ဖခင်မေတ္တာ (၂၀၂၁)

အောက်လုံးနည်းနည်းပါတဲ့ မန်းဂ တွေကိုရေးဆွဲတဲ့ မန်းဂ ရေးအနုပညာရှင် ကကုရှီ ဂိုတို နဲ့ သူ့ရဲ့ အရမ်းချစ်ရတဲ့ တစ်ဦးတည်းသော သမီးလေး ဟိမေ တို့အပေါ်မှာ ဇာတ်အိမ်တည်ထားတာဖြစ်ပါတယ်။ ကကုရှီ ရဲ့ အကြောက်ဆုံးအရာကတော့ သူ့အလုပ်ကို သူ့ရဲ့ တစ်ဦးတည်းသော ချစ်သမီးလေး သိသွားမှာကိုပါ။ အဲဒါကြောင့်လဲ “ငါသာ အောက်လုံးတွေပါတဲ့ မန်းဂ ရေးတဲ့သူဆိုတာ သိသွားရင် ငါ့သမီးလေး ငါ့ကို မုန်းသွားလေမလား” ဆိုတဲ့ အကြောက်တရားကအမြဲလွှမ်းမိုးနေခဲ့ပါတယ်။ အဲ့ဒီတော့ သူ့ရဲ့ အလုပ်ကို သူ့သမီးလေး မသိသွားစေဖို့ရာ သူ့ရဲ့ လက်ထောက်နဲ့ အယ်ဒီတာရဲ့ အကူအညီနဲ့ နေ့တိုင်း ဖုံးကွယ်ရင်း ကျော်ဖြတ်ဖို့ ကြိုးစားရပါတော့တယ်။ သူ့သမီးလေးက သူ့ရဲ့ အလုပ်ကို သိသွားမှာလား။ သိသွားရင်ရော သူ့အဖေအပေါ်မှာ အထင်အမြင် သေးသွားမှာလား။ နေမြင်ညပျောက် ဖြစ်နေတဲ့ အခုလိုကာလကြီးမှာ မိသားစုကို အချိန်ပေးပြီး တန်ဖိုးထားကြဖို့လိုပါတယ်။ ဒီကားလေးကလည်း မိသားစုရဲ့ အရေးပါပုံနဲ့ သမီးလေး ဟိမေ အပေါ်ထားတဲ့ ကကုရှီ ရဲ့ ချစ်ခြင်းမေတ္တာကို ဖော်ညွှန်းထားတာမို့ အားလုံးကို ကြည့်စေချင်ပါတယ်။ ဒီကားလေးကို ကြည့်ပြီး မိသားစုကို တန်ဖိုးထားနိုင်ကြပါစေ။

t.me/cartoonmoviesmms/945

အချိန်၏ရင်သွေးငယ် (၂၀၂၅)

ဒီကားလေးမှာ ရင်သပ်ရှုမောဖွယ် အလှတရားနဲ့ စိတ်ကူးယဉ်ဆန်မှုတွေ၊ အချိန်ကာလစွန့်စားခန်းနဲ့ ရှေးခေတ် အလှအပရသတွေကို ဖော်ကျူးထားတယ်လို့ ဆိုပါတယ်။ ဇာတ်လမ်းအကျဉ်း ဟိုးရှေးရှေးတုန်းက ငါးဖမ်းကျေးရွာက ချန်းရှောင် ဆိုတဲ့ ကောင်မလေးတစ်ယောက်က သူ မျှော်လင့် စောင့်စားခဲ့ရတဲ့ မြို့ကြီးဆီကိုရွက်လွှင့်ပြီး ပျော်ပျော်ရွှင်ရွှင် လာခဲ့တာပေါ့။ ဒါပေမဲ့ မမျှော်လင့်ထားတဲ့မတော်တဆမှုတစ်ခုကြောင့် အချိန်စက်ဝန်းရဲ့ ရွေးချယ်ခံရပြီး အချိန်ကိုထိန်းချုပ်နိုင်သွားသတဲ့။ ဒီလိုနဲ့ နှစ်ယောက်မရှိတဲ့ ပြိုင်ဘက်ကင်း “အချိန်၏ ရင်သွေးငယ်လေး” ဖြစ်သွားတော့တာပေါ့။ သာမန်ဘဝကလေးကနေ စတင်ခဲ့တဲ့ သူမရဲ့ ဘဝအနာဂတ်မှာ ဘယ်လိုတွေ တွေ့ကြုံရလေမလဲ။ မျက်စိဒေါက်ထောက် ကျားချောင်းချောင်းနေတဲ့ သူတွေကိုရော ဘယ်လို ရင်ဆိုင် ဖြေရှင်းသွားမလဲ။

t.me/cartoonmoviesmms/947

မာနကြီးသောမင်းသမီးလေး (၂၀၂၄)

တိုင်းပြည်တစ်ပြည်ရဲ့ မာနကြီးတယ်လို့ သတင်းထွက်နေတဲ့ မင်းသမီးလေးတစ်ပါးကို တခြားတိုင်းပြည်တစ်ခုရဲ့ ဘုရင်တစ်ပါးကဥယျာဉ်မှူးအယောင်ဆောင်ပြီးတွေ့ကြတဲ့အခါ အချစ်ဇာတ်လမ်းလေးတစ်ခု ဖြစ်ပေါ်လာပါတယ်။ ဒီအချစ်ဇာတ်လမ်းလေးက ဇာတ်သိမ်းလှမှာလား၊အယောင်ဆောင်မှုလေးပေါ်သွားတဲ့အခါ မင်းသမီးက လက်ခံနိုင်မှာလား စတာတွေကို အနီမေးရှင်းကောင်းကောင်းနဲ့ ကြည့်ရမှာမလို့ တင်ဆက်ပေးလိုက်ပါတယ်။

t.me/cartoonmoviesmms/949

မမ်မီများ (၂၀၂၃)

ရှေးဟောင်း အီဂျစ် မံမီတွေရဲ့ မြို့တော်မှာနေထိုင်တဲ့ မင်းသမီးလေးဟာ သီချင်းဆိုရတာကို ဝါသနာပါတဲ့သူ ဖြစ်ပေမယ့် သူ့ရဲ့ မြို့တော်မှာ သူ့ရဲ့ အစွမ်းအစတွေကို လွတ်လွတ်လပ်လပ် ထုတ်ဖော်ပိုင်ခွင့် မရှိတဲ့သူပါ။ ထွတ် ကတော့ ရထားလုံးမောင်းနှင်သူဟောင်း တစ်ယောက် ဖြစ်ပေမယ့် လက်ရှိမှာတော့ အနားယူထားပြီး သူ့ကို အားပေးတဲ့ သူတွေကို လက်မှတ်ထိုးပေးရင်း အချိန်ကုန်နေတဲ့သူ တစ်ယောက် ဖြစ်ပါတယ်။ ဒီလိုနဲ့ တစ်ရက်မှာတော့မင်းသမီးလေး အတွက် ကြင်ယာတော် ရွေးပေးမယ့် ဖီးနစ်ငှက် က ထွတ် ကို ကြင်ယာတော် အဖြစ် ရွေးချယ်ပေးလိုက်ပါတယ်။ သူတို့နှစ်ယောက် လက်ထပ်ပွဲအတွက် ဖာရိုဘုရင်ကြီး က ထွတ် ကို တော်ဝင်လက်စွပ် ချီးမြှင့်ထားတာပေါ့။ ဒါပေမယ့် အဲဒီလက်စွပ်ကို ရှေးဟောင်း သုတေသနပညာရှင် ဖြစ်တဲ့ လူသားကမ္ဘာက လော့ကနာဘီ က ခိုးသွားခဲ့ပါတယ်။ ဒါကြောင့် ထွတ် ရယ်၊ ထွတ် ရဲ့ ညီလေး စေကန် ရယ်နဲ့ မင်းသမီး တို့ သုံးယောက်ဟာ လူသားကမ္ဘာကို လက်စွပ်ရှာဖို့ စွန့်စားခန်း ထွက်လာရပါတော့တယ်။ သူတို့ သုံးယောက် ကျယ်ပြန့်တဲ့ လူသားကမ္ဘာမှာ ဘယ်လို အတွေ့အကြုံ အသစ်တွေ ရမလဲ၊ သူတို့လိုက်ရှာနေတဲ့ လက်စွပ်ကိုရော အဆုံးမှာ ရှာတွေ့သွားမှာလား ဆိုတာကိုတော့

t.me/cartoonmoviesmms/951

အူကြောင်ကြောင်မိသားစု (၂၀၂၄)

ဒီဇာတ်ကားလေးရဲ့ အဓိကသင်ခန်းစာကတော့ ဘယ်လောက်ပဲ မတူညီကွဲပြားမှုတွေရှိနေပါစေ အချစ်နဲ့သာဆိုရင် ဘယ်အရာကိုမဆို အောင်မြင်အောင်ကျော်လွှားပြီး ပေါင်းစည်းပေးနိုင်တယ်ဆိုတာကို မှော်ဆန်တဲ့ ဇာတ်လမ်းလှလှလေးနဲ့ ရိုက်ကူးပုံဖော်ထားတာပဲဖြစ်ပါတယ်။ ဇာတ်လမ်းအစမှာတော့ နာလင် နဲ့ အနက်စကာ ဆိုတဲ့ချစ်သူနှစ်ယောက် မကောင်းဆိုးဝါးပင့်ကူကြီး လက်က ထွက်ပြေးလာတာကို မြင်ရမှာဖြစ်ပြီး လမ်းမှာ သူတို့မွေးလာမဲ့ ကလေးနာမည်ပေးဖို့ တိုင်ပင်နေခဲ့ကြပါတော့တယ်။ ဒီလိုနဲ့ အဲ့ဒီလမ်းမှာတင် သူတို့မွေးလာမဲ့ကလေးကို ဘက်တီ ဆိုပြီး နာမည်ပေးဖြစ်ခဲ့ပြီး သူတို့လည်း အန္တရာယ်များတဲ့နေရာကနေ လူနေမြို့လေးတစ်ခုမှာ ပြောင်းရွှေ့ပြီး ပုန်းခိုနေထိုင်ခဲ့ကြပါတော့တယ်။ တကယ်တမ်းတော့ သူတို့တွေက မှော်ဝင် မျိုးရိုးတွေဖြစ်ပြီး သူတို့ကို ရှာတွေ့သွားမှာစိုးတဲ့အတွက် မှော်ပညာကို ချင့်ချိန်သတိထားသုံးနေရတာပဲဖြစ်ပါတယ်။ ဘက်တီ ကလည်း မြို့မှာပဲ ကျောင်းတက်ရပြီး သူငယ်ချင်းတွေ ရှိနေပေမယ့် သူ့မိသားစုရဲ့ မှော်ပညာကို ဆက်ခံပြီး အသုံးပြုချင်တဲ့ ကောင်မလေးတစ်ယောက်ဖြစ်ပါတယ်။ သူ့မှာ သူမိဘရဲ့ မှော်အစွမ်းတွေနဲ့ ဖန်တီးထားတဲ့ ညီအစ်ကိုမောင်နှမတွေ ရှိပြီး သူတို့ကို မြင်လေလေ ဘက်တီ တစ်ယောက် မှော်အစွမ်းတွေ ပိုသုံးချင်လာလေလေပါပဲ။ အဲ့ဒါကြောင့်ပဲ ဘက်တီ ရဲ့ အမေက သူ့ကို မဖြစ်မနေ ဟိုးအတိတ်က အမှန်တရားတွေအကြောင်း ပြောပြခဲ့ရပြီး ဇာတ်လမ်းလည်း ပိုစိတ်ဝင်စားစရာကောင်းလာတဲ့အတွက် မ Spoil တော့ဘဲ ကိုယ်တိုင်ပဲ ကြည့်ရှုခံစားဖို့ ညွှန်းပေးလိုက်ချင်တဲ့ အနီမေးရှင်းကားကောင်းလေးတစ်ကားပဲဖြစ်ပါတယ်။

t.me/cartoonmoviesmms/953

ဆင်လေးအာပူရဲ့စွန့်စားခရီး (၂၀၂၄)

ဇာတ်လမ်းရဲ့ အဓိကဇာတ်ကောင်လို့ ဆိုရမဲ့ ဆင်ပေါက်ကလေး အာပူ ဟာ အရမ်းကို စူးစမ်းလေ့လာချင်သူလေးပါ။ ဆင်ကြီးတွေလစ်တာနဲ့ဆင်ပေါက်အုပ်စုကို ဦးဆောင်ပြီး အလစ်ထွက်တတ်ပါသေးတယ်။ ငယ်သေးတော့ ဘာမှ ဖြစ်ဖြစ် မြောက်မြောက် မလုပ်တတ်သေးဘဲ အကုန် တလွဲတချော် ဖြစ်ခဲ့တာချည်းပါပဲ။ ဒီလိုနဲ့ တောထဲမှာ ပျော်ပျော်ပါးပါး နေရာက အာပူ လေးဟာ အန္တရာယ်များတဲ့ လူတွေကြားထဲ သွားရဖို့ အကြောင်း ဖန်လာပါတယ်။ အဲဒါကတော့ လူတွေလက်ထဲ ရောက်သွားတဲ့ သူ့အဖေကို သွားကယ်ဖို့ပါပဲ။ ဆင်ပေါက်လေး အာပူ ရဲ့ စွန့်စားခရီးဟာ ဘယ်လို အန္တရာယ်တွေနဲ့ ပြည့်နှက်နေမလဲ၊ ဘာတွေ တွေ့ကြုံခံစားရမလဲဆိုတာကို စိတ်ဝင်စားစရာ ဆက်လက် ကြည့်ရှုကြရမှာ ဖြစ်ပါတယ်။

t.me/cartoonmoviesmms/955

ရွှေရောင်မျက်နှာဖုံးနှင့် သူရဲကောင်း (၂၀၂၄)

ချာလီ ဆိုတဲ့ အိမ်ခြေရာမဲ့ အမေရိကန် သူခိုးကောင်လေးဟာ တစ်ရက်မှာ တရုတ်မင်းဆက်တစ်ခုရဲ့ ဆန်ချွင်ဒီ တိုင်းပြည်ကို မှော်ဂိတ်ပေါက်ကနေ ရောက်သွားရာကနေ၊ အဲဒီတိုင်းပြည်ရဲ့သူရဲကောင်းတစ်ယောက် ဖြစ်လာပုံကို ဒီဇာတ်ကားထဲမှာ အရောင်စုံစုံနဲ့ ကြည့်ရှုခွင့်ရမှာ ဖြစ်ပါတယ်။ ဒီဇာတ်ကားက ఎనభယ်နှစ်ခုနှောင်းပိုင်းတွေတုန်းက တရုတ်ပြည် တောင်ပိုင်းမှာ ရှေးဟောင်း မျက်နှာဖုံးတွေ ရှာတွေ့ထားတဲ့ ဖြစ်ရပ်မှန်ကိုအခြေတည်ပြီး စိတ်ကူးယဉ် ရိုက်ကူးထားတဲ့ ဇာတ်ကားတစ်ကားလည်း ဖြစ်ပါတယ်။

t.me/cartoonmoviesmms/960

မှော်ဘုရင်၏ဓါး (၂၀၂၄)

မှော်ပညာကသာ အရာရာ ဖြစ်နေတဲ့ လောကကြီးမှာ မှော်ဘုရင်ဘွဲ့ကိုအသည်းအသန် ရယူလိုချင်ပေမယ့် မှော်အစွမ်းတွေကို မတတ်မြောက်နိုင်တဲ့ခြင်္သေ့နှလုံးသားလို ရဲရင့်ပြီး သတ္တိရှိတဲ့ ကောင်လေးတစ်ယောက်နဲ့ နယ်နှင်ဒဏ်ပေးခံရတဲ့ မှော်ဘုရင်လေးပါးတို့ဟာ ကလိုဗာတိုင်းပြည်ကို ချေမှုန်းဖို့ ပြန်လာခဲ့ကြတဲ့အခါမှာတော့။

t.me/cartoonmoviesmms/962

လေကိုစောင့်ရှောက်သူများ (၂၀၁၈)

တခါက ကမ္ဘာကြီးကို ရက်စက်ဖျက်စီးနေကြတဲ့ မိစ္ဆာကြီးလေးကောင်ကို ရှားလန် ဆိုတဲ့ စောင့်ရှောက်သူတွေရဲ့ ချိတ်ပိတ်ခံရမှုကြောင့် မိစ္ဆာတွေရဲ့ ဝိဉာဏ်တွေဟာကမ္ဘာကြီးရဲ့ တစ်နေရာဆီ လွင့်စင်သွားကြပါတယ်။ မိမိမှာ ရှားလန် အမှတ်အသားရှိတာကြောင့် ကိုယ့်ကိုယ်ကို ရှားလန် လို့ ထင်နေတဲ့ မျက်မမြင်ကောင်လေးဟာမတော်တဆ မှော်ဂျင်ကို မြိုချမိသွားပြီး၊ အဲ့ဒီဂျင်ကို လိုချင်နေတဲ့ ကောင်မလေးနဲ့ မိခင်ပျောက်လို့ လိုက်ရှာနေတဲ့ မျက်မြင်ကောင်လေးတို့ဟာ အတူဆုံဖွဲ့သွားကြပါတယ်။ ဂျင် မြိုချမိသွားပြီး ဘာတွေ ဆက်ဖြစ်မလဲ၊ ရှားလန် ဆိုတဲ့ စောင့်ရှောက်သူတွေက တကယ်ရော ရှိသေးတာလား၊ မိစ္ဆာကောင်တွေကမ္ဘာကို ပြန်လည်တိုက်ခိုက်လာမလား၊ အဲ့ဒီရန်ကို မျက်မမြင်ကောင်လေး တားဆီးနိုင်ပါ့မလားဆိုတာကို ကြည့်ရှုရမှာ ဖြစ်ပါတယ်။

t.me/cartoonmoviesmms/964

သူရဲကောင်းလေးများ (၂၀၂၂)

ဟက်ဒ်ဝစ် ဟာ ထရိုးမြို့ကလေးမှာ နေထိုင်ပြီး ဂိမ်းဆော့ရတာကို ကြိုက်တဲ့သာမန်ကောင်မလေးတစ်ယောက်ပါ။ သူတို့မြို့ကလေးမှာ ခေတ်အစဉ်အဆက်မြို့လေးကို လုံခြုံအောင် ကာကွယ်ပေးလာတဲ့ စူပါလိုင်းယွန်း ဆိုတဲ့ သူရဲကောင်းရှိပါတယ်။ သူ ဘယ်သူလဲဆိုတာ တစ်မြို့လုံးက မသိပေမယ့် သူရှိနေရင် မြို့လေးက လုံခြုံနေပါတယ်။ တကယ်တော့ ဒီသူရဲကောင်းက ဟက်ဒ်ဝစ် ရဲ့ အဖေဖြစ်ပြီး၊ သူ့အဖေဟာ ဟက်ဒ်ဝစ် ရဲ့ အမေဖြစ်သူကို ဆုံးရှုံးလိုက်ရတဲ့အချိန်မှာ သမီးအပေါ် မနွေးထွေးနိုင်တော့သလို သူတို့ မျိုးရိုးစဉ်ဆက် စွမ်းအင်ပေးလာတဲ့ စူပါဝတ်စုံ ကို လက်ဆင့်ကမ်းဖို့ အတွေးမရှိတော့ပါ။ အဲဒီကြောင့် ဟက်ဒ်ဝစ် အစားအရည်အချင်းရှိတဲ့ သူ့တဝမ်းကွဲအစ်ကိုကို ဝတ်စုံ လွဲပေးဖို့ ဆုံးဖြတ်လိုက်ပါတယ်။ ဒါကြောင့် ဟက်ဒ်ဝစ် က သူ့အဖေကို သက်သေပြဖို့၊ ကိုယ့်မှာလည်းအရည်အချင်းရှိကြောင်း သက်သေပြဖို့ ကြိုးစားပါတော့တယ်။ ဒါပေမယ့် သူ့အဖေကို တကယ့်အတိုင်း သက်သေပြနိုင်ပါ့မလား၊ စူပါဝတ်စုံကို ရနိုင်ပါ့မလား၊ သူ့တဝမ်းကွဲအစ်ကိုက တကယ့်အတိုင်း ထိုက်တန်ပါ့မလားဆိုတာကို စိတ်ဝင်စားဖွယ် ကြည့်ရှုရမယ့် ကာတွန်းကားကောင်းလေးဖြစ်ပါတယ်။

t.me/cartoonmoviesmms/966

ဝက်ကလေး (၂၀၂၂)

ခွေးလေး ကြောင်လေးတွေကို အိမ်မွေးတိရစ္ဆာန်အဖြစ် မွေးတာများပေမယ့် ဝက်ကလေးတွေကိုတော့ အဲဒီလို မွေးတာ သိပ်မမြင်ဖူးကြဘူးမလား? ဒီကားထဲက ဘက်စ် ဆိုတဲ့ ကောင်မလေးဟာ သူ့ရဲ့ မွေးနေ့မှာ သူ့အဖိုးဆီကနေ ဝက်ပေါက်ကလေးတစ်ကောင်ကို မွေးနေ့လက်ဆောင် အနေနဲ့ လက်ဆောင်ရရှိခဲ့ပါတယ်။ အချိန်ကြာလာတာနဲ့အမျှ ကောင်မလေးနဲ့ ဝက်ကလေးတို့ကြားက သံယောဇဉ်ကြိုးဟာ ပိုပြီး ခိုင်မာလာခဲ့ပါတယ်။ ဒါပေမယ့် ကောင်မလေးကို ဝက်ကလေး မွေးနေ့လက်ဆောင်ပေးတဲ့ သူ့အဖိုးရဲ့ တကယ့်သရုပ်မှန်က ဘာလဲ။ ဘာတွေဆက်ဖြစ်ကြမလဲ ဆိုတာ ကြည့်ရမယ့် အနိမေးရှင်းကားကောင်းလေး တစ်ကားဖြစ်ပါတယ်။

t.me/cartoonmoviesmms/968

ကုသိုလ်လေးတစ်ခု (၂၀၂၅)

မကောင်းတာတွေ လုပ်ရင် ငရဲကျမယ်လို့ ဆုံးမခံရပြီးနောက်၊ အသက် ၆ နှစ်သာ ရှိသေးတဲ့ သူငယ်ချင်းသုံးယောက်တို့ဟာ အကြီးကျယ်ဆုံး “ကုသိုလ်ကောင်းမှု” တစ်ခုလုပ်ဖို့ စွန့်စားပြီး စစ်ဖြစ်နေတဲ့ တိုင်းပြည်ကို ထွက်လာကြပါတယ်။ ဒါပေမယ့် သူတို့ရဲ့ ရည်ရွယ်ချက်ကောင်းတွေက နေရာတိုင်းမှာ အလွဲအချော်တွေနဲ့ ပရမ်းပတာတွေကိုပဲ ဖြစ်ပေါ်စေခဲ့ပါတယ်။ ဒီဆော်ဒီအာရေဗျရဲ့ ပထမဆုံး နက်ဖလစ်စ် အနိမေးရှင်း ရုပ်ရှင် ဟာ ဟာသတွေ၊ ထူးဆန်းတဲ့ ပုံရိပ်တွေနဲ့လူ့အဖွဲ့အစည်းကို သရော်ထားသလို၊ ဇာတ်လမ်းအဆုံးထိ ဆွဲဆောင်သွားမယ့် ဇာတ်အိမ်ဖြစ်တဲ့အတွက် လက်မလွှတ်တမ်း ကြည့်လိုက်ရအောင်။

t.me/cartoonmoviesmms/970