အရုပ်ကလေးတို့ရဲ့ အကြောင်း ၂ (၁၉၉၉)

ဂျက်စီ ဆိုတဲ့ ကောင်းဘွိုင်မလေးနဲ့ ဝူဒီ ရဲ့ မြင်းလေး ဘူးလ်အိုင်းစ် တို့ စပါလာတဲ့ ဇာတ်ကားလေးပါ။ အန်ဒီ တစ်ယောက် ဆော့နေစဉ် ဝူဒီ ရဲ့ လက်က မတော်တဆ ပြဲသွားတာကြောင့် နောက်မှ ပြန်ချုပ်ဖို့ သိမ်းထားချိန် အန်ဒီရဲ့ အမေရဲ့ နားလည်မှုလွဲမှုကြောင့် အိမ်ပစ္စည်းအဟောင်းတွေ ရောင်းမယ့် ပုံးထဲ ဝူဒီ တစ်ယောက်ပါသွားခဲ့ပါတယ်။ အဲ့ဒီအချိန်မှာ မြို့ထဲက အရုပ်ဆိုင်ပိုင်ရှင်က မြင်သွားပြီး ဝူဒီ ကိုရှားပါးအရုပ်မှန်းသိနေတဲ့ကြောင့် ပစ္စည်းပုံးထဲက ခိုးသွားခဲ့ပါတယ်။ အရုပ်ဆိုင်မှာ ဝူဒီ ရဲ့ လူဆိုးဖမ်းဂိုဏ်းလို့ ပြောရမယ့် ဂျက်စီ နဲ့ ဘူးလ်အိုင်းစ် နှစ်ယောက်နဲ့ ဆုံခဲ့ပြီးအရုပ်ရဲ့ အကြံက ရှားပါးအရုပ်ဖြစ်တဲ့ ဝူဒီ တို့ကို ဂျပန်က အရုပ်ပြတိုက်ကိုရောင်းပစ်လိုက်ဖို့ ဖြစ်ခဲ့ပါတယ်။ အစပိုင်းမှာ ဝူဒီ က အိမ်ပြန်ဖို့ ကြိုးစားခဲ့ပေမယ့် ဂျက်စီ တို့အဖွဲ့ နားချထားကြောင့် သူတို့နဲ့ပဲ အတူနေဖို့ ဆုံးဖြတ်ခဲ့ပါတယ်။ အရုပ်သည် လက်ထဲပါသွားတဲ့ ဝူဒီ နောက်ကို ဘတ်ဇ် တို့တစ်သိုက် လိုက်ကယ်ဖို့ ကြိုးစားရင်း အရုပ်ဆိုင်ထိ ရောက်လာခဲ့ပါတယ်။ တစ်ချိန်ကျရင် အန်ဒီ စွန့်ပစ်သွားမှာ စိုးလို့ ပြန်မလိုက်ချင်တော့တဲ့ ဝူဒီ ကို ဘတ်ဇ် တို့အဖွဲ့ ပြန်ခေါ်နိုင်မှာလား၊ ဘယ်အခက်အခဲတွေကြုံရဦးမလဲဆိုတာကို ဇာတ်လမ်းလေးက စိတ်လှုပ်ရှားစွာ ဖော်ပြထားပါတယ်။

t.me/cartoonmoviesmms/1092

အရုပ်ကလေးတို့ရဲ့ အကြောင်း ၃ (၂၀၁၀)

အရွယ်ရောက်လာတဲ့ အန်ဒီ က ကောလိပ်ကျောင်းကို သွားရတော့မှာမို့လို့ ဝူဒီ ကလွဲပြီး ကျန်တဲ့ အရုပ်တွေကို ထပ်ခိုးထပ်ပေါ်ထားခဲ့ပေမယ့် မိသားစု ချင်းနားလည်မှုလွဲကာ အမှိုက်ပုံးထဲကို ရောက်သွားခဲ့ပါတယ်။ ဒါကို အထင်လွဲသွားတဲ့ အရုပ်တွေက အမှိုက်ကားထဲ လိုက်သွားမယ့် အစား မူကြိုကျောင်းကို သွားလှူမယ့် ပစ္စည်းပုံးထဲကို လိုက်သွားခဲ့ကြပါတယ်။ ဒီလိုနဲ့ ဆန်နီဆိုက်ဒ် ဆိုတဲ့ မူကြိုကျောင်းကို ရောက်လာပြီး အဲဒီမှာ နဂိုရှိပြီးသား လော့ဆို တို့အရုပ်အဖွဲ့ရဲ့ ကြိုဆိုမှုကြောင့် သူတို့တွေ ပြန်အဆင်ပြေတော့မှာလို့ ထင်ခဲ့ပေမယ့် လက်တွေ့မှာ လော့ဆို က မင်းသားမျက်နှာဖုံးနဲ့ ဘီလူး တစ်ယောက်လို ဖြစ်နေခဲ့တာကြောင့် မူကြိုကျောင်းကနေ အန်ဒီ ဆီ ပြန်ထွက်ပြေးလာဖို့ ကြိုးစားရပါတော့တယ်။ သူတို့ရဲ့ ကြိုးစားမှုက အရာထင်ပါ့မလား၊ ကောက်ကျစ် ယုတ်မာတဲ့ လော့ဆို တို့အဖွဲ့က ဘယ်လိုမျိုး ဒုက္ခပေးကြမယ်ဆိုတာကို ကြည့်ရှုရမှာပါ။

t.me/cartoonmoviesmms/1094

အရုပ်ကလေးတို့ရဲ့ အကြောင်း ၄ (၂၀၁၉)

ဝူဒီ တို့ ဘတ်ဇ် တို့နဲ့ မိတ်ဆွေတစ်သိုက်ဟာ မိတ်ဆွေတွေ တိုးရင်း စွန့်စားခန်းတွေ ဖွင့်ရင်း နေလာခဲ့တာ နှစ်ပေါင်းတွေ ကြာလာခဲ့ပါပြီ။ အရုပ်တွေအတွက် သူတို့ရဲ့ ပိုင်ရှင်ကလေးငယ်ဆိုတာ ဘဝကြီးပါပဲ၊ ဒါပေမယ့် အဲဒီပိုင်ရှင်တွေရဲ့ သက်တမ်းက တိုတောင်းပါတယ်။ သေဆုံးသွားတာ မဟုတ်ပေမယ့်လည်း ကြီးပြင်းလာတဲ့အချိန်မှာ အရုပ်တွေကို စွန့်ပစ်ကြတာ၊ ဒါမှမဟုတ် အခြားကလေးကို ပေးပစ်ကြတာတွေ လုပ်ကြတာပေါ့။ ဒီလိုနဲ့ ဘိုပိ ဟာလည်း အခြားပိုင်ရှင်တစ်ယောက်ဆီကို ရောက်သွားပြီး ဝူဒီ တို့နဲ့ ကွဲကွာသွားခဲ့ပါပြီ။ ဘွန်နီ ဟာ အရုပ်လေးတွေကို ချစ်ပြီး နေ့တိုင်း ကစားတတ်ပေမယ့် သူ ရွေးနေကျမဟုတ်ဘဲ ချန်ထားခဲ့တဲ့ အရုပ်လေးတွေ ရှိပါတယ်။ တစ်ချိန်က အန်ဒီ ရဲ့ အချစ်တော် ဝူဒီ လည်း ပါနေတာပေါ့။ ဒီလိုနဲ့ ဘွန်နီ လေး ပထမဆုံး မူကြိုကို ကြောက်ကြောက်လန့်လန့်နဲ့ သွားရင်း ဇွန်းခရင်း တစ်ခါသုံးလေးကို ဖော့ကီ ဆိုတဲ့ အရုပ်အဖြစ် ဖန်တီးလိုက်မိပါတယ်။ ပြီးတော့ အဲ့ဒီ ခရင်းရုပ် လေးက ဘွန်နီ ရဲ့ မူကြိုကျောင်းမှာ အားပေးမယ့် အဖော်လေးဖြစ်လာပါတော့တယ်။ ဒါပေမယ့် ဖော့ကီ ဟာ မထင်မှတ်ဘဲ ဘွန်နီ နဲ့ ကွဲကွာသွားတဲ့အခါမှာ ဝူဒီ ဟာ ဖော့ကီ ကို ကယ်ဖို့ သူ့မိတ်ဆွေတွေနဲ့အတူ စွန့်စားခန်းတွေ ဖွင့်ရပါတော့မယ်။

t.me/cartoonmoviesmms/1096

သရဲစာအုပ် (၂၀၂၂)

IMDB - 5.7/10
Genre - Adventure

ဂျပန် anime လောကနဲ့ မစိမ်းတဲ့သူတိုင်း ရိုကိုင်း ဆိုတာကို သိကြမှာပါ။ မမြင်အပ်သော နတ်ဆိုး၊ တစ္ဆေ၊ သရဲတွေကို တမျိုးခေါ်ခြင်းဖြစ်ပြီး ဂျပန်မှာတော့ကိုးကွယ်ကြတဲ့သူတွေလည်း ရှိပါတယ်။ ဒီကားလေးထဲမှာတော့ ကောင်လေးသုံးယောက်က နတ်နန်းတစ်ခုမှာ လိုချင်တဲ့ ဆန္ဒကို အသီးသီး တောင်းဆိုခဲ့ပါတယ်။ အဲဒါကို ကြားသွားခဲ့တဲ့ နတ်မင်းက အဲကလေးတွေဆီကို သူ့တပည့်ကို လွှတ်လိုက်ပြီး သရဲစာအုပ်ကို ရှာခိုင်းပြီး အဲစာအုပ်ထဲက စိန်ခေါ်မှုကို အောင်မြင်မှ ဆုတောင်းကို ဖြည့်ပေးမယ်ဆိုပြီး ပြောခဲ့ပါတယ်။ အသက်အန္တရာယ်များတာကို မမှုပဲ ကောင်လေးသုံးယောက် ရဲရဲဝံ့ဝံ့ပဲ ခေါင်းညိတ်ခဲ့ပါတယ်။ အဲဒီအချိန်မှာ ကျောင်းကိုရောက်လာတဲ့ အစားထိုးဆရာမ ဟာကာမာယို ကိုဆိုတဲ့ကောင်မလေးကလည်း သူတို့ကလေးတွေကြားထဲ ဝင်ပါလာတဲ့အခါ ဘယ်လိုတွေဆက်ဖြစ်ကြမလဲ၊ ကောင်လေးသုံးယောက်က ရော သူတို့ဆုတောင်းတွေ ပြည့်ပါ့မလား၊ ဆရာမကရော လူကြီးအနေနဲ့ ကလေးတွေကြားမှာ အဆင်ပြေမလား၊ သရဲကြီးတွေကို နိမ်နင်းနိုင်ပါ့မလားဆိုတာ ဇာတ်လမ်းထဲမှာ ကိုယ့်ဘေလ်နဲ့ ကိုယ် ဒေါင်းကြည့်လိုက်ရအောင်နော်။

t.me/cartoonmoviesmms/1098

သစ်တောက်ငှက်လေး ဝူဒီ (၂၀၂၄)

သစ်တောက်ငှက် ဝူဒီ လေးရဲ့ ဒုတိယကားထွက်ရှိလာပါပြီ။ ဝူဒီ လေးကိုတော့အားလုံးသိကြပြီးသားဖြစ်မှာပါ။ သူ့ကိုယ်ပိုင် ရယ်သံလေးနဲ့ အမြဲတမ်း ပျော်ပျော်ရွှင်ရွှင်နေတတ်တဲ့ သစ်တောက်ငှက်လေးပေါ့။ ဝူဒီ ဆိုတာ တိတ်ဆိတ်ငြိမ်းချမ်းတဲ့ သူ့တောအုပ်ထဲမှာ ဆူညံပူညံလာလုပ်တဲ့ လူတွေ၊ လာဖျက်ဆီးတဲ့ လူတွေကို ပညာပေးပြီး နှင်ထုတ်လေ့ရှိတဲ့ သစ်တောက်ငှက်လေးပေါ့။ ကံဆိုးချင်တော့ လူတွေဖျက်ဆီးတာထက် ဝူဒီ ရဲ့ အဆင်အခြင်မဲ့ လုပ်ဆောင်မှုကြောင့် သစ်တော ပျက်ဆီးရတာက ပိုများပါတယ်။ ဒါကြောင့် တောပိုင်ကြီးက ဝူဒီ လေးကို အသင်းအဖွဲ့နဲ့ နေတတ်မှ ပြန်လာခဲ့ဆိုပြီး တောအုပ်ထဲမှ နှင်ထုတ်လိုက်ပါတယ်။ ဒီလိုနဲ့ ဝူဒီ လေး တစ်ယောက် အသင်းအဖွဲ့နဲ့ နေတတ်အောင် သင်ယူဖို့ဆိုပြီး နွေရာသီစခန်းတစ်ခုကို ရောက်သွားပါတယ်။ ဒီစခန်းမှာ ဘယ်လို လူတွေနဲ့ စုံရမလဲ၊ ဘယ်လိုစွန့်စားခန်းတွေက စောင့်ကြိုနေဦးမလဲဆိုတာကို ပေါ့ပေါ့ပါးပါး ကြည့်ရှုရမယ့် ဇာတ်ကားလေး ဖြစ်ပါတယ်။

t.me/cartoonmoviesmms/1100

ဉာဏ်ကြီးရှင် နှင့် ဂြိုလ်ဆိုးအန္တရာယ် (၂၀၂၄)

မက်ဂါမိုင်းက မက်ထရိုမြို့တော်ကြီးကို တိုက်တန်ရဲ့ လက်ကနေ ကယ်တင်ပေးပြီးလိုက်တဲ့နောက်မှာတော့ သူကောင်းဘွဲ့ ခံယူပြီး ဗီလိန်ဘ၀ကနေ ဟီးရိုးဘ၀ကို ရောက်ရှိသွားပါတယ်။ မက်ဂါမိုင်းတစ်ယောက် လူဆိုးကနေ သူရဲကောင်းဖြစ်သွားပြီဆိုတဲ့ သတင်းဟာ ထောင်ထဲရောက်နေတဲ့ မက်ဂါမိုင်း လူဆိုးဖြစ်စဉ်က လူဆိုးအဖွဲ့ဟောင်းဖြစ်တဲ့ ဂြိုဟ်ဆိုးအဖွဲ့ဆီ ရောက်သွားပါတယ်။ ဒီလိုနဲ့ ဂြိုဟ်ဆိုးအဖွဲ့လည်း သူတို့ရဲ့ ဆရာဟောင်း မက်ဂါမိုင်း တစ်ချိန်က ပြောပြဖူးခဲ့တဲ့ မဟာဗျူဟာမြောက် လူဆိုးအစီအစဉ်ကြီးကိုအကောင်အထည်ဖော်ဖို့အတွက် ထောင်ဖောက်ပြီး ဆရာဖြစ်သူဆီတန်းတန်းမတ်မတ် ရောက်ရှိလာခဲ့တဲ့အချိန်မှာတော့ ဟီးရိုးဘ၀ရောက်သွားပြီဖြစ်တဲ့ မက်ဂါမိုင်းတစ်ယောက် သူ့ရဲ့ လူဆိုးအဖွဲ့ဟောင်းကို ဘယ်လို ရင်ဆိုင်ရဦးမလဲဆိုတာ ဆက်လက်ကြည့်ရှုရမှာ ဖြစ်ပါတယ်။

t.me/cartoonmoviesmms/1107

ကိုယ်လိုချင်တာမင်းပါပေ (၂၀၁၇)

မက်ရိုင်ယာ ဆိုတဲ့ ကောင်မလေးရှိပါတယ်။ ဒါပေမယ့် သူ့အဖေက ခွေး Allergic ရှိပြီး အမေက အိမ်သန့်ရှင်းရေးနဲ့ပတ်သက်ရင် ချေးများတတ်သူဖြစ်တဲ့အတွက် သူ့မွေးနေ့တိုင်း၊ ခရစ်စမတ်တိုင်း ခွေးလေးရဖို့ ပူဆာခဲ့ပေမယ့် မရခဲ့ပါဘူး။ တစ်နှစ်မှာတော့ အရမ်းဆိုးသွမ်းတဲ့ ခွေးလေခွေးလွင့်လေး ဂျက် ဆိုတာ သူ့ဘဝထဲကို ရောက်လာခဲ့ပါတယ်။ သူ့အဖေက ဂျက်အရမ်းဆိုးတာတွေကြုံရရင် သူ့သမီး ခွေးမွေးဖို့ စိတ်ပျက်သွားမလားဆိုတဲ့ အကြံနဲ့ ဂျက်ကို ခေါ်လာခဲ့တာပါ၊ မက်ရိုင်ယာ ဟာ သူခွေးထိန်းနိုင်တယ်ဆိုတာ သက်သေပြဖို့ ဂျက်ဆိုးသမျှကို အကုန်သည်းခံပြီး ကြိုးစားခဲ့ပါတယ်၊ ဒါပေမယ့် မထင်မှတ်ပဲ သူဟာ ဂျက်အပေါ် သံယောဇဉ်တွယ်သွားပါတော့တယ်။ ခွေးလေး ဂျက် နဲ့ မက်ရိုင်ယာ တို့ရဲ့ ဇာတ်လမ်းလေးက ဘယ်လိုဆက်သွားမလဲဆိုတာ ကြည့်ရှုကြပါဦး၊ ဇာတ်ဝင်သီချင်းလေးတွေက အရမ်းနားထောင်ကောင်းပြီး ဝေဝေဆာဆာ မြူးမြူးကြွကြွ ပေါ့ပေါ့ပါးပါး ကာတွန်းလေးဖြစ်တာ၊ Rating လည်း မြင့်တဲ့အတွက် ကြည့်ပြီးရင် နောင်တမရစေရဘူးဆိုတာ ရဲရဲကြီး အာမခံပါတယ်။

t.me/cartoonmoviesmms/1109

ဘာဘီ (၂၀၂၃)

ဘာဘီ ကား ကြိုက်တဲ့သူတွေအတွက် လတ်လတ်ဆက်ဆက် အသစ်ထွက်ထားတဲ့ ဘာဘီကားလေးလာပါပြီ။ ဒါပေမဲ့ ဒီကားလေးကတော့ ဘာဘီ့ညီမ ဖြစ်တဲ့ စကစ်ပ် ပါရဲ့ ဇာတ်ကားလေးပါ။ နွေရာသီပိတ်ရက်မှာ ကလေးထိန်းစင်တာလေး ဖွင့်ထားတဲ့ စကစ်ပ် တစ်ယောက် အဆင်ပြေပြေ ကလေးတွေကို ထိန်းနိုင်ပါ့မလား၊ ဘယ်လိုပြဿနာတွေ ဖြစ်ပြီး သူ့သူငယ်ချင်းတွေနဲ့ ဘယ်လို ရင်ဆိုင်ကြမယ်ဆိုတာကို စိတ်လှုပ်ရှားစွာ ကြည့်ရှုရမှာ ဖြစ်ပါတယ်။

t.me/cartoonmoviesmms/1111

မှော်ဝင်ဓါး (၁၉၆၃)

အင်္ဂလန်ပြည်မှာ ဘုရင်အဖြစ် ဆက်ခံမယ့်သူမရှိတော့တဲ့အတွက် တစ်ခေတ်ပျက်ကာလ ဖြစ်နေခဲ့ပြီး အဲ့လိုအချိန်မှာ ကျောက်တုံးတစ်တုံးအပေါ် စိုက်ထားတဲ့ ဓါးတစ်ချောင်း ထူးခြားစွာ ပေါ်လာခဲ့ပါတယ်၊ အဲ့ဓါးကို ဆွဲထုတ်နိုင်သူသည် အင်္ဂလန်ရဲ့ ဘုရင်ဖြစ်မယ်ဆိုပြီး စာထွင်းထားခဲ့ပြီး တစ်ယောက်ပြီး တစ်ယောက် လာဆွဲနှုတ်ကြပေမယ့် ဘယ်သူမှ မရခဲ့ကြဘူး၊ နှစ်ပေါင်းများစွာကြာလာသဖြင့် လူတွေကလည်း ဓါးကို မေ့ပျောက်သွားခဲ့ပါပေမယ့် အဲ့အချိန်မှာ အာသာ ၁၂ နှစ်အရွယ်ကလေးက ဓါးကို ဆွဲထုတ်နိုင်ပြီး ဘုရင်အဖြစ် ဆက်ခံရပါသည်။ ဇာတ်လမ်းအတွင်း မာလင် နဲ့ အာသာ တို့ ရှေ့ဆုံရာမှာ အာသာ က မာလင် ကို အနားကူညီမှုနဲ့ နည်းပြမှု ပေးပြီး ယုံကြည်မှုကို တည်ဆောက်ကာ ဓါးဆီကို အန္တရာယ်ကင်းစွာ ရောက်နိုင်အောင် ကြိုးစားခဲ့သည်။ အာသာ က ဓါးဆီရောက်ဖို့ အခက်အခဲများကို ရင်ဆိုင်ပြီး မာလင် ရဲ့ အတူတကွ ညွှန်ကြားမှုနှင့် စွမ်းအားထည့်မှုတို့ကြောင့် အဆုံးမှာ ဓါးကို ဆွဲထုတ်ပြီး ဘုရင်အဖြစ် ဆက်ခံနိုင်သွားခဲ့ပါသည်။

t.me/cartoonmoviesmms/1113

အပိုလို အာကာသခရီးစဉ် (၂၀၂၂)

IMDB - 7.2/10
Genre - Drama

1969 ခုနှစ်က လကမ္ဘာကို လူတွေ ရောက်သွားတဲ့ အချိန်မှာ လူတွေ ခံစားရတဲ့ခံစားချက်ကို မတူညီတဲ့ ရှုထောင့် နှစ်မျိုးနဲ့ တင်ပြထားတာပါ။ အာကာသယာဉ်မှူးတွေရဲ့ အောင်ပွဲခံရတဲ့ အမြင်နဲ့ TV ဖန်သားပြင်ပေါ်မှာ ကြည့်နေကြတဲ့ လူသန်းပေါင်းများစွာလိုပဲ စိတ်လှုပ်ရှားနေခဲ့တဲ့ ကလေးတစ်ယောက်ရဲ့ အမြင်ကို ယှက်နွယ်ပြီး အသေအချာ ရိုက်ပြထားပါတယ်။ ဇာတ်ကြောင်းကတော့ လူတစ်ယောက်က သူအသက် ၁၀ နှစ်အရွယ်မှာ 1969 ခုနှစ် ဟူစတန်မှာ နေခဲ့ရတဲ့ ဘဝကို ဇာတ်ကြောင်း ပြန်ရင်း လကမ္ဘာကို သူကိုယ်တိုင် ရောက်သွားခဲ့တဲ့ အကြောင်းကို ပြန်ပြောင်း တမ်းတပြီး ပြောထားတဲ့ ပုံဖြစ်ပါတယ်။ Animation သိပ်ကောင်းပြီး 1969 ခုနှစ်က အဖြစ်အပျက်တွေကို လှလှပပ ပုံဖော်ထားတာဖြစ်လို့သေချာပေါက် ကြည့်သင့်တဲ့ ဇာတ်ကားလေး တစ်ကားဖြစ်ပါတယ်။

t.me/cartoonmoviesmms/1115

ခရစ္စမတ်ဇာတ်လမ်းလေး (၂၀၁၈)

ဒီကားလေးမှာ ခရစ္စမတ်ရဲ့ မရိုးအီနိုင်တဲ့ ခံစားမှုအငွေ့အသက်လေးတွေကို တွေ့မြင် ခံစားရမှာပါ၊ ဘာလို့ဆို ဇာတ်လမ်းကို ခရစ္စမတ်အကြိုညလေးနဲ့ စတင်ထားတာကြောင့်ပါ။ ကလာရာ ဆိုတဲ့ ကောင်မလေးမှာ သူ့အမေဆီက အမွေထားတဲ့ တီထွင်ညာဏ်ရည်ထူးချွန်တဲ့ အရည်ချင်း ပါလာပြီး မွေးချင်းသုံးယောက်ရှိတဲ့မိသားစုလေးကို ချစ်ကြင်သူဇနီးမရှိပဲ ထိန်းကျောင်းလာခဲ့ရတဲ့ ကလာရာ တို့အဖေကတော့ နှစ်တိုင်း ခရစ္စမတ်ရောက်တာနဲ့ အတိတ်ဟောင်းတွေ တူးဆွပြီး လွမ်းမော တသဖြစ်နေတတ်ပါတယ်။ သူမှမဟုတ်ပါဘူး ကျန်တဲ့ မွေးချင်းတွေနဲ့ လုံးဝမတူကွဲထွက်နေတဲ့ ကလာရာ လဲ ထပ်တူထပ်မျှပါပဲ။ ဒီလိုနဲ့ အမေ့ဆီကလက်ဆောင်တွေဆိုပြီး ခရစ္စမတ်အကြိုညမှာ ပင်ချောင်းသော့ ခလောက်လေးပါတဲ့ ဥလေးတစ်လုံး ကလာရာ ရလိုက်ခဲ့ပါတယ်၊ ဒါပေမယ့် လက်ဆောင်ဘူးထဲမှာ ဖွင့်ဖို့သော့ မပါလာခဲ့ဘူး။ အဲ့သော့ရဲ့ အဖြေကို သူတို့ ခေါင်းကိုင်အဖေကြီး ဒရော်ဆယ်မာယာ ဆီက ရပြီး အခြားကမ္ဘာတစ်ခုရောက်ဖို့ အကြောင်း ဖန်လာတဲ့အခါ ဖြစ်ပေါ်ခဲ့တာတွေကို ဇာတ်လမ်းထဲမှာ ကြည့်ရှုရမှာ ဖြစ်ပါတယ်။

t.me/cartoonmoviesmms/1117