شمتانيه
واني انتضر بين الدقيقه وثانيه
شمتانيه
روحي وبعد ماكدرت تحب ثانيه
مامش بعد ريح اليهب ؟
والروح ماكدرت تحب
شمتانيه
وفوك الذنب زاد الذنب
وبنومتي اتكلب مثل طره وكتب
شمتانيه
باجر سنينج فانيه …..

منتظر احمد

يامنير كلوبنه المتروسه خوف 💜

يا ابو فاضل
كلها يم صوتك خــــــــــرس
جفك يخضر
مناره وعينك تصير الشمـس
باجر بموت الكفيل
الـدنيه تتعـــلم درس
الحياة بلايه
حب حسين ماتســــوه فلس
باجر بيوم
الطفوف الموت ياخذله عــرس
بدون عباس
اعله زينب باجر تـرد الــفرس
يالمرجع الشمس
بيدك افزع وردنه لأمس ….

منتظر أحمد

ضحينه بثنين بنين ويــــمال
سبايا اعل ضهر الخيل ويمال
متني من السياط نحيل ويمال (يميل)
هزل والنياگ تنــود بيــــــه

يابو فاضل كلشي بيدك
رغم بس ذرعان ماكو جفوف بيدك
يابو فضل كلشي تكدر
تكدر تروي الخيم من دم وريدك
تكدر ترد الجفوف
نطيت جفك حتى يتلكه عضيدك
انت سويت العليك ومو عليك
نطيت حتى جفوف اديك
خاف زينب تعتنيك
انت اول واحد يعزب السهام
ميت وعينك تصد يم الخيام
انت معصوم ونبي مو بس امام
كلشي تكدر يابو فاضل ياحنين
تكدر تعيش وترد يم الحسين
لكن برجعتك هاي يموت دين
يابو فاضل كلشي بيدك
انت زودت الشجاعه وماتزيدك
يابو فاضل فدوه كلنه نروح ليدك ….

منتظر أحمد

يا الالـــهي كـــون افــز
والطف حـلم
نلتم اعــــله حسـين
وبنحره نشم
لاجـفوف اطــيح
لا شفــنه الم
نرد لاهلنه والخــيام ترد قــصر ….!

منتظر احمد

الليله مو مثل الليالــــــي
الليله مافززني غالـــــــي
ماحسبت وتروح تالـــــي
الليله حسبات اعلــه بالي

الليل يخلص كله حسبات
هذ الحزن بكلوبنه يــبات
واليل مايكضي بسلامات
يايوم كلبي ينحسب مات

منتطر احمد

مو ماله سهم نحره طفلــچان
يزينب ينصب باچر طفلچان
ضلمه صبحت دنيانه طفلچان
كمر مطروح بأرض الغاضريه

منتظر أحمد

عيوني ومن بعد زينب عمه الها
لا ضلت عشيره الها عمه الهــا
الشمر وسوايته باجر عمه الها
يدوس بصدر ابن حامي الحميه

منتطر احمد

بدرب كله زلم باجر وديــــــــنه
بايع مايه الكصـــــــه ودينــــه
السياط اعله المتن نامت ودينـه
بسناسل والنياگ تعرج بيــــــه

منتظر احمد

انا وسائر الناس لسنا مجبرين ان نتحمل غلطه آباك الاولى عندما انجبك والغلطه الثانيه عندما قام بتزويجك (لأحدى بنت الشيوخ) لتنجب لنا هذ الكم الهائل من الاطفال الذين يفتقرون للتربيه . طفلك أتت معه الكراهيه لا رزقه حتى الابقار تستطيع ان تحصل على قوت يومها الزواج مسؤليه ومسؤليتك هي تربيه اطفالك تسبقها تربيتك اولاً …..

منتظر أحمد

ضنيتك ترد وتعوض الــــــراح
وضنيت الجروح بصفك تهيـد
تاليها اجيت وكلبي ملهــــوف
مخذول من ارد وتكلي شتريـد ….. ؟


منتظر

انا على اتم الاستعداد لأحترامك
لكن دعني آراء عقلك اولاً
احترامي لك سيكون على حسب عمر عقلك وتصرفاتك معي .ان تكن رجلاً كبير في السن وانتَ غير محترم هذ العمر فُرض عليك لا عليَ لم يتبقى من عمرك الا القليل تحتاج في هذه السنوات القليله الى التربيه على الاقل ان تذهب الى ربك محترم

منتظر أحمد

ماتجين شباقي
وشعندج بعد تتأملين
عل قفص يرسمله شجره
وغرد بصوته الحزين
كلبي مثله بلا جناح
من يغرد بس ونين
شكد حزين
ماتجين
خاف باجر ربج يرجعني طين ….!

منتظر أحمد

اركض واريد اوصلك
ركضة حلــم
بس تلفت ردتك الي
وما تلتــفـت
يمك شكد صيحت
وشكد اهــــم
وتفشلت بالحلم
وصياحي عبــث
فزيت ياحســــرتي
وبجروحي الم ……!


منتظر أحمد

يالعطرك تراب ومطـر
ياحيلي يمتاع السـفـر
يامسك يمحلي البحـر
وبحبك كليبي نجــــبر

منتظر

اجيت لبابك ودكيت حيـــــــل
لكن مو على الباب اعلى راســـــــي
واصيح وماكو صوت صياح بالــــروح
وامد جفي اعلى كلبـــي هنا شناسي
بكتها سنيني مني وحتى الاحـــلام
عراقي انا وطحت بيدك سياسي

منتظر أحمد

بعد بينه مجال نعيش ونحــب
وبضهر المشو ماريد اجــــلب
وابيعك حتى افضل راحه البال
سلبت العافيه وبسنيني تسلب …..!

منتظر

يمك ردت كل حزني ينزال
وبقيت بلا وعي وملهوف اتاني
واجيتك جدمي يشبهه ثكل الجال
ورجعت بفشلتي وحزني وحزن ثاني

تراودني فكرة الموت التي لاهروب منها في كل يوم وانا على أمل ان ألقاك غداً ولا اضمن نفسي للغد كل مخاوفي في الحياة هي انتِ فقط حتى وان لم تكوني معِ قلبي معك هل لي ان اراك للمره الاخيره هل انتضرك ام ارحل … ؟
لا جدوى طُردت كثيراً وها انتِ معِ في كل اللحضات ….!

ماتجين شباقي
وشعندج بعد تتأملين
عل قفص يرسمله شجره
وغرد بصوته الحزين
كلبي مثله بلا جناح
من يغرد بس ونين
شكد حزين
ماتجين
خاف باجر ربج يرجعني طين ….!

منتظر أحمد