မျိုးသုဉ်းခြင်း (၂၀၂၁)

၁၈၃၅ ခုနှစ် အမည်မသိ ကျွန်းတကျွန်းပေါ်မှာ အဒ် နဲ့ အော့ပ် ဆိုတဲ့ မောင်နှမနှစ်ယောက်ရှိကြတယ်။ သူတို့က ဘာကောင်လေးတွေလဲဆိုတော့ ဖလန်မယ်လို့အမည်ရတဲ့ ဒိုးနပ်ပုံစံ ဗိုက်မှာ အပေါက်လေးတွေနဲ့ ချစ်စရာ ရှဉ့်လို ကောင်လေးတွေပါ။ ညီမဖြစ်သူ အော့ပ် က တခြား မျိုးနွယ်တူတွေနဲ့ အမြင်ကို ဂရုမစိုက်တတ်ပဲ အဆော့သန်ပြီး ပေါက်တတ်ကရတွေ အမြဲလုပ်တတ်တယ်။ အစ်ကိုဖြစ်သူ အဒ် ကတော့ အေးဆေးသမား၊ အော့ပ် တလွဲလုပ်သမျှ ခံရပြီး မျိုးနွယ်တူ ဖလန်မယ် အသိုင်းအဝိုင်းမှာ ဝင်ဆန့်ချင်ရှာတဲ့သူပေါ့။ တနေ့တော့ သူတို့နှစ်ကောင် အကြီးကြီးလွဲပြီး ၂၁ ရာစုက ရှန်ဟိုင်းမြို့ကို Time Travel ရောက်သွားပါတော့တယ်။ အဲ့ဒီနောက် ဘာတွေဆက်ဖြစ်မလဲဆိုတာကိုတော့ ဇာတ်ကားထဲမှာပဲ ဆက်လက် ရှုစားလိုက်ကြပါနော်။

t.me/cartoonmoviesmms/1072

မြွေဖြူမိစ္ဆာနှင့် မှော်ဆံထိုး (၂၀၁၉)

ဒီ အန်နီမေးရှင်းဇာတ်လမ်းကတော့ တရုတ် ဒဏ္ဍာရီဇာတ်လမ်းတစ်ပုဒ် ဖြစ်တဲ့ မြွေဖြူမိစ္ဆာ အကြောင်းကို အခြေခံပြီး ရိုက်ကူးထားတာပဲ ဖြစ်ပါတယ်။ ဒီဇာတ်လမ်းကို အခြေခံပြီး ရှေ့မှာလည်း Live action ရော Animation တွေရော ပုံစံအမျိုးမျိုး ထွက်ခဲ့ဖူးပေမယ့် အခုကတော့ ပိုကောင်းတဲ့ Animation ရုပ်ထွက်တွေနဲ့ ပိုပြီး ကြည့်ကောင်းလာပါပြီ။ ရိုက်ချက်အလန်းတွေ၊ နောက်ခံတီးလုံးအလန်းတွေ၊ လှပတဲ့ ရှုခင်းတွေကြောင့် ကြည့်ရှုသူကို ဆွဲဆောင်သွားမှာပါ။ ဒီတော့ အားပေးကြည့်ရှူကြပါဦးလို့ တိုက်တွန်းချင်ပါတယ်။

t.me/cartoonmoviesmms/1074

မြွေဖြူမိစ္ဆာနှင့် မှော်ဆံထိုး ၂ (၂၀၂၁)

မြွေဖြူမလေး ရှောင်ပိုင် ဟာ အချစ်အတွက်ကြောင့် ဘုန်းတော်ကြီး ဖာဟိုင် ရဲ့ လွေဖုန်း မျှော်စင်အောက်မှာ ဖမ်းချုပ်ထားခြင်းခံရပါတယ်။ ဒါကို လက်မခံနိုင်တဲ့ ရှောင်ချင်း ဟာ ဘုန်းတော်ကြီး ဖာဟိုင်ကို ပြန်တိုက်ခိုက်ရင်း ရှုံးလော်မြို့ ဆိုတဲ့ နေရာကို အမှန်မထင်ရောက်သွားပါတယ်။ ရှုံးလော်မြို့က လူတွေဟာ စိတ်ထဲ လွှတ်မချနိုင်တဲ့ အရာတွေရှိနေလို့ လူပြန်မဝင်စားနိုင်ပဲ ရောက်လာတဲ့သူတွေပါ။ အန္တရာယ် ပေါင်းများစွာနဲ့ ပြည့်နှက်နေတဲ့ ရှုံးလော်မြို့မှာ ရှောင်ချင်း တစ်ယောက် ရှင်သန်နိုင်ပါ့မလား၊ ရှုံးလော်မြို့ကနေ ထွက်ခွာနိုင်ပါ့မလား၊ ရှုံးလော်မြို့မှာ သူ့အစ်မ ရှောင်ပိုင် နဲ့ ရုပ်ချင်းဆင်တဲ့ ကောင်လေးတစ်ယောက်နဲ့ ဆုံရတဲ့အခါ ဘာတွေဆက်ဖြစ်လာမှာလဲ၊ အစ်မဖြစ်သူနဲ့ ပြန်ဆုံနိုင်ပါ့မလား၊ အချစ်၊ အမုန်း၊ ရင်ထဲက အာဃာတတွေ၊ ခံစားချက်မျိုးစုံကို ဇာတ်ကားထဲမှာပဲ ကြည့်ရှုခံစားရမှာပါ။

t.me/cartoonmoviesmms/1076

အိမ်မက်များကို အကောင်ထည်ဖော်သူ (၂၀၂၀)

မီနာ ဟာ ကျေးလက်ဒေသလေးမှာ ဖခင်နဲ့အတူ ဘဝကို အေးအေးချမ်းချမ်းဖြတ်သန်းနေတဲ့ ကောင်မလေးတစ်ဦးပါ။ မီနာ ရဲ့ မိခင်ကတော့ မြို့ကြီးမှာအဆိုတော်ဖြစ်ချင်တဲ့ အိပ်မက်ကြောင့် တောရွာက သူတို့သားအဖ၂ဦးကို ထားရစ်ခဲ့ပါတယ်။ မိခင်ထားခဲ့ပေမယ့် ဖခင်နဲ့အတူနေထိုင်ရင်း ပျော်ရွှင်နေတဲ့ မီနာ ရဲ့ ဘဝထဲကို မိထွေးဖြစ်သူ ဟယ်လီနာ နဲ့ မိထွေးရဲ့ သမီးဖြစ်သူ ဂျင်နီ တို့ ဝင်လာခဲ့ပါတယ်။ သူတို့သားအဖရဲ့ အိမ်လေးကို မြို့ကြီးသူပီပီ ဂျင်နီ ရောက်လာချိန်မှာတော့ မီနာ ရဲ့ ဘဝဟာ စိတ်အနှောင့်အယှက်ဖြစ်စရာတွေ တစ်ခုပြီးတစ်ခု ကြုံတွေ့ရပါတော့တယ်။ အဲ့ဒီနောက် မီနာ ဆီကို ထူးဆန်းအိပ်မက်စက်ရုပ်လေး ရောက်လာပါတယ်။ ဒီစက်ရုပ်လေးက အိပ်မက်တွေကို လှပအောင် ဖန်တီးပေးတဲ့သူလေးပါ။ အိပ်မက်တွေက တစ်ဆင့် လက်တွေ့ဘဝက ခံစားချက်တွေကို လွှမ်းမိုးသွားလို့ မီနာ အိပ်မက်စက်ရုပ်လေးကို အသုံးချပြီး သူရင်ဆိုင်နေရတဲ့ ဆိုးဝါးတဲ့ အခက်အခဲတွေကို ပြောင်းလဲဖို့ အသုံးချပါတော့တယ်။ ဘာတွေဆက်ဖြစ်မလဲဆိုတာကိုတော့ ရုပ်ရှင်ကို ကြည့်ရှုရင်း ဆက်လက်လိုက်ပါလို့ တိုက်တွန်းချင်ပါတယ်။

t.me/cartoonmoviesmms/1078

အီဂေါ (၂၀၀၈)

အီဂေါ ဆိုတဲ့ ကာတွန်းကားလေးမှာတော့ Malaria ဆိုတဲ့ နိုင်ငံလေးမှာ မုန်တိုင်းအိမ်တွေကြောင့် စိုက်ပျိုးခင်းတွေ ပျက်ဆီးပြီး စီးပွားရေးလုပ်လို့ မရတော့တာကြောင့် ပြည်သူတွေဟာ ကမ္ဘာကြီးကို ခြိမ်းခြောက်ပြီး ပိုက်ဆံရှာဖို့ မကောင်းဆိုးဝါးဖန်တီးမှုတွေကို ပြုလုပ်ခဲ့တယ်။ မကောင်းဆိုးဝါး ဖန်တီးသူတွေက အခွင့်ထူးခံလူစားတွေ ဖြစ်လာပြီး ကျောမှာ ဘုကြီးတွေပါတဲ့ အီဂေါ တွေကတော့ အစေခံတွေ ဖြစ်လာတယ်။ အီဂေါ တွေက တီထွင်မှုပြုလုပ် ခံနိုင်စွမ်းမရှိတဲ့သူတွေ ဖြစ်တယ်။ ဒီကားထဲက ဇာတ်ဆောင်လေး အီဂေါ ကတော့ တီထွင်မှုကို အရမ်း စိတ်ဝင်စားတာကြောင့် သူ့သခင်မသိအောင် တီထွင်မှုကို ခိုးလုပ်နေခဲ့ပါတယ်။ သူ့ရဲ့ အိပ်မက်ကတော့ မကောင်းဆိုးဝါး တီထွင်မှုပြပွဲမှာ ပထမ ရနိုင်ဖို့ပဲ ဖြစ်ပါတယ်။ ဒီ အီဂေါ လေး တစ်ယောက် ဘယ်သူမှ မသိအောင် တီထွင်ရတဲ့ သူ့တီထွင်မှုလေး အောင်မြင်ပါ့မလား၊ လောကကြီးက ရော သူ့ရဲ့ တီထွင်မှုကို အသိအမှတ်ပြုပါ့မလား ဆိုတာ စိတ်ဝင်စားဖွယ် ကြည့်ရှုရမဲ့ ကားလေးဖြစ်ပါတယ်။

t.me/cartoonmoviesmms/1080

ဘဝမှန် (၂၀၂၂)

လီမေလင်းဆိုတဲ့ ၁၃ နှစ်အရွယ် ကောင်မလေးတစ်ယောက် တရုတ်မိသားစုကပေါက်ဖွားလာတော့ တရုတ်ရိုးရာတွေအားလုံးကို နားလည်ထားပြီး ကိုယ်တိုင်လည်း ဘုံကျောင်းကိစ္စတွေကို ဝင်ရောက်ဆောင်ရွက်နေသူပါ။ ဒါပေမဲ့ဆယ်ကျော်သက်အရွယ်ကလေး ပီပီပဲ မြတ်နိုးတန်ဖိုးထားရတဲ့ အဆိုတော်တွေ၊ ရင်ခုန်မိတဲ့ကောင်လေးတွေ ရှိလာပါတော့တယ်။ အဲ့ဒီအချိန် ရှေးရိုးဆန်တဲ့ မိခင်ဖြစ်သူနဲ့ ကောင်မလေးရဲ့ ခေတ်ဆန်တဲ့ အတွေးအခေါ်တွေ ဘယ်လို အတိုက်အခံဖြစ်ကြမှာလဲဆိုတာတွေ လီမေလင်းလေးရဲ့ အကြိုက်ဆုံးအဆိုတော်အဖွဲ့ 4-town အဖွဲ့က concert ကျင်းပမှာဆိုတော့ သူ့ခမျာ သွားရဖို့အရေး ကြိုးပမ်းအားထုတ်ရင်းနဲ့ စိတ်အရမ်းလှုပ်ရှားလာတဲ့အခါ လူစင်စစ်က ပန်ဒါနီအဖြစ် ပြောင်းလဲသွားတတ်တော့ ဘာတွေ ဆက်လက်ကြုံတွေ့ရမလဲ။ ဆယ်ကျော်သက်မိန်းကလေးတွေ ကြုံတွေ့ရတဲ့ ပထမဆုံးဓမ္မတာလာတဲ့အချိန်တွေကို ယ့်ကိုယ် လူကြီးလို့ သတ်မှတ်ချိန်မှာ မိဘတွေက ကလေးလို သတ်မှတ်နေသေးလို့ ကတောက်ကဆဖြစ်ရတာလေးတွေဆယ်ကျော်သက်သားသမီးတွေနဲ့ မိဘတွေကြား ရှိတတ်တဲ့ ပြဿနာလေးတွေ အပြင် သူငယ်ချင်းတွေကြားထဲ ထားရှိကြတဲ့ ဖြူစင်တဲ့အချစ်မေတ္တာကိုပါ ခံစားရမှာဆိုတော့ ဆက်ဆက်ကြည့်ရှုသင့်တဲ့ ဇာတ်ကားလေး ဖြစ်ပါတယ်။

t.me/cartoonmoviesmms/1024

ပွန်မ်ပို - ရုပ်ရှင်ချစ်သူလေး (၂၀၂၁)

ပွန်မ်ပို ဆိုတဲ့ကောင်မလေးက ညလိဝုဒ်မှာ ဇာတ်ကားအသေးလေးတွေနဲ့ အရမ်းနာမည်ကြီးတဲ့ ရုပ်ရှင်ထုတ်လုပ်သူတစ်ယောက်ပေါ့။ သူက ရုပ်ရှင်ကြည့်ရတာအရမ်းကြိုက်တဲ့အတွက် တစ်နေ့မှာ သူ့ရဲ့လက်ထောက်ဖြစ်သူ ဂျင်းဖီနီ ကို သူရုပ်ရှင်ဘယ်လောက်ကြိုက်ကြောင်းတွေ ပြောပြပြီး သူကိုယ်တိုင်ရေးထားတဲ့ဇာတ်ညွှန်းတစ်ခုကို ဇာတ်ကားအဖြစ်ရိုက်ဖို့အတွက် ဂျင်း ကို ဒါရိုက်တာလုပ်ခိုင်းဖို့ တာဝန်ပေးလိုက်တယ်။ ဂျင်း ကလည်း ငယ်ငယ်ကတည်းက ရုပ်ရှင်ဖန်တီးချင်တဲ့အိပ်မက်ရှိပေမယ့် အခုမှ စရိုက်ရမှာဆိုတော့ သူ့ရဲ့အခက်အခဲတွေက ဘာတွေဖြစ်မလဲ။ ဘယ်လိုတွေကျော်လွှားမလဲဆိုတာ ကြည်ကြည်နူးနူးနဲ့ ကြည့်ရမယ့် အန်နမီ လေးပဲဖြစ်ပါတယ်ဗျ။

t.me/cartoonmoviesmms/532

‌မင်းသမီးလေးနော်စီကာ (၁၉၈၄)

IMDb - 8/10
Genre - Fantasy, Sci-fi

နောင်လာမယ့် နှစ်ပေါင်းများစွာအကြာမှာ ကမ္ဘာကြီးဟာ စစ်ပွဲတွေနဲ့ လေထု၊ ရေထု ညစ်ညမ်းမှုတွေကြောင့် လူသားမျိုးနွယ်အားလုံး မျိုးသုဉ်းလုနီးပါး ဖြစ်ခဲ့တယ်။ ကျန်ရစ်တဲ့ လူသားတွေကလည်း သယံဇာတအရင်းအမြစ်တွေ အတွက် စစ်မက်တွေ ဆက်လက်ဖြစ်ပွားခဲ့တယ်။ အဲ့ဒီအထဲမှာမှ နော်စီကာ မင်းသမီးလေး အုပ်ချုပ်တဲ့ လေညင်းတောင်ကြားမှာရှိတဲ့ တိုင်းပြည်လေးကတော့ အဆိပ်သင့်တောအုပ်ရဲ့ အနီးဆုံးမှာရှိပေမယ့် အေးချမ်းတဲ့ တိုင်းပြည်တစ်ခု ဖြစ်တယ်။ တစ်နေ့မှာတော့ အင်အားကြီး တိုင်းပြည်နှစ်ခုရဲ့ စစ်ပွဲကြား လေညင်းတောင်ကြားတိုင်းပြည်လေး ကြားညပ်လာတဲ့အခါ မင်းသမီးနော်စီကာ တစ်ယောက် သူ့ရဲ့တိုင်းပြည်ကို ကယ်တင်နိုင်ပါ့မလားဆိုတာကို ကြည့်ရှုရမှာဖြစ်ပါတယ်။

t.me/cartoonmoviesmms/598

ကြောင်ကလေးရဲ့ အိမ်အပြန် (၂၀၀၂)

တစ်နေ့မှာ ဟရု ဆိုတဲ့ အထက်တန်းကျောင်းသူလေးဟာ ကျောင်းသွားတဲ့လမ်းမှာ လမ်းဖြတ်ကူးနေတဲ့ ကြောင်လေးကို ကားတိုက်ခံရမှာကနေ ကယ်ပေးခဲ့ပါတယ်။ ဒါပေမဲ့ သူကယ်ခဲ့တဲ့ ကြောင်လေးဟာ စကားပြောတတ်တဲ့အပြင် ကြောင်တိုင်းပြည်ရဲ့ အိမ်ရှေ့စံ မင်းသားလေး ဖြစ်နေပါတော့တယ်။ အဲဒီကနေစလို့ ဟရု ရဲ့ နေ့စဉ်ဘဝမှာ ကြောင်တွေနဲ့ပတ်သက်လို့ ထူးဆန်းဆန်းတွေ စဖြစ်လာပြီး နောက်ဆုံးမှာ ကြောင်တိုင်းပြည်ကို ခေါ်ဆောင်သွားခံရဖို့ ဖြစ်လာတဲ့အခါမှာ။ တကယ်လို့ သူမက အဲ့ဒီတိုင်းပြည်ထဲမှာ ထင်ဟပ်နေသွားရင်ဘယ်လိုဖြစ်မလဲ။ ဟရု တစ်ယောက် မိမိဘဝကို ပြန်မသွားနိုင်တော့ဘဲ ကြောင်ဘဝကို ဝင်ရောက်သွားမှာလားဆိုတာကို စိတ်ဝင်တစား ကြည့်ရှုရမှာဖြစ်ပါတယ်။

t.me/cartoonmoviesmms/600

အရုပ်ကလေးတို့ရဲ့ အကြောင်း (၁၉၉၅)

ကောင်းဘွိုင်လေး ဝူဒီ တို့ နဲ့ အာကာသရိန်းဂျားကြီး ဘတ်ဇ် စတွေ့ခဲ့တဲ့ ဇာတ်ကားပဲ ဖြစ်ပါတယ်။ အန်ဒီ ဆိုတဲ့ ကောင်လေးရဲ့ အရုပ်တွေ ဖြစ်ကြတဲ့ ဝူဒီ တို့ဟာမွေးနေ့ပွဲလို၊ ခရစ္စမတ်လို နေ့တွေ ရောက်တိုင်း လက်ဆောင်တွေထဲမှာ သူတို့နေရာကို အစားထိုးမယ့် အရုပ်အသစ်တွေ ရောက်လာမှာကို အမြဲတမ်း စိုးရိမ်နေခဲ့တာပါ။ အရုပ်အသစ်တွေကြောင့် အန်ဒီ သူတို့ကို အချစ်လျော့သွားမှာကို စိုးရိမ်နေကြတာပေါ့။ အဲဒီလိုနဲ့ အန်ဒီ ရဲ့ မွေးနေ့တစ်ခုအရောက်မှာ သူတို့မလိုချင်ဆုံး အရာတစ်ခု အန်ဒီ ဆီ ရောက်လာပါတော့တယ်။ အဲဒါကတော့ နောက်ဆုံးထွက်ထားတဲ့ အာကာသရိန်းဂျား ဘတ်ဇ်လိုက်ရီးယား ဖြစ်ပါတယ်။ ကလေးတွေရဲ့ ထုံးစံအတိုင်း အန်ဒီ က အသစ်ရတဲ့ အရုပ်အသစ်ကို ပိုသဘောကျနေတဲ့အချိန်မှာ အရင်က အန်ဒီ အကြိုက်ဆုံး အရုပ်လေး ဝူဒီ က ဘတ်ဇ် ကို မကျေမနပ်ဖြစ်ရာကနေ ဒီဇာတ်လမ်း စတင်ခဲ့ပါတယ်။ နေရာလုဘက် ဖြစ်နေတဲ့ သူတို့နှစ်ယောက်ကို ဘယ်လိုကိစ္စမျိုးက နားလည်မှုရသွားစေမလဲ၊ မထင်မှတ်ဘဲ ကြုံလာရတဲ့ ပြဿနာကို မတည့်တဲ့ကြားထဲကနေ ဘယ်လိုပုံစံမျိုးနဲ့ အချင်းချင်း ရိုင်းပင်းပြီး ကူညီဖြေရှင်းသွားကြမလဲ ဆိုတာကို ကြည့်ရှုရမှာပါ။

t.me/cartoonmoviesmms/1090

အရုပ်ကလေးတို့ရဲ့ အကြောင်း ၂ (၁၉၉၉)

ဂျက်စီ ဆိုတဲ့ ကောင်းဘွိုင်မလေးနဲ့ ဝူဒီ ရဲ့ မြင်းလေး ဘူးလ်အိုင်းစ် တို့ စပါလာတဲ့ ဇာတ်ကားလေးပါ။ အန်ဒီ တစ်ယောက် ဆော့နေစဉ် ဝူဒီ ရဲ့ လက်က မတော်တဆ ပြဲသွားတာကြောင့် နောက်မှ ပြန်ချုပ်ဖို့ သိမ်းထားချိန် အန်ဒီရဲ့ အမေရဲ့ နားလည်မှုလွဲမှုကြောင့် အိမ်ပစ္စည်းအဟောင်းတွေ ရောင်းမယ့် ပုံးထဲ ဝူဒီ တစ်ယောက်ပါသွားခဲ့ပါတယ်။ အဲ့ဒီအချိန်မှာ မြို့ထဲက အရုပ်ဆိုင်ပိုင်ရှင်က မြင်သွားပြီး ဝူဒီ ကိုရှားပါးအရုပ်မှန်းသိနေတဲ့ကြောင့် ပစ္စည်းပုံးထဲက ခိုးသွားခဲ့ပါတယ်။ အရုပ်ဆိုင်မှာ ဝူဒီ ရဲ့ လူဆိုးဖမ်းဂိုဏ်းလို့ ပြောရမယ့် ဂျက်စီ နဲ့ ဘူးလ်အိုင်းစ် နှစ်ယောက်နဲ့ ဆုံခဲ့ပြီးအရုပ်ရဲ့ အကြံက ရှားပါးအရုပ်ဖြစ်တဲ့ ဝူဒီ တို့ကို ဂျပန်က အရုပ်ပြတိုက်ကိုရောင်းပစ်လိုက်ဖို့ ဖြစ်ခဲ့ပါတယ်။ အစပိုင်းမှာ ဝူဒီ က အိမ်ပြန်ဖို့ ကြိုးစားခဲ့ပေမယ့် ဂျက်စီ တို့အဖွဲ့ နားချထားကြောင့် သူတို့နဲ့ပဲ အတူနေဖို့ ဆုံးဖြတ်ခဲ့ပါတယ်။ အရုပ်သည် လက်ထဲပါသွားတဲ့ ဝူဒီ နောက်ကို ဘတ်ဇ် တို့တစ်သိုက် လိုက်ကယ်ဖို့ ကြိုးစားရင်း အရုပ်ဆိုင်ထိ ရောက်လာခဲ့ပါတယ်။ တစ်ချိန်ကျရင် အန်ဒီ စွန့်ပစ်သွားမှာ စိုးလို့ ပြန်မလိုက်ချင်တော့တဲ့ ဝူဒီ ကို ဘတ်ဇ် တို့အဖွဲ့ ပြန်ခေါ်နိုင်မှာလား၊ ဘယ်အခက်အခဲတွေကြုံရဦးမလဲဆိုတာကို ဇာတ်လမ်းလေးက စိတ်လှုပ်ရှားစွာ ဖော်ပြထားပါတယ်။

t.me/cartoonmoviesmms/1092

အရုပ်ကလေးတို့ရဲ့ အကြောင်း ၃ (၂၀၁၀)

အရွယ်ရောက်လာတဲ့ အန်ဒီ က ကောလိပ်ကျောင်းကို သွားရတော့မှာမို့လို့ ဝူဒီ ကလွဲပြီး ကျန်တဲ့ အရုပ်တွေကို ထပ်ခိုးထပ်ပေါ်ထားခဲ့ပေမယ့် မိသားစု ချင်းနားလည်မှုလွဲကာ အမှိုက်ပုံးထဲကို ရောက်သွားခဲ့ပါတယ်။ ဒါကို အထင်လွဲသွားတဲ့ အရုပ်တွေက အမှိုက်ကားထဲ လိုက်သွားမယ့် အစား မူကြိုကျောင်းကို သွားလှူမယ့် ပစ္စည်းပုံးထဲကို လိုက်သွားခဲ့ကြပါတယ်။ ဒီလိုနဲ့ ဆန်နီဆိုက်ဒ် ဆိုတဲ့ မူကြိုကျောင်းကို ရောက်လာပြီး အဲဒီမှာ နဂိုရှိပြီးသား လော့ဆို တို့အရုပ်အဖွဲ့ရဲ့ ကြိုဆိုမှုကြောင့် သူတို့တွေ ပြန်အဆင်ပြေတော့မှာလို့ ထင်ခဲ့ပေမယ့် လက်တွေ့မှာ လော့ဆို က မင်းသားမျက်နှာဖုံးနဲ့ ဘီလူး တစ်ယောက်လို ဖြစ်နေခဲ့တာကြောင့် မူကြိုကျောင်းကနေ အန်ဒီ ဆီ ပြန်ထွက်ပြေးလာဖို့ ကြိုးစားရပါတော့တယ်။ သူတို့ရဲ့ ကြိုးစားမှုက အရာထင်ပါ့မလား၊ ကောက်ကျစ် ယုတ်မာတဲ့ လော့ဆို တို့အဖွဲ့က ဘယ်လိုမျိုး ဒုက္ခပေးကြမယ်ဆိုတာကို ကြည့်ရှုရမှာပါ။

t.me/cartoonmoviesmms/1094