ စိတ်ဝင်စားဖွယ် ကြည့်ရှုနိုင်စွမ်းရှိစေပါတယ်။

t.me/cartoonmoviesmms/1216

စပွန့်ဘော့ဘ် (၂၀၂၄)

ဇာတ်လမ်းအစမှာတော့ ထုံးစံအတိုင်းသူငယ်ချင်းနှစ်ယောက် ပေါတောတောတွေ လုပ်နေရင်း သူတို့ငယ်ငယ်က သွားခဲ့ဖူးတဲ့ နွေရာသီစခန်းဖြစ်တဲ့ သန္တာကျောက်တန်းစခန်းကနေ သူတို့ကို ပြန်လည်တွေ့ဆုံပွဲလာဖို့ ဖိတ်တဲ့ ဖိတ်စာရလာခဲ့ပါတော့တယ်။ ဒါပေမယ့် သူတို့နှစ်ယောက်တည်းရတာမဟုတ်ဘဲ တစ်မြို့လုံးရတဲ့အတွက် အကုန်လုံးကလည်း ကလေးဘ၀တုန်းက အမှတ်တရလေးတွေရှိခဲ့ဖူးတဲ့နေရာကို အသက်ကြီးလာတဲ့အခါမှာ ပြန်သွားချင်ခဲ့ကြပါတော့တယ်။ ဒီလိုနဲ့ သန္တာကျောက်တန်းစခန်းကို ရောက်ခဲ့ကြတဲ့အခါမှာတော့ ထင်ထားသလို ဖြစ်မနေဘဲ တော်တော်လေး စုတ်ပြတ်သတ်နေပြီး ခြောက်ခြားစရာဖြစ်နေခဲ့ပါတော့တယ်။ ပြန်မယ်လုပ်တော့လည်း ပြန်စရာ လမ်းတွေက တစ်ခုမှမရှိတော့တဲ့အတွက် စပွန့်ဘော့ဘ် နဲ့ သူငယ်ချင်းတွေ အားလုံး အဲ့ဒီမှာ ပိတ်မိနေကြရင်း ဘယ်လိုသည်းထိပ်ရင်ဖိုစရာတွေ ဖြစ်လာမယ်ဆိုတာကို ပေါ့ပေါ့ပါးပါး ကြည့်ရှုရမဲ့ ဇာတ်ကားလေးပဲ ဖြစ်ပါတယ်။

t.me/cartoonmoviesmms/1218