မှော်ဝင်ဓါး (၁၉၆၃)

အင်္ဂလန်ပြည်မှာ ဘုရင်အဖြစ် ဆက်ခံမယ့်သူမရှိတော့တဲ့အတွက် တစ်ခေတ်ပျက်ကာလ ဖြစ်နေခဲ့ပြီး အဲ့လိုအချိန်မှာ ကျောက်တုံးတစ်တုံးအပေါ် စိုက်ထားတဲ့ ဓါးတစ်ချောင်း ထူးခြားစွာ ပေါ်လာခဲ့ပါတယ်၊ အဲ့ဓါးကို ဆွဲထုတ်နိုင်သူသည် အင်္ဂလန်ရဲ့ ဘုရင်ဖြစ်မယ်ဆိုပြီး စာထွင်းထားခဲ့ပြီး တစ်ယောက်ပြီး တစ်ယောက် လာဆွဲနှုတ်ကြပေမယ့် ဘယ်သူမှ မရခဲ့ကြဘူး၊ နှစ်ပေါင်းများစွာကြာလာသဖြင့် လူတွေကလည်း ဓါးကို မေ့ပျောက်သွားခဲ့ပါပေမယ့် အဲ့အချိန်မှာ အာသာ ၁၂ နှစ်အရွယ်ကလေးက ဓါးကို ဆွဲထုတ်နိုင်ပြီး ဘုရင်အဖြစ် ဆက်ခံရပါသည်။ ဇာတ်လမ်းအတွင်း မာလင် နဲ့ အာသာ တို့ ရှေ့ဆုံရာမှာ အာသာ က မာလင် ကို အနားကူညီမှုနဲ့ နည်းပြမှု ပေးပြီး ယုံကြည်မှုကို တည်ဆောက်ကာ ဓါးဆီကို အန္တရာယ်ကင်းစွာ ရောက်နိုင်အောင် ကြိုးစားခဲ့သည်။ အာသာ က ဓါးဆီရောက်ဖို့ အခက်အခဲများကို ရင်ဆိုင်ပြီး မာလင် ရဲ့ အတူတကွ ညွှန်ကြားမှုနှင့် စွမ်းအားထည့်မှုတို့ကြောင့် အဆုံးမှာ ဓါးကို ဆွဲထုတ်ပြီး ဘုရင်အဖြစ် ဆက်ခံနိုင်သွားခဲ့ပါသည်။

t.me/cartoonmoviesmms/1113

အပိုလို အာကာသခရီးစဉ် (၂၀၂၂)

IMDB - 7.2/10
Genre - Drama

1969 ခုနှစ်က လကမ္ဘာကို လူတွေ ရောက်သွားတဲ့ အချိန်မှာ လူတွေ ခံစားရတဲ့ခံစားချက်ကို မတူညီတဲ့ ရှုထောင့် နှစ်မျိုးနဲ့ တင်ပြထားတာပါ။ အာကာသယာဉ်မှူးတွေရဲ့ အောင်ပွဲခံရတဲ့ အမြင်နဲ့ TV ဖန်သားပြင်ပေါ်မှာ ကြည့်နေကြတဲ့ လူသန်းပေါင်းများစွာလိုပဲ စိတ်လှုပ်ရှားနေခဲ့တဲ့ ကလေးတစ်ယောက်ရဲ့ အမြင်ကို ယှက်နွယ်ပြီး အသေအချာ ရိုက်ပြထားပါတယ်။ ဇာတ်ကြောင်းကတော့ လူတစ်ယောက်က သူအသက် ၁၀ နှစ်အရွယ်မှာ 1969 ခုနှစ် ဟူစတန်မှာ နေခဲ့ရတဲ့ ဘဝကို ဇာတ်ကြောင်း ပြန်ရင်း လကမ္ဘာကို သူကိုယ်တိုင် ရောက်သွားခဲ့တဲ့ အကြောင်းကို ပြန်ပြောင်း တမ်းတပြီး ပြောထားတဲ့ ပုံဖြစ်ပါတယ်။ Animation သိပ်ကောင်းပြီး 1969 ခုနှစ်က အဖြစ်အပျက်တွေကို လှလှပပ ပုံဖော်ထားတာဖြစ်လို့သေချာပေါက် ကြည့်သင့်တဲ့ ဇာတ်ကားလေး တစ်ကားဖြစ်ပါတယ်။

t.me/cartoonmoviesmms/1115

ခရစ္စမတ်ဇာတ်လမ်းလေး (၂၀၁၈)

ဒီကားလေးမှာ ခရစ္စမတ်ရဲ့ မရိုးအီနိုင်တဲ့ ခံစားမှုအငွေ့အသက်လေးတွေကို တွေ့မြင် ခံစားရမှာပါ၊ ဘာလို့ဆို ဇာတ်လမ်းကို ခရစ္စမတ်အကြိုညလေးနဲ့ စတင်ထားတာကြောင့်ပါ။ ကလာရာ ဆိုတဲ့ ကောင်မလေးမှာ သူ့အမေဆီက အမွေထားတဲ့ တီထွင်ညာဏ်ရည်ထူးချွန်တဲ့ အရည်ချင်း ပါလာပြီး မွေးချင်းသုံးယောက်ရှိတဲ့မိသားစုလေးကို ချစ်ကြင်သူဇနီးမရှိပဲ ထိန်းကျောင်းလာခဲ့ရတဲ့ ကလာရာ တို့အဖေကတော့ နှစ်တိုင်း ခရစ္စမတ်ရောက်တာနဲ့ အတိတ်ဟောင်းတွေ တူးဆွပြီး လွမ်းမော တသဖြစ်နေတတ်ပါတယ်။ သူမှမဟုတ်ပါဘူး ကျန်တဲ့ မွေးချင်းတွေနဲ့ လုံးဝမတူကွဲထွက်နေတဲ့ ကလာရာ လဲ ထပ်တူထပ်မျှပါပဲ။ ဒီလိုနဲ့ အမေ့ဆီကလက်ဆောင်တွေဆိုပြီး ခရစ္စမတ်အကြိုညမှာ ပင်ချောင်းသော့ ခလောက်လေးပါတဲ့ ဥလေးတစ်လုံး ကလာရာ ရလိုက်ခဲ့ပါတယ်၊ ဒါပေမယ့် လက်ဆောင်ဘူးထဲမှာ ဖွင့်ဖို့သော့ မပါလာခဲ့ဘူး။ အဲ့သော့ရဲ့ အဖြေကို သူတို့ ခေါင်းကိုင်အဖေကြီး ဒရော်ဆယ်မာယာ ဆီက ရပြီး အခြားကမ္ဘာတစ်ခုရောက်ဖို့ အကြောင်း ဖန်လာတဲ့အခါ ဖြစ်ပေါ်ခဲ့တာတွေကို ဇာတ်လမ်းထဲမှာ ကြည့်ရှုရမှာ ဖြစ်ပါတယ်။

t.me/cartoonmoviesmms/1117

ပိုးသားလမ်းထက်က ပြိုင်ပွဲ (၂၀၂၃)

လိုးရစ်မျောက်မျိုးနွယ်လေးတွေ နေတဲ့ ရွာကလေးမှာ ချီချီ ဆိုတဲ့ ကောင်လေးဟာ ပြိုင်ကားတွေ မောင်းဖို့၊ ဆုတွေယူဖို့ အရူးအမူး ကြိုးစားနေတဲ့ကောင်လေးပါ။ ဒါပေမယ့် သူ့အဘွားကတော့ ဒါကို ခွင့်မပြုပါဘူး။ တစ်နေ့မှာတော့ သူတို့ရဲ့ ရွာလေးကို အပိုင်ဝယ် သိမ်းပြီး ဖျက်ဆီးဖို့ ကြိုးစားလာသူ ပေါ်လာပါတယ်။ အဲဒီလူကတော့ အာချီဗိန်း ဂလိုးရီးရက် ဆိုတဲ့ ပြိုင်ကားချန်ပီယံ ဖားကြီးပါပဲ။ အိမ်ကို ပြန်ရွေးဖို့ ပိုက်ဆံမရှိတဲ့ ချီချီ ဟာ ဗိန်း နဲ့ အပေးအယူ တစ်ခုလုပ်လိုက်ပါတယ်။ ပြိုင်ကားလောကရဲ့ အခက်ဆုံး၊ အကြမ်းဆုံး ပိုးသားလမ်းပြိုင်ပွဲ မှာ သူနိုင်ခဲ့ရင် သူ့ရွာလေးနဲ့ သူ့အိမ်ကို ပြန်ပေးဖို့ပါပဲ။ အဲဒီနောက်မှာတော့ ဘယ်လိုမှမနိုင်နိုင်တဲ့ ပြိုင်ပွဲကြီးကို ချီချီ တစ်ယောက် မိတ်ဆွေတွေ၊ ချစ်တဲ့သူတွေရဲ့ အကူအညီနဲ့ နိုင် ဝင်ပြိုင်ခဲ့တဲ့အခါ။

t.me/cartoonmoviesmms/1122

မွေးရပ်မြေကို စွန့်ခွာကြသူများ (၂၀၂၃)

ကိုယ့်မွေးရပ်မြေမှာ နေထိုင်ဖို့ မဖြစ်နိုင်တော့လို့ နိုင်ငံကို အပြီးတိုင် စွန့်ခွာကြတာ ဝမ်းနည်းစရာကောင်းပါတယ်။ ဆီးရီယားနိုင်ငံ ပရိပက္ခတွေကြား မွေးဖွားလာတဲ့ ဒိုနီယာ လေးဟာ တနေ့မှာတော့ လှပလွန်းတဲ့ သူမရဲ့ မွေးရပ်မြေ အယ်လ်ပို မြို့ကို စွန့်ခွာဖို့ ဖြစ်လာပါတော့တယ်။ ကံကောင်းစေတဲ့ Barake စေ့လေးတွေကို လက်ထဲဆုပ်ပြီး ကမ်းမမြင်၊ လမ်းမမြင် ခရီးကြမ်းကို သူတို့ မြေးအဖွားတစ်စု လျှောက်ရပါ့မယ်။ ဒိုနီယာ လေး အိမ်အသစ်ကို ရှာတွေ့နိုင်မလား၊ တခြား ဒိုနီယာ လေးလို ကလေးလေးတွေရော ဘယ်နှယောက်တောင် ကျန်ရှိနေဦးမလဲဆိုတာကိုကြည့်ရှုခံစားရမှာပါ။

t.me/cartoonmoviesmms/1124

နဂါးစောင့်ရှောက်သူ (၂၀၂၄)

ဇာတ်လမ်းကို တရုတ်နိုင်ငံ ဟန်မင်းဆက်ခေတ် မှာ အခြေတည်ထားပြီး အစေခံမလေးတစ်ယောက်ဖြစ်တဲ့ ပင် နဲ့ နဂါးကြီး လုံတန်စီ တို့ရဲ့ စွန့်စားခန်းခရီးစဉ်ကို လိုက်ကြည့်ရှုရမှာပါ။ လူသားတွေနဲ့ နဂါးတွေဟာ ရှေးတုန်းက တစ်ခေတ် တစ်ခါမှာ အတူလက်တွဲစစ်တိုက်ခဲ့ကြဖူးပေမယ့် အာဏာမက်မောတဲ့ လူသားတွေကြောင့် နဂါးတွေဟာ ဖမ်းဆီးချုပ်နှောင် သတ်ဖြတ်ခံရပြီး မျိုးတုန်းတော့မယ့် အရေးနဲ့ ရင်ဆိုင်လာခဲ့ရပါသည်။ ဒါပေမယ့် ရဲရင့်တဲ့ ပင် ဆိုတဲ့ မိန်းမငယ်လေးကတော့ ရှားရှားပါးပါး နဂါးတွေကို ထိန်းချုပ်နိုင်သူအနေနဲ့ အခက်အခဲတွေကို ကျော်ဖြတ်ပြီး နောက်ဆုံးလက်ကျန် နဂါးဥလေး ကို ကယ်တင်ပေးနိုင်မှာလား ဆိုတာကို စိတ်လှုပ်ရှားစွာ ကြည့်ရှုရမှာ ဖြစ်ပါတယ်။

t.me/cartoonmoviesmms/1126

၉ (၂၀၀၉)

သိပ္ပံနည်းပညာတွေထွန်းကားလာတဲ့အချိန်မှာ လူသားတွေဟာ ငြိမ်းချမ်းရေးအတွက် စက်ပစ္စည်းတွေကို စစ်ပွဲတွေရပ်တန့်ဖို့အစား အသုံးပြုခဲ့ပေမယ့် အဲစက်ပစ္စည်းတွေက နောက်ဆုံးမှာ လူသားတွေအားလုံးအတွက် ဆိုးကျိုးတွေကို သယ်ဆောင်လာခဲ့ပါတယ်။ လူသားတွေ ဖန်တီးခဲ့တဲ့ စက်ရုပ်တွေရဲ့ ဖျက်ဆီးမှုကြောင့် လူသားမျိုးစိတ်တစ်ခုလုံး အသက်ဆုံးရှုံးခဲ့ရပြီး၊ လူသားတွေရဲ့နောက်ဆုံးမျှော်လင့်ချက်ဖြစ်တဲ့ ဝိဉာဉ်တွေအစား ထိုးဆောင်ထားတဲ့ အရုပ်ကလေး ၉ ရုပ်သာ ကျန်ခဲ့ပါတယ်။ ၁၊၂၊၃၊၄၊၅၊၆၊၇၊၈၊၉ ဆိုတဲ့ ကိုယ်ပိုင်နံပါတ်တွေရှိတဲ့ အရုပ်ကလေး ၉ ရုပ်ဟာ အမြဲပုန်းကွယ်နေခဲ့ပေမယ့် နောက်ဆုံးမှာ ၉ ရဲ့ မတော်တဆမှုလေးတစ်ခုကြောင့် ၉ ရုပ်လုံး ပျက်စီးမယ့် အကြောင်းရာကြီးတစ်ခု စတင်ခဲ့ပါတယ်။ IMDB Rating 7.1 ရရှိထားပြီး 9.9.2009 မှာ ထွက်ရှိခဲ့တဲ့ ၉ ဆိုတဲ့ ဒီ Animation ကားလေးကို ပရိတ်များ ပြန်လည်ကြည့်နိုင်ရန် တင်ဆက်ပေးလိုက်ပါတယ်။

t.me/cartoonmoviesmms/1128

မယ်ရီစစ်ဆင်ရေး (၂၀၂၃)

ချစ်ခြင်းမေတ္တာနဲ့ ပတ်သက်တဲ့ ခံယူချက်တွေ၊ ယုံကြည်သက်ဝင်မှုတွေကပဲ အဖြေရှာပေးသွားပြီး ဘဝအမောတွေကို ပြေစေမဲ့ ဇာတ်လမ်းကောင်းလေးပါပဲ။ ဇာတ်လမ်းလေးကတော့ ဒီလိုပါ။ ခရစ်စမတ်နေ့မှာ ဆန်တာကြီးကနေ ကလေးတွေကို လက်ဆောင်ပေးနိုင်ဖို့အတွက် အရုပ်လေးတွေကို ဖန်တီးပေးရတဲ့နတ်သူငယ်လေးတွေ နေထိုင်တဲ့ ရွာလေးတစ်ရွာရှိပါတယ်။ မာဇီပန် ကတော့ အဲဒီရွာမှာ နေထိုင်တဲ့ နတ်သူငယ်မလေးတစ်ယောက်ပါ။ မာဇီပန် ရဲ့ အမေဖြစ်သူကတော့ အရုပ်ထုပ်လုပ်ရေး အလုပ်ရုံရဲ့ လက်ထောက်မန်နေဂျာတစ်ယောက်ဖြစ်ပြီး သမားရိုးကျအတိုင်း သွားနေတဲ့ အလုပ်ရုံကြောင့် အရုပ်တွေ လုံလောက်အောင် မထုတ်နိုင်တာကို အမြဲစိုးရိမ်နေတတ်ပါတယ်။ တစ်ရက်မှာတော့ စက်ချို့ယွင်းမှုကြောင့် အရုပ်စာရင်းတွေ အဆမတန် တက်လာပြီး မာဇီပန် အမေပြောခဲ့တဲ့အတိုင်း နတ်သူငယ်တို့ ဒုက္ခလှလှနဲ့ တွေ့လာကြတာပေါ့။ ဆိုတော့ ဒီပြဿနာကို ဖြေရှင်းဖို့အတွက် သူတို့တွေ စစ်ဆင်ရေး တစ်ခုကို ဆွဲလိုက်ကြပြီး အဲဒီစစ်ဆင်ရေးရဲ့ နာမည်ကတော့ “မယ်ရီစစ်ဆင်ရေး” ပါပဲ။

t.me/cartoonmoviesmms/1130

ဂါလီဗာပြန်လာပြီ (၂၀၂၁)

ဂါလီဗာဟာ လူဘီလူးကြီး ဖြစ်ရမယ်၊ အဲဒီနိုင်ငံက တိုင်းသူပြည်သားတွေက ပိစိလေးတွေ ဖြစ်နေရမယ်ဆိုတဲ့ သမာရိုးကျပုံပြင်ကို အခြေခံထားတာပါ။ ထိုနိုင်ငံကို ဂါလီဗာ လာကူခဲ့စဉ်က သမိုင်းမှတ်တမ်းအရလည်း အဲဒီအတိုင်းပါပေမယ့်၊ နှစ်ပေါင်း ၄၀ ကြာ ထွက်သွားပြီးမှ ပြန်ရောက်လာတဲ့ ဂါလီဗာ ကြောင့် ထိုနိုင်ငံသားတွေ ဦးနှောက်ခြောက်ရပါတော့တယ်။ ရှေးလူကြီးတွေရဲ့ ရှေ့ဖြစ်အဟောအရ နှစ်ပေါင်း ၄၀ ကြာချိန်မှာ ဂါလီဗာ ပြန်ရောက်လာတာမှန်ပေမယ့် သူတို့မှတ်တမ်းထဲကလို ဧရာမ လူဘီလူးကြီးမဟုတ်ဘဲ သူတို့ရဲ့ရွယ်တူ ကောင်လေးတစ်ယောက် ဖြစ်နေလို့ပါ။ ကိုယ့်နိုင်ငံဆီ ဟောကိန်းအတိုင်း ပြန်ရောက်လာတဲ့သူ၊ သူ့ကိုယ်သူ ဂါလီဗာ လို့ တွင်တွင်ပြောနေတဲ့သူက တစ်သက်လုံး ထင်လာသလို လူဘီလူးကြီးမဟုတ်တာကြောင့် အတုအယောင်ဆောင်ဆိုပြီး မယုံကြသလို ဂါလီဗာ ကိုယ်တိုင်လည်း ဆွမ်းခံရင်း၊ ငှက်သင့်သလို လူဘီလူးအယောင်ဆောင်မှုနဲ့ ကွပ်မျက်ခံရမယ့် အခြေအနေကို ရင်ဆိုင်ရပါတယ်။ ဂါလီဗာက ကွပ်မျက်ခံရချိန်မှာ နိုင်ငံကြီးကို စစ်အင်အားနဲ့ တိုက်ခိုက်သိမ်းပိုက်ခံရမယ့် အခြေအနေတစ်ခု ပေါ်လာတဲ့အခါ၊ ဂါလီဗာ အတု ဆိုတဲ့ ဂါလီဗာနဲ့ တိုင်းသူပြည်သားအပေါင်းတို့ ပူးပေါင်းပြီး တိုက်ပွဲဝင်ရပါတော့တယ်။

t.me/cartoonmoviesmms/1132

တွမ် နှင့် ဂျယ်ရီ - အော့ဇ်မြို့က မှော်ဆရာ (၂၀၁၁)

Kansas မြို့မှာ လေဆင်နှာမောင်းတိုက်ခတ်ချိန်တွင် Dorothy နဲ့ သူ့ရဲ့ ခွေးလေး Toto, Tom နှင့် Jerry တို့က Oz Land ဆိုတဲ့ ထူးဆန်းတဲ့ နေရာမှာ နိုးကြားလာကြပြီး အိမ်ပြန်ရန်အတွက် မယုံနိုင်လောက်အောင် စွန့်စားခန်းတွေ ဖွင့်ကြပုံတွေ၊ အလွဲလေးတွေကို ဟာသလေးနဲ့ ကြည့်ရမှာ ဖြစ်ပါတယ်။

t.me/cartoonmoviesmms/1134