ဘဝမှန် (၂၀၂၂)

လီမေလင်းဆိုတဲ့ ၁၃ နှစ်အရွယ် ကောင်မလေးတစ်ယောက် တရုတ်မိသားစုကပေါက်ဖွားလာတော့ တရုတ်ရိုးရာတွေအားလုံးကို နားလည်ထားပြီး ကိုယ်တိုင်လည်း ဘုံကျောင်းကိစ္စတွေကို ဝင်ရောက်ဆောင်ရွက်နေသူပါ။ ဒါပေမဲ့ဆယ်ကျော်သက်အရွယ်ကလေး ပီပီပဲ မြတ်နိုးတန်ဖိုးထားရတဲ့ အဆိုတော်တွေ၊ ရင်ခုန်မိတဲ့ကောင်လေးတွေ ရှိလာပါတော့တယ်။ အဲ့ဒီအချိန် ရှေးရိုးဆန်တဲ့ မိခင်ဖြစ်သူနဲ့ ကောင်မလေးရဲ့ ခေတ်ဆန်တဲ့ အတွေးအခေါ်တွေ ဘယ်လို အတိုက်အခံဖြစ်ကြမှာလဲဆိုတာတွေ လီမေလင်းလေးရဲ့ အကြိုက်ဆုံးအဆိုတော်အဖွဲ့ 4-town အဖွဲ့က concert ကျင်းပမှာဆိုတော့ သူ့ခမျာ သွားရဖို့အရေး ကြိုးပမ်းအားထုတ်ရင်းနဲ့ စိတ်အရမ်းလှုပ်ရှားလာတဲ့အခါ လူစင်စစ်က ပန်ဒါနီအဖြစ် ပြောင်းလဲသွားတတ်တော့ ဘာတွေ ဆက်လက်ကြုံတွေ့ရမလဲ။ ဆယ်ကျော်သက်မိန်းကလေးတွေ ကြုံတွေ့ရတဲ့ ပထမဆုံးဓမ္မတာလာတဲ့အချိန်တွေကို ယ့်ကိုယ် လူကြီးလို့ သတ်မှတ်ချိန်မှာ မိဘတွေက ကလေးလို သတ်မှတ်နေသေးလို့ ကတောက်ကဆဖြစ်ရတာလေးတွေဆယ်ကျော်သက်သားသမီးတွေနဲ့ မိဘတွေကြား ရှိတတ်တဲ့ ပြဿနာလေးတွေ အပြင် သူငယ်ချင်းတွေကြားထဲ ထားရှိကြတဲ့ ဖြူစင်တဲ့အချစ်မေတ္တာကိုပါ ခံစားရမှာဆိုတော့ ဆက်ဆက်ကြည့်ရှုသင့်တဲ့ ဇာတ်ကားလေး ဖြစ်ပါတယ်။

t.me/cartoonmoviesmms/1024

ပွန်မ်ပို - ရုပ်ရှင်ချစ်သူလေး (၂၀၂၁)

ပွန်မ်ပို ဆိုတဲ့ကောင်မလေးက ညလိဝုဒ်မှာ ဇာတ်ကားအသေးလေးတွေနဲ့ အရမ်းနာမည်ကြီးတဲ့ ရုပ်ရှင်ထုတ်လုပ်သူတစ်ယောက်ပေါ့။ သူက ရုပ်ရှင်ကြည့်ရတာအရမ်းကြိုက်တဲ့အတွက် တစ်နေ့မှာ သူ့ရဲ့လက်ထောက်ဖြစ်သူ ဂျင်းဖီနီ ကို သူရုပ်ရှင်ဘယ်လောက်ကြိုက်ကြောင်းတွေ ပြောပြပြီး သူကိုယ်တိုင်ရေးထားတဲ့ဇာတ်ညွှန်းတစ်ခုကို ဇာတ်ကားအဖြစ်ရိုက်ဖို့အတွက် ဂျင်း ကို ဒါရိုက်တာလုပ်ခိုင်းဖို့ တာဝန်ပေးလိုက်တယ်။ ဂျင်း ကလည်း ငယ်ငယ်ကတည်းက ရုပ်ရှင်ဖန်တီးချင်တဲ့အိပ်မက်ရှိပေမယ့် အခုမှ စရိုက်ရမှာဆိုတော့ သူ့ရဲ့အခက်အခဲတွေက ဘာတွေဖြစ်မလဲ။ ဘယ်လိုတွေကျော်လွှားမလဲဆိုတာ ကြည်ကြည်နူးနူးနဲ့ ကြည့်ရမယ့် အန်နမီ လေးပဲဖြစ်ပါတယ်ဗျ။

t.me/cartoonmoviesmms/532

‌မင်းသမီးလေးနော်စီကာ (၁၉၈၄)

IMDb - 8/10
Genre - Fantasy, Sci-fi

နောင်လာမယ့် နှစ်ပေါင်းများစွာအကြာမှာ ကမ္ဘာကြီးဟာ စစ်ပွဲတွေနဲ့ လေထု၊ ရေထု ညစ်ညမ်းမှုတွေကြောင့် လူသားမျိုးနွယ်အားလုံး မျိုးသုဉ်းလုနီးပါး ဖြစ်ခဲ့တယ်။ ကျန်ရစ်တဲ့ လူသားတွေကလည်း သယံဇာတအရင်းအမြစ်တွေ အတွက် စစ်မက်တွေ ဆက်လက်ဖြစ်ပွားခဲ့တယ်။ အဲ့ဒီအထဲမှာမှ နော်စီကာ မင်းသမီးလေး အုပ်ချုပ်တဲ့ လေညင်းတောင်ကြားမှာရှိတဲ့ တိုင်းပြည်လေးကတော့ အဆိပ်သင့်တောအုပ်ရဲ့ အနီးဆုံးမှာရှိပေမယ့် အေးချမ်းတဲ့ တိုင်းပြည်တစ်ခု ဖြစ်တယ်။ တစ်နေ့မှာတော့ အင်အားကြီး တိုင်းပြည်နှစ်ခုရဲ့ စစ်ပွဲကြား လေညင်းတောင်ကြားတိုင်းပြည်လေး ကြားညပ်လာတဲ့အခါ မင်းသမီးနော်စီကာ တစ်ယောက် သူ့ရဲ့တိုင်းပြည်ကို ကယ်တင်နိုင်ပါ့မလားဆိုတာကို ကြည့်ရှုရမှာဖြစ်ပါတယ်။

t.me/cartoonmoviesmms/598

ကြောင်ကလေးရဲ့ အိမ်အပြန် (၂၀၀၂)

တစ်နေ့မှာ ဟရု ဆိုတဲ့ အထက်တန်းကျောင်းသူလေးဟာ ကျောင်းသွားတဲ့လမ်းမှာ လမ်းဖြတ်ကူးနေတဲ့ ကြောင်လေးကို ကားတိုက်ခံရမှာကနေ ကယ်ပေးခဲ့ပါတယ်။ ဒါပေမဲ့ သူကယ်ခဲ့တဲ့ ကြောင်လေးဟာ စကားပြောတတ်တဲ့အပြင် ကြောင်တိုင်းပြည်ရဲ့ အိမ်ရှေ့စံ မင်းသားလေး ဖြစ်နေပါတော့တယ်။ အဲဒီကနေစလို့ ဟရု ရဲ့ နေ့စဉ်ဘဝမှာ ကြောင်တွေနဲ့ပတ်သက်လို့ ထူးဆန်းဆန်းတွေ စဖြစ်လာပြီး နောက်ဆုံးမှာ ကြောင်တိုင်းပြည်ကို ခေါ်ဆောင်သွားခံရဖို့ ဖြစ်လာတဲ့အခါမှာ။ တကယ်လို့ သူမက အဲ့ဒီတိုင်းပြည်ထဲမှာ ထင်ဟပ်နေသွားရင်ဘယ်လိုဖြစ်မလဲ။ ဟရု တစ်ယောက် မိမိဘဝကို ပြန်မသွားနိုင်တော့ဘဲ ကြောင်ဘဝကို ဝင်ရောက်သွားမှာလားဆိုတာကို စိတ်ဝင်တစား ကြည့်ရှုရမှာဖြစ်ပါတယ်။

t.me/cartoonmoviesmms/600

အရုပ်ကလေးတို့ရဲ့ အကြောင်း (၁၉၉၅)

ကောင်းဘွိုင်လေး ဝူဒီ တို့ နဲ့ အာကာသရိန်းဂျားကြီး ဘတ်ဇ် စတွေ့ခဲ့တဲ့ ဇာတ်ကားပဲ ဖြစ်ပါတယ်။ အန်ဒီ ဆိုတဲ့ ကောင်လေးရဲ့ အရုပ်တွေ ဖြစ်ကြတဲ့ ဝူဒီ တို့ဟာမွေးနေ့ပွဲလို၊ ခရစ္စမတ်လို နေ့တွေ ရောက်တိုင်း လက်ဆောင်တွေထဲမှာ သူတို့နေရာကို အစားထိုးမယ့် အရုပ်အသစ်တွေ ရောက်လာမှာကို အမြဲတမ်း စိုးရိမ်နေခဲ့တာပါ။ အရုပ်အသစ်တွေကြောင့် အန်ဒီ သူတို့ကို အချစ်လျော့သွားမှာကို စိုးရိမ်နေကြတာပေါ့။ အဲဒီလိုနဲ့ အန်ဒီ ရဲ့ မွေးနေ့တစ်ခုအရောက်မှာ သူတို့မလိုချင်ဆုံး အရာတစ်ခု အန်ဒီ ဆီ ရောက်လာပါတော့တယ်။ အဲဒါကတော့ နောက်ဆုံးထွက်ထားတဲ့ အာကာသရိန်းဂျား ဘတ်ဇ်လိုက်ရီးယား ဖြစ်ပါတယ်။ ကလေးတွေရဲ့ ထုံးစံအတိုင်း အန်ဒီ က အသစ်ရတဲ့ အရုပ်အသစ်ကို ပိုသဘောကျနေတဲ့အချိန်မှာ အရင်က အန်ဒီ အကြိုက်ဆုံး အရုပ်လေး ဝူဒီ က ဘတ်ဇ် ကို မကျေမနပ်ဖြစ်ရာကနေ ဒီဇာတ်လမ်း စတင်ခဲ့ပါတယ်။ နေရာလုဘက် ဖြစ်နေတဲ့ သူတို့နှစ်ယောက်ကို ဘယ်လိုကိစ္စမျိုးက နားလည်မှုရသွားစေမလဲ၊ မထင်မှတ်ဘဲ ကြုံလာရတဲ့ ပြဿနာကို မတည့်တဲ့ကြားထဲကနေ ဘယ်လိုပုံစံမျိုးနဲ့ အချင်းချင်း ရိုင်းပင်းပြီး ကူညီဖြေရှင်းသွားကြမလဲ ဆိုတာကို ကြည့်ရှုရမှာပါ။

t.me/cartoonmoviesmms/1090

အရုပ်ကလေးတို့ရဲ့ အကြောင်း ၂ (၁၉၉၉)

ဂျက်စီ ဆိုတဲ့ ကောင်းဘွိုင်မလေးနဲ့ ဝူဒီ ရဲ့ မြင်းလေး ဘူးလ်အိုင်းစ် တို့ စပါလာတဲ့ ဇာတ်ကားလေးပါ။ အန်ဒီ တစ်ယောက် ဆော့နေစဉ် ဝူဒီ ရဲ့ လက်က မတော်တဆ ပြဲသွားတာကြောင့် နောက်မှ ပြန်ချုပ်ဖို့ သိမ်းထားချိန် အန်ဒီရဲ့ အမေရဲ့ နားလည်မှုလွဲမှုကြောင့် အိမ်ပစ္စည်းအဟောင်းတွေ ရောင်းမယ့် ပုံးထဲ ဝူဒီ တစ်ယောက်ပါသွားခဲ့ပါတယ်။ အဲ့ဒီအချိန်မှာ မြို့ထဲက အရုပ်ဆိုင်ပိုင်ရှင်က မြင်သွားပြီး ဝူဒီ ကိုရှားပါးအရုပ်မှန်းသိနေတဲ့ကြောင့် ပစ္စည်းပုံးထဲက ခိုးသွားခဲ့ပါတယ်။ အရုပ်ဆိုင်မှာ ဝူဒီ ရဲ့ လူဆိုးဖမ်းဂိုဏ်းလို့ ပြောရမယ့် ဂျက်စီ နဲ့ ဘူးလ်အိုင်းစ် နှစ်ယောက်နဲ့ ဆုံခဲ့ပြီးအရုပ်ရဲ့ အကြံက ရှားပါးအရုပ်ဖြစ်တဲ့ ဝူဒီ တို့ကို ဂျပန်က အရုပ်ပြတိုက်ကိုရောင်းပစ်လိုက်ဖို့ ဖြစ်ခဲ့ပါတယ်။ အစပိုင်းမှာ ဝူဒီ က အိမ်ပြန်ဖို့ ကြိုးစားခဲ့ပေမယ့် ဂျက်စီ တို့အဖွဲ့ နားချထားကြောင့် သူတို့နဲ့ပဲ အတူနေဖို့ ဆုံးဖြတ်ခဲ့ပါတယ်။ အရုပ်သည် လက်ထဲပါသွားတဲ့ ဝူဒီ နောက်ကို ဘတ်ဇ် တို့တစ်သိုက် လိုက်ကယ်ဖို့ ကြိုးစားရင်း အရုပ်ဆိုင်ထိ ရောက်လာခဲ့ပါတယ်။ တစ်ချိန်ကျရင် အန်ဒီ စွန့်ပစ်သွားမှာ စိုးလို့ ပြန်မလိုက်ချင်တော့တဲ့ ဝူဒီ ကို ဘတ်ဇ် တို့အဖွဲ့ ပြန်ခေါ်နိုင်မှာလား၊ ဘယ်အခက်အခဲတွေကြုံရဦးမလဲဆိုတာကို ဇာတ်လမ်းလေးက စိတ်လှုပ်ရှားစွာ ဖော်ပြထားပါတယ်။

t.me/cartoonmoviesmms/1092

အရုပ်ကလေးတို့ရဲ့ အကြောင်း ၃ (၂၀၁၀)

အရွယ်ရောက်လာတဲ့ အန်ဒီ က ကောလိပ်ကျောင်းကို သွားရတော့မှာမို့လို့ ဝူဒီ ကလွဲပြီး ကျန်တဲ့ အရုပ်တွေကို ထပ်ခိုးထပ်ပေါ်ထားခဲ့ပေမယ့် မိသားစု ချင်းနားလည်မှုလွဲကာ အမှိုက်ပုံးထဲကို ရောက်သွားခဲ့ပါတယ်။ ဒါကို အထင်လွဲသွားတဲ့ အရုပ်တွေက အမှိုက်ကားထဲ လိုက်သွားမယ့် အစား မူကြိုကျောင်းကို သွားလှူမယ့် ပစ္စည်းပုံးထဲကို လိုက်သွားခဲ့ကြပါတယ်။ ဒီလိုနဲ့ ဆန်နီဆိုက်ဒ် ဆိုတဲ့ မူကြိုကျောင်းကို ရောက်လာပြီး အဲဒီမှာ နဂိုရှိပြီးသား လော့ဆို တို့အရုပ်အဖွဲ့ရဲ့ ကြိုဆိုမှုကြောင့် သူတို့တွေ ပြန်အဆင်ပြေတော့မှာလို့ ထင်ခဲ့ပေမယ့် လက်တွေ့မှာ လော့ဆို က မင်းသားမျက်နှာဖုံးနဲ့ ဘီလူး တစ်ယောက်လို ဖြစ်နေခဲ့တာကြောင့် မူကြိုကျောင်းကနေ အန်ဒီ ဆီ ပြန်ထွက်ပြေးလာဖို့ ကြိုးစားရပါတော့တယ်။ သူတို့ရဲ့ ကြိုးစားမှုက အရာထင်ပါ့မလား၊ ကောက်ကျစ် ယုတ်မာတဲ့ လော့ဆို တို့အဖွဲ့က ဘယ်လိုမျိုး ဒုက္ခပေးကြမယ်ဆိုတာကို ကြည့်ရှုရမှာပါ။

t.me/cartoonmoviesmms/1094

အရုပ်ကလေးတို့ရဲ့ အကြောင်း ၄ (၂၀၁၉)

ဝူဒီ တို့ ဘတ်ဇ် တို့နဲ့ မိတ်ဆွေတစ်သိုက်ဟာ မိတ်ဆွေတွေ တိုးရင်း စွန့်စားခန်းတွေ ဖွင့်ရင်း နေလာခဲ့တာ နှစ်ပေါင်းတွေ ကြာလာခဲ့ပါပြီ။ အရုပ်တွေအတွက် သူတို့ရဲ့ ပိုင်ရှင်ကလေးငယ်ဆိုတာ ဘဝကြီးပါပဲ၊ ဒါပေမယ့် အဲဒီပိုင်ရှင်တွေရဲ့ သက်တမ်းက တိုတောင်းပါတယ်။ သေဆုံးသွားတာ မဟုတ်ပေမယ့်လည်း ကြီးပြင်းလာတဲ့အချိန်မှာ အရုပ်တွေကို စွန့်ပစ်ကြတာ၊ ဒါမှမဟုတ် အခြားကလေးကို ပေးပစ်ကြတာတွေ လုပ်ကြတာပေါ့။ ဒီလိုနဲ့ ဘိုပိ ဟာလည်း အခြားပိုင်ရှင်တစ်ယောက်ဆီကို ရောက်သွားပြီး ဝူဒီ တို့နဲ့ ကွဲကွာသွားခဲ့ပါပြီ။ ဘွန်နီ ဟာ အရုပ်လေးတွေကို ချစ်ပြီး နေ့တိုင်း ကစားတတ်ပေမယ့် သူ ရွေးနေကျမဟုတ်ဘဲ ချန်ထားခဲ့တဲ့ အရုပ်လေးတွေ ရှိပါတယ်။ တစ်ချိန်က အန်ဒီ ရဲ့ အချစ်တော် ဝူဒီ လည်း ပါနေတာပေါ့။ ဒီလိုနဲ့ ဘွန်နီ လေး ပထမဆုံး မူကြိုကို ကြောက်ကြောက်လန့်လန့်နဲ့ သွားရင်း ဇွန်းခရင်း တစ်ခါသုံးလေးကို ဖော့ကီ ဆိုတဲ့ အရုပ်အဖြစ် ဖန်တီးလိုက်မိပါတယ်။ ပြီးတော့ အဲ့ဒီ ခရင်းရုပ် လေးက ဘွန်နီ ရဲ့ မူကြိုကျောင်းမှာ အားပေးမယ့် အဖော်လေးဖြစ်လာပါတော့တယ်။ ဒါပေမယ့် ဖော့ကီ ဟာ မထင်မှတ်ဘဲ ဘွန်နီ နဲ့ ကွဲကွာသွားတဲ့အခါမှာ ဝူဒီ ဟာ ဖော့ကီ ကို ကယ်ဖို့ သူ့မိတ်ဆွေတွေနဲ့အတူ စွန့်စားခန်းတွေ ဖွင့်ရပါတော့မယ်။

t.me/cartoonmoviesmms/1096

သရဲစာအုပ် (၂၀၂၂)

IMDB - 5.7/10
Genre - Adventure

ဂျပန် anime လောကနဲ့ မစိမ်းတဲ့သူတိုင်း ရိုကိုင်း ဆိုတာကို သိကြမှာပါ။ မမြင်အပ်သော နတ်ဆိုး၊ တစ္ဆေ၊ သရဲတွေကို တမျိုးခေါ်ခြင်းဖြစ်ပြီး ဂျပန်မှာတော့ကိုးကွယ်ကြတဲ့သူတွေလည်း ရှိပါတယ်။ ဒီကားလေးထဲမှာတော့ ကောင်လေးသုံးယောက်က နတ်နန်းတစ်ခုမှာ လိုချင်တဲ့ ဆန္ဒကို အသီးသီး တောင်းဆိုခဲ့ပါတယ်။ အဲဒါကို ကြားသွားခဲ့တဲ့ နတ်မင်းက အဲကလေးတွေဆီကို သူ့တပည့်ကို လွှတ်လိုက်ပြီး သရဲစာအုပ်ကို ရှာခိုင်းပြီး အဲစာအုပ်ထဲက စိန်ခေါ်မှုကို အောင်မြင်မှ ဆုတောင်းကို ဖြည့်ပေးမယ်ဆိုပြီး ပြောခဲ့ပါတယ်။ အသက်အန္တရာယ်များတာကို မမှုပဲ ကောင်လေးသုံးယောက် ရဲရဲဝံ့ဝံ့ပဲ ခေါင်းညိတ်ခဲ့ပါတယ်။ အဲဒီအချိန်မှာ ကျောင်းကိုရောက်လာတဲ့ အစားထိုးဆရာမ ဟာကာမာယို ကိုဆိုတဲ့ကောင်မလေးကလည်း သူတို့ကလေးတွေကြားထဲ ဝင်ပါလာတဲ့အခါ ဘယ်လိုတွေဆက်ဖြစ်ကြမလဲ၊ ကောင်လေးသုံးယောက်က ရော သူတို့ဆုတောင်းတွေ ပြည့်ပါ့မလား၊ ဆရာမကရော လူကြီးအနေနဲ့ ကလေးတွေကြားမှာ အဆင်ပြေမလား၊ သရဲကြီးတွေကို နိမ်နင်းနိုင်ပါ့မလားဆိုတာ ဇာတ်လမ်းထဲမှာ ကိုယ့်ဘေလ်နဲ့ ကိုယ် ဒေါင်းကြည့်လိုက်ရအောင်နော်။

t.me/cartoonmoviesmms/1098

သစ်တောက်ငှက်လေး ဝူဒီ (၂၀၂၄)

သစ်တောက်ငှက် ဝူဒီ လေးရဲ့ ဒုတိယကားထွက်ရှိလာပါပြီ။ ဝူဒီ လေးကိုတော့အားလုံးသိကြပြီးသားဖြစ်မှာပါ။ သူ့ကိုယ်ပိုင် ရယ်သံလေးနဲ့ အမြဲတမ်း ပျော်ပျော်ရွှင်ရွှင်နေတတ်တဲ့ သစ်တောက်ငှက်လေးပေါ့။ ဝူဒီ ဆိုတာ တိတ်ဆိတ်ငြိမ်းချမ်းတဲ့ သူ့တောအုပ်ထဲမှာ ဆူညံပူညံလာလုပ်တဲ့ လူတွေ၊ လာဖျက်ဆီးတဲ့ လူတွေကို ပညာပေးပြီး နှင်ထုတ်လေ့ရှိတဲ့ သစ်တောက်ငှက်လေးပေါ့။ ကံဆိုးချင်တော့ လူတွေဖျက်ဆီးတာထက် ဝူဒီ ရဲ့ အဆင်အခြင်မဲ့ လုပ်ဆောင်မှုကြောင့် သစ်တော ပျက်ဆီးရတာက ပိုများပါတယ်။ ဒါကြောင့် တောပိုင်ကြီးက ဝူဒီ လေးကို အသင်းအဖွဲ့နဲ့ နေတတ်မှ ပြန်လာခဲ့ဆိုပြီး တောအုပ်ထဲမှ နှင်ထုတ်လိုက်ပါတယ်။ ဒီလိုနဲ့ ဝူဒီ လေး တစ်ယောက် အသင်းအဖွဲ့နဲ့ နေတတ်အောင် သင်ယူဖို့ဆိုပြီး နွေရာသီစခန်းတစ်ခုကို ရောက်သွားပါတယ်။ ဒီစခန်းမှာ ဘယ်လို လူတွေနဲ့ စုံရမလဲ၊ ဘယ်လိုစွန့်စားခန်းတွေက စောင့်ကြိုနေဦးမလဲဆိုတာကို ပေါ့ပေါ့ပါးပါး ကြည့်ရှုရမယ့် ဇာတ်ကားလေး ဖြစ်ပါတယ်။

t.me/cartoonmoviesmms/1100

ဉာဏ်ကြီးရှင် နှင့် ဂြိုလ်ဆိုးအန္တရာယ် (၂၀၂၄)

မက်ဂါမိုင်းက မက်ထရိုမြို့တော်ကြီးကို တိုက်တန်ရဲ့ လက်ကနေ ကယ်တင်ပေးပြီးလိုက်တဲ့နောက်မှာတော့ သူကောင်းဘွဲ့ ခံယူပြီး ဗီလိန်ဘ၀ကနေ ဟီးရိုးဘ၀ကို ရောက်ရှိသွားပါတယ်။ မက်ဂါမိုင်းတစ်ယောက် လူဆိုးကနေ သူရဲကောင်းဖြစ်သွားပြီဆိုတဲ့ သတင်းဟာ ထောင်ထဲရောက်နေတဲ့ မက်ဂါမိုင်း လူဆိုးဖြစ်စဉ်က လူဆိုးအဖွဲ့ဟောင်းဖြစ်တဲ့ ဂြိုဟ်ဆိုးအဖွဲ့ဆီ ရောက်သွားပါတယ်။ ဒီလိုနဲ့ ဂြိုဟ်ဆိုးအဖွဲ့လည်း သူတို့ရဲ့ ဆရာဟောင်း မက်ဂါမိုင်း တစ်ချိန်က ပြောပြဖူးခဲ့တဲ့ မဟာဗျူဟာမြောက် လူဆိုးအစီအစဉ်ကြီးကိုအကောင်အထည်ဖော်ဖို့အတွက် ထောင်ဖောက်ပြီး ဆရာဖြစ်သူဆီတန်းတန်းမတ်မတ် ရောက်ရှိလာခဲ့တဲ့အချိန်မှာတော့ ဟီးရိုးဘ၀ရောက်သွားပြီဖြစ်တဲ့ မက်ဂါမိုင်းတစ်ယောက် သူ့ရဲ့ လူဆိုးအဖွဲ့ဟောင်းကို ဘယ်လို ရင်ဆိုင်ရဦးမလဲဆိုတာ ဆက်လက်ကြည့်ရှုရမှာ ဖြစ်ပါတယ်။

t.me/cartoonmoviesmms/1107

ကိုယ်လိုချင်တာမင်းပါပေ (၂၀၁၇)

မက်ရိုင်ယာ ဆိုတဲ့ ကောင်မလေးရှိပါတယ်။ ဒါပေမယ့် သူ့အဖေက ခွေး Allergic ရှိပြီး အမေက အိမ်သန့်ရှင်းရေးနဲ့ပတ်သက်ရင် ချေးများတတ်သူဖြစ်တဲ့အတွက် သူ့မွေးနေ့တိုင်း၊ ခရစ်စမတ်တိုင်း ခွေးလေးရဖို့ ပူဆာခဲ့ပေမယ့် မရခဲ့ပါဘူး။ တစ်နှစ်မှာတော့ အရမ်းဆိုးသွမ်းတဲ့ ခွေးလေခွေးလွင့်လေး ဂျက် ဆိုတာ သူ့ဘဝထဲကို ရောက်လာခဲ့ပါတယ်။ သူ့အဖေက ဂျက်အရမ်းဆိုးတာတွေကြုံရရင် သူ့သမီး ခွေးမွေးဖို့ စိတ်ပျက်သွားမလားဆိုတဲ့ အကြံနဲ့ ဂျက်ကို ခေါ်လာခဲ့တာပါ၊ မက်ရိုင်ယာ ဟာ သူခွေးထိန်းနိုင်တယ်ဆိုတာ သက်သေပြဖို့ ဂျက်ဆိုးသမျှကို အကုန်သည်းခံပြီး ကြိုးစားခဲ့ပါတယ်၊ ဒါပေမယ့် မထင်မှတ်ပဲ သူဟာ ဂျက်အပေါ် သံယောဇဉ်တွယ်သွားပါတော့တယ်။ ခွေးလေး ဂျက် နဲ့ မက်ရိုင်ယာ တို့ရဲ့ ဇာတ်လမ်းလေးက ဘယ်လိုဆက်သွားမလဲဆိုတာ ကြည့်ရှုကြပါဦး၊ ဇာတ်ဝင်သီချင်းလေးတွေက အရမ်းနားထောင်ကောင်းပြီး ဝေဝေဆာဆာ မြူးမြူးကြွကြွ ပေါ့ပေါ့ပါးပါး ကာတွန်းလေးဖြစ်တာ၊ Rating လည်း မြင့်တဲ့အတွက် ကြည့်ပြီးရင် နောင်တမရစေရဘူးဆိုတာ ရဲရဲကြီး အာမခံပါတယ်။

t.me/cartoonmoviesmms/1109