ကြက်တစ်ပိုင်း ယုန်တစ်ပိုင်း သတ္တဝါဆန်းလေး (၂၀၂၂)

ကြက်တစ်ပိုင်း ယုန်တစ်ပိုင်း သတ္တဝါဆန်းလေးဟာထင်ရှားတဲ့ စွန့်စားသူ ဘုရင်ကြီး ပီတာရဲ့ မွေးစားသားလေးပါ။ အများနဲ့မတူဘဲ ကွဲထွက်နေတဲ့ သူ့ရဲ့ ကြက်တစ်ပိုင်း ယုန်တစ်ပိုင်း ပုံစံကြောင့် အမြဲအလှောင်ခံနေရတဲ့ ကြက်တစ်ပိုင်း ယုန်တစ်ပိုင်း သတ္တဝါဆန်းလေး လေးရဲ့ အိပ်မက်ကတော့ သူ့မွေးစားအဖေလို နာမည်ကျော် စွန့်စားသူ ဖြစ်ဖို့ပါ။ တစ်နေ့မှာ တိုင်းပြည်ရဲ့ ဒုစရိုက်ကောင် ကြက်တစ်ပိုင်း ယုန်တစ်ပိုင်း သတ္တဝါဆန်းလေး ရဲ့ ဦးလေးဖြစ်သူ ထောင်ထဲကနေ လွတ်မြောက်ပြီး ထီးနန်းလုဖို့ ကြိုးစားတဲ့အခါမှာတော့ ကြက်တစ်ပိုင်း ယုန်တစ်ပိုင်း သတ္တဝါဆန်းလေး နဲ့ သူ့သူငယ်ချင်းတွေဖြစ်တဲ့ လိပ်ကလေး အေ့ဗ်၊ ကိုယ်ခံပညာရှင် မက်ခ်တို့ သူ့ဦးလေးကို တားဆီးဖို့ စွန့်စားခန်း ထွက်ကြပုံတွေကို တင်ဆက်ပေးထားတာပါ။ ကိုယ့်ရဲ့ ဖြစ်တည်မှုကို အရှိအတိုင်း လက်ခံနိုင်ဖို့ကိုပါ မီးမောင်းထိုးပြထားတဲ့ 2022 ခုနှစ်ထွက် ဒီ ဟာသ Animation လေးကို ကြည့်ရှုရင်း ဆရာဆွေမင်းရဲ့ စကားအတိုင်း “ရယ်မောရင်းနဲ့ ဘဝအမောတွေပြေနိုင်ကြပါစေ။”

t.me/cartoonmoviesmms/1020

အမှိုက်ပုံနားကရွာကလေး (၂၀၂၁)

နေစရာအိမ်အသစ်ကို ရှာဖွေနေတဲ့ အော်ဂျီ မိသားစုက ဒေသခံတွေ အမှိုက်ပစ်လေ့ရှိတဲ့ နေရာအနီးနားက ရွာလေးကို ရောက်လာကြတယ်။ သိတဲ့အတိုင်း အမှိုက်ပုံရဲ့ အနီးနားက ရွာလေးဆိုတော့ အနံ့အသက်က ဆိုးဝါးတာပေါ့။ ဒါပေမယ့် ဆိုးဝါးလှတဲ့ အနံ့အသက်ရှိသော်လည်း အော်ဂျီ မိသားစုက ဒီရွာလေးကို အိမ်လို့ ခံစားရတယ်။ ဘာဖြစ်လို့ ဒီလိုနေရာလေးကို အိမ်လို့ ခံစားရသလဲဆိုတော့ — အရင်ဆုံး သူတို့အတွက် အဓိကအချက်က စိတ်အေးချမ်းစွာ နေထိုင်နိုင်မယ်ဆိုတဲ့ သဘောထားနဲ့ အားလုံးကို လက်ခံနိုင်တဲ့ စိတ်ဓာတ်ရှိတာပါ၊ ဒုတိယအားဖြင့် သူတို့အတွက် နေရာတစ်ခုဟာ သာမန်အနံ့အသက်နဲ့မစပ်လျက်၊ မိသားစုနဲ့ အတူရှိနိုင်တဲ့ အမြဲတမ်းနေရာဆိုတဲ့ အနက်ရိပ်ကို ပေးနိုင်တဲ့နေရာလို့ခံစားနေကြတာပါ။

t.me/cartoonmoviesmms/1022

ဘဝမှန် (၂၀၂၂)

လီမေလင်းဆိုတဲ့ ၁၃ နှစ်အရွယ် ကောင်မလေးတစ်ယောက် တရုတ်မိသားစုကပေါက်ဖွားလာတော့ တရုတ်ရိုးရာတွေအားလုံးကို နားလည်ထားပြီး ကိုယ်တိုင်လည်း ဘုံကျောင်းကိစ္စတွေကို ဝင်ရောက်ဆောင်ရွက်နေသူပါ။ ဒါပေမဲ့ဆယ်ကျော်သက်အရွယ်ကလေး ပီပီပဲ မြတ်နိုးတန်ဖိုးထားရတဲ့ အဆိုတော်တွေ၊ ရင်ခုန်မိတဲ့ကောင်လေးတွေ ရှိလာပါတော့တယ်။ အဲ့ဒီအချိန် ရှေးရိုးဆန်တဲ့ မိခင်ဖြစ်သူနဲ့ ကောင်မလေးရဲ့ ခေတ်ဆန်တဲ့ အတွေးအခေါ်တွေ ဘယ်လို အတိုက်အခံဖြစ်ကြမှာလဲဆိုတာတွေ လီမေလင်းလေးရဲ့ အကြိုက်ဆုံးအဆိုတော်အဖွဲ့ 4-town အဖွဲ့က concert ကျင်းပမှာဆိုတော့ သူ့ခမျာ သွားရဖို့အရေး ကြိုးပမ်းအားထုတ်ရင်းနဲ့ စိတ်အရမ်းလှုပ်ရှားလာတဲ့အခါ လူစင်စစ်က ပန်ဒါနီအဖြစ် ပြောင်းလဲသွားတတ်တော့ ဘာတွေ ဆက်လက်ကြုံတွေ့ရမလဲ။ ဆယ်ကျော်သက်မိန်းကလေးတွေ ကြုံတွေ့ရတဲ့ ပထမဆုံးဓမ္မတာလာတဲ့အချိန်တွေကို ယ့်ကိုယ် လူကြီးလို့ သတ်မှတ်ချိန်မှာ မိဘတွေက ကလေးလို သတ်မှတ်နေသေးလို့ ကတောက်ကဆဖြစ်ရတာလေးတွေဆယ်ကျော်သက်သားသမီးတွေနဲ့ မိဘတွေကြား ရှိတတ်တဲ့ ပြဿနာလေးတွေ အပြင် သူငယ်ချင်းတွေကြားထဲ ထားရှိကြတဲ့ ဖြူစင်တဲ့အချစ်မေတ္တာကိုပါ ခံစားရမှာဆိုတော့ ဆက်ဆက်ကြည့်ရှုသင့်တဲ့ ဇာတ်ကားလေး ဖြစ်ပါတယ်။

t.me/cartoonmoviesmms/1024

နင်ဂျာရုပ်ကလေး (၂၀၁၈)

အဲလစ်စ် ဆိုတဲ့ ကောင်လေးဟာ သူ့မွေးနေ့မှာ မတွေ့တာ ကြာနေပြီဖြစ်တဲ့ ဦးလေး စတီးဝါ့ဒ် ဆီကနေ နင်ဂျာ ရုပ်လေးတစ်ရုပ် လက်ဆောင်ရခဲ့ပါတယ်။ နင်ဂျာရုပ်လေးဟာ တကယ့်အပြင်က ပုံမှန် နင်ဂျာသမားတွေလို အနက်ရောင်အင်္ကျီနဲ့ မဖြစ်ဘဲ အင်္ကျီအကွက်လေးနဲ့ ဖြစ်နေပြီး၊ ထူးခြားတာက အသက်ရှိနေတာပဲ ဖြစ်ပါတယ်။ အမြဲတမ်း မဝံ့မရဲနဲ့ ဖြစ်နေတတ်တဲ့ အဲလစ်စ် ဟာ နင်ဂျာရုပ်လေးရဲ့ကျေးဇူးနဲ့ ဘယ်လိုတွေ ဆက်ဖြစ်လာမလဲဆိုတာ စိတ်ဝင်စားစရာပါ။ သူတဖက် သတ် ကြိတ်ပြီးချစ်နေရတဲ့ ကောင်မလေးက သူ့လိုငြိမ်းချမ်းမှု မရှိသေးတဲ့ အဲလစ်စ် ကို ပြန်ချစ်လာနိုင်ပါ့မလား၊ နင်ဂျာရုပ်လေးက သူ့ကို ကူညီသလို အဲလစ်စ် ကလည်း နင်ဂျာရုပ်လေးကို ဘယ်လို ပြန်ကူညီရမှာလဲ၊ နင်ဂျာရုပ်လေးက ဘာကြောင့် အင်္ကျီအကွက်လေးနဲ့ ဖြစ်နေပြီး အသက်ဝင်နေရသလဲဆိုတာကိုဇာတ်လမ်းလေးကို ကြည့်ရင်း အဖြေရှာကြည့်နိုင်မှာပါ။

t.me/cartoonmoviesmms/1031

နင်ဂျာရုပ်ကလေး ၂ (၂၀၂၁)

အဲလက်စ် ကတော့ သူ့ရဲ့ နင်ဂျာရုပ်လေး ပျောက်သွားတယ်ပဲ ထင်နေခဲ့ပေမဲ့လက်တွေ့မှာတော့ မီးရှို့ဖျက်ဆီးခံလိုက်ရပါပြီ။ သူတို့ မျက်မြင်သက်သေဖြစ်ခဲ့တဲ့ အမှုက ဗီလိန်ကလည်း သက်သေတွေ မခိုင်လုံတဲ့အတွက် အချုပ်ကနေ လွတ်လာတော့မှာပါ။ အဲလက်စ် ကတော့ သူ့အမေကို နင်ဂျာရုပ်နဲ့ ဆင်တူ အရုပ်လေးတစ်ရုပ်ထိုးပေးဖို့ ပူဆာပါတော့တယ်။ ဒီလိုနဲ့ ဗီလိန်ကြီး ထောင်ဒဏ်ကို ရှောင်လွှဲနိုင်ခဲ့ပြီး လွတ်လာချိန်မှာတော့ အဲလက်စ်တို့ သူငယ်ချင်းတစ်သိုက် ဘယ်လို ရင်ဆိုင်ကြမလဲ ဆိုတာ ဇာတ်လမ်းလေးထဲ အတူတူ အဖြေရှာကြည့်ကြပါစို့။

t.me/cartoonmoviesmms/1033

ဘာဘီ - မင်းသမီးလေးတို့ကျောင်း (၂၀၁၁)

Gardaniaနိုင်ငံ၏ စားပွဲထိုးအမျိုးသမီး Blair သည် သူမသည် ဒေသ၏ ပျောက်ဆုံးနေသော ဘုရင်မနှင့် အလွန်ဆင်တူကြောင်း သဘောပေါက်သည်။ ထို့နောက် သူမသည် မင်းသမီးလေးတို့ကျောင်း သို့သွားကာ ဆရာမအတွက် ပြဿနာတွေဖန်တီးပါတော့တယ်။

t.me/cartoonmoviesmms/1035

စကူဘီဒူး - ခြောက်လှန့်နေသော ဟောလိဝုဒ် (၂၀၁၆)

ဒီဇာတ်ကားမှာ စကူဘီဒူး နဲ့ ရှက်ဂီ တို့နှစ်ယောက်ဟမ်ဘာဂါစားပြိုင်ပွဲမှာ အနိုင်ရသွားပြီးဟောလီးဝုဒ်ကနာမည်ကျော် Horror ကားတွေရိုက်တဲ့စတူဒီယိုကြီးတစ်ခုကို စရိတ်ငြိမ်း လည်ပတ်ခွင့်ဆု ရသွားတာကြောင့်အဖွဲ့လိုက်သွားလည်ရင်း အဲဒီစတူဒီယိုကြီးမှာ ခြောက်လှန့်နေတဲ့ မကောင်းဆိုးဝါးပေါင်းစုံနဲ့ ရင်ဆိုင်တွေ့ရပါတော့တယ်။ သူတို့သွားလည်တဲ့ စတူဒီယိုက အရှုံးပေါ်ပြီး ဒေဝါလီခံရတော့မှာ ဖြစ်သလိုအကြွေးဆပ်ဖို့ နောက်ဆုံးမျှော်လင့်ချက်ဖြစ်တဲ့ ရိုက်လက်စ ဇာတ်ကားကလည်းသရဲတွေရဲ့ နှောင့်ယှက်မှုနဲ့ ကြုံနေရလို့ Mystery Inc အဖွဲ့သားတွေဖြေရှင်းမှရမယ့် အခြေအနေဖြစ်လာပါတော့တယ်။

t.me/cartoonmoviesmms/1039

မွန်းစတား ကမ္ဘာ (၂၀၂၀)

ဉာဏ်ကောင်းတဲ့ ချာတိတ်လေးတစ်ယောက်ဖြစ်တဲ့ ဒန်နီက မမျှော်လင့်ဘဲနဲ့ ဉာဏ်ကြီးရှင်တွေစုဝေးနေတဲ့ ခရန်စတန် သိပ္ပံကျောင်းကို တက်ဖို့ ပညာသင်ဆုရခဲ့တယ်။ ဒါပေမယ့် သူ့ရဲ့ဆရာ ပါမောက္ခစတန်ကတော့ ဒန်နီရဲ့ တီထွင်မှုတွေကို အထင်မကြီးဘဲ အမြဲနှိမ်ချဆက်ဆံလေ့ရှိတယ်။ ဒန်နီ တစ်ယောက် မခံချင်စိတ်နဲ့ ပရောဂျက်အကြီးကြီးလုပ်ပြဖို့ နည်းလမ်းရှာတော့ လွန်ခဲ့ဆယ်နှစ်လောက်က ရုတ်တရက်ပျက်စီးသွားလို့ ပိတ်ထားခဲ့ရတဲ့ အဏုမြူဓာတ်ပေါင်းဖိုကို သွားတွေ့ပါတယ်။ ပျက်စီးနေတဲ့ ဓာတ်ပေါင်းဖိုကို အသစ်ပြန်မွမ်းမံဖို့ ကြိုးစားရင်းကနေ ကြောက်ဖို့ကောင်းလှတဲ့ မွန်းစတားသတ္တဝါမျိုးစုံ နေထိုင်တဲ့ နေရာတစ်ခုရဲ့ ဝင်ပေါက်ကို မတော်တဆ ဖွင့်မိသွားတဲ့အခါမှာတော့... ဘာတွေဆက်ဖြစ်လာမလဲဆိုတာ ဆက်လက်ကြည့်ရှုလိုက်ကြပါဦး။

t.me/cartoonmoviesmms/1041

ချစ်သူ ကြောင်မလေး (၂၀၂၀)

မူဂယ်ဆိုတဲ့ကောင်မလေးက သူ့ရဲ့အတန်းဖော် ဟီနိုဒယ်ကို တစ်ဖက်သတ်ကြိုက်နေတယ်။ ဟီနိုဒယ်ကတော့ သူ့ကို အဖတ်တောင်မလုပ်ရှာဘူး။ မူဂယ်ဟာ အခွင့်အရေးတစ်ခုရခဲ့တယ်။ အဲ့ဒါကတော့ မှော်ဆန်တဲ့ မျက်နှာဖုံးတစ်ခုကို ရခဲ့တာ။ မျက်နှာဖုံးစွပ်လိုက်ရင် မူဂယ်ဟာ တာရိုဆိုတဲ့ ကြောင်ကလေးအဖြစ် အသွင်ပြောင်းသွားပါတယ်။ ပိုပြီးကံကောင်းတာက မူဂယ်ချစ်ရတဲ့ ဟီနိုဒယ်ဟာ မူဂယ်ဆိုတဲ့ လူသားအသွင်နဲ့ ကောင်မလေးကို အဖတ်မလုပ်ပေမယ့် တာရိုဆိုတဲ့ ကြောင်မလေးအဖြစ်နဲ့ဆိုရင်တော့ သိပ်ကိုချစ်ပါတယ်။ ဒီလိုနဲ့ မူဂယ်ဟာ ကြောင်မလေးအသွင်နဲ့ နေ့တိုင်းအချိန်မှန် ဟီနိုဒယ်ဆီကို သွားပါတော့တယ်။ မိသားစုနဲ့ပတ်သက်ပြီး စိတ်ဒဏ်ရာရှိတဲ့ မူဂယ်ဟာ ကြောင်ဘဝနဲ့ပဲ နေချင်တယ်လို့ ဆန္ဒတစ်ခုပြုလိုက်ရာကနေ လူအသွင်ကို ပြန်ပြောင်းမရဘဲ ဖြစ်သွားပါတော့တယ်။ လူပြန်ဖြစ်ဖို့ဆိုရင် သတ်မှတ်ထားတဲ့အချိန်အတွင်း သူ့ရဲ့ လူသားမျက်နှာဖုံးကို ပြန်ရှာဖို့ ကြိုးစားရပါတော့မယ်။ ဟီနိုဒယ်ကို သူ့ရဲ့ခံစားချက်တွေ ဖွင့်ပြောဖို့ရ သူလူပြန်ဖြစ်မှရမှာပါ။ တစ်ဖက်မှာလဲ မျက်ဖုံးရောင်းသွားတဲ့သူက မူဂယ်ရဲ့အသက်ကို လူဖြစ်ချင်တဲ့ ကြောင်တစ်ကောင်နဲ့ မျှပြီး အလဲအလှယ်လုပ်လိုက်ပါတော့တယ်။

t.me/cartoonmoviesmms/1043

ရှင်သန်နေသော မီးတောက်ငယ် (၂၀၂၁)

မူလတန်းတောင် မအောင်ခဲ့တဲ့ ကောင်လေးတစ်ယောက် သားအကြီးဆုံးဖြစ်ပြီး အိမ်ရဲ့စားဝတ်နေရေးကြောင့် ကျောင်းထွက်လိုက်ရပြီး အိမ်ပြေးအဖြစ်နဲ့ ဖိနပ်တိုက်၊ သတင်းစာရောင်း စတာတွေကို လက်တိုလက်တောင်းလုပ်ခဲ့ပါတယ်။ ၁၉ နှစ်ပြည့်တဲ့အခါမှာတော့ စက်ရုံတည်ထောင်ချင်တဲ့စိတ်နဲ့ အဝတ်စက်ရုံတစ်ခုမှာ အဝတ်ဖြတ်ဆရာလက်ထောက်အဖြစ် သင်ယူရင်းနဲ့ ဖြောင်းဟွာဈေးက စက်ရုံရဲ့ မတရားခိုင်းစေမှုတွေ၊ လုပ်ခလစာနည်းပါးမှုနဲ့ ကျန်းမာရေးအာမခံချက်မရှိတာတွေကို သိလိုက်ရပါတော့တယ်။ အဲလိုနဲ့ အခြေခံဥပဒေအကြောင်း သိလိုက်ရတဲ့အချိန်မှာ မညီမျှတာတွေအတွက် တောင်းဆိုဖို့ ကြိုးပမ်းပါတော့တယ်။ ဘယ်လိုဆန္ဒပြရမလဲဆိုတာတောင် မသိတဲ့ အပ်ချုပ်ဆရာ၊ အဝတ်ဖြတ်ဆရာအဖြစ်ကနေ စိတ်အားထက်သန်စွာနဲ့ပဲ အလုပ်သမားအခွင့်အရေးရအောင် နည်းမျိုးစုံနဲ့ ကြိုးစားပုံတွေကို ကြည့်ရှုခံစားရမှာပါ။

t.me/cartoonmoviesmms/1045

အိမ်မက်ဘုရင် (၂၀၀၀)

ကန်နန်လူမျိုးစုခေါင်းဆောင်ကြီးရဲ့ ဒုတိယဇနီးဟာ အမြုံလို့ထင်ထားရာကနေ မမျှော်လင့်ဘဲ ကိုယ်ဝန်ရလာခဲ့ပြီးတော့ ၃၇ ပတ်တည်းနဲ့ သားလေးတစ်ယောက်ဖွားမြင်ခဲ့ပါတယ်။ ဖအေကြီးက ဘုရားသခင်ဆီ လာတဲ့ အံ့ဖွယ်ကလေးလို့ မှတ်ယူပြီး တစ်ခြားသားတွေလို ပင်ပန်းအလုပ်တွေ မလုပ်စေရဘဲ အနားမှာထားပြီးစာပေပညာတွေ ပဲ လေ့လာသင်ကြားစေပါတယ်။ ဖခင်ရဲ့ ပစားပေးမှုတွေက ညီအကိုတွေကြားထဲမှာ မနာလိုမှုတွေကို တဖြည်းဖြည်း ကြီးထွားလာစေပြီးတော့ ဂျိုးဆက် လေးကို အန္တာရယ်တောထဲ ဆွဲပို့လိုက်ပါတော့တယ်။ သူ့အကိုတွေ ရဲ့ ပယောဂနဲ့ ကျွန်ကုန်သည်တွေဆီကို ရောင်းစားခံလိုက်ရတဲ့ ဂျိုးဆက် ဟာ သူ့ရဲ့ မွေးရာပါ ပါရမီဖြစ်တဲ့ အိပ်မက်အတိတ်နိမိတ်ကောက်ခြင်း အတတ်ပညာနဲ့ ဉာဏ်အမြော်အမြင်ရှိမှုတွေကြောင့် ကျွန်ဘဝကနေ ဟိုးအမြင့်ဆုံးဘဝအထိ ဘယ်လို တက်လှမ်းသွားမယ်ဆိုတာ စိတ်ဝင်စားဖွယ် မြင်တွေ့ကြရမှာ ဖြစ်ပါတယ်။ IMDB မှာ ၆.၄ ရရှိထားတဲ့ ဒီဇတ်ကားလေးဟာ ကြည့်မိလို့ လုံးဝနောင်တမရစေဘဲဇာတ်လမ်းအစကနေ အဆုံးထိ ဆွဲခေါ်သွားနိုင်တယ် ဆိုတာ ရဲရဲကြီး အာမခံနိုင်တာမို့ အခုပဲ Download ဆွဲပြီး ကြည့်ရှုလိုက်ကြပါဦး။

t.me/cartoonmoviesmms/1047

ကိုယ်ရံတော်ညာဏ်ကြီးရှင်လေး (၂၀၂၂)

ဒီတစ်ခါ တင်ဆက်ပေးမယ့်ကားလေးက တကယ်တကယ် အရမ်းချစ်ဖိုကောင်းတဲ့ အာမခံပိုဆောင်ရေးဌာနက သက်တော်စောင့် ဉာဏ်ကြီးရှင်လေးရဲ့ စွန့်စားခန်းလေးတွေကို ဟာသလေးတွေနှောပြီး ရိုက်ကူးထားလို့ ကြည့်ရတာ တန်စေမှာပါ။ တကယ်ကောင်းတဲ့ကားလေးမို့ အများကြီး မပြောတော့ဘူး။

t.me/cartoonmoviesmms/1049

တောနက်ထဲကကျွန်းကြီး (၂၀၀၃)

အပျော်စီးသင်္ဘောကြီးငှားပြီး အားလပ်ရက်ထွက်ကြတဲ့ မိသားစုတွေ လက်မှတ်ပျောက်ပြီး သင်္ဘောကြီးနဲ့မဟုတ်တော့ဘဲ သင်္ဘောလေးနဲ့ပဲ ပင်လယ်ထဲ ရွက်လွှင့်ရာက မုန်တိုင်းနဲ့တိုးပြီး သင်္ဘောက တစ်စစီဖြစ်သွားပါတယ်။ အသက်ကယ်လှေလေးနဲ့ လွတ်ရာလွတ်ကြောင်း ပြေးရင်း လူကြီး၊ ကလေးတွေများ တို့ကကျွန်းတစ်ကျွန်းပေါ် ရောက်သွားခဲ့ပါတယ်။ ဒီတစ်ခေါက်မှာတော့ အရင်တစ်ခေါက်ကလို တောနက်ထဲ ရောက်မသွားဘဲ လူသူမရှိတဲ့ ကျွန်းပေါ် ရောက်သွားခဲ့တာပါ။ သားရဲတိရစ္ဆာန်တွေလည်း ပေါတဲ့ ဒီကျွန်းမှာ ကလေးအုပ်စု နဲ့ လူကြီးအုပ်စုကွဲသွားပြီးနောက် ဘာဆက်ဖြစ်ကြမလဲ။ ချောချောမွေ့မွေ့နဲ့ အိမ်ပြန်နိုင်မှာလား။ ကျွန်းပေါ်မှာပဲ ရာသက်ပန်နေဖြစ်မလား။ ဆက်ကြည့်ရှုလိုက်ကြပါဦး။

t.me/cartoonmoviesmms/745