ပြိုင်ပွဲရာသီ (၂၀၁၈)

ဒီကားထဲမှာတော့ ဆောင်းရာသီ နှင်းတောထဲမှာ ကလေးတွေဟာ ကိုယ်တိုင်ဒီဇိုင်းထွင်ထားတဲ့ ဆွတ်ဖားလှည်းတွေနဲ့ နှင်းလျှောစီးပြီး နှစ်စဉ်ပြိုင်ပွဲပြုလုပ်နေကျပါ။ နှစ်တိုင်းလဲ ဖရန်ကီ ဆိုတဲ့ မှန်ကြောင်လေးက ဗိုလ်စွဲနေကျပေါ့။ ဒီနှစ်မှာတော့ သူတို့အရပ်ကို အသစ်ရောက်လာတဲ့ ကောင်လေး ဇက် က ဖရန်ကီ ကို စိန်ခေါ်ထားပါသတဲ့။ အဲဒါနဲ့ပဲ ဖရန်ကီ လဲ ပြိုင်ပွဲမှာ အနိုင်ရရေး အစွမ်းကုန်ကြိုးစားတော့တာပေါ့။ အဲ့တော့ ပြိုင်ပွဲမှာ ရော ဘယ်လိုရလဒ်ထွက်လာမလဲ၊ အဲ့ရလဒ်ပေါ်မူတည်ပြီး နောက်ဆက်တွဲ ဘာတွေ ဆက်ဖြစ်ဦးမလဲဆိုတာကတော့ ပူလောင်အိုက်စပ်နေတဲ့ ရာသီဥတုမှာ နှင်းတောထဲက ကာတွန်းလေးကို ကြည့်ပြီး အပူလျော့ကြပါစေလို့ ပြောရင်း အားပေးလိုက်ကြပါဦး။

t.me/cartoonmoviesmms/849

ပိုကီမွန် (၂၀၁၈)

နှစ်စဉ်နှစ်တိုင်း ကျင်းပလေ့ရှိတဲ့ ပွဲတော်တစ်ခုကတော့ ပိုကီမွန်ဖမ်းပွဲပါ။ အဲ့ဒီပွဲကို နိုင်ငံတကာမှ ပိုကီမွန်ထရိန်နာတွေက လာရောက်ပြီး ယှဉ်ပြိုင်လေ့ရှိပါတယ်။ ဒီနှစ်မှာတော့ ထိုပွဲကို အက်ရှ် နဲ့ ပီကာချူး အပြင် တစ်ခြားထရိန်နာအသစ်တွေ လဲ လာရောက်ယှဉ်ပြိုင်ခဲ့သလို အနှောက်အယှက်တွေ လဲ တွေ့ရမှာ ဖြစ်ပါတယ်။ ထရိန်နာအသစ်လေး လီဆာ လဲ ရောက်ရှိလာသလို သူ့အကြောင်းနဲ့ သူလာရောက်ယှဉ်ပြိုင်သူတွေကြား ပိုကီမွန်အသစ်တွေကိုလဲ ထပ်မံတွေ့ရှိရမှာပါ။

t.me/cartoonmoviesmms/510

ခွေးကလေး အိုဇီ (၂၀၁၆)

သူ့ရဲ့မိသားစုကအပန်းဖြေခရီးသွားတဲ့အခါ အိမ်ချစ်ခွေးလေးတစ်ကောင်ဖြစ်တဲ့ အိုဇီ တစ်ကောင် ခွေးလေးတွေရဲ့ အကောင်းဆုံးသောအပန်းဖြေရာနေရာတစ်ခုလို့ကြေငြာထားတဲ့နေရာမှနေခဲ့ရပါတယ်။ ဘာလို့လဲဆိုတော့ သူ့ကိုပါတစ်ခါတည်းခေါ်သွားလို့မရလို့ပါပဲ။ တီဗွီမှာ အကောင်းဆုံးဆိုတဲ့ခွေးလေးတွေရဲ့အကောင်းဆုံးနေရာကတကယ်လည်းရောက်သွားတဲ့အခါမှာ ထောင်နန်းတစ်ခုသာဖြစ်တယ်ဆိုတာကို ခွေးလေး အိုဇီ သိလိုက်ရတဲ့အချိန်ကတော့တကယ်ကိုနောက်ကျသွားခဲ့ပြီပဲဖြစ်ပါတယ်။ ဘာလို့လဲဆိုတော့ အဲ့ဒီခွေးထောင်လို့ပြောလို့ရမယ် နေရာမှာ သူ့လိုပဲခွေးလေးတွေအများကြီးရှိနေတာမို့လို့ပါ။ ခွေးလေးတွေကို ဘာလို့ဖမ်းလဲ။ ဘာလို့ဒီလိုချုပ်နှောင်ပြီးထောင်ချထားတာလဲ

t.me/cartoonmoviesmms/512

ကအိုတီ (၂၀၂၁)

ဘလမ် ဆိုတဲ့ဂျာဂွားအုပ်ချုပ်နေတဲ့ မိုးသစ်တောလေးထဲမှာ နချီ လေးက တစ်ကောင်တည်းသော ကအိုတီ ကောင်လေးပေါ့။ သူတို့နေတဲ့မိုးသစ်တောလေးမှာ မထင်မှတ်ထားတဲ့ဘေးအန္တရာယ်ကျရောက်ခဲ့ပြီးတော့ ဘလမ် လည်းအသက်ဆုံးရှုံးခဲ့ရသလို အကုန်လုံးကလည်း ဒီတောထဲကနေရွှေ့ပြောင်းမလား တောထဲကဘေးကင်းတဲ့နေရာမှာပဲနေမလားဆိုတဲ့အခြေအနေမျိုးနဲ့ကြုံလာရပါတယ်။ နောက်ဆုံးမှာ ဇိုင်န ဆိုတဲ့မြွေမကြောင့် သူ့စကားတွေအောက်မှာကြွေကျပြီး အကုန်လုံးကပြောင်းရွှေ့ဖို့လုပ်ခဲ့ကြပေမယ့် နချီ ကတော့တောထဲမှာပဲနေဖို့ဆုံးဖြတ်ခဲ့ပါတယ်။ သူဒီလိုဆုံးဖြတ်ခဲ့တာကလည်း နောက်ကွယ်မှာအကြောင်းအရင်းတစ်ခုရှိနေလို့ဖြစ်ပြီးတော့ အဲ့ဒီအကြောင်းအရင်းကိုအဖြေရှာဖို့အတွက်လည်း နချီ တစ်ကောင် ပကို ဆိုတဲ့ခရားရေလွှတ်စကားပြောတတ်တဲ့ဖားလေးရယ် အကြောက်အလန့်မရှိတဲ့ ဆိုချီ ဆိုတဲ့လိပ်ပြာမလေးရယ်နဲ့ သုံးကောင်သားစွန့်စားခန်းရှာပုံတော်ဖွင့်ခဲ့ပါတယ်။ သူတို့တွေရဲ့စွန့်စားခရီးလေးမှာ ဘယ်လိုအန္တရယ်တွေကစောင့်ကြိုနေပြီး ဘယ်လိုတွေဖြတ်ကျော်ကြမှာလဲ နချီ တစ်ကောင် တောထဲမှာကျန်နေခဲ့ဖို့ဆုံးဖြတ်ခဲ့ရတဲ့နောက်ကွယ်ကအကြောင်းအရင်းကဘာလဲ စတာတွေကိုတော့ ကြည့်ရှုခံစားရမှာပါ။

t.me/cartoonmoviesmms/440

စကူဘီဒူး - မွန်းစတားရှာပုံတော် (၂၀၀၄)

ဘလိတ်မျိုးနွယ်ရဲ့ရဲတိုက်ကြီးမှာ လုပ်မယ့် အားကစားပွဲကို ဘလိတ်မျိုးနွယ်၀င်ရှန်နွန်က ဦးဆောင်လုပ်မှာဖြစ်ပြီးတော့ ရှန်နွန် ရဲ့၀မ်းကွဲညီအစ်မနဲ့သူငယ်ချင်းတွေကလည်း ပွဲကို လာရောက်ခဲ့ကြပါတယ်။ ဒါပေမဲ့ မွန်းစတားကြီးရှိတယ်လို့ယူဆချက်တွေနဲ့အတူ မတော်တဆမှုတွေကိုလည်း ကြုံလာခဲ့တဲ့အခါမှာတော့ ရှန်နွန် နဲ့အဖွဲ့က အားကစားပွဲကိုမစတင်ခင်မှာ မွန်းစတားကြီးရဲ့တည်ရှိမှုကို စုံစမ်းအတည်ပြုဖို့ဖြစ်လာပါတော့တယ်။မွန်းစတားကြီးက အမှန်တကယ်တည်ရှိနေတာလားဒီလျှို့ဝှက်ဆန်းကြယ်ဖြစ်ရပ်က ဘယ်လိုမျိုးလဲဆိုတာကို သိရဖို့ ဇာတ်လိုက်ကျော်ကြီး စကူးဘီနဲ့အတူ ရှန်နွန် တို့သူငယ်ချင်းတစ်သိုက်ရဲ့ မွန်းစတားရှာပုံတော်ကြီးကို လိုက်လံကြည့်ရှူလိုက်ပါဦး။

t.me/cartoonmoviesmms/518

စင်ဒရဲလားနှင့် လျှို့ဝှက်မင်းသားလေး (၂၀၁၈)

စင်ဒရဲလားပုံပြင်ဇာတ်လမ်းတွေက မရိုးနိုင်အောင်များပြားလှပါတယ်။ စိတ်ဝင်စားဖို့လည်းကောင်းပါတယ်။ ဒီအထဲကမှ ဒီဇာတ်လမ်းလေးကတော့ အခြားဇာတ်လမ်းတွေနဲ့မတူ တမူကွဲပြားခြားနားစွာဖန်တီးထားတာကိုတွေ့မြင်ရမှာဖြစ်ပါတယ်။ ဒီဇာတ်လမ်းမှာ မင်းသားလေးဟာ နန်းတော်ထဲက မှော်ဆရာမကြီးရဲ့အကောက်ကြံဒုက္ခပေးထားမှုကြောင့် စင်ဒရဲလားတို့ရဲ့အိမ်မှာ ကြွက်တစ်ကောင်အဖြစ်နေထိုင်နေရတာဖြစ်ပါတယ်။ ဒါကို စင်ဒရဲလားအပါအဝင် အခြားမိတ်ဆွေကြွက်နှစ်ကောင်လည်း မသိကြပါဘူး။ နန်းတော်ကပွဲသဘင်ကိုသွားကြဖို့လုပ်ကြရင်းနဲ့မှ မင်းသားလေးရဲ့ဘဝအကြောင်း သိခဲ့ကြရတာပါ။ သူတို့ကိုအကူအညီပေးနိုင်မယ့် မှော်ဆရာမလေးတစ်ယောက်နဲ့လည်း ဆုံတွေ့ရင်းနှီးခင်မင်ခဲ့ကြတယ်။ သူတို့အားလုံးရဲ့ကြိုးစားမှုနဲ့ မင်းသားလေးကို ကြွက်ဘဝကနေလူ့ဘဝကို ပြန်ရောက်ဖို့ကြိုးပမ်းခဲ့ကြပုံတွေ။ နန်းတော်ထဲက မှော်ဆရာမကြီးနဲ့ရင်ဆိုင်တိုက်ခိုက်ကြရတဲ့တိုက်ပွဲတွေနဲ့ စိတ်ဝင်တစားကြည့်ရှုရမယ့် ဆန်းပြားတဲ့ စင်ဒရဲလားဇာတ်လမ်းလေးတစ်ပုဒ်ကို အခြားဇာတ်လမ်းတွေနဲ့မတူ တမူကွဲစွာ ကြည့်ရှုခံစားရမှာဖြစ်တာမို့ အားပေးလိုက်ကြပါဦးနော်။

t.me/cartoonmoviesmms/516

မောင်စက်ရုပ် (၂၀၂၅)

ကေ - စက်ရုပ်လုပ်ငန်းစု ရဲ့ ကိုယ်စားလှယ်တစ်ယောက်ဖြစ်တဲ့ ဂန်ဟျော့ ဟာ စက်ရုပ်တွေကို တီထွင်ဖန်တီးရင်းနဲ့ အချိန်ကုန်ကာ ကိုယ့်မိသားစုအတွက် အချိန်မပေးနိုင်ခဲ့သူပါ။ ဂန်ဟျော့ ရဲ့ သမီးဖြစ်သူ ဂန်နာနာ ဟာလည်း တစ်နှစ်မှ တစ်ခါလောက် အိမ်ပြန်လာတဲ့ အမေနဲ့ အမြဲ မအားမလပ်ဖြစ်နေတဲ့ အဖေတို့ကြောင့် အိမ်ကြီးထဲမှာ စက်ရုပ်တွေနဲ့ အထီးကျန်စွာ ဖြတ်သန်းနေရသူပေါ့။ တစ်နေ့ ဂန်ဟျော့ က စက်ရုပ်အသစ်မိတ်ဆက်ပွဲကျင်းပရာ သူဖန်တီးထားတဲ့ စက်ရုပ် မက်စ် က စက်ချို့ယွင်းပြီး သူ့ကိုလိုက်လံတိုက်ခိုက်ရာကနေ အဲဒီပွဲမှာတင် သေဆုံးသွားပါတော့တယ်။ သို့ပေမဲ့ မက်စ် ချို့ယွင်းသွားတာက သမာရိုးကျမဟုတ်ဘဲ ဂန်ဟျော့ ရဲ့နေရာကို လက်ဝါးကြီးအုပ်ချင်နေတဲ့ ညီဖြစ်သူ ဂန်မင်း ကြောင့်ဆိုတာပါပဲ။ သို့ပေမဲ့ ဂန်နာနာ ကလည်း အတားအဆီးသဖွယ်ဖြစ်နေတာကြောင့် နာနာ ကိုပါ ရှင်းပစ်ဖို့ ကြံစည်လာတဲ့အချိန်။ တစ်ဖက်မှာလည်း ဂန်ဟျော့ က စက်ရုပ် မက်စ် ခန္ဓာကိုယ်နဲ့ ပြန်လည်နိုးထလာခဲ့ပြီး နာနာ ကို ကာကွယ်ပေးဖို့လုပ်သလို ချို့ယွင်းနေတဲ့ စက်ရုပ်တွေကို လိုက်နှိမ်နင်းနေတဲ့ စက်ရုပ်ထိန်းချုပ်ရေးဌာနကလည်း ရှိနေခဲ့ရာ ဂန်ဟျော့ တစ်ယောက် စက်ရုပ်အနေနဲ့ ဂန်မင်း လက်ထဲကနေ သူ့သမီးလေးကို ကာကွယ်ပေးနိုင်သွားမှာလား။ သူကိုယ်တိုင်ရော စက်ရုပ်ထိန်းချုပ်ရေးဌာနလက်ထဲကရော လွတ်မြောက်နိုင်ပါ့မလား။ ချစ်စရာ ဇာတ်ကောင်လေးတွေနဲ့အတူ ပုံဖော်ထားတဲ့ ဒီဇာတ်လမ်းကောင်းလေးထဲမှာ ကြည့်ရှုလိုက်ပါဦးနော်။

t.me/hanacartoons/5655

ကီတာရို မွေးဖွားခြင်း (၂၀၂၃)

ဒုတိယကမ္ဘာစစ်အပြီး နာမည်ကြီး ဆေးဝါးလုပ်ငန်းကို အုပ်ချုပ်နေတဲ့ မိသားစုတစ်ခုရဲ့ မိသားစုခေါင်းဆောင် အဘိုးကြီး သေဆုံးသွားတဲ့အခါ နောက်ဆက်ခံသူနဲ့ မိတ်ဖွဲ့ဖို့ သွေးဘဏ်မှာ အလုပ်လုပ်တဲ့ မီဇူကီ ဆိုသူဟာ ဒီမိသားစုရှိတဲ့ ရွာကို ထွက်လာခဲ့ပြီး ရွာရောက်ချိန်မှာ ထူးဆန်းတဲ့အဖြစ်များကို ကြုံတွေ့ရပါတယ်။ သူ့ရှေ့မှာ ရှေ့ဆက်မထင်ထားတဲ့ လျှို့ဝှက်ချက်တွေ၊ ရွာနဲ့ မိသားစုဆိုင်ရာ လျှို့ဝှက်ချက်တွေ ဖော်ထုတ်ရမယ့် အခက်အခဲတွေရှိလာပြီး၊ ဒီဆေးဝါးလုပ်ငန်းနောက်ကွယ်မှာ ဘာတွေရှိနေတာလဲ၊ မီဇူကီ က ရောက်လာသလို မိတ်ဖွဲ့နိုင်မလားဆိုတာကို မထင်မှတ်ထားတဲ့ အလှည့်အပြောင်းတွေနဲ့ ရင်တမမ ကြည့်ရမယ့် ဇာတ်လမ်းတစ်ပုဒ် ဖြစ်ပါတယ်။

t.me/cartoonmoviesmms/1172

ကျိုးပျက်နေသော လှံတစ်စင်း (၂၀၂၄)

IMDb - 5.7/10
Genre - Action, Sci-fi

မိသားစု၊ အာဏာနှင့် စိတ်ဝင်စားဖွယ်ရာ ကြမ်းတမ်းမှုများကို ရောနှောထားသော ဇာတ်လမ်းတစ်ပုဒ်ဖြစ်ပြီး ဇာတ်လမ်းရဲ့ ဇာတ်ကောင်တွေရဲ့ အကြောင်းအရာတွေကို ကောင်းကောင်း ဖော်ပြထားနိုင်ပါတယ်။ ဇာတ်ကားကို နာမည်ကျော် Animator တစ်ဦးဖြစ်တဲ့ ဂျိုန် စမစ် မှ ဒါရိုက်တာလုပ်ပြီး၊ ရုပ်ရှင်ရဲ့ ပုံစံများနှင့် အလှတရားတွေကတော့ အထူးသဖြင့် ပိုမို စိတ်ဝင်စားဖွယ်ကောင်းပါတယ်။ ဇာတ်လမ်းတွင် အဖေကြီးရဲ့ အာဏာကြောင့် သူ့ရဲ့ သားသမီးများနှင့် ဆက်ဆံရေးများ ပျက်ကွက်ပြီး အကြမ်းဖက်မှုနှင့် မုန်းတီးမှုများကြား ငြိမ်းချမ်းမှု ရှာဖွေဖို့ ကြိုးစားကြပါတယ်။

t.me/cartoonmoviesmms/1174

တွမ် နှင့် ဂျယ်ရီ - လူ့ဘီလူးကြီး (၂၀၁၃)

IMDb - 6/10
Genre - Family, Adventure

တွမ် နဲ့ ဂျယ်ရီ ဟာ ပုံပြင်စာအုပ် “မြို့တော်” ဆိုတဲ့ အပန်းဖြေကစားကွင်းပိုင်ရှင်တွေ မွေးထားတဲ့ ကောင်လေးနှစ်‌ကောင်ပါ။ အဲဒီကစားကွင်းက လူမလာဘဲ အရှုံးပေါ်နေတာကြောင့် အကြွေးနဲ့ သိမ်းခံရတော့မယ့်အခြေအနေ ဆိုးနေခဲ့ပြီး ကစားကွင်းထဲက ပစ္စည်းတွေ၊ တိရစ္ဆာန်ရုံထဲက အကောင်တွေကို ရောင်းထုတ်ပြီး ပိုက်ဆံရှာနေရပါတယ်။ ရောင်းရင်းရောင်းရင်း နောက်ဆုံးမှာ နွားမလေးတစ်ကောင်ပဲ ကျန်တော့ပေမယ့် ကစားကွင်းပိုင်ရှင်ရဲ့သား ဂျက် က အဲဒီနွားလေးကို ပိုက်ဆံမယူဘဲ မှော်ပဲစေ့ဆိုတာတွေနဲ့ လဲလိုက်သွားပါတယ်။ ဒီလိုနဲ့ စိတ်ဓါတ်ကျနေတဲ့ ဂျက် တို့အဖွဲ့က အဲဒီပဲစေ့တွေကို စိုက်လိုက်ပြီး နောက်နေ့မှာ ဧရာမပဲပင်ကြီးအဖြစ်နဲ့ “ကောင်းကင်ပေါ်က နတ်သမီးတိုင်းပြည်” ဆိုတဲ့ ထူးဆန်းတဲ့ နေရာတစ်ခုအထိ ရောက်အောင် ပေါက်သွားပါတယ်။ အဲဒီတိုင်းပြည်မှာ ဧရာမဘီလူးကြီးတစ်ကောင်က ပြည်သူတွေဆီက ရွှေငွေတွေကို အင်အားသုံး လုယူနေပြီး၊ လက်မခံနိုင်တဲ့ ဂျက်, တွမ် နဲ့ ဂျယ်ရီ တို့က အဲဒီဘီလူးကို တားပြီး နတ်သမီးတိုင်းပြည်ကို ကယ်ဖို့ ကြိုးစားပါတော့သည်။

t.me/cartoonmoviesmms/1176

ဘုဂလန့်ကောင်ကလေး (၂၀၂၄)

IMDb - 6.2/10
Genre - Drama

အာကီ ဆိုတဲ့ ကောင်လေးက အပြောအဆိုအပေါင်းအသင်းမတတ်တဲ့ ဘုကလန့်ပုံစံလေးပါ။ အဲဒါကြောင့်လည်း သူဟာ ဘယ်သူနဲ့မှ မတည့်သလို ရန်လည်း ခနခန ဖြစ်တတ်သူလေးပါ။ အပြင်ပန်းမှာတော့ တလောကလုံးကို ဂရုမစိုက်တဲ့ပုံစံဖမ်းထားပေမယ့် တကယ့်အတိုင်းတော့ စိတ်ထဲမှာ အထီးကျန်နေသူလေးတစ်ယောက်ပါ။ တစ်နေ့မှာ သူဟာ ဖူရေးရု ဆိုတဲ့ ထူးဆန်းတဲ့ အကောင်လေးတစ်ကောင်ကို တွေ့သွားပြီး ရိုယို၊ ယူတာ ဆိုတဲ့ ကောင်လေးနှစ်ယောက်နဲ့ သူငယ်ချင်း ဖြစ်သွားပါတယ်။ တကယ့်အရာအားဖြင့် ဖူရေးရု က သူ့နားကလူတွေကို တစ်ယောက်နဲ့တစ်ယောက် နားလည်ပြီး အဆင်ပြေအောင် လုပ်ပေးနိုင်တဲ့ အစွမ်းပိုင်ဆိုင်ထားတာပါ။ ဒါကြောင့် အာကီ၊ ရိုယို နဲ့ ယူတာ တို့ဟာ တစ်ယောက်နဲ့တစ်ယောက် ရန်ဖြစ်တာတွေမရှိပဲ အဆိုးမြင်တာတွေမရှိပဲ အရွယ်ရောက်တဲ့အထိ ပေါင်းသင်းနေနိုင်ပေမယ့် တစ်နေ့မှာတော့ သူတို့သူငယ်ချင်းသုံးယောက်ဘဝထဲ ကောင်မလေးနှစ်ယောက် ရောက်လာပြီး ထူးဆန်းမှုတွေ ကြုံတွေ့လာရပါတော့တယ်။ အဲဒီမှာပဲ သူတို့တွေအဆင်ပြေပြေနဲ့ နေနိုင်နေကြတာဟာ တစ်ယောက်နဲ့တစ်ယောက် အဆိုးမမြင်ကြလို့ မဟုတ်ပဲ ဖူရေးရု ရဲ့ လျှို့ဝှက်ချက်ကြောင့် ဆိုတာကို သိသွားပါတော့တယ်။ ဒီတော့ သူတို့ကို အဆင်ပြေအောင် လုပ်ပေးထားတဲ့ ဖူရေးရု ရဲ့ လျှို့ဝှက်ချက်က ဘာလဲ၊ အဲဒါတွေကို သိသွားပြီးနောက်ပိုင်းမှာရော သူတို့တွေ အရင်လို ပျော်ပျော်ရွှင်ရွှင် အတူတူ နေနိုင်ကြဦးမလား

t.me/cartoonbynikko/1734

နွေဦးပွဲတော် (၂၀၂၃)

IMDb - 6.2/10
Genre - Family

Straw-berry Short-cake နဲ့ သူငယ်ချင်းတသိုက် နွေဦးပွဲတော်အတွက် ဘယ်လိုပေါင်းစည်းစုရုံးပြီး ပြင်ဆင်ကြလဲဆိုတာကို ရိုက်ပြတင်ဆက်ပေးထားတာဖြစ်ပါတယ်။ အရောင်အသွေးစုံ Animation များ စိတ်ဖိစီးမှုမရှိတာတွေ သီချင်းတွေကတော့ ပိုမိုထူးခြားစေပါတယ် ကလေးများအတွက် အထူးသင့်တော်ပါတယ်။ မိသားစုနှင့်အတူ ပျော်ရွှင်စွာကြည့်ရှုနိုင်ပြီး Straw-berry Short-cake ချစ်သူများအတွက် အကြိုက်တွေ့စေမယ့် ဇာတ်လမ်းကောင်းလေးတစ်ခုပါ!

t.me/cartoonmoviesmms/1179

ခွေးလူသား (၂၀၂၅)

ခွေးတစ်ပိုင်းလူတစ်ပိုင်း ခွေးလူသား စူပါရဲတစ်ယောက်အကြောင်းပါ။ ဉာဏ်အရမ်းကောင်းတဲ့ ခွေးလေးနဲ့ ဒုစရိုက်မှုတွေကို နှိမ်နင်းလာခဲ့တဲ့ ရဲအရာရှိ ဂရက် ဟာ တစ်နေ့တော့ ဗီလိန် ကြောင် ပီတီ ကြီးရဲ့ ဗုံးလက်ချက်ကြောင့် နှစ်ယောက်လုံး မသေမရှင်ဖြစ်နေတဲ့အခါမှာ သိပ္ပံပညာရှင်တွေက ခွေးခေါင်းနဲ့ ဂရက် ရဲ့ ခန္တာကိုယ်ကို ဆက်ပေးလိုက်ပြီး ဉာဏ်အရမ်းကောင်းပြီး သန်မာတဲ့ ခန္တာကိုယ်နဲ့ စူပါရဲတစ်ယောက်ဖြစ်သွားပါတယ်။ သူ့ရဲ့ မဟာရန်သူပြိုင်ဘက် ပီတီ ကိုလည်း ဖမ်းဆီးဖို့အတွက် ကြိုးစားပါတော့တယ်။

t.me/cartoonmoviesmms/1181