ဘုရင်များရဲ့ ဘုရင် (၂၀၂၅)

ပြဇာတ်ရုံပိုင်ရှင် ချားစ်ဆိုတဲ့ ပုံပြောဆရာက အဆော့မက်ပြီးတော့ ဘုရင်အာသာနဲ့ လက်စွဲတော်မှော်ဝင် အက်စ်ကာလီဘာဓားကို ရူးသွပ်နေတဲ့ သားဖြစ်သူ ဝေါ်တာလေးကို လိမ္မာရေးခြားရှိအောင် ဘုရင်များရဲ့ ဘုရင်ဆိုတဲ့ ပုံပြင်တစ်ပုဒ်ကို ပြောပြရာက အစချီထားပြီးတော့ ဘုရားသား‌တော် ယေရှု ခရစ်တော် မွေးဖွားလာရာကစလို့ သေဆုံးချိန်အထိ ဖြစ်ကြောင်းကုန်စင်ကို စိတ်ဝင်စားဖွယ်ရာ ဗဟုသုတရဖွယ်ရာ ကာတွန်းရုပ်ရှင်အနေနဲ့ ရိုက်ကူးတင်ဆက်ထားခြင်းဖြစ်ပါတယ်။ ခရစ်ယာန်ဘာသာဖြစ်တည်လာတဲ့ သမိုင်းကြောင်းကို စိတ်ပါဝင်စားပြီးတော့ အထူးတလည် ရှာမဖတ်ချင်ဘူးဆိုရင် ပုံပြင်ထဲက ပုံပြင်ပုံစံလို ပြောပြထားတဲ့ ဒီကာတွန်းကားလေးကို ကြည့်လိုက်ရုံပါပဲ။

t.me/cartoonmoviesmms/414

မြွေဖြူမိစ္ဆာနှင့်မှော်ဆံထိုး (၂၀၁၉)

ဒီအန်နီမေးရှင်း ဇာတ်လမ်းလေးကတော့ တရုတ်ဒဏ္ဍာရီဇာတ်လမ်းတစ်ပုဒ်ဖြစ်တဲ့ မြွေဖြူမိစ္ဆာ အကြောင်းကိုအခြေခံပြီး ရိုက်ကူးထားတာပဲဖြစ်ပါတယ်။ ဒီဇာတ်လမ်းကိုအခြေခံပြီး ရှေ့မှာလည်း Live action ရော အန်နီမေးရှင်း တွေရော ပုံစံအမျိုးမျိုးထွက်ခဲ့ဖူးပေမယ့် အခုကတော့ ပိုကောင်းတဲ့ အန်နီမေးရှင်း ရုပ်ထွက်တွေနဲ့ ပိုပြီး ကြည့်ကောင်းလာပါပြီ။ ရိုက်ချက်အလန်းတွေ၊ နောက်ခံတီးလုံးအလန်းတွေ၊ လှပတဲ့ရှုခင်းတွေနဲ့ ကြည့်ရှုသူကို ဆွဲဆောင်သွားမှာပါ။ ဒီတော့ အားပေးကြည့်ရှုကြပါဦးလို့။

t.me/hanacartoons/5820

မြွေဖြူမိစ္ဆာနှင့်မှော်ဆံထိုး ၂ (၂၀၂၁)

ဒီဇာတ်ကားမှာ မြွေစိမ်းမလေး ရှောင်ချင်း ကို အဓိကထား ရိုက်ကူးထားတာပါ။ မြွေဖြူမလေး ရှောင်ပိုင် ဟာ အချစ်အတွက်ကြောင့် ဘုန်းတော်ကြီး ရှောဖာဟိုင် ရဲ့ လွေဖုန်း မျှော်စင်အောက်မှာ ဖမ်းချုပ်ထားခြင်း ခံရပါတယ်။ ဒါကို လက်မခံနိုင်တဲ့ ရှောင်ချင်း (မြွေစိမ်းမလေး) ဟာ ဘုန်းတော်ကြီး ဖာဟိုင် ကို ပြန်တိုက်ခိုက်ရင်း ရှုံးလော်မြို့ ဆိုတဲ့ နေရာကို အမှန်မထင် ရောက်သွားပါတယ်။ ရှုံးလော်မြို့ က လူတွေဟာ စိတ်ထဲ လွှတ်မချနိုင်တဲ့ အရာတွေရှိနေလို့ လူပြန်မဝင်စားနိုင်ပဲ ရောက်လာတဲ့သူတွေပါ။ အန္တရာယ် ပေါင်းများစွာနဲ့ ပြည့်နှက်နေတဲ့ ရှုံးလော်မြို့ မှာ ရှောင်ချင်း တစ်ယောက် ရှင်သန်နိုင်ပါ့မလား။ ရှုံးလော်မြို့ ကနေ ထွက်ခွာနိုင်ပါ့မလား။ ရှုံးလော်မြို့ မှာ သူ့အစ်မ ရှောင်ပိုင် နဲ့ ရုပ်ချင်းဆင်တဲ့ ကောင်လေးတစ်ယောက်နဲ့ ဆုံရတဲ့အခါ ဘာတွေ ဆက်ဖြစ်လာမှာလဲ။ အစ်မဖြစ်သူနဲ့ရော ပြန်ဆုံနိုင်ပါ့မလား။ အချစ်၊ အမုန်း၊ ရင်ထဲက အာဃာတတွေ၊ ခံစားချက်မျိုးစုံကို ကြည့်ရှု ခံစားရမှာပါ။

t.me/hanacartoons/5822

Ro-ck Is a La-dy's Mod-esty Episode 6

t.me/+g4FlPq7tiww1MDk9

အနောက်ဘက်သို့ (ဝူခုန်း)

မိစ္ဆာအပေါင်းတို့သောင်းကျန်းရာ လောကပျက်စီး သက်ရှိအပေါင်းသေကြေပျက်သုဉ်းရလေပြီ ထိန်းမည့်သူမရှိ ကယ်တင်မည့်သူမရှိ မိစ္ဆာများကိုသာ နတ်ဒေဝါအဖြစ် တဖန် ပူဇော်ကိုးကွယ်ရသည်

မိစ္ဆာကသာ မိစ္ဆာများကို ပြန်အနိုင်ယူနိုင်၏

ဒီလိုလောကကြီးရှုပ်ထွေးကာ ကပ်ဘေးဆိုက်နေစဉ် မိုးပေါ်မှ အံ့ဖွယ်ကျောက်တုံးတစ်တုံးဆင်းသက်လာကာ ကျောက်တုံးမျောက်ဝံကြီးတစ်ကောင် မွေးဖွားစေခဲ့တယ်

ဤ‌ကျောက်တုံးမျောက်ဝံကြီးဟာ ကပ်ဆိုက်နေသော လောကအား ကယ်တင်မည့်တာ၀န်ထမ်းရွက်သည့် သူရဲကောင်းပေလား"

ထိုသမိုင်းပေးတာ၀န်ကြောင့်ပဲ စွန်းဝူခုန်းက ဤလောကတခွင်ရဲ့အားအကြီးဆုံး မိစ္ဆာကြီးဖြစ်လာခဲ့ပါတော့တယ်

t.me/animeseriesmyanmar/1153

Anc-ient War So-ul Episode 17

t.me/+l7toxu7Qh9lkZjJl

ဆောင်းခိုငှက်ကလေးများ (၂၀၂၃)

ချစ်စရာဇာတ်အိမ်လေးတွေ၊ ချစ်စရာဇာတ်ကောင်လေး တို့ရဲ့ နောက်ထပ်ကာတွန်းကားကောင်းလေးတစ်ပုဒ်ကို ထပ်မံခံစားရဦးမှာပဲဖြစ်ပါတယ်။ ဇာတ်လမ်းအကြောင်းအရာလေးကတော့ ဘဲခေါင်းစိမ်းမိသားစုလေးတစ်ခု ဆောင်းရာသီအတွက် ဆောင်းခိုဖို့ အသိုက်ပြောင်းကြတဲ့အကြောင်းအရာလေးပါ။ ဒီဘဲမိသားစုလေးဟာဆိုရင် အမေရိကန် မူးစ်ဟတ် ရေအိုင်လေးမှာပဲ အမြဲအတည်တကျနေထိုင်ခဲ့ကြတာ သူတို့တစ်သက်တာပါပဲ။ ဘာလိုလည်းဆိုတော့ ရေအိုင်ရဲ့အပြင်မှာဆိုရင် ဘေးဒုက္ခတွေအပြည့်၊ သားရဲတွေအပြည့် ဆိုတာကို ကာကွယ်တတ်လွန်းတဲ့ ဘဲဖေဖေကြီးက ပုံပြင်တွေ ပြောပြရင်း အမြဲခြောက်လှန့်ထားလိုပါ။ သိုပေမဲ့ စူးစမ်းချင်တဲ့ ဘဲပေါက်လေးနှစ်ကောင်က ငယ်ရွယ်သူတို သဘာဝအတိုင်း အပြင်လောကကို စူးစမ်းချင်ကြောင်း ပူဆာတယ်။ ဘဲမေမေကြီးကလည်း အခြားဘဲခေါင်းစိမ်းတွေ အသိုက်ပြောင်းတာ၊ လောကကြီးထဲ ခြေဆန့်တာ မြင်တော့ စွန့်စားခန်းတွေအားကျမိပြန်ပါတယ်။ သားအမိသုံးယောက် အသိုက်ပြောင်းဖို့ ဝိုင်းပူဆာတော့ ဘဲဖေဖေကြီးလည်း မလွန်ဆန်နိုင်တော့ဘူးပေါ့ကွယ်။ ကဲ ဘာတွေဆက်ဖြစ်မယ် ဆိုတာ။

t.me/cartoonmoviesmms/416

စကူဘီဒူးနှင့် ဒီရာဘလို (၂၀၂၂)

စကူဘီဒူး ရဲ့ မူလလက်ရာနဲ့ အန်နီမေးရှင်း လေးပါ။ ဟော်လိုးဝင်းရာသီဖြစ်တာကြောင့် စကူဘီဒူး တို့ အရင်ဖြေရှင်းခဲ့တဲ့ အမှုတွေနဲ့ မတူဘဲ ပိုမိုထူးခြားစေမှာပါ။ ပြီးတော့ အားလုံးဝေဖန်နေကြတဲ့ ဗယ်လ်မာ ဇာတ်ကောင် ကိုလည်း လိင်တူချစ်သူ တစ်ယောက်အနေနဲ့ စတင်မြင်တွေ့ရမှာပါ။

စကူဘီဒူး တို့ဟာ လူဆိုးတွေအားလုံးကို နောက်ကွယ်ကနေ ဝတ်စုံတွေလုပ်ပြီး ကြိုးကိုင်နေတဲ့ ဉာဏ်ကြီးရှင် ဒုစရိုက်သမားကြီး ကိုကိုဒီရာဘလို ကို ဖမ်းဆီးအပြီးမှာ ဖြေရှင်းစရာအမှုတွေ မရှိတော့တဲ့အတွက် စိတ်ပျက်လက်ပျက်ဖြစ်နေကြပါတယ်။ ။ ဒီလိုနဲ့ သူတို့အတွက် ဟော်လိုးဝင်းမှာ အရင် ဗီလိန်တွေနဲ့ မတူတဲ့ ဖြေရှင်းစရာ အမှုအသစ်ကြီးတစ်ခုပေါ်လာတဲ့အခါမှာတော့ စကူဘီ နဲ့ ရှက်ဂီ တို့ရဲ့ အလွဲလွဲ အချော်ချော်တွေနဲ့အတူ ဘယ်လိုဖြေရှင်းသွားမလဲဆိုတာကို ကြည့်ရမှာဖြစ်ပါတယ်။

t.me/cartoonmoviesmms/418

အထူးပို့ဆောင်ရေး (၂၀၂၂)

ဝက်ဝံကြီး မစ်မစ်တို့ဆီကို အမေရိကသစ်တောပြည်ထောင်စုရဲ့ ရွေးကောက်ခံသမ္မတလောင်း ဝက်ဝံကြီး ဂရစ်ဇလီရဲ့ကလေး မှားယွင်းပြီး ရောက်လာပြန်ပါတယ်။ သားသမီးရှိသူပဲ သမ္မတလုပ်ခွင့်ရှိတဲ့ အမေရိကသစ်တောပြည်ထောင်စုရဲ့ ဥပဒေကြောင့် ရွေးကောက်ပွဲအမီ ဝက်ဝံပေါက်လေး ရောက်လာဖို့က ဝက်ဝံကြီး ဂရစ်ဇလီတို့အတွက် အရေးကြီးနေပါတယ်။ အဲဒီလိုနဲ့ မှားယွင်းပြီး ရောက်လာတဲ့ ဝက်ဝံပေါက်လေးကို သူ့နေရပ်ဆီ အချိန်မီ ပို့ပေးဖို့ မစ်မစ်တို့ ခရီးစဉ်ကြီးကို စတင်ရပါတော့တယ်။ ဒီခရီးစဉ်မှာ ဝက်ဝံကြီး မစ်မစ်၊ ယုန်လေး အော်စကာတို့အပြင် ပန်ဒါလေးနဲ့ ပို့ဆောင်ရေးငှက် ကားလ်တို့ပါ ပါဝင်တာကြောင့် ခရီးစဉ်တစ်လျှောက်လုံးကို မြိုင်မြိုင်ဆိုင်ဆိုင်နဲ့ ပျော်ပျော်ပါးပါး ရှုစားရမှာပါ။

t.me/cartoonmoviesmms/420

ချားလော့ (၂၀၂၁)

IMDb - 6.4/10
Genre - War, Drama

ချားလော့ ဟာ သူ့မိသားစုရဲ့ ရင်နာစရာဇာတ်ကြောင်းကို ပန်းချီကားတစ်ထောင်ကျော်နဲ့ ပုံဖော်ရေးဆွဲခဲ့ပြီး “ဘဝလေလား ပြဇာတ်လေလား” လို့ ပန်းချီတစ်ထောင်ကျော်လုံးကို တစ်စုတည်းအဖြစ်သတ်မှတ် နာမည်ပေးလိုက်ပါတယ်။ အဲဒီပန်းချီကားစုကို ပထမဆုံး ဂရပ်ဖစ်နိုဗယ်အဖြစ် သတ်မှတ်ခဲ့ကြပါတယ်။ သူဟာ ပျော်စရာတွေထက် ဝေဒနာတွေက အနုပညာပိုစစ်တယ်လို့ ယူဆခဲ့ပြီး သူ့မိသားစုရဲ့ ဝေဒနာတွေကို ပန်းချီကားပေါင်းများစွာနဲ့ ပုံဖော်ခဲ့ပါတယ်။ ဒီပန်းချီတွေကို သူပန်းချီသေချာဆွဲတတ်စ နှောင်းပိုင်းကနေ တစ်သက်လုံးအားထုတ်ရေးဆွဲခဲ့တာပါ။ သူဟာ အသက် ၂၆အထိပဲ နေသွားရပေမယ့် ဒီကာလတိုတိုလေးအတွင်းမှာ ဒီပန်းချီကားပေါင်းများစွာကို မနားမနေအားထုတ်ရေးဆွဲသွားခဲ့တဲ့ အနုပညာရှင်ပါပဲ။ အနုပညာကိုချစ်ခြင်းဟာ အကောင်းဆုံးဘဝနေနည်းလို့ ဆိုခဲ့ကြပေမဲ့လဲ လက်တွေ့ဘဝမှာ အနုပညာချည်းသက်သက်ကို တွယ်ဖက်ပြီး ရှင်သန်ဖို့သာ အခက်ခဲဆုံးအရာတစ်ခုပါပဲ။ ဒီရုပ်ရှင်ဟာ ပန်းချီအနုပညာကို ချစ်ခဲ့တဲ့ ပန်းချီအနုပညာကို တွယ်ဖက်ခဲ့တဲ့ အမျိုးသမီးပန်းချီဆရာမတစ်ယောက်ရဲ့ ရင်နင့်စရာ ဖြစ်ရပ်မှန်ကို အန်နီမေးရှင်း အနေနဲ့ အသက်သွင်းထားတဲ့ ရုပ်ရှင်ပါ။

t.me/cartoonmoviesmms/422

ထူးဆန်းသော ပူပေါင်းများ (၂၀၂၂)

တိုကျိုမြို့ကြီးမှာ ကမ္ဘာမြေဆွဲအားကို ဆန့်ကျင်တဲ့ ပူဖောင်းတွေ မြေပေါ်ကျလာတဲ့အခိုက်အတန့်ကစလို့ တိုကျိုဟာ သီးခြားကမ္ဘာတစ်ခုလို ဖြစ်လာပြီး မိသားစုကိုဆုံးရှုံးလိုက်ရတဲ့ လူငယ်တွေအတွက် စွန့်စားခန်းတွေ ပြည့်နှက်နေတဲ့ ကစားကွင်းကြီးတစ်ခုလို ဖြစ်လာပါတော့တယ်။ အဲ့ဒီလူငယ်တွေထဲကမှ သူမတူတဲ့စတိုင်၊ အန္တရာယ်များတဲ့အကွက်တွေနဲ့ ကစားတတ်တဲ့ ဟီဘိခိ ဆိုတဲ့ကောင်လေးဟာ တစ်နေ့မှာ သူ့အသက်ကို ဆန်းကြယ်တဲ့အစွမ်းတွေရှိနေတဲ့ အုတ ဆိုတဲ့ကောင်မလေးရဲ့ ကယ်တင်ခံလိုက်ရပြီးနောက် ထူးခြားတဲ့အသံတစ်ခုကို သူတို့နှစ်ဦးတည်းသာ ကြားနိုင်မှန်း သိရှိသွားတဲ့အခါ ။ သူတို့နှစ်ဦးရဲ့ ဆုံစည်းမှုကနေ ကမ္ဘာကြီးကို တစ်ဖန် ပြောင်းလဲနိုင်မှာလား ။ ဆိုတော့ကာ အများကြီးညွှန်းမနေတော့ပါဘူး။ ဂျပန်အန်နီမေးရှင်း လောကထဲက ထိပ်တန်းအနုပညာရှင်၊ အတတ်ပညာရှင်တွေရဲ့ ပြောင်မြောက်တဲ့လက်ရာတစ်ခုကို ကြည့်ရမယ့်အခွင့်အရေးကိုသာ လက်လွှတ်မခံကြပါနဲ့လို့ အကြံပြုရင်း ။

t.me/hanacartoons/5838

ကမ္ဘာကြီး၏ တစ်ထောင့်တစ်နေရာတွင် (၂၀၁၆)

ယူရာနို ဆူဇူ။ ဆူဇူဟာ စိတ်ကူးယဉ်ပြီး အတွေးလွန်တတ်တဲ့ မိန်းကလေးတစ်ယောက်၊ ပုဲဆွဲတော်သလိုပုံဆွဲရတာကိုလည်း သူကြိုက်တယ်။ မိသားစုနဲ့အတူ ဟီရိုရှီးမားမြို့မှာနေပြီး ခပ်တည်တည်နေတတ်တဲ့ စိတ်ဆက်တဲ့အကိုနဲ့ သွက်လက်ပြီး ချစ်စရာကောင်းတဲ့ ညီမတို့ကြားက ရိုးရိုးအေးအေးနေတတ်တဲ့ ကောင်မလေးပေါ့။ သူမအသက် ၁၈ နှစ်ပြည့်တဲ့အချိန်မှာ မိဘတွေရဲ့ စီစဉ်မှုကြောင့် အိမ်ထောင်ပြုခဲ့ရပြီး ရောင်နောက်ဆံထုံးပါဆိုသလို ခင်ပွန်းဖြစ်သူရဲ့ ဇာတိ ရေတပ်အခြေစိုက်ရာ မြို့ဖြစ်တဲ့ ကူရဲယ်မြို့ကို လိုက်နေရပါတော့တယ်။ ဒုတိယကမ္ဘာစစ်ဖြစ်ပြီး ဂျပန်နိုင်ငံမှာလည်း စစ်မီးတောက်လောင်နေတဲ့အချိန်ဖြစ်လို့ ဆူဇူ တစ်ယောက် အိမ်ထောင်ရှင်မတစ်ယောက်ရဲ့ တာဝန်ကျေပွန်ဖို့နဲ့ စစ်ပွဲကြီးအတွင်းမှာ အသက်ရှင်သန်နိုင်ဖို့ ကြိုးစားရပါတော့တယ်။ ဒီ အန်နမီ ‌လေးဟာ အရင်ခေတ် ဂျပန်မိန်းကလေးတွေရဲ့ ဘ၀နဲ့ ဒုတိယကမ္ဘာစစ်အတွင်းက ဂျပန်ပြည်သူတွေ ခံစားခဲ့ရတဲ့ ဆင်းရဲဒုက္ခတွေကို နူးနူးညံ့ညံ့လေးနဲ့ ထိရှခံစားရအောင် ဖော်ပြထားလို့ အန်နမီ ကြိုက်သူ မဟုတ်ရင်တောင် ကြည့်ရှုသင့်တယ်လို့ တိုက်တွန်းလိုက်ပါတယ်။

t.me/hanacartoons/5840

ခွေးအမှိုက်ပုံမှ ခွေးပျောက်ရှာပုံတော် (၂၀၁၈)

လွန်ခဲ့တဲ့ ရာစုနှစ်ဆယ်စုစာတုန်းက ခွေးတွေဟာ လူတွေရဲ့ အမိန့်ကို နာခံတတ်ကြတဲ့ အိမ်မွေးတိရစ္ဆာန်တွေ မဟုတ်ကြပါဘူး။ အဲ့အချိန်မှာ ခွေးမုန်းတီးရေးဝါဒီ ကိုဘာယားရှီ မျိုးနွယ်တွေဟာ ခွေးတွေကို စစ်အင်အားအလုံးအရင်းနဲ့ ဝင်တိုက်ပါတော့တယ်။ အဲ့အချိန်မှာ ခွေးတွေဘက်က ရပ်တည်ပေးတဲ့ သူရဲကောင်းကလေးတစ်ဦး ပေါ်ပေါက်လာပါတယ်။ ခွေးတွေကတော့ လူတွေရဲ့ အိမ်မွေးတိရစ္ဆာန်တွေ ဖြစ်လာပါတယ်။ နောက်နှစ်နှစ်ဆယ်ကြာလာတဲ့အခါ ခွေးတုပ်ကွေးရောဂါပြန့်ပွားမှုဟာ ပြင်းထန်တဲ့အဆင့်ကို ရောက်ရှိနေပါတယ်။ အဲ့အချိန်မှာ ခွေးမုန်းတီးတဲ့ ကိုဘာယားရှီ အာဏာပိုင်တွေဟာ ရောဂါပိုးကူးစက်ခံထားရတဲ့ ခွေးတွေကို အမှိုက်ကျွန်းကို ပို့ပစ်ပါတော့တယ်။ ကိုဘာယားရှီ ရဲ့တူဖြစ်သူ အာတာရီ ရဲ့ ခွေးလေး စပေါ့ ကိုပါ ပို့ပစ်လိုက်တဲ့အတွက် အာတာရီ ဟာ လေယာဉ်တစ်စီးကို ခိုးပြီး အမှိုက်ကျွန်းကို သွားပါတော့တယ်။ အမှိုက်ကျွန်းမှာ လမ်းဘေးခွေး ချိဖ် တို့တစ်အုပ်နဲ့ တွေ့ပြီး စပေါ့ ရှာဖွေရေးကြီး စတင်ပါတော့တယ်။ လမ်းခရီးတစ်လျှောက် ဘာတွေဆက်ဖြစ်မလဲ၊ စပေါ့ ကို ပြန်တွေ့ပါမလား၊ ခွေးတွေကို အမြစ်ဖြတ်သုတ်သင်ချင်နေတဲ့ အာဏာပိုင်တွေကိုရော တားဆီးနိုင်ပါ့မလား။

t.me/cartoonmoviesmms/424

ခွေးကလေးနှင့် မိတ်ဆွေ ၃ ဖော် (၂၀၂၁)

ဒီရုပ်ရှင်မှာတော့ ဖခင်ရဲ့နာမည်ပျက်ကို ရှင်းဖို့နဲ့ ပြင်သစ်ဘုရင်ကြီးရဲ့ အမဲလိုက်ခွေးစစ်သည်တော်အဖွဲ့ဝင်ဖြစ်ဖို့ ပဲရစ် မြို့ကို လာခဲ့တဲ့ ‌ခွေးကလေး ဘယ်လိုစွန့်စားခန်းတွေ ကြုံတွေ့ရမလဲဆိုတာ ကြည့်ရမှာပါ။ ဓားသမားကောင်းအနေနဲ့ ကိုယ့်ကို ကိုယ်ယုံကြည်ထားတဲ့ ခွေးကလေးဟာ အမဲလိုက်ခွေးစစ်သည်တော် ၃ ယောက်ကို စီးချင်းထိုးဖို့ စိန်ခေါ်ရင်း သူတို့နဲ့ မိတ်ဆွေတွေ ဖြစ်သွားခဲ့ပါတယ်။ အဲဒီနောက် ပြင်သစ်ဘုရင်မကြီးရဲ့ နန်းတွင်းသူလေးကို ပြန်ပေးဆွဲသူတွေလက်ထဲက ကယ်တင်ရင်း ပြင်သစ်နဲ့အင်္ဂလန် စစ်ဖြစ်ဖို့ ကြံစည်နေတဲ့ ကာဒီနယ်ဘုန်းတော်ကြီး အကြောင်း သိလိုက်ရပါတယ်။ ဒါကို တားဆီးဖို့အတွက် ခွေးကလေး တစ်ယောက် သူ့မိတ်ဆွေ သုံးဖော်နဲ့ ဘယ်လိုအကူအညီပေးကြမလဲ၊ စွန့်စားကြမလဲ

t.me/cartoonmoviesmms/426