ငယ်ငယ်က ကတိစကား (၂၀၀၄)

ဇာတ်ကားလေးဟာ မကြာသေးခင်ကပေးခဲ့တဲ့ငယ်ရွယ်ချစ်ခင်မှုနဲ့ မျှော်လင့်ချက်တွေ၊ တစ်ခါတုန်းက အမှတ်မထင် ပြုခဲ့တဲ့ကတိတစ်ခုအပေါ်အခြေခံထားပါတယ်။ ကျွန်တော်တို့ သူငယ်ချင်းနှစ်ယောက်က နွေရာသီကျောင်းပိတ်တိုင်း စစ်တပ်ကန်ထရိုက်တစ်ခုမှာအလုပ်ဝင်လုပ်ကြတယ်။ ရတဲ့ဝင်ငွေလေးနဲ့အတူ အိမ်မက်တစ်ခုကို အကောင်အထည်ဖော်ဖို့ကြိုးစားကြတယ်။ ဒါပေမယ့် အဲ့အိမ်မက်ကရောက်ဖို့လမ်းကတော့ မလွယ်ပါဘူး။ ဘာလို့လဲဆိုတော့ နယ်စပ်ကျွန်းကြီးပေါ်မှာ ထိုးထွက်နေတဲ့ မျှော်စင်ကြီးဆီကို ပျံသန်းနိုင်မယ့် လေယာဉ်တစ်စင်းကို တည်ဆောက်ဖို့ဆိုတာ တကယ်မလွယ်ပါဘူး။ တစ်နေ့မှာ ကျွန်တော်တို့က အတန်းထဲက ကောင်မလေးတစ်ဦး ကို ကျွန်တော်တို့ရဲ့အိမ်မက်အကြောင်း ပြောပြမိတယ်။ သူကလည်း တက်ကြွလာပြီး “ကျွန်မလည်း သွားချင်တယ်၊ ခေါ်သွားပေးပါ” လို့ ပြောလာခဲ့တယ်။ အဲ့လိုနဲ့ ကျွန်တော်တို့သူငယ်ချင်းသုံးယောက်က “မျှော်စင်ကြီးဆီကို အတူတူပျံသန်းသွားကြမယ်” ဆိုတဲ့ကတိတစ်ခုပြုခဲ့ကြတယ်။ ဒါပေမယ့် သုံးနှစ်ကျော်ကြာလာတဲ့အခါမှာတော့ အရာအားလုံး မျှော်လင့်ထားသလို မဖြစ်လာတော့ဘဲ တစ်ဦးဦး ကွဲကွာသွားခဲ့ရတဲ့ နာကျင်စိတ်နဲ့ မေ့လျော့မှုတွေကြားက ပြန်ရောက်လာမယ့် အမှတ်တရနဲ့ နာရီခေါင်းအသံတွေကြားက ချစ်ခြင်းအတွက် တိုက်ပွဲတစ်ခုဖြစ်လာပါတယ်။

t.me/hanacartoons/6117

ဂျေလ်ဂျေလ်အစစ်နှင့်အတု (၂၀၂၁)

အခုတစ်ကြိမ် မိတ်ဆက်ပေးမဲ့ ဇာတ်ကားကတော့ကလေးများနှင့် လူငယ်ပရိသတ်များအတွက် မဖြစ်မနေ ကြည့်ရမဲ့ ဇာတ်ကားဖြစ်ပါတယ်။ ကမ္ဘာကြီးကို မူးနောက်အောင် လုပ်တတ်တဲ့ စွမ်းအားကြီးတဲ့ ဂျင်းနီလေး ဂျေလ်ဂျေလ် ဆိုတာ ရှိပါတယ်။ ဇာတ်လမ်းအစမှာ ဂျေလ်ဂျေလ် ပျောက်သွားလို့ သူငယ်ချင်း နှစ်ယောက်ဖြစ်တဲ့ မိုတူ နဲ့ မာယန် တို့က သူ့ကို လိုက်ရှာခဲ့ကြပြီး မိုတူ ရဲ့ အစွမ်းထက် မှော်သံစဉ်တွေကြောင့် ဂျေလ်ဂျေလ် ကို ပြန်လည် ဖမ်းမိခဲ့ပေမယ့် ထပ်ပြီး လွတ်သွားပြန်ပါတယ်။ အဲဒီအချိန်မှာ ပရောဖက်ဆာ ဆိုသူ တစ်ယောက်ကလည်း ဂျေလ်ဂျေလ် အတုကို ဖန်တီးခဲ့ပြန်ပါတယ်။ ပရောဖက်ဆာ ရဲ့ ဂျေလ်ဂျေလ် အတု ဖန်တီးမှုကနေ ဖြစ်ပေါ်လာတဲ့ အမှားတွေ၊ စွန့်စားမှုတွေကို ဟာသနှောပြီး တွေ့ရမှာ ဖြစ်သလို ဂျေလ်ဂျေလ် အတုနဲ့ အစစ်ကို နောက်ဆုံးမှာ သူတို့ ခွဲနိုင်ခဲ့လား ဆိုတာ ဒီဇာတ်လမ်းမှာ ခံစား ကြည့်ရှုပေးကြပါဦး။

t.me/cartoonmoviesmms/930

ပါရာနော်မန် (၂၀၁၂)

ဒီကားလေးဟာ မက်ဆာချူးဆက်ပြည်နယ်ရဲ့ မြို့ဟောင်းတစ်ခုကို အခြေခံပြီး ရိုက်ကူးထားတဲ့ သရဲဇာတ်လမ်းကား တစ်ကားပါ။ အသက် ၁၁ နှစ်အရွယ် နော်မန် ဆိုတဲ့ ကောင်လေးကတော့ အဓိက ဇာတ်ကောင်နေရာကနေ ပါဝင်ထားပါတယ်။ နော်မန် မှာ မွေးရာပါ စွမ်းရည်တစ်ခု လက်ဆောင်ရထားပြီး အဲ့ဒါကတော့ သေဆုံးသွားတဲ့ ဝိညာဉ်တွေကို မြင်တွေ့နိုင်ပြီး စကားပြောနိုင်တာပါ။ သူ မြင်တွေ့နေရတာတွေကို ဘယ်သူမှ မမြင်တဲ့အတွက် အရူးတစ်ယောက်လို သတ်မှတ်ခံထားရပြီးသူ့မိသားစုကလည်း သူ့ကို မယုံကြည်ပါဘူး။ သူတို့မြို့လေးမှာ စုန်းမတစ်ယောက်ရဲ့ ကျိန်စာအကြောင်း ပုံပြင်ဇာတ်လမ်းလေးရှိနေခဲ့ပေမဲ့ အဲ့ဒီ ဇာတ်လမ်းမှာ အမှန်တကယ် ရှိနေခဲ့ပါတယ်။ နောက်ပြီး အဲ့ဒီမြို့လေးက လူတွေအားလုံးရဲ့ ကံကြမ္မာနဲ့ သက်ဆိုင်နေပါတယ်။ ဒီလိုနဲ့ တစ်နေ့မှာ ဝိညာဉ်တွေနဲ့ စကားပြောဆိုနိုင်တဲ့ နော်မန် ဆီကို စုန်းမရဲ့ ကျိန်စာကို ရပ်တန့်ပေးဖို့ ရုတ်တရက် တာဝန်တစ်ခု ပေးခြင်း ခံလိုက်ရတဲ့အခါမှာတော့ နော်မန် တစ်ယောက် စုန်းမရဲ့ ကျိန်စာကို ရပ်တန့်နိုင်ပြီး လူတွေအားလုံးကို ကယ်တင်နိုင်မှာလား၊ စုန်းမကရော ဘယ်လို အဆုံးသတ်သွားမလဲ

t.me/cartoonmoviesmms/932

ထူးဆန်းသော ပင်ဂွင်းအုပ်ကြီး (၂၀၁၈)

ဇာတ်ကားလေးရဲ့ အကြောင်းအရာလေးကတော့ အိုယာမာ လို့ ခေါ်တဲ့ MC အနာဂတ်လောင်း သိပ္ပံပညာရှင် ဉာဏ်ကြီးရှင်လေးက ထူးဆန်းတဲ့ အရာမှန်သမျှ စိတ်ဝင်စားပြီး သုတေသန လုပ်ချင်သူလေးဖြစ်တယ်။ တစ်နေ့မှာတော့ သူတို့ လိုဆင်ခြေဖုံးဒေသ ဖြစ်တဲ့ မြို့လေးမှာ ပင်ဂွင်းတွေက အုပ်လိုက် ကြီးရောက်နေတာကို တွေလိုက်ရတယ်။ ဒါကို သူက စိတ်ဝင်စားသွားပြီး ပင်ဂွင်းတွေ ဘယ်ကလာလဲ၊ ဘယ်လို ဒီလိုနေရာကို ရောက်နေလဲ၊ ဘာကြောင့်လဲ ဆိုပြီး ပဟေဠိ တစ်ခုပြီး တစ်ခု သူ့သူငယ်ချင်းနဲ့အတူ ဖြေရှင်းဖို့ လုပ်ပါတော့တယ်။ ဒီကြားထဲ သွားဆေးရုံမှာ အလုပ်လုပ်နေတဲ့ အစ်မကြီး တစ်ယောက်ကို သူက ကြိုက်နေတာကို တွေ့မိတယ်။ ဒါပေမယ့် ပဟေဠိတွေကို ဖြေရှင်းဖို့ အဖြေရှာရင်း သိလိုက်ရတာက အဲ့ဒီ အစ်မကြီးနဲ့ ဒါတွေဟာ ဆက်စပ်နေပြီးတော့ ဘယ်လိုတွေများ ဆက်စပ်နေလဲ ဆိုတာကို ရှာဖွေရင်း ဇာတ်ကားလေးကို ကြည့်ရှုခံစားကြည့်လိုက်ရအောင်။

t.me/cartoonmoviesmms/934

ကွန်စတန်တိုင်း - မိစ္ဆာမြို့တော် (၂၀၁၈)

ဒီရုပ်ရှင်မှာတော့ ဂျွန် ဟာ သူ့ထုံးစံအတိုင်းပဲ ပေမြဲ နေမြဲ ဆိုးဆဲ ဖြစ်ပါတယ်။ တစ်ရက်မှာတော့ သူ့အချစ်ဆုံး သူငယ်ချင်းဖြစ်သူ ချက်စ် တစ်ယောက် ဗြုန်းစားကြီး ရောက်လာခဲ့ပြီး သူ့သမီးလေး ကိုမာ ဝင်နေရာက ပြန်မနိုးလာတဲ့အတွက် အားကိုးတကြီး လာအကူအညီ တောင်းတာပါ။

t.me/cartoonmoviesmms/936

ရွာဖျက်မုန်တိုင်းကြီးများ (၂၀၂၄)

လာမန်ချာ ဆိုတဲ့ ရွာကလေးမှာ ကီဟိုတီ မိသားစုနဲ့ ပန်ဆာ ဆိုတဲ့ မိသားစု နှစ်စုတို့လည်း နေထိုင်ကြလေတယ်။ အဲဒီ မိသားစု နှစ်စုကတော့ အကြောင်းအရင်း အမျိုးမျိုးကြောင့် တစ်ယောက်နဲ့ တစ်ယောက် မတည့်ကြပါဘူး။ ဒါပေမဲ့ အယ်ဖွန်ဆိုကီဟိုတီ နဲ့ ပွန်ချိုပန်ဆာ ဆိုတဲ့ ကောင်လေး နှစ်ယောက်ကတော့ မိဘတွေ မတည့်ကြသည့် တိုင်အောင် အချစ်ဆုံး သူငယ်ချင်း အဖြစ် တစ်ယောက်နဲ့ တစ်ယောက် သတ်မှတ်ထားကြပါတယ်။ လာမန်ချာ ရွာလေးဟာ နှစ်ပေါင်းများစွာ ငြိမ်းငြိမ်းချမ်းချမ်း နေထိုင်ခဲ့ကြပေမဲ့ နောက်ပိုင်း ခုနှစ်တွေမှာတော့ မုန်တိုင်းကြီးတွေ တစ်လုံးပြီး တစ်လုံး တိုက်ခိုက်တဲ့အတွက် ကျေးရွာနေသူတွေ ပြောင်းရွှေ့ကြဖို့ ဖြစ်လာခဲ့တာပေါ့။ ဒါပေမဲ့လည်း စိတ်ကူးယဉ်ဆန်ပြီး စိတ်ကူးကောင်းတဲ့ အယ်ဖွန်ဆို လေးဟာ မုန်တိုင်းကြီးကို နှိမ်နင်းပြီး ရွာကို ကယ်တင်မယ်ဆိုပြီး ဆုံးဖြတ်ချက် ချကာ သူငယ်ချင်း ဖြစ်သူ ပွန်ချို နဲ့ ဗစ်တိုးရီးယား တို့နဲ့အတူ သုံးယောက်သား မုန်တိုင်းကြီးကို နှိမ်နင်းဖို့ ရွာပြင်ကို ခရီးထွက်လာခဲ့ပါတော့တယ်။ သူငယ်ချင်း သုံးယောက် ဘယ်လို အခက်အခဲတွေ ဖြတ်ကျော်ရမလဲ။

t.me/cartoonmoviesmms/938

မင်းသမီးလေး ရိုမီ နှင့် အချစ်စစ် (၂၀၂၄)

မင်းသမီး ရိုမီ ဟာ သူမရဲ့ တကယ်အချစ်စစ်တစ်ယောက် ဖြစ်မယ်လို့ ယုံကြည်ရာ ဟတ်စပရင်း ကို ရှာတွေ့ဖို့ အကြောင်းအရာနဲ့စတင်ပါတယ်။ သူမထဲမှာ ရဲရဲတင်းစွာ မြင့်မားတဲ့ စိတ်ဓာတ်မျိုး၊ မကြောက်ရွံ့တဲ့ စိန်ခေါ်ချက်တွေကို ခံယူတက်ပြီး မကြာမီ တည်ရှိနေတဲ့ ခြိမ်းခြောက်မှုများနှင့် ရင်ဆိုင်သွားရပါတယ်။ ထိုခရီးထဲမှာ ရိုမီ ဟာ သူမရဲ့ ရည်းစား ဖြစ်လာနိုင်တဲ့ ဟတ်စပရင်း ကို ကယ်တင်ကာ ယုံကြည်မှု၊ နှလုံးသားသန့်ရှင်းမှုနဲ့ လူသားအချစ်ကို ပြသပြီး သူတို့အကြား ရင်းနှီးချစ်ခင်မှု တည်ထောင်လိုက်ပါတယ်။

t.me/cartoonmoviesmms/940

ဖခင်မေတ္တာ (၂၀၂၁)

အောက်လုံးနည်းနည်းပါတဲ့ မန်းဂ တွေကိုရေးဆွဲတဲ့ မန်းဂ ရေးအနုပညာရှင် ကကုရှီ ဂိုတို နဲ့ သူ့ရဲ့ အရမ်းချစ်ရတဲ့ တစ်ဦးတည်းသော သမီးလေး ဟိမေ တို့အပေါ်မှာ ဇာတ်အိမ်တည်ထားတာဖြစ်ပါတယ်။ ကကုရှီ ရဲ့ အကြောက်ဆုံးအရာကတော့ သူ့အလုပ်ကို သူ့ရဲ့ တစ်ဦးတည်းသော ချစ်သမီးလေး သိသွားမှာကိုပါ။ အဲဒါကြောင့်လဲ “ငါသာ အောက်လုံးတွေပါတဲ့ မန်းဂ ရေးတဲ့သူဆိုတာ သိသွားရင် ငါ့သမီးလေး ငါ့ကို မုန်းသွားလေမလား” ဆိုတဲ့ အကြောက်တရားကအမြဲလွှမ်းမိုးနေခဲ့ပါတယ်။ အဲ့ဒီတော့ သူ့ရဲ့ အလုပ်ကို သူ့သမီးလေး မသိသွားစေဖို့ရာ သူ့ရဲ့ လက်ထောက်နဲ့ အယ်ဒီတာရဲ့ အကူအညီနဲ့ နေ့တိုင်း ဖုံးကွယ်ရင်း ကျော်ဖြတ်ဖို့ ကြိုးစားရပါတော့တယ်။ သူ့သမီးလေးက သူ့ရဲ့ အလုပ်ကို သိသွားမှာလား။ သိသွားရင်ရော သူ့အဖေအပေါ်မှာ အထင်အမြင် သေးသွားမှာလား။ နေမြင်ညပျောက် ဖြစ်နေတဲ့ အခုလိုကာလကြီးမှာ မိသားစုကို အချိန်ပေးပြီး တန်ဖိုးထားကြဖို့လိုပါတယ်။ ဒီကားလေးကလည်း မိသားစုရဲ့ အရေးပါပုံနဲ့ သမီးလေး ဟိမေ အပေါ်ထားတဲ့ ကကုရှီ ရဲ့ ချစ်ခြင်းမေတ္တာကို ဖော်ညွှန်းထားတာမို့ အားလုံးကို ကြည့်စေချင်ပါတယ်။ ဒီကားလေးကို ကြည့်ပြီး မိသားစုကို တန်ဖိုးထားနိုင်ကြပါစေ။

t.me/cartoonmoviesmms/945

အချိန်၏ရင်သွေးငယ် (၂၀၂၅)

ဒီကားလေးမှာ ရင်သပ်ရှုမောဖွယ် အလှတရားနဲ့ စိတ်ကူးယဉ်ဆန်မှုတွေ၊ အချိန်ကာလစွန့်စားခန်းနဲ့ ရှေးခေတ် အလှအပရသတွေကို ဖော်ကျူးထားတယ်လို့ ဆိုပါတယ်။ ဇာတ်လမ်းအကျဉ်း ဟိုးရှေးရှေးတုန်းက ငါးဖမ်းကျေးရွာက ချန်းရှောင် ဆိုတဲ့ ကောင်မလေးတစ်ယောက်က သူ မျှော်လင့် စောင့်စားခဲ့ရတဲ့ မြို့ကြီးဆီကိုရွက်လွှင့်ပြီး ပျော်ပျော်ရွှင်ရွှင် လာခဲ့တာပေါ့။ ဒါပေမဲ့ မမျှော်လင့်ထားတဲ့မတော်တဆမှုတစ်ခုကြောင့် အချိန်စက်ဝန်းရဲ့ ရွေးချယ်ခံရပြီး အချိန်ကိုထိန်းချုပ်နိုင်သွားသတဲ့။ ဒီလိုနဲ့ နှစ်ယောက်မရှိတဲ့ ပြိုင်ဘက်ကင်း “အချိန်၏ ရင်သွေးငယ်လေး” ဖြစ်သွားတော့တာပေါ့။ သာမန်ဘဝကလေးကနေ စတင်ခဲ့တဲ့ သူမရဲ့ ဘဝအနာဂတ်မှာ ဘယ်လိုတွေ တွေ့ကြုံရလေမလဲ။ မျက်စိဒေါက်ထောက် ကျားချောင်းချောင်းနေတဲ့ သူတွေကိုရော ဘယ်လို ရင်ဆိုင် ဖြေရှင်းသွားမလဲ။

t.me/cartoonmoviesmms/947

မာနကြီးသောမင်းသမီးလေး (၂၀၂၄)

တိုင်းပြည်တစ်ပြည်ရဲ့ မာနကြီးတယ်လို့ သတင်းထွက်နေတဲ့ မင်းသမီးလေးတစ်ပါးကို တခြားတိုင်းပြည်တစ်ခုရဲ့ ဘုရင်တစ်ပါးကဥယျာဉ်မှူးအယောင်ဆောင်ပြီးတွေ့ကြတဲ့အခါ အချစ်ဇာတ်လမ်းလေးတစ်ခု ဖြစ်ပေါ်လာပါတယ်။ ဒီအချစ်ဇာတ်လမ်းလေးက ဇာတ်သိမ်းလှမှာလား၊အယောင်ဆောင်မှုလေးပေါ်သွားတဲ့အခါ မင်းသမီးက လက်ခံနိုင်မှာလား စတာတွေကို အနီမေးရှင်းကောင်းကောင်းနဲ့ ကြည့်ရမှာမလို့ တင်ဆက်ပေးလိုက်ပါတယ်။

t.me/cartoonmoviesmms/949

မမ်မီများ (၂၀၂၃)

ရှေးဟောင်း အီဂျစ် မံမီတွေရဲ့ မြို့တော်မှာနေထိုင်တဲ့ မင်းသမီးလေးဟာ သီချင်းဆိုရတာကို ဝါသနာပါတဲ့သူ ဖြစ်ပေမယ့် သူ့ရဲ့ မြို့တော်မှာ သူ့ရဲ့ အစွမ်းအစတွေကို လွတ်လွတ်လပ်လပ် ထုတ်ဖော်ပိုင်ခွင့် မရှိတဲ့သူပါ။ ထွတ် ကတော့ ရထားလုံးမောင်းနှင်သူဟောင်း တစ်ယောက် ဖြစ်ပေမယ့် လက်ရှိမှာတော့ အနားယူထားပြီး သူ့ကို အားပေးတဲ့ သူတွေကို လက်မှတ်ထိုးပေးရင်း အချိန်ကုန်နေတဲ့သူ တစ်ယောက် ဖြစ်ပါတယ်။ ဒီလိုနဲ့ တစ်ရက်မှာတော့မင်းသမီးလေး အတွက် ကြင်ယာတော် ရွေးပေးမယ့် ဖီးနစ်ငှက် က ထွတ် ကို ကြင်ယာတော် အဖြစ် ရွေးချယ်ပေးလိုက်ပါတယ်။ သူတို့နှစ်ယောက် လက်ထပ်ပွဲအတွက် ဖာရိုဘုရင်ကြီး က ထွတ် ကို တော်ဝင်လက်စွပ် ချီးမြှင့်ထားတာပေါ့။ ဒါပေမယ့် အဲဒီလက်စွပ်ကို ရှေးဟောင်း သုတေသနပညာရှင် ဖြစ်တဲ့ လူသားကမ္ဘာက လော့ကနာဘီ က ခိုးသွားခဲ့ပါတယ်။ ဒါကြောင့် ထွတ် ရယ်၊ ထွတ် ရဲ့ ညီလေး စေကန် ရယ်နဲ့ မင်းသမီး တို့ သုံးယောက်ဟာ လူသားကမ္ဘာကို လက်စွပ်ရှာဖို့ စွန့်စားခန်း ထွက်လာရပါတော့တယ်။ သူတို့ သုံးယောက် ကျယ်ပြန့်တဲ့ လူသားကမ္ဘာမှာ ဘယ်လို အတွေ့အကြုံ အသစ်တွေ ရမလဲ၊ သူတို့လိုက်ရှာနေတဲ့ လက်စွပ်ကိုရော အဆုံးမှာ ရှာတွေ့သွားမှာလား ဆိုတာကိုတော့

t.me/cartoonmoviesmms/951

အူကြောင်ကြောင်မိသားစု (၂၀၂၄)

ဒီဇာတ်ကားလေးရဲ့ အဓိကသင်ခန်းစာကတော့ ဘယ်လောက်ပဲ မတူညီကွဲပြားမှုတွေရှိနေပါစေ အချစ်နဲ့သာဆိုရင် ဘယ်အရာကိုမဆို အောင်မြင်အောင်ကျော်လွှားပြီး ပေါင်းစည်းပေးနိုင်တယ်ဆိုတာကို မှော်ဆန်တဲ့ ဇာတ်လမ်းလှလှလေးနဲ့ ရိုက်ကူးပုံဖော်ထားတာပဲဖြစ်ပါတယ်။ ဇာတ်လမ်းအစမှာတော့ နာလင် နဲ့ အနက်စကာ ဆိုတဲ့ချစ်သူနှစ်ယောက် မကောင်းဆိုးဝါးပင့်ကူကြီး လက်က ထွက်ပြေးလာတာကို မြင်ရမှာဖြစ်ပြီး လမ်းမှာ သူတို့မွေးလာမဲ့ ကလေးနာမည်ပေးဖို့ တိုင်ပင်နေခဲ့ကြပါတော့တယ်။ ဒီလိုနဲ့ အဲ့ဒီလမ်းမှာတင် သူတို့မွေးလာမဲ့ကလေးကို ဘက်တီ ဆိုပြီး နာမည်ပေးဖြစ်ခဲ့ပြီး သူတို့လည်း အန္တရာယ်များတဲ့နေရာကနေ လူနေမြို့လေးတစ်ခုမှာ ပြောင်းရွှေ့ပြီး ပုန်းခိုနေထိုင်ခဲ့ကြပါတော့တယ်။ တကယ်တမ်းတော့ သူတို့တွေက မှော်ဝင် မျိုးရိုးတွေဖြစ်ပြီး သူတို့ကို ရှာတွေ့သွားမှာစိုးတဲ့အတွက် မှော်ပညာကို ချင့်ချိန်သတိထားသုံးနေရတာပဲဖြစ်ပါတယ်။ ဘက်တီ ကလည်း မြို့မှာပဲ ကျောင်းတက်ရပြီး သူငယ်ချင်းတွေ ရှိနေပေမယ့် သူ့မိသားစုရဲ့ မှော်ပညာကို ဆက်ခံပြီး အသုံးပြုချင်တဲ့ ကောင်မလေးတစ်ယောက်ဖြစ်ပါတယ်။ သူ့မှာ သူမိဘရဲ့ မှော်အစွမ်းတွေနဲ့ ဖန်တီးထားတဲ့ ညီအစ်ကိုမောင်နှမတွေ ရှိပြီး သူတို့ကို မြင်လေလေ ဘက်တီ တစ်ယောက် မှော်အစွမ်းတွေ ပိုသုံးချင်လာလေလေပါပဲ။ အဲ့ဒါကြောင့်ပဲ ဘက်တီ ရဲ့ အမေက သူ့ကို မဖြစ်မနေ ဟိုးအတိတ်က အမှန်တရားတွေအကြောင်း ပြောပြခဲ့ရပြီး ဇာတ်လမ်းလည်း ပိုစိတ်ဝင်စားစရာကောင်းလာတဲ့အတွက် မ Spoil တော့ဘဲ ကိုယ်တိုင်ပဲ ကြည့်ရှုခံစားဖို့ ညွှန်းပေးလိုက်ချင်တဲ့ အနီမေးရှင်းကားကောင်းလေးတစ်ကားပဲဖြစ်ပါတယ်။

t.me/cartoonmoviesmms/953