ခွေးလူသား (၂၀၂၅)

ခွေးတစ်ပိုင်းလူတစ်ပိုင်း ခွေးလူသား စူပါရဲတစ်ယောက်အကြောင်းပါ။ ဉာဏ်အရမ်းကောင်းတဲ့ ခွေးလေးနဲ့ ဒုစရိုက်မှုတွေကို နှိမ်နင်းလာခဲ့တဲ့ ရဲအရာရှိ ဂရက် ဟာ တစ်နေ့တော့ ဗီလိန် ကြောင် ပီတီ ကြီးရဲ့ ဗုံးလက်ချက်ကြောင့် နှစ်ယောက်လုံး မသေမရှင်ဖြစ်နေတဲ့အခါမှာ သိပ္ပံပညာရှင်တွေက ခွေးခေါင်းနဲ့ ဂရက် ရဲ့ ခန္တာကိုယ်ကို ဆက်ပေးလိုက်ပြီး ဉာဏ်အရမ်းကောင်းပြီး သန်မာတဲ့ ခန္တာကိုယ်နဲ့ စူပါရဲတစ်ယောက်ဖြစ်သွားပါတယ်။ သူ့ရဲ့ မဟာရန်သူပြိုင်ဘက် ပီတီ ကိုလည်း ဖမ်းဆီးဖို့အတွက် ကြိုးစားပါတော့တယ်။

t.me/cartoonmoviesmms/1181

ဆော့ဆေ့ ပါတီ (၂၀၁၆)

စားစရာတွေဟာ လူသားတွေကို ဘုရားသခင် လို့မှတ်ယူထားပါတယ်။ မားကတ်မှာ ပုတ်သိုးမယ့် အန္တရာယ်ကနေ ကယ်တင်မယ့် အရှင်သခင်တွေလို့ မှတ်ယူထားကြတာပါ။ တစ်နေ့တာ စျေးဝယ်မှုမှာ ဝယ်သူ ရွေးချယ်ဖို့ သူ့ထက် ငါအပြိုင်အဆိုင် ဆုတောင်းကြရတာပေါ့။ မဟုတ်ခဲ့လို့ရှိရင် တက်တန်းကုန် ဖြစ်သွားတဲ့အခါ သူတို့ မသွားချင်ဆုံးနေရာက အမှိုက်ပုံးအိုကြီးရဲ့ တွင်းနက်ကြီးပါ။ ဖရန့်, ကားလ်, ဘယ်ရီ တို့ဟာ ၆ ချောင်းပါတဲ့ ဝက်အူချောင်းပါကင်ထုပ်ကနေသူငယ်ချင်းတွေပေါ့။ သူတို့ ဘေးကပ်ရပ်မှာတော့ ဟော့ဒေါ့ပေါင်မုန့်မလေးတွေ အဖွဲ့ ရှိနေပါတယ်။ ဘရန်ဒါ တို့ အုပ်စုပေါ့ သို့ရာတွင် အနီးကပ် နေရတဲ့အခါ တစ်ဦးကို တစ်ဦး စိတ်ဝင်စားပြီး ချစ်မိပါလေရော။ တစ်ရက်မှာတော့ ဖရန့် တို့ ပါကင်ထုပ်ရော ဘရန်ဒါ တို့ ပါကင်ထုပ်ရော အဝယ်ခံရပါတယ်။ ဒါပေမယ့် စိတ်ဖောက်နေတဲ့ ပျားရည်မုန်ညင်းဗူးက သေကြောင်း ကြံစည်လို့ မတော်တဆမှုတွေ ဖြစ်ပြီး ဖရန့် ရော ဘရန်ဒါ က စျေးဝယ်သူဆီကနေ ပြုတ်ကျ ပျောက်ဆုံးသွားပါတော့တယ်။ ဖရန့် နဲ့ ဘရန်ဒါ တို့လဲ သူတို့ သူငယ်ချင်းတွေနဲ့ အတူ စျေးဝယ်သူဆီ ပြန်သွားလို့ လမ်းရှာရင်းနဲ့ စျေးဝယ်သူက သူတို့ကို ကြင်နာမှာ မဟုတ်ပဲ စားသုံးဖို့ သက်သက်ဆိုတာကို သိသွားတဲ့ အခါမှာ။

t.me/cartoonmoviesmms/1184

ဗုဒ္ဓ - တောထွက်ခြင်း (၂၀၁၁)

IMDb - 6.3/10
Genre - Adventure, Drama

IMDb 6.3 ထိရထားတဲ့ ဒီဇာတ်ကားလေးဟာဂျပန် Anime movie version ဗုဒ္ဓဝင်ဇာတ်လမ်းလေးဖြစ်ပါတယ်။ မြတ်စွာဘုရားဘဝဖြစ်စဉ်ကိုရေးဆွဲထားတယ်ပြောပေမယ့်ဗုဒ္ဓစာပေကဇာတ်လမ်းကျောရိုးလောက်ပဲယူထားပါတယ်။ ကျနော်တို့သိတဲ့ဗုဒ္ဓဝင်ဇာတ်နဲ့လုံးဝကွဲထွက်နေပြီး စိတ်ကူးယဉ်ဇာတ်ကောင်များလည်းအများအပြားထည့်သွင်းထားတာကြောင့်ပျင်းရိဖွယ်မကောင်းပဲ စကြည့်ဖြစ်ရင်အဆုံးအထိမထတန်းကြည့်ဖြစ်မယ့်ကားလေးပါ။ ဂျပန် Anime တို့ရဲ့မူအတိုင်း ကြည့်ပြီးရင်လည်းရင်ထဲတသသဖြစ်အောင်ပေးစွမ်းနိုင်ပါတယ်။ ကျနော့်အပြောထက်ကိုယ်တိုင်ကြည့်တာကပိုကောင်းပါလိမ့်မယ်။

t.me/cartoonmoviesmms/1186

ဗုဒ္ဓ - အဆုံးမဲ့ခရီး (၂၀၁၄)

IMDb - 6.3/10
Genre - Drama

ဒီကာတွန်းလေးကတော့ ၂၀၁၁ထွက် ဗုဒ္ဓ - တောထွက်ခြင်း ရဲ့နောက်ဆက်တွဲကာတွန်းပါ။ ပထမကားအပြီး တောထွက်ရာကနေ သဗ္ဗညုတဥာဏ်ဆိုက်ရောက်ပြီးဗုဒ္ဓမဖြစ်ခင်စပ်ကြား ဒုက္ကရစရိယာကို ပြင်းပြင်းထန်ထန်ကျင့်ကြံခဲ့ပုံ၊ ဂင်္ဂါမြစ်စစ်ပွဲ၊ ကောသလနဲ့သကျသာကီတို့ရဲ့ စစ်ပွဲ၊ ဗိမ္မသာရမင်းကြီးနဲ့တွေ့ဆုံခန်း၊ သာကီဝင်တွေကျဆုံးခန်းတွေကိုဝေဝေဆာဆာမြင်တွေ့ရမှာပါ။ တစ်ခုတော့ရှိပါတယ်။ ဗုဒ္ဓဖြစ်စဥ်ကိုကျောရိုးလောက်ပဲယူထားတာမလို့ ထေရဝါဒရဲ့ဗုဒ္ဓဝင်နဲ့တော်တော်ကိုကွဲပါတယ်။ တချို့ဇာတ်လမ်းတွေဆိုရင် အသစ်ထည့်တာတွေ၊ အချိန်ကွဲတာတွေပါပါတယ်။ ဥပမာ ကောသလက သကျသာကီတွေကိုဝင်တိုက်တဲ့ကာလဟာ အရမ်းစောနေတာတို့ပါ။ အပျင်းပြေကြည့်မယ်ဆိုမှပဲ ကြည့်ရအဆင်ပြေမှာပါ။ နို့မို့ဆိုရင် ကျမ်းစာနဲ့မကိုက်ဘူးဘာဘူးညာဘူးဖြစ်ပြီး စိတ်ညစ်ရပါလိမ့်မယ်။

t.me/cartoonmoviesmms/1188

Jin-Roh The Wo-lf Brig-ade (1999)

ဒုတိယကမ္ဘာစစ်အပြီး ဂျပန်နိုင်ငံရဲ့ အခြားတစ်ဖက်မှာ ဖြစ်ပေါ်နေတဲ့ လူမှုရေးမငြိမ်မသက်မှုတွေနဲ့ နိုင်ငံရေးပဋိပက္ခတွေကို သည်းထိတ်ရင်ဖိုကြည့်ရှူခံစားရမှာဖြစ်ပါတယ်။ အဓိကဇာတ်ကောင်ဖြစ်တဲ့ Kaz-uki Fu-se ဟာ မြို့တော်ရဲအဖွဲ့ရဲ့ အထူးတပ်ဖွဲ့ဝင်တစ်ဦးဖြစ်ပြီး၊ သူ့ရှေ့မှာ မိန်းကလေးငယ်တစ်ဦး ဗုံးဖောက်ခွဲတာကို မျက်မြင်တွေ့ရပြီးနောက် စိတ်ဒဏ်ရာရသွားခဲ့ပါတယ်။ Fu-se နဲ့ အဲ့မိန်းကလေးရဲ့ အစ်မနဲ့ ပြန်တွေ့ပြီး ဘာတွေဆက်ဖြစ်ကြမှာလဲ၊ Wo-lf Brig-ade ကရော ဘယ်လိုအဖွဲ့အစည်းလဲ စသည့်အကြောင်းတွေကို ဒီ Anime ထဲမှာ ဆက်လက်ကြည့်ရှုခံစားနိုင်ပါတယ်။ အန်နီမေးရှင်းလက်ရာကလည်း အမိုက်စားဖြစ်လို့၊ သည်းထိတ်ရင်ဖို Anime film ကြည့်ရတာ စိတ်ဝင်စားသူတွေအတွက် အကြည့်သင့်ဆုံး လက်ရာတစ်ပုဒ်ဖြစ်ပါတယ်။

t.me/cartoonmoviesmms/1190

သစ်တောကို ကယ်ဆယ်မည့် မြေခွေးလေး (၂၀၂၄)

ဇာတ်လမ်းကတော့ တောကြီးတစ်ခုထဲမှာ မြေခွေး၊ ယုန်၊ တောဝက်၊ ဇီးကွက်ဖျံ၊ရေသူမနဲ့ သူခိုးရက်ကွန်းတို့က သူငယ်ချင်းတွေသိုက်သိုက်ဝန်းဝန်းစုပြီးနေထိုင်နေကြပါတယ်။ တစ်ရက်မှာတော့ သူတို့နေထိုင်ရာ တောလေးကို ရေတွေလွှမ်းလာပါတော့တယ်။ အဲ့တာကတော့ ကြွက်နှစ်ကောင်ရဲ့ ဘောစ့် ဘီဗာ ရဲ့လက်ချက်ပါပဲ။ ဘီဗာ က ပစ္စည်းတွေကို တီထွင်ဖန်တီးရာမှာတော်ပေမဲ့ သူက အထီးကျန်နေတဲ့ ဘဝင်ရူးတစ်ကောင်ဖြစ်နေပါတယ်။ ကြွက်နှစ်ကောင်ရဲ့အကူအညီကို သူ့ရဲ့အကောင်းဆုံးလက်ရာဆိုပြီး တောကိုဖြတ်စီးနေတဲ့မြစ်ကို ပိတ်ပြီး ဆည်ကြီးဆောက်ပစ်လိုက်ပါတယ်။ အဲ့လိုနဲ့ မြေခွေးနဲ့ ယုန်တို့ရဲ့တောအုပ်က ရေတွေလွှမ်းကုန်ပါတော့တယ်။ အဲ့လိုကနေ ရွေးချယ်စရာမရှိကြတော့တဲ့ ယုန်နဲ့ မြေခွေးတို့က သူတို့ရဲ့တောအုပ်ကို ဒီဆည်ကြီးဆီကနေ ကယ်တင်ကြပုံကို ကြည့်ရှုခံစားကြရမှာဖြစ်ပါတယ်။ ပေါ့ပေါ့ပါးပါးနဲ့ ပျော်ပျော်ရွှင်ရွှင် ကြည့်ရှုနိုင်ကြမယ့် Animation ကားလေးတစ်ခုလည်းဖြစ်ပါတယ်။

t.me/cartoonmoviesmms/1192

ကြယ်စဉ်တန်းတွင် လမ်းပျောက်ခြင်း (၂၀၂၅)

နမ်ယောင်း ဆိုတဲ့ ကောင်မလေးဟာ အင်္ဂါဂြိုဟ်သို့ လူသားကိုယ်စားပြုအဖြစ် သွားရောက်မယ့် စူးစမ်းလေ့လာရေးခရီးမှာ ပါဝင်ခွင့်ရရှိခဲ့တဲ့ အာကာသယာဉ်မှူးဖြစ်ပြီး ဂျေ ကတော့ သူ့ရဲ့ ဂီတကို ကမ္ဘာကို ချပြနိုင်ဖို့အတွက် စိတ်အားထက်သန်နေတဲ့ကြိုးစားနေဆဲ အနုပညာရှင်ကောင်လေးပါ။ တစ်နေ့မှာ နမ်ယောင်း ဟာ အမေဖြစ်သူချန်ထားခဲ့တဲ့ ဓာတ်စက်ဟောင်းကို ပြင်ဖို့အတွက် အသံပစ္စည်းပြုပြင်ရေးဆိုင်ကို သွားတဲ့အချိန် ဂျေ နဲ့ စတင်တွေ့ဆုံခဲ့ပြီး တဖြည်းဖြည်းနဲ့ နှစ်ယောက်ကြားမှာ ရင်ခုန်စရာ အချစ်ပန်းတွေ ပွင့်လန်းလာခဲ့ပါတယ်။ ဒါပေမဲ့ နမ်ယောင်း တစ်ယောက် ကမ္ဘာမြေကို စွန့်ခွာပြီး အင်္ဂါဂြိုဟ်ကို သွားရမယ့်အချိန် ရောက်လာတဲ့အခါမှာတော့ ဒီလူငယ်လေးနှစ်ယောက်ရဲ့ အချစ်ရေးက ဘယ်လိုဆက်ဖြစ်သွားမလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပြီး ဆက်လက်စီးမျောလိုက်ကြပါဦးနော်။

t.me/cartoonmoviesmms/1194

စစ်ပွဲများကို အဆုံးသတ်မည့်စစ်ပွဲ (၂၀၂၃)

ဘယ်လ်ဂျီယမ်ဘုရင် ပထမမြောက် အဲလ်ဘတ် ရေးထားတဲ့ လက်ရေးစာရွက်လေးက စစ်မြေပြင်မှာ လွင့်ပျံသွားပြီး အခြားသောစစ်မြေပြင်တွေဆီ လည်ပတ်ချိတ်ဆက်သွားပါတယ်။ အီဇ ကိုလူဘာတာမြစ်တိုက်ပွဲ သူရဲကောင်း မီလွန်ကာ ဆားဗစ်ခ် အနောက်ဖက်စစ်မျက်နှာပြင် ခရစ္စမတ်ယာယီစစ်ပြေငြိမ်းရေး ၁၉၁၄ ခုနှစ် ဒီဇင်ဘာလ၊ ၄၊ ဂျာမန် မုန်တိုင်းအထူးတပ်ဖွဲ့ စစ်ဆင်ရေး၊ ၁၉၁၅ ခုနှစ် နွေဦးရာသီ၊ ၅၊ ဂျဒ်လန် ရေတပ်တိုက်ပွဲ ၁၉၁၆ ခုနှစ် ဇွန်လ၊ ၆၊ ဆွန်းမ်တိုက်ပွဲ ၊ဒုတိယဗိုလ်မှူးကြီး အေဒရီယန် ဒီဝေါ့တ် ၁၉၁၆ ခုနှစ် ဇူလိုင်လ၊ ၇၊ အဖြူရောင်သောကြာနေ့ဖြစ်စဉ် ၁၉၁၆ ခုနှစ် ဒီဇင်ဘာလ၊ ၈၊ ဒွိုင်ရန်တိုက်ပွဲ ၁၉၁၇ ခုနှစ် နွေဦးကာလ၊ ၉) ဟာလမ် ငရဲသားစစ်သည် ဟန်နရီဂျွန်ဆင် ၏ သူရဲကောင်းဆန်သော တိုက်ပွဲဝင်မှု ၁၉၁၈ ခုနှစ် မေလ အစရှိတာတွေပါ။ အန်နီမေးရှင်းတွေက အရမ်းမကောင်းပေမယ့် ကြည့်ပျော်စရာဖြစ်ပြီး၊ ဟဲဗီးမက်တယ်လ်ချစ်သူတွေအတွက်တော့ အလွန်စိတ်ဝင်စားစရာ ဖြစ်ပါတယ်။

t.me/cartoonmoviesmms/1199

ဘုရင်များ၏ဘုရင် (၂၀၂၅)

ပြဇာတ်ရုံပိုင်ရှင် ချားစ် ဆိုတဲ့ ပုံပြောဆရာက အဆော့မက်ပြီး၊ ဘုရင် အာသာ နဲ့ လက်စွဲတော်မှော်ဝင် အက်စ်ကာလီဘာ ဓားကို ရူးသွပ်နေတဲ့ သားဖြစ်သူ ဝေါ်တာ လေးကို လိမ္မာရေးခြားရှိအောင် ဘုရင်များရဲ့ ဘုရင် ဆိုတဲ့ ပုံပြင်တစ်ပုဒ်ကို ပြောပြရာကအစ ချီထားပြီး၊ ဘုရားသားတော် ယေရှု ခရစ်တော် မွေးဖွားလာရာကစလို့ သေဆုံးချိန်အထိ ဖြစ်ကြောင်းကို စိတ်ဝင်စားဖွယ်ရာ၊ ဗဟုသုတရဖွယ်ရာ ကာတွန်းရုပ်ရှင်အနေနဲ့ ရိုက်ကူးတင်ဆက်ထားခြင်းဖြစ်ပါတယ်။

t.me/cartoonmoviesmms/1201

ဘန် ၁၀ နဲ့ အာကာသထဲက ဂြိုဟ်သားတွေရဲ့ တိုက်ပွဲ (၂၀၂၀)

ဘန် ၁၀ ကိုဆိုမသိတဲ့လူမရှိလောက်ပါဘူးနော်။ အခုကားလေးကတော့ ဘန် ၁၀ နဲ့ အာကာသထဲက ဂြိုဟ်သားတွေရဲ့ တိုက်ပွဲတွေရယ်၊ ဘန် ၁၀ ရဲ့ နာရီလေး ဘယ်လိုဖြစ်လာတာလဲဆိုတာရယ်၊ ကြားထဲက ဆက်စပ်မှုတွေရယ် အားလုံးပါဝင်ပါတယ်။ ကမ္ဘာဂြိုဟ်ဆီကို ဥက္ကာခဲတစ်ခု ဦးတည်လာနေတာကို သိပ္ပံပညာရှင်ကြီး ဖေလ် က သိခဲ့ရပါတယ်။ ကမ္ဘာပေါ်ကသာမန် လူဆိုးတွေကို ဖမ်းရတာပျင်းနေတဲ့ ဘန် ကအာကာသထဲသို့ သွားပြီး ဥက္ကာခဲကို လမ်းကြောင်းလွဲအောင် တိုက်ထုတ်ပစ်ဖို့ စိတ်အားထက်သန်နေပါတယ်။ ဒီစွန့်စားခန်းမှာ အရေးကြီးတာက ဘန် ရဲ့ နာရီနဲ့ သုံးတတ်ရင် သုံးတတ်သလို အစွမ်းထက်တဲ့ နာရီသော့ပဲ ဖြစ်ပါတယ်။ အမှန်တော့ လာနေတဲ့ ဥက္ကာခဲဆိုတာ ဂြိုဟ်သားရာဇဝတ်ကောင်ကြီးရဲ့ ယာဉ်ပျံပါပဲ၊ သူက ဘန် ရဲ့ နာရီသော့ကိုလိုချင်လို့ ကမ္ဘာထိလိုက်လာပေမယ့်၊ ဘန် က အာကာသထဲရောက်ပြီး ကမ္ဘာနှင့် အဆက်အသွယ်၊ အထိန်းအချုပ်မဲ့သွားချိန်မှာ နာရီကို စတီထွင်ခဲ့တဲ့ ဂြိုဟ်သား သိပ္ပံပညာရှင်ကြီးနဲ့ တွေ့ခဲ့ပါတယ်။ ထို သိပ္ပံပညာရှင်ကြီးရဲ့ အကြံဉာဏ်များ အကူအညီတွေနဲ့ ဘန် ဟာ ကမ္ဘာကို ကယ်တင်နိုင်ခဲ့တဲ့ ရင်တမမကြည့်ရမဲ့ ဇာတ်ကားကောင်းလေးဖြစ်ပါတယ်။

t.me/cartoonmoviesmms/1203

ကြွက်စုံထောက် (၁၉၈၆)

၁၉၈၆ တုန်းကထွက်ရှိခဲ့ပြီး ရှားလော့ ဟုမ်းစ်ကို အခြေခံပြီးဖန်တီးထားတဲ့ ကြွက်စုံထောက်ကြီး ဘက်ဆဲလ် ရဲ့ကာတွန်းကားလေးကို တင်ဆက်ပေးလိုက်ပါတယ်ဗျ။ ဇာတ်လမ်းအကျဉ်းကတော့ လန်ဒန်မြို့ရဲ့နာမည်ကြီး အရုပ်လုပ်တဲ့သူတစ်ယောက်ဖြစ်တဲ့ ဖလန်ဘာရှန် ကို လင်းနို့တစ်ကောင်က ပြန်ပေးဆွဲသွားခဲ့ပါတယ်။ ဖလန်ဘာရှန် ရဲ့သမီးလေး အိုလီဗီယာ ကတော့ လွတ်မြောက်သွားပြီး သူ့ရဲ့အဖေကိုလိုက်ရှာဖို့အတွက် ဘေကာလမ်းက စုံထောက်ကြီး ဘက်ဆဲလ် ဆီကိုသွားရင်း လမ်းပျောက်သွားခဲ့ပါတယ်။ ဒီအချိန်မှာ အာဖဂန်ကနေစစ်မှုထမ်းပြီးပြန်လာပြီး တိုက်ခန်းလိုက်ရှာနေတဲ့ ဒေါက်တာ ဒေါ်ဆင် နဲ့လမ်းမှာတွေ့ပြီး ဒေါက်တာ ဒေါ်ဆင် က အိုလီဗီယာ ကို ကူညီပြီးတော့ ဘက်ဆဲလ် ကို လိုက်ရှာပေးခဲ့ပါတယ်။ ဒီလိုနဲ့ အိုလီဗီယာ ရဲ့အဖေကို ဖမ်းသွားတဲ့ လူက ဘက်ဆဲလ် ရဲ့ ရန်သူတော်ကြီး ပါမောက္ခ ရက်တင်ဂန် ရဲ့ တပည့်ဖြစ်တဲ့ လင်းနို့ ဖစ်ဂျက်ဒ် ဖြစ်နေတဲ့အခါမှာ ပါမောက္ခ ရက်တင်ဂန် က ဘယ်လိုအကြံဆိုးမျိုးကို ကြံစည်နေတာလဲ၊ စုံထောက်ကြီး ဘက်ဆဲလ် နဲ့ ဒေါက်တာ ဒေါ်ဆင် တို့က ရော တားဆီးနိုင်မလားဆိုတာကို ငယ်ဘဝရဲ့အမှတ်တရအပြည့်နဲ့ ပြန်လည်ကြည့်ရှုလိုက်ကြပါဗျ။

t.me/cartoonmoviesmms/1205

ထရန်စဖော်မာတို့၏ စစ်ပွဲအစ (၂၀၂၄)

IMDB - 7.7/10
Genre - Action, Sci-fi

ထရန်စဖော်မာတွေရဲ့ စစ်ပွဲအစ အော့တိမပ်ပရိုင်းနဲ့ မက်ဂါထရွန်တို့ရဲ့ ရန်ငြိုးအစကို ပြသထားတဲ့ ကာတွန်းရုပ်ရှင်ဖြစ်ပြီး Rating 7.8 အထိ ရရှိထားပါတယ်။ ဆိုက်ဘာထရွန်ဂြိုလ်ဟာ ကွင်တက်ဆင်တွေနဲ့ စစ်ဖြစ်ရင်း ပရိုင်းတွေအားလုံး ကျဆုံးသွားပြီး ဆန်တီနယ်ပရိုင်းတစ်ယောက်ပဲ ကျန်ခဲ့ပါတယ်။ ကွင်တက်ဆင်တွေကို အနိုင်ယူပြီး အိုင်ရာကွန်မြို့ကို ဆန်တီနယ်ပရိုင်းက အုပ်ချုပ်နေစဉ်မှာ စစ်ပွဲကြောင့် ဆိုက်ဘာထရွန်တစ်ခုလုံးရဲ့ စွမ်းအင်ရင်းမြစ် မေးထရစ် ပျောက်ဆုံးသွားတာကြောင့် အင်နာဂျွန်စွမ်းအင်တွေကို ရဖို့ တူးဖော်ရေးသမားစက်ရုပ်တွေကို ခိုင်းစေနေရပါတယ်။ တူးဖော်ရေးသမားတွေဟာ အနိမ့်စား စက်ရုပ်တွေဖြစ်ပြီး ပုံပြောင်းနိုင်စွမ်းရှိတဲ့ စက်လုံးတွေ ရင်ဘတ်မှာ မရှိကြပါ။ အော်ရိုင်ရန် နဲ့ ဒီ-၁၆ တို့ဟာ တူးဖော်ရေးသမား အချစ်ဆုံး သူငယ်ချင်းနှစ်ယောက်ဖြစ်ပြီး၊ အော်ရိုင်ရန် ဟာ စက်လုံးမရှိ အစွမ်းမရှိတဲ့ စက်ရုပ်ဖြစ်ပေမဲ့ အမြဲကြီးကျယ်တာတွေကို လုပ်ချင်နေသူဖြစ်ပြီး မေးထရစ်ကို ရှာပေးပြီး ဆိုက်ဘာထရွန်ဂြိုလ်ကြီးကို ကယ်တင်ချင်တဲ့ သူ အမြဲဖြစ်ချင်ခဲ့တာပါ။ တစ်နေ့မှာတော့ မေးထရစ်ကို ရှာပြီး ဆန်တီနယ်ပရိုင်းကို ပေးဖို့ ကြိုးစားရင်း မထင်ထားတဲ့ အဖြစ်အပျက်တွေနဲ့ စွန့်စားခန်းတွေရင်ဆိုင်ရပါတော့တယ်။

t.me/cartoonmoviesmms/1207