An-ne Shi-rley (2025)

Genres - Slice of life, Drama

Canada က လှပတဲ့ ကျွန်းလေးတစ်ကျွန်းပေါ်က Green Gabel ဆိုတဲ့အိမ်လေးကို Shirley က ပို့ဆောင်ခံလိုက်ရပါတယ်။ Shirley က မိဘမဲ့ကလေးဖြစ်ပြီး မွေးစားချင်တဲ့သူရှိတာကြောင့် ရောက်လာသူပေါ့။

ဒါပေမဲ့ မွေးစားမဲ့သူတွေဖြစ်တဲ့ Matthew နဲ့ Marilla Cuthbert တို့ဆီရောက်တော့ သူတို့လိုချင်တာက ယောကျာ်းလေးဖြစ်တာကြောင့် Anne တစ်ယောက် ဒုက္ခရောက်ပါလေရော....

ဒါပေမဲ့လည်း စူးစမ်းလိုစိတ်ပြင်းပြပြီးတော့ ဘယ်အရာကိုမဆို အကောင်းမြင်တတ်တဲ့ Anne ရဲ့ စိတ်ထားလေးကို Matthew နဲ့ Marilla Cuthbert တို့က သဘောကျသွားတာကြောင့် မွေးစားဖို့ ဆုံးဖြတ်ခဲ့လေရာ...

t.me/animeseriesmyanmar/787

အရောင်သွေးစုံလင်သော (၂၀၂၄)

IMDb - 7.1/10
Genre - Drama

ဒီဇာတ်ကားလေးကတော့ ရိုးရှင်းပြီး စိတ်ပြေလက်ပျောက် ကြည့်ချင်သူများအတွက် အဆင်ပြေမဲ့ ဇာတ်ကားလေးပါနော်။ ဇာတ်ကားမှာ ဇာတ်ကောင်လေးတွေရဲ့ ကိုယ်ကိုယ်ယုံကြည်မှု၊ လူငယ်ဘဝကို ဖြတ်သန်းလာပုံနဲ့ သီချင်းတွေနဲ့ခံစားချက်တွေကို ထုတ်ဖော်ပြထားပါတယ်။

တိုဆုကို ဆိုတဲ့ ကောင်မလေးဟာ မွေးကတည်းက တစ်ခြားသူတွေလို အရောင်ကို ကြည့်မြင်နိုင်ရုံသာမက အရောင်တွေရဲ့ သဘာဝကို ခံစားနိုင်စွမ်းရှိသူလေးပါ။ ဒီလိုသာမက သူဟာ လူတွေရဲ့ခံစားချက် အရောင်တွေကိုပါ ခံစားနိုင်ပါတယ်။ တစ်နေ့မှာ သူဟာ အရောင်လှလှတွေမြင်ရတဲ့ သူနှစ်ယောက် ကီမီ နဲ့ ရူရီ ကို မြင်လိုက်ပြီး ဂီတအဖွဲ့ ဖွဲ့ဖို့ စိတ်ထင်ပြောလိုက်ရာကနေ တကယ်အဖွဲ့လေး ပေါ်ပေါက်လာခဲ့ပါတယ်။ ဒီလို လူငယ်လေးတွေဟာ သူတို့ကိုယ်စီရဲ့ခံစားချက်တွေကို သီချင်းတွင် ဖော်ပြပြီး ကျောင်းပွဲတော်ကြီးမှာ ဘယ်လိုထုတ်ဖော်ဖျော်ဖြေသွားမလဲဆိုတာကို ဇာတ်ကားထဲမှာ စိတ်လှုပ်ရှားစွာ ကြည့်ရှုနိုင်မှာ ဖြစ်ပါတယ်။

t.me/cartoonbynikko/1709

နတ်သမီးပုံပြင် (၂၀၁၂)

လူကြီးရော ကလေးပါ ကြည့်သင့်တဲ့ ယုံကြည်မှုနှင့် စိတ်ဓါတ်မြှင့်တင်ပေးနိုင်ပြီး စိတ်ဓါတ်ခွန်အားရရှိစေမယ့် နတ်သမီးပုံပြင်အခြေခံ ကာတွန်းဇတ်လမ်းလေးမှာ ဂျက်ဖရော့ဒ် ဆိုတဲ့ ကြင်နာတတ်တဲ့ စိတ်ထားရှိသူဟာ လူသားဘ၀မှာ သူရဲ့ညီမလေးကို ကယ်ဆယ်ဖို့ သူ့အသက်ကိုစွန့်လွှတ်ပြီး ရေခဲပြင်ထဲမှာ သေဆုံးသွားခဲ့ပါတယ်။ တစ်ရက်သော လပြည့်ညမှာ လနတ်သားက ဂျက်ဖရော့ဒ် ကို သေရွာကနေ နှိုးယူပြီး လူသားကလေးတွေ ရဲ့ ပျော်ရွှင်မှုကို ဆောင်ကျဉ်းပေးမယ့် နှင်းလူသားအဖြစ် ဖန်တီးပေးလိုက်ပါတယ်။ ဂျက်ဖရော့ဒ် ရဲ့ အတိတ်ဘဝမှတ်ဉာဏ်ကိုဖျောက်ထားထားသောကြောင့် သူကိုယ်တိုင် စိတ်ထားကောင်းမွန်တဲ့ ကောင်လေးတစ်ယောက်ဆိုတာ မသိခဲ့ပါ၊ ဒါကြောင့် နတ်ဆိုးတစ်ယောက်လို အမှတ်ယူပြီးလေလွင့်နေတုန်းဆန်ခဲ့ပါတယ်။ အဲဒီအချိန်မှာ အက်စတာဘန်နီ၊ အိပ်မက်ဖန်ဆင်းရှင် သဲလူသား နဲ့ သွားနတ်သမီးတို့ကို တွေ့ဆုံရပြီး၊ ၎င်းတို့နဲ့အတူ ကလေးတွေ ရဲ့ ပျော်ရွှင်မှုနှင့် ယုံကြည်မှုကို လိုက်လံဆောင်ရွက်နေခဲ့ကြပါတယ်။ ထို့အပြင် ကလေးတွေကို ညဘက် အိပ်မက်ဆိုးတွေ ပေးမက်နေတဲ့ နတ်ဆိုးရဲ့ ညစ်ပတ်လှတဲ့ လှည့်ကွက်တွေနဲ့ သူတို့အဖွဲ့တွေ တွေ့ကြုံရချိန်မှာ ဇာတ်လမ်းက စိတ်လှုပ်ရှားစွာ ဆက်လက်ရိုက်ကူးထားပါတယ်။

t.me/cartoonmoviesmms/1164

တိုက်ခိုက်ရေး ဝမ်းဘတ် (၂၀၂၀)

မက်ဂီ ဒစ်ဂီစ် ဆိုတဲ့ ဝမ်းဘတ် တစ်ကောင်ဟာ သူ့ချစ်သူ ဘရက်ဒလေ နဲအတူတကွနေထိုင်နေစဉ် တစ်နေ့မှာ သူတို့ အလုပ်လုပ်တဲ့ မြေကျင်းနေရာ ပြိုကျပြီး ချစ်သူကိုဆုံးရှုံးလိုက်ရပါတယ်။ ချစ်သူမရှိတော့တဲ့နောက်မှာ မက်ဂီက တနေ့တနေ့ သူချစ်သူကို ရှာဖို့ ကြိုးစားသွားပြီး စားသောက်ဖို့အတွက် သူများဆီက ခိုးယူရင်း ဘဝကို ဖြစ်သလိုဖြတ်သန်းခဲ့ပါတယ်။ သူတို့ မြေကျင်းပြိုကျသည့်အချိန်က ကယ်ပေးခဲ့တဲ့ ဖဲသာ ကိုလည်း မုန်းတီးခဲ့ရပါတယ်။ ဘာကြောင့် မုန်းတီးခဲ့ရတာလဲ၊ ဘယ်လိုအကြောင်းအရာတွေကြောင့် စူပါဟီးရိုးတွေကို မယုံကြည်တဲ့သူမဟာ နောက်ပိုင်းမှာ စူပါဟီးရိုးဖြစ်လာခဲ့တာလဲဆိုတာကို သိချင်ရင် ဒီကားလေးထဲမှာ ဆက်လက်ကြည့်ရှုနိုင်ပါတယ်။

t.me/cartoonmoviesmms/1166

လူကာ (၂၀၂၁)

ဇာတ်လမ်းလေးက ကောင်းပါတယ်။ အီတလီအခြေခံ ကာတွန်းလေးဖြစ်လို့ အီတလီ စကားလေးတွေ ညှပ်ပြောတာ၊ အီတလီ နာမည်တွေ၊ အစားအသောက်တွေ ပါတာများပါတယ်။ လူကာ ဆိုတဲ့ ကောင်လေးဟာ လူတွေက ပင်လယ်မိစ္ဆာလို့ ခေါ်ကြတဲ့ ရေအောက်မှာ နေထိုင်တဲ့ ရေသူမျိုးနွယ်ကောင်လေးတစ်ယောက်ပဲ ဖြစ်ပါတယ်။ ရေထဲက လူကာ တို့မျိုးနွယ်တွေကလည်း လူတွေကို ကုန်းမိစ္ဆာဆိုပြီးကြောက်ကြတာပါပဲ၊ အပြန်အလှန်ပေါ့။ ဒီတော့ ကုန်းပေါ်ကို မတက်ဖို့အသည်းအသန် တားမြစ်ထားတာပါ။ ဒါပေမယ့် တစ်နေ့မှာတော့ ရေအောက်မျိုးနွယ်ကောင်လေးတစ်ယောက်နဲ့ အတူ ကုန်းပေါ်ကို ခိုးတက်သွားမိတယ်။ အဲဒီကုန်းပေါ်ကနေ ကမ္ဘာကြီးအနှံ့ကို ပတ်သွားချင်စိတ်ဖြစ်လာပြီး ဗက်စ်ပါ ဆိုတဲ့ ဆိုင်ကယ်လေးကို ပိုင်ဆိုင်ဖို့ ကြိုးစားကြတာပေါ့။ ဒါပေမယ့် သူတို့မှာ ငွေမရှိတဲ့အတွက် တစ်ခုတည်းသော နည်းလမ်းက အဲဒီမြို့လေးရဲ့ သုံးဆင့်ပြိုင်ပွဲဖြစ်တဲ့ ပက်စတာ အစားပြိုင်ပွဲ၊ ရေကူး၊ စက်ဘီးစီးပြိုင်ပွဲမှာ နိုင်အောင် ဝင်ပြိုင်ဖို့ကြိုးစားရပါတော့တယ်။ သူတို့ ၂ ယောက်နဲ့အတူ မြို့ထဲက တံငါသည်ကြီးရဲ့ သမီးလေး ဂျူလီယာ ကပါ အတူပါဝင်ကြိုးစားကြတဲ့အခါ ဘာတွေဆက်ဖြစ်လာလဲဆိုတာကို ချစ်စရာကောင်းတဲ့ ဇာတ်လမ်းလေးမှာ ကြည့်ရှုနိုင်ပါသည်။

t.me/cartoonmoviesmms/843

မှော်ဝင်စံအိမ် (၂၀၁၃)

ဒီကာတွန်း ဇာတ်လမ်းလေးကတော့ ကလေးတွေ အကြိုက် ဇတ်လမ်းလေးပါ။ ချစ်စရာကောင်းတဲ့ ကြောင်လေးကို သူ့ပိုင်ရှင်က လမ်းပေါ် စွန့်ပစ်သွားပြီးနောက် ခိုကိုးရာမဲ့ပြီး ဒုက္ခတွေရောက်နေတုန်း အိမ်အအို အဟောင်းပျက်ကြီးတစ်ခုကိုရောက်ရှိသွားပါတယ်။ အဲ့ဒီအိမ်မှာလဲ သူ့ကို ကြည့်မရတဲ့ ယုန်ကြီး နဲ့ ကြွက်ကလေး ရှိနေပြန်ပါတယ်။ သူ့ကို လက်မခံပဲ မောင်းထုတ်ကြပေမယ့် အိမ်ပိုင်ရှင် မျက်လှည့်ဆရာအဖိုးအိုက ကြောင်ကလေးကိုပါ မွေးစားလိုက်ပါတယ်။ တစ်ရက်မှာတော့ အဖိုးအို လမ်းပေါ်တွင် မျက်လှည့်ပြနေရင်း မတော်တဆမှု ဖြစ်လို့ ဆေးရုံတက်နေတဲ့ အချိန် သူ့သားက အဖိုးကြီးရဲ့ အိမ်ကို ရောင်းချဖို့ လုပ်ပါတော့တယ်။ အဲ့ဒီအခါမှာ ကြောင်ကလေး နဲ့ အဖွဲ့ဝင်များက အိမ်လာကြည့်တဲ့ သူတွေကို ချောက်လှန့်မောင်းထုတ်ရင်း ကာကွယ်ရပါတော့တယ်။

t.me/cartoonmoviesmms/845

ပြိုင်ပွဲရာသီ (၂၀၁၈)

ဒီကားထဲမှာတော့ ဆောင်းရာသီ နှင်းတောထဲမှာ ကလေးတွေဟာ ကိုယ်တိုင်ဒီဇိုင်းထွင်ထားတဲ့ ဆွတ်ဖားလှည်းတွေနဲ့ နှင်းလျှောစီးပြီး နှစ်စဉ်ပြိုင်ပွဲပြုလုပ်နေကျပါ။ နှစ်တိုင်းလဲ ဖရန်ကီ ဆိုတဲ့ မှန်ကြောင်လေးက ဗိုလ်စွဲနေကျပေါ့။ ဒီနှစ်မှာတော့ သူတို့အရပ်ကို အသစ်ရောက်လာတဲ့ ကောင်လေး ဇက် က ဖရန်ကီ ကို စိန်ခေါ်ထားပါသတဲ့။ အဲဒါနဲ့ပဲ ဖရန်ကီ လဲ ပြိုင်ပွဲမှာ အနိုင်ရရေး အစွမ်းကုန်ကြိုးစားတော့တာပေါ့။ အဲ့တော့ ပြိုင်ပွဲမှာ ရော ဘယ်လိုရလဒ်ထွက်လာမလဲ၊ အဲ့ရလဒ်ပေါ်မူတည်ပြီး နောက်ဆက်တွဲ ဘာတွေ ဆက်ဖြစ်ဦးမလဲဆိုတာကတော့ ပူလောင်အိုက်စပ်နေတဲ့ ရာသီဥတုမှာ နှင်းတောထဲက ကာတွန်းလေးကို ကြည့်ပြီး အပူလျော့ကြပါစေလို့ ပြောရင်း အားပေးလိုက်ကြပါဦး။

t.me/cartoonmoviesmms/849

ပိုကီမွန် (၂၀၁၈)

နှစ်စဉ်နှစ်တိုင်း ကျင်းပလေ့ရှိတဲ့ ပွဲတော်တစ်ခုကတော့ ပိုကီမွန်ဖမ်းပွဲပါ။ အဲ့ဒီပွဲကို နိုင်ငံတကာမှ ပိုကီမွန်ထရိန်နာတွေက လာရောက်ပြီး ယှဉ်ပြိုင်လေ့ရှိပါတယ်။ ဒီနှစ်မှာတော့ ထိုပွဲကို အက်ရှ် နဲ့ ပီကာချူး အပြင် တစ်ခြားထရိန်နာအသစ်တွေ လဲ လာရောက်ယှဉ်ပြိုင်ခဲ့သလို အနှောက်အယှက်တွေ လဲ တွေ့ရမှာ ဖြစ်ပါတယ်။ ထရိန်နာအသစ်လေး လီဆာ လဲ ရောက်ရှိလာသလို သူ့အကြောင်းနဲ့ သူလာရောက်ယှဉ်ပြိုင်သူတွေကြား ပိုကီမွန်အသစ်တွေကိုလဲ ထပ်မံတွေ့ရှိရမှာပါ။

t.me/cartoonmoviesmms/510

ခွေးကလေး အိုဇီ (၂၀၁၆)

သူ့ရဲ့မိသားစုကအပန်းဖြေခရီးသွားတဲ့အခါ အိမ်ချစ်ခွေးလေးတစ်ကောင်ဖြစ်တဲ့ အိုဇီ တစ်ကောင် ခွေးလေးတွေရဲ့ အကောင်းဆုံးသောအပန်းဖြေရာနေရာတစ်ခုလို့ကြေငြာထားတဲ့နေရာမှနေခဲ့ရပါတယ်။ ဘာလို့လဲဆိုတော့ သူ့ကိုပါတစ်ခါတည်းခေါ်သွားလို့မရလို့ပါပဲ။ တီဗွီမှာ အကောင်းဆုံးဆိုတဲ့ခွေးလေးတွေရဲ့အကောင်းဆုံးနေရာကတကယ်လည်းရောက်သွားတဲ့အခါမှာ ထောင်နန်းတစ်ခုသာဖြစ်တယ်ဆိုတာကို ခွေးလေး အိုဇီ သိလိုက်ရတဲ့အချိန်ကတော့တကယ်ကိုနောက်ကျသွားခဲ့ပြီပဲဖြစ်ပါတယ်။ ဘာလို့လဲဆိုတော့ အဲ့ဒီခွေးထောင်လို့ပြောလို့ရမယ် နေရာမှာ သူ့လိုပဲခွေးလေးတွေအများကြီးရှိနေတာမို့လို့ပါ။ ခွေးလေးတွေကို ဘာလို့ဖမ်းလဲ။ ဘာလို့ဒီလိုချုပ်နှောင်ပြီးထောင်ချထားတာလဲ

t.me/cartoonmoviesmms/512

ကအိုတီ (၂၀၂၁)

ဘလမ် ဆိုတဲ့ဂျာဂွားအုပ်ချုပ်နေတဲ့ မိုးသစ်တောလေးထဲမှာ နချီ လေးက တစ်ကောင်တည်းသော ကအိုတီ ကောင်လေးပေါ့။ သူတို့နေတဲ့မိုးသစ်တောလေးမှာ မထင်မှတ်ထားတဲ့ဘေးအန္တရာယ်ကျရောက်ခဲ့ပြီးတော့ ဘလမ် လည်းအသက်ဆုံးရှုံးခဲ့ရသလို အကုန်လုံးကလည်း ဒီတောထဲကနေရွှေ့ပြောင်းမလား တောထဲကဘေးကင်းတဲ့နေရာမှာပဲနေမလားဆိုတဲ့အခြေအနေမျိုးနဲ့ကြုံလာရပါတယ်။ နောက်ဆုံးမှာ ဇိုင်န ဆိုတဲ့မြွေမကြောင့် သူ့စကားတွေအောက်မှာကြွေကျပြီး အကုန်လုံးကပြောင်းရွှေ့ဖို့လုပ်ခဲ့ကြပေမယ့် နချီ ကတော့တောထဲမှာပဲနေဖို့ဆုံးဖြတ်ခဲ့ပါတယ်။ သူဒီလိုဆုံးဖြတ်ခဲ့တာကလည်း နောက်ကွယ်မှာအကြောင်းအရင်းတစ်ခုရှိနေလို့ဖြစ်ပြီးတော့ အဲ့ဒီအကြောင်းအရင်းကိုအဖြေရှာဖို့အတွက်လည်း နချီ တစ်ကောင် ပကို ဆိုတဲ့ခရားရေလွှတ်စကားပြောတတ်တဲ့ဖားလေးရယ် အကြောက်အလန့်မရှိတဲ့ ဆိုချီ ဆိုတဲ့လိပ်ပြာမလေးရယ်နဲ့ သုံးကောင်သားစွန့်စားခန်းရှာပုံတော်ဖွင့်ခဲ့ပါတယ်။ သူတို့တွေရဲ့စွန့်စားခရီးလေးမှာ ဘယ်လိုအန္တရယ်တွေကစောင့်ကြိုနေပြီး ဘယ်လိုတွေဖြတ်ကျော်ကြမှာလဲ နချီ တစ်ကောင် တောထဲမှာကျန်နေခဲ့ဖို့ဆုံးဖြတ်ခဲ့ရတဲ့နောက်ကွယ်ကအကြောင်းအရင်းကဘာလဲ စတာတွေကိုတော့ ကြည့်ရှုခံစားရမှာပါ။

t.me/cartoonmoviesmms/440

စကူဘီဒူး - မွန်းစတားရှာပုံတော် (၂၀၀၄)

ဘလိတ်မျိုးနွယ်ရဲ့ရဲတိုက်ကြီးမှာ လုပ်မယ့် အားကစားပွဲကို ဘလိတ်မျိုးနွယ်၀င်ရှန်နွန်က ဦးဆောင်လုပ်မှာဖြစ်ပြီးတော့ ရှန်နွန် ရဲ့၀မ်းကွဲညီအစ်မနဲ့သူငယ်ချင်းတွေကလည်း ပွဲကို လာရောက်ခဲ့ကြပါတယ်။ ဒါပေမဲ့ မွန်းစတားကြီးရှိတယ်လို့ယူဆချက်တွေနဲ့အတူ မတော်တဆမှုတွေကိုလည်း ကြုံလာခဲ့တဲ့အခါမှာတော့ ရှန်နွန် နဲ့အဖွဲ့က အားကစားပွဲကိုမစတင်ခင်မှာ မွန်းစတားကြီးရဲ့တည်ရှိမှုကို စုံစမ်းအတည်ပြုဖို့ဖြစ်လာပါတော့တယ်။မွန်းစတားကြီးက အမှန်တကယ်တည်ရှိနေတာလားဒီလျှို့ဝှက်ဆန်းကြယ်ဖြစ်ရပ်က ဘယ်လိုမျိုးလဲဆိုတာကို သိရဖို့ ဇာတ်လိုက်ကျော်ကြီး စကူးဘီနဲ့အတူ ရှန်နွန် တို့သူငယ်ချင်းတစ်သိုက်ရဲ့ မွန်းစတားရှာပုံတော်ကြီးကို လိုက်လံကြည့်ရှူလိုက်ပါဦး။

t.me/cartoonmoviesmms/518