ရှင်သန်နေသော မီးတောက်ငယ် (၂၀၂၁)

မူလတန်းတောင် မအောင်ခဲ့တဲ့ ကောင်လေးတစ်ယောက် သားအကြီးဆုံးဖြစ်ပြီး အိမ်ရဲ့စားဝတ်နေရေးကြောင့် ကျောင်းထွက်လိုက်ရပြီး အိမ်ပြေးအဖြစ်နဲ့ ဖိနပ်တိုက်၊ သတင်းစာရောင်း စတာတွေကို လက်တိုလက်တောင်းလုပ်ခဲ့ပါတယ်။ ၁၉ နှစ်ပြည့်တဲ့အခါမှာတော့ စက်ရုံတည်ထောင်ချင်တဲ့စိတ်နဲ့ အဝတ်စက်ရုံတစ်ခုမှာ အဝတ်ဖြတ်ဆရာလက်ထောက်အဖြစ် သင်ယူရင်းနဲ့ ဖြောင်းဟွာဈေးက စက်ရုံရဲ့ မတရားခိုင်းစေမှုတွေ၊ လုပ်ခလစာနည်းပါးမှုနဲ့ ကျန်းမာရေးအာမခံချက်မရှိတာတွေကို သိလိုက်ရပါတော့တယ်။ အဲလိုနဲ့ အခြေခံဥပဒေအကြောင်း သိလိုက်ရတဲ့အချိန်မှာ မညီမျှတာတွေအတွက် တောင်းဆိုဖို့ ကြိုးပမ်းပါတော့တယ်။ ဘယ်လိုဆန္ဒပြရမလဲဆိုတာတောင် မသိတဲ့ အပ်ချုပ်ဆရာ၊ အဝတ်ဖြတ်ဆရာအဖြစ်ကနေ စိတ်အားထက်သန်စွာနဲ့ပဲ အလုပ်သမားအခွင့်အရေးရအောင် နည်းမျိုးစုံနဲ့ ကြိုးစားပုံတွေကို ကြည့်ရှုခံစားရမှာပါ။

t.me/cartoonmoviesmms/1045

အိမ်မက်ဘုရင် (၂၀၀၀)

ကန်နန်လူမျိုးစုခေါင်းဆောင်ကြီးရဲ့ ဒုတိယဇနီးဟာ အမြုံလို့ထင်ထားရာကနေ မမျှော်လင့်ဘဲ ကိုယ်ဝန်ရလာခဲ့ပြီးတော့ ၃၇ ပတ်တည်းနဲ့ သားလေးတစ်ယောက်ဖွားမြင်ခဲ့ပါတယ်။ ဖအေကြီးက ဘုရားသခင်ဆီ လာတဲ့ အံ့ဖွယ်ကလေးလို့ မှတ်ယူပြီး တစ်ခြားသားတွေလို ပင်ပန်းအလုပ်တွေ မလုပ်စေရဘဲ အနားမှာထားပြီးစာပေပညာတွေ ပဲ လေ့လာသင်ကြားစေပါတယ်။ ဖခင်ရဲ့ ပစားပေးမှုတွေက ညီအကိုတွေကြားထဲမှာ မနာလိုမှုတွေကို တဖြည်းဖြည်း ကြီးထွားလာစေပြီးတော့ ဂျိုးဆက် လေးကို အန္တာရယ်တောထဲ ဆွဲပို့လိုက်ပါတော့တယ်။ သူ့အကိုတွေ ရဲ့ ပယောဂနဲ့ ကျွန်ကုန်သည်တွေဆီကို ရောင်းစားခံလိုက်ရတဲ့ ဂျိုးဆက် ဟာ သူ့ရဲ့ မွေးရာပါ ပါရမီဖြစ်တဲ့ အိပ်မက်အတိတ်နိမိတ်ကောက်ခြင်း အတတ်ပညာနဲ့ ဉာဏ်အမြော်အမြင်ရှိမှုတွေကြောင့် ကျွန်ဘဝကနေ ဟိုးအမြင့်ဆုံးဘဝအထိ ဘယ်လို တက်လှမ်းသွားမယ်ဆိုတာ စိတ်ဝင်စားဖွယ် မြင်တွေ့ကြရမှာ ဖြစ်ပါတယ်။ IMDB မှာ ၆.၄ ရရှိထားတဲ့ ဒီဇတ်ကားလေးဟာ ကြည့်မိလို့ လုံးဝနောင်တမရစေဘဲဇာတ်လမ်းအစကနေ အဆုံးထိ ဆွဲခေါ်သွားနိုင်တယ် ဆိုတာ ရဲရဲကြီး အာမခံနိုင်တာမို့ အခုပဲ Download ဆွဲပြီး ကြည့်ရှုလိုက်ကြပါဦး။

t.me/cartoonmoviesmms/1047

ကိုယ်ရံတော်ညာဏ်ကြီးရှင်လေး (၂၀၂၂)

ဒီတစ်ခါ တင်ဆက်ပေးမယ့်ကားလေးက တကယ်တကယ် အရမ်းချစ်ဖိုကောင်းတဲ့ အာမခံပိုဆောင်ရေးဌာနက သက်တော်စောင့် ဉာဏ်ကြီးရှင်လေးရဲ့ စွန့်စားခန်းလေးတွေကို ဟာသလေးတွေနှောပြီး ရိုက်ကူးထားလို့ ကြည့်ရတာ တန်စေမှာပါ။ တကယ်ကောင်းတဲ့ကားလေးမို့ အများကြီး မပြောတော့ဘူး။

t.me/cartoonmoviesmms/1049

တောနက်ထဲကကျွန်းကြီး (၂၀၀၃)

အပျော်စီးသင်္ဘောကြီးငှားပြီး အားလပ်ရက်ထွက်ကြတဲ့ မိသားစုတွေ လက်မှတ်ပျောက်ပြီး သင်္ဘောကြီးနဲ့မဟုတ်တော့ဘဲ သင်္ဘောလေးနဲ့ပဲ ပင်လယ်ထဲ ရွက်လွှင့်ရာက မုန်တိုင်းနဲ့တိုးပြီး သင်္ဘောက တစ်စစီဖြစ်သွားပါတယ်။ အသက်ကယ်လှေလေးနဲ့ လွတ်ရာလွတ်ကြောင်း ပြေးရင်း လူကြီး၊ ကလေးတွေများ တို့ကကျွန်းတစ်ကျွန်းပေါ် ရောက်သွားခဲ့ပါတယ်။ ဒီတစ်ခေါက်မှာတော့ အရင်တစ်ခေါက်ကလို တောနက်ထဲ ရောက်မသွားဘဲ လူသူမရှိတဲ့ ကျွန်းပေါ် ရောက်သွားခဲ့တာပါ။ သားရဲတိရစ္ဆာန်တွေလည်း ပေါတဲ့ ဒီကျွန်းမှာ ကလေးအုပ်စု နဲ့ လူကြီးအုပ်စုကွဲသွားပြီးနောက် ဘာဆက်ဖြစ်ကြမလဲ။ ချောချောမွေ့မွေ့နဲ့ အိမ်ပြန်နိုင်မှာလား။ ကျွန်းပေါ်မှာပဲ ရာသက်ပန်နေဖြစ်မလား။ ဆက်ကြည့်ရှုလိုက်ကြပါဦး။

t.me/cartoonmoviesmms/745

ဆယ်ကျော်သက် ခရက်ကန် (၂၀၂၃)

IMDb - 5.8/10
Genre - Action, Adventure

လူတွေဟာ ခရက်ကန် ဆိုတဲ့ သတ္တဝါဆိုးကြီးတွေ အကြောင်း ကြားဖူးကြပါတယ်။ လှေတွေ၊ သင်္ဘောတွေကို မြှပ်ပစ်တယ်၊ သင်္ဘောသားတွေကို သတ်ပစ်တယ် စသဖြင့်ပေါ့။ ဒါပေမဲ့ ဒီရုပ်ရှင်ထဲမှာတော့ ခရက်ကန် မိသားစုတစ်စုဟာ လူယောင်ဆောင်ပြီး သမုဒ္ဒရာကမ်းခြေမြို့လေးမှာ လာအခြေချနေပါတယ်။ ခရက်ကန် အမေ အာဂ်သာ မှာ ၁၅ နှစ်အရွယ် ရူဘီဂေမန် ဆိုတဲ့ သမီးလေးရှိပါတယ်။ သူကတော့ ခရက်ကန် ဆိုတာ လူတွေမသိအောင် ဖုံးထားရင် လူဝင်ဆန့်ဖို့ ကြိုးစားနေတဲ့ အထက်တန်းကျောင်းသူလေးပါပဲ။ သူ့အမေက သူ့ကို သမုဒ္ဒရာထဲကိုဘယ်တော့မှမဆင်းဖို့ တင်းတင်းကြပ်ကြပ်ထားတာပါ။ တစ်နေ့မှာတော့ အမှတ်မထင် သမုဒ္ဒရာထဲကို ဆင်းမိပြီး ဧရာမ ခရက်ကန် ကြီးအဖြစ် ပြောင်းသွားပါတော့တယ်။ အဲဒီကနေ သူ့အမေနဲ့ သူ့ရဲ့ အတိတ်အကြောင်းတွေကို သိလာပြီး ရေသူမလေးတစ်ယောက်နဲ့လည်း သူငယ်ချင်း ဖြစ်လာပါတယ်။ ဒါပေမဲ့ ရေသူမတွေနဲ့ ခရက်ကန် တွေဟာ ကမ္ဘာ့ရန်တွေ ဖြစ်တာကြောင့် သူငယ်ချင်းနှစ်ယောက် ဒီတိုက်ပွဲကြီးတွေကို ဘယ်လို တားဖို့ ကြိုးစားကြမလဲဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1054

ကလေးတွေအတွက်မဟုတ်တဲ့ ကာတွန်း (၂၀၁၇)

ကလေးတွေအတွက် မဟုတ်တဲ့ Animation တွေကြည့်ဖူးကြမယ်ထင်ပါတယ်။ ဒီ ‌Animation ကလဲ အဲဒီလိုပါပဲ။ Dark ဖြစ်ပြီး အသုံးအနှုန်းတွေ ရိုင်းပြီး သွေးထွက် သံယိုတွေများပါတယ်။ ရစ် အန် မော်တီ တို့လို Show မျိုးတွေကြိုက်တတ်ရင် ကြည့်သင့်ပါတယ်။ Angelino, Vinz နဲ့ Willy လို့ခေါ်တဲ့ အသွင်မတူ ပုံစံတစ်ယောက်ချင်းနဲ့ သူငယ်ချင်းသုံးယောက်ဟာ Dark Meat City လို့ခေါ်တဲ့ ဆိုးဆိုးရွားရွားမြို့မှာ နေကြပါတယ်။ Angelino က အချိုးမပြေလို့ အလုပ်က မမြဲ၊ Vinz က ကျတော့ သူ့အသွင်ကြောင့် ဘယ်သူမှ အလုပ်မခန့်တဲ့ အခြေအနေဖြစ်နေလိုက်တာကြောင့် Vinz နဲ့ Angelino တို့ရဲ့ စီးပွားရေးလည်း အဆင်မပြေလှပါဘူး။ ဒီလိုနဲ့ တစ်နေ့မှာ ဆိုင်ကယ်စီးရင်း စော်ငမ်းမိတဲ့ Angelino ဟာ ဆိုင်ကယ်တိုက်ပြီးတော့ Super Power တွေရလာပါတယ်။ ဇာတ်လမ်းက အဲဒီမှာ စရှုပ်တာပါ။ Spoiler မိတာ ဆိုးလို့ ဘယ်လိုရှုပ်တာလဲ သိချင်ရင်တော့ ဇာတ်လမ်းကိုပဲ ကြည့်လိုက်ဖို့ တိုက်တွန်းပါတယ်။

t.me/cartoonmoviesmms/1056

ဂီတရူးလေးများ (၂၀၁၆)

နာမည်ကြီး အဆိုတော်တွေ ဂန္ဓာဝင်သီချင်းတွေ၊ ကျော်ကြားတဲ့ သီချင်းတွေနဲ့ကောင်းမွန်တဲ့ ဇာတ်အိမ်တစ်ခုကြောင့်ပဲ ဖြစ်ပါလိမ့်မယ်။ ဇာတ်လမ်းအကျဉ်းမှာတော့ ဒေဝါလီ ခံရခါနီး ဇာတ်ရုံပိုင်ရှင် မွန်း ဟာ သူ့ရဲ့ မအောင်မြင်တဲ့ ရှိုးတွေကနေ ဖောက်ထွက်ပြီး ဇာတ်ရုံကို ပြန်အဖတ်ဆယ်ဖို့ အဆိုပြိုင်ပွဲတစ်ခု လုပ်ဖို့ စတင်ပါတော့တယ်။ သူပိုင်ဆိုင်သမျှ ဒေါ်လာ တစ်ထောင်ကို ဆုကြေးအဖြစ် ကြေညာမလို့လုပ်ပေမဲ့ စာရိုက်အမှားကြောင့် ဒေါ်လာ တစ်သိန်း အဖြစ် ကြေညာမိပြီး တစ်မြို့လုံးက လာရောက် အရွေးခံကြတဲ့အခါ၊ သီချင်းကို ရူးသွပ်တဲ့ အိပ်မက်ကိုယ်စီနဲ့ ဝါသနာရှင်တွေ ထွက်ပေါ်လာပါတော့တယ်။ ကလေး ၂၅ ယောက်အမေ အိမ်ထောင်ရှင် ရိုစီတာ, လူဆိုးဂိုဏ်းခေါင်းဆောင်ရဲ့သားပေမယ့် အဆိုတော်ပဲလုပ်ချင်တဲ့ ဂျွန်နီ, လူလည်အဆိုတော် မိုက်, အသဲကွဲရော့ကာလေး အက်ရှ် နဲ့ လူအရမ်းကြောက်တဲ့ မီနာ တို့ပါပဲ။ ဒါပေမဲ့ တကယ်မရှိတဲ့ ဆုကြေးအတွက် ဘယ်လို ဖြေရှင်းမလဲဆိုတာကို စိတ်ဝင်စားဖွယ် ကြည့်ရှုရမှာပါ။

t.me/cartoonmoviesmms/1058

ဂီတရူးလေးများ ၂ (၂၀၂၂)

ဂီတရူးလေးများ ၁ အပြီး ဇာတ်ရုံကြီး ပြန်ဖွင့်ခွင့်ရသွားတဲ့ Buster Moon နဲ့ သူ့ရဲ့ တေးသရုပ်ဖော်အဖွဲ့ဟာ ဒီတစ်ခေါက်မှာ ကမ္ဘာ့ဖျော်ဖြေရေးမြို့တော်ကြီးဖြစ်တဲ့ Redshore City အထိ တက်ပြီး ကမ္ဘာနဲ့ချီအောင် အောင်မြင်တဲ့ တေးသရုပ်ဖော်အဖွဲ့ ဖြစ်ဖို့ ကြိုးစားကြပါတယ်။ ဒါပေမဲ့ သူတို့ရဲ့ ဖျော်ဖြေပွဲကြီး အောင်မြင်ဖို့ လိုအပ်နေတာကတော့ ဇနီးသည် သေဆုံးပြီးကတည်းက ၁၅ နှစ်ကြာ အများမြင်ကွင်းက ပျောက်နေတဲ့ ကမ္ဘာကျော် Rock Star ကြီး Clay Calloway ကို သူတို့ ဖျော်ဖြေပွဲမှာ ပါဝင်လာအောင် ခေါ်ရမှာပါ။ အသည်းကွဲရော့ခ်ဘုရင်ကြီး Clay ကို Buster Moon တို့ တစ်သိုက် ရအောင် ခေါ်နိုင်မှာလား၊ သူတို့ရဲ့ ရှိုးပွဲက တစ်ကမ္ဘာလုံးက နားဆင်သူတွေရဲ့ ရင်ကို ဖမ်းစားနိုင်ပြီး အောင်မြင်တဲ့ တေးသရုပ်ဖော်အဖွဲ့ကြီး ဖြစ်သွားမလားဆိုတာကို သီချင်းအမိုက်စား အလျှံအပယ်နဲ့ ကြည့်ရှုရမှာပဲ ဖြစ်ပါတယ်။

t.me/cartoonmoviesmms/1060

ဂျက်စတစ်လိ နဲ့ တင်းတိုက်တန်တို့ တိုက်ပွဲ (၂၀၁၆)

ဒီဇာတ်လမ်းကတော့ Trigon ဆိုတဲ့ နတ်ဆိုးကြောင့် ဂျက်စတစ် အဖွဲ့နဲ့ တိုက်တန် အဖွဲ့တို့ ယှဉ်ပြိုင်တိုက်ခိုက်ရတဲ့ အကြောင်းဖြစ်ပါတယ်။ ဆယ်ကျော်သက်ကောင်လေး Robin ဟာ ခေါင်းမာတတ်ပြီး ပူးပေါင်းဆောင်ရွက်လိုစိတ်မရှိတဲ့ ကောင်လေးတစ်ယောက်ဖြစ်ပါတယ်။ သူ့ရဲ့ အကျင့်တွေကို ပြင်ဖို့ ဆယ်ကျော်သက် လေ့ကျင့်ရေးနေရာကို အပိုခံခဲ့ရပါတယ်။ Robin တစ်ယောက် အစပိုင်းမှာ ပတ်ဝန်းကျင်နဲ့အံဝင်ခွင်ကျ မဖြစ်ခဲ့ပေမယ့် နောက်ပိုင်းမှာတော့ တိုက်တန် လူငယ်တွေနဲ့အတူပြဿနာတွေကို ရင်ဆိုင်ရင်း အဆင်ပြေလာခဲ့ပါတယ်။ ဆယ်ကျော်သက် တိုက်တန် တွေဟာ မကောင်းဆိုးဝါး ဝင်ပူးခံထားရတဲ့ ဂျက်စတစ် အဖွဲ့ကို အတူတူ ရင်ဆိုင်တိုက်ခိုက်ခဲ့ကြပါတယ်။ နောက်ပြီး ဒီဇာတ်လမ်းမှာ ဂျက်စတစ် အဖွဲ့နဲ့ Titan အဖွဲ့ ၂ဖွဲ့ပေါင်းပြီး ကမ္ဘာကြီးကို ဖျက်ဆီးမဲ့ Trigon နတ်ဆိုးကို ဘယ်လိုတားဆီးကြမလဲဆိုတာ စိတ်ဝင်စားစရာကောင်းပါတယ်။ Animation တွေကို အသေးစိတ် လုပ်ထားပြီး Dialogue တွေကလည်း အရမ်းမိုက်တာမိုဖြစ်တာကြောင့် ကြည့်ရှုသင့်တဲ့ ဇာတ်ကားကောင်းလေးတစ်ခုပါ။

t.me/cartoonmoviesmms/1062

ဘောလုံး ဖလားလုပွဲ (၂၀၂၂)

အရင် PSG အသင်းရဲ့ ဘောလုံးသမား မိုဗစ်ချ် ကို လူတိုင်းသိကြမှာပါ။ ဇာတ်ကောင်ကို မိုဗစ်ချ် လို ဆွဲထားပေမဲ့ အပြင်က မိုဗစ်ချ် လိုတော့ လူကြမ်းကြီးမဟုတ်ပါဘူး၊ ဇာတ်လမ်းက ကလေးကားဖြစ်တာကြောင့် အစစ်မိုဗစ်ချ်လိုမဟုတ်ပါဘူး။ ဇလာတန် ဆိုတဲ့ ဘောသမားတစ်ယောက်ဟာ အောစတား ဆိုတဲ့ ဖလားကို ပြိုင်ဆိုင်ဖို့ နောက်ဆုံးပွဲစဉ်ရောက်ခါနီးမှာ ကလေးတစ်သိုက်နဲ့ ဆုံတွေ့ခဲ့ပါတယ်။ နောက်ပြီး သူ့ရဲ့ ဘောစကေးတွေကို လိုချင်နေတဲ့ သိပံပညာရှင်အရူးတစ်ယောက်က ဇလာတန် ရဲ့ ဘောစကေးတွေကို ခိုးသွားတဲ့အချိန်မှာ စကေးတွေ မရှိတော့တဲ့ ဇလာတန် နဲ့ ကလေးတစ်သိုက်ဟာ ပြိုင်ဘက်အသင်းကို ဘယ်လိုအနိုင်ယူပြီး အောစတား ဖလားကို အရယူနိုင်မလဲဆိုတာကို ကြည့်ရှုလိုက်ကြပါဦး။

t.me/cartoonmoviesmms/1064

ဘဝ၏ အဓိပ္ပါယ် (၂၀၁၄)

တော်တော်ကြည့်ကောင်းတဲ့ ကာတွန်းကားဖြစ်သလို ပေးချင်တဲ့ မက်ဆေ့တွေကလဲ တကယ်ကို ကောင်းမွန်ပါတယ်။ မကြည့်ရသေးသူများ ကြည့်လိုက်ကြပါဦး။ Manolo ဟာ မိသားစုရဲ့ မျှော်လင့်ချက်တွေ ပြည့်မှီအောင်လုပ်ဖို့နဲ့ သူ့စိတ်ဆန္ဒအတိုင်း နေထိုင်ဖို့ဆိုတဲ့ အရာနှစ်ခုအကြား ရွေးချယ်ရခက်နေတဲ့ လူငယ်လေးပါ။ Manolo ရဲ့ ခရီးလမ်းကိုတင်ဆက်တာဖြစ်ပြီး ချောမောလှပတဲ့ Maria ကိုချစ်မိသွားပြီး ဆွဲဆောင်မှုရှိတဲ့ ပြိုင်ဘက် Joaquin နဲ့ အချစ်ရေးယှဉ်ပြိုင်ရာမှာ ဖြစ်နေပါတယ်။ ဝိဉာဉ်တွေဖြစ်တဲ့ La Muerte နဲ့ Xibalba တို့က Maria ကို ဘယ်သူရမလဲဆိုတာ အလောင်းအစားလုပ်ကြပါတယ်။ Maria က Manolo ဘက်ကို ယိမ်းသွားတဲ့အခါ အလောင်းအစားကို ရုန်းနိမ့်မှာ စိုးရိမ်ပြီး Joaquin ကို Maria ရဲ့ချစ်သူဖြစ်စေနိုင်ဖို့မျှော်လင့်သလို Xibalba က Manolo ကို သတ်ဖို့ မြွေတစ်ကောင်ကို လွှတ်လိုက်ပါတယ်။ Maria ရှိရာ လူသားတွေနေတဲ့ ကမ္ဘာကို ပြန်လာဖို့အတွက် Manolo တစ်ယောက် အကြီးမားဆုံး အကြောက်တရားနဲ့ ရင်ဆိုင်ရမယ့် စိတ်ကူးယဉ်ကမ္ဘာသုံးခုပါဝင်တဲ့ မယုံနိုင်ဖွယ် ခရီးစဉ်တစ်ခုကို စတင်ရတာဖြစ်ပါတယ်။

t.me/cartoonmoviesmms/1066

AI အန္တရာယ် (၂၀၂၁)

ဇာတ်လမ်းကတော့ကျွန်တော်တို့ အကြိုက်ဆုံးရုပ်ရှင်တွေကို ဖျက်ဆီး(အဲလေ) ဖန်တီးနေကျ ရုပ်ရှင် စတူဒီယိုတစ်ခုဖြစ်တဲ့ ဝန်းနားဘရား သား ကုမ္ပဏီကကွန်ပြူတာအယ်ဂိုရသပ်တစ်ခုကို ဖန်တီးလိုက်ပါတယ်။အဲဒီအယ်ဂိုရသမ်က လူအသိဉာဏ်ရှိပြီး သူ့ကို မလေးမစားပြောလိုက်တဲ့ လက်ဘရွန်တို့ ဘတ်စ်ကတ်ဘော သားအဖကို မကျေနပ်တာကြောင့်ကွန်ပြူတာထဲမှာ ချုပ်နှောင်ထားလိုက်ပါတယ်။ပြီးတော့ သူနဲ့ ဘက်စ်ကတ်ဘောနိုင်အောင်ဆော့မှ ပြန်လွှတ်မယ်လို့ ပြောတဲ့အခါလက်ဘရွန်တစ်ယောက် ဝန်းနားဘရားသား ကာတွန်းလောကထဲက ဇာတ်ကောင်တွေအားလုံးထဲကနေ သူ့ကိုကူညီမယ့်သူကိုလိုက်ရှာပြီး ကွန်ပြူတာ အယ်ဂိုရသမ်ကို ရင်ဆိုင်ဖို့ကြိုးစားရပါတော့တယ်...

t.me/cartoonmoviesmms/1070

မျိုးသုဉ်းခြင်း (၂၀၂၁)

၁၈၃၅ ခုနှစ် အမည်မသိ ကျွန်းတကျွန်းပေါ်မှာ အဒ် နဲ့ အော့ပ် ဆိုတဲ့ မောင်နှမနှစ်ယောက်ရှိကြတယ်။ သူတို့က ဘာကောင်လေးတွေလဲဆိုတော့ ဖလန်မယ်လို့အမည်ရတဲ့ ဒိုးနပ်ပုံစံ ဗိုက်မှာ အပေါက်လေးတွေနဲ့ ချစ်စရာ ရှဉ့်လို ကောင်လေးတွေပါ။ ညီမဖြစ်သူ အော့ပ် က တခြား မျိုးနွယ်တူတွေနဲ့ အမြင်ကို ဂရုမစိုက်တတ်ပဲ အဆော့သန်ပြီး ပေါက်တတ်ကရတွေ အမြဲလုပ်တတ်တယ်။ အစ်ကိုဖြစ်သူ အဒ် ကတော့ အေးဆေးသမား၊ အော့ပ် တလွဲလုပ်သမျှ ခံရပြီး မျိုးနွယ်တူ ဖလန်မယ် အသိုင်းအဝိုင်းမှာ ဝင်ဆန့်ချင်ရှာတဲ့သူပေါ့။ တနေ့တော့ သူတို့နှစ်ကောင် အကြီးကြီးလွဲပြီး ၂၁ ရာစုက ရှန်ဟိုင်းမြို့ကို Time Travel ရောက်သွားပါတော့တယ်။ အဲ့ဒီနောက် ဘာတွေဆက်ဖြစ်မလဲဆိုတာကိုတော့ ဇာတ်ကားထဲမှာပဲ ဆက်လက် ရှုစားလိုက်ကြပါနော်။

t.me/cartoonmoviesmms/1072

မြွေဖြူမိစ္ဆာနှင့် မှော်ဆံထိုး (၂၀၁၉)

ဒီ အန်နီမေးရှင်းဇာတ်လမ်းကတော့ တရုတ် ဒဏ္ဍာရီဇာတ်လမ်းတစ်ပုဒ် ဖြစ်တဲ့ မြွေဖြူမိစ္ဆာ အကြောင်းကို အခြေခံပြီး ရိုက်ကူးထားတာပဲ ဖြစ်ပါတယ်။ ဒီဇာတ်လမ်းကို အခြေခံပြီး ရှေ့မှာလည်း Live action ရော Animation တွေရော ပုံစံအမျိုးမျိုး ထွက်ခဲ့ဖူးပေမယ့် အခုကတော့ ပိုကောင်းတဲ့ Animation ရုပ်ထွက်တွေနဲ့ ပိုပြီး ကြည့်ကောင်းလာပါပြီ။ ရိုက်ချက်အလန်းတွေ၊ နောက်ခံတီးလုံးအလန်းတွေ၊ လှပတဲ့ ရှုခင်းတွေကြောင့် ကြည့်ရှုသူကို ဆွဲဆောင်သွားမှာပါ။ ဒီတော့ အားပေးကြည့်ရှူကြပါဦးလို့ တိုက်တွန်းချင်ပါတယ်။

t.me/cartoonmoviesmms/1074