⭐️Combo: 16.8.2024

♦️Crypto Mining ဆိုတာဘာလဲ♦️

Mining ကို အခုမှ စိတ်ဝင်စားလို့ စလုပ်ချင်သည့် သူများ သိထားသင့်တာလေးကတော့ mining လုပ်တယ် ဆိုတာ community project တခုက သူတို့ရဲ့ crypto token supply ကို လူသန်းပေါင်းများစွာကို အချိန် တခု သတ်မှတ်ပြီး အလကား ခွဲဝေပေးလေ့ရှိတယ် ။ ဒီလို ခွဲဝေပေးချိန်မယ် ကျန်တော်တို့က နေ့စဉ်မပြတ် စုထားရမှာမျိုးပါ ။ သူတို့ သတ်မှတ်တဲ့ကာလ ပြည့်ပြီ သို့ မဟုတ်
သတ်မှတ်တဲ့ အချိန် တခုရောက်ပြီ ဆိုရင် စတင် ထုတ်ယူနိုင်ပြီး Exchange လို့ ခေါ်တဲ့ crypto ရောင်းဝယ်ရာ website တွေ application တွေမှာ စတင် အရောင်းဖွင့်ပြီ ဆိုရင် ကျန်တော်တို့ စိတ်ရှည်လက်ရှည်စုထားတာတွေကို ထုတ်ရောင်းနိုင်တဲ့ အချိန်ကျမှ စတင် ထုတ်ရောင်းနိုင်ပြီး အမြတ်ရမှာ မျိုးပါ ။ နေ့ချင်း ညချင်း မချမ်းသာပါဘူး ။
အဓိကက စိတ်ရှည်ရမယ် ဇွဲရှိရပါမယ် ။

အလုပ်တခုလို စိတ်ထားပြီး လုပ်နိုင်ရင် တစုံတခုတော့ အမြတ်ကျန်ခဲ့တာပါပဲ ။ အဓိကက မိမိ စတင်လုပ်မယ့် အချိန် mining လုပ်ရင်

မိမိ gmail , password , လျို့ဝှက်နံပါတ် စတာတွေကို မပျောက်ပျက်စေပဲ မှတ်ထားလို့ အရမ်း အရေးကြီးပါတယ် ။

မဟုတ်ရင် အချိန်ကာလ တခုရောက်မှ မေ့သွားတာ မမှတ်မိတာဆိုရင် နောင်တရနေလဲ ဘာမှ လုပ်မရတော့ပါဘူး ။

Mining သဘောတရား (knowledge)

Mining စလုပ်ပြီ ဆိုရင်

- အမေးများတာက ဘယ်တော့ ထုတ်ရမှာလဲ
- တူးရင် ပိုက်ဆံက ဘယ်လိုရမှာလဲ
- ဒါလေး ဒီလိုနှိပ်ရုံနဲ့ ပိုက်ဆံဖြစ်မယ်ဆိုတာ ဟုတ်ရဲ့လား
- ဘယ်လို ထုတ်ရောင်းရမှာလဲ

စတာတွေ အမြဲမြင်ရပါတယ် ။

မပြောခင်တခု မေးကြည့်မယ် ။ ကျောက်တွင်းရှိတဲ့ နေရာတိုင်းက ကျောက်ထွက်မှာ သေချာလား ။ ကျောက်တူးတိုင်းရော ကျောက်အောင်ကြသလား
ဒီသဘောပါပဲ ။

(၁)
Mining network တွေဟာ ယေဘူယျအနည်းဆုံး ၁ နှစ်ခွဲ ၂ နှစ်ကနေ ၄-၅ နှစ်ထိ Long term လို့ခေါ်တဲ့ နှစ်ရှည် mining လုပ်ခြင်းဖြင့် လူသန်းပေါင်းများစွာကို token တွေ ခွဲဝေပေးလေ့ရှိပါတယ်

အဲ့အချိန်ကာလဟာ mine နေရင်းနဲ့ token စု လူရှာ ဒါမျိုးလုပ်ရမယ့် အချိန်ပါ ။ ထုတ်လဲ မရသလို ရောင်းလို့မရပါဘူး ။

ဘယ်အချိန်ဟာ ထုတ်ဖို့ နီးကပ်လာပြီလဲဆိုတာ အကြမ်းဖြင်းအားဖြင့် developer team က Network ကို testnet မှာ error ကင်းလာပြီ ဆိုရင်
Mainnet ဆိုတဲ့ ကိုယ်ပိုင် network blockchain ကို စတင် သုံးခွင့်ပေးတဲ့ အချိန် တနည်းအားဖြင့် Mainnet Launch လုပ်တဲ့အခါ ထုတ်ဖို့ နီးလာပြီလို့ ပြောလို့ရပါတယ် ။

ဒါဟာ ကိုယ်ပိုင် network နဲ့ သွားတဲ့ blockchain တွေအတွက်ပါ ။ တချို့က ရှိနေပြီးသား network ကိုသုံးပြီး token မျှဝေပေးတာမျိုး လဲ ရှိပါတယ် ။ ဥပမာ ဆိုရင် Omega mining app လိုပေါ့ သူက binance smart chain ပေါ်မှာ တည်ဆောက်ထားတာမျိုး ။ smart chain address ရှိနေရင် OMN token လက်ခံလို့ရပါတယ် ။

ခုန ပြန်ဆက်ရအောင် Mainnet လာပြီဆိုရင် KYC အောင်ပြီးသားသူတွေကို သတ်မှတ်ထားတဲ့ ကိုယ်တူးထားတဲ့ token တွေရဲ့ ဘယ်လောက် % ကို တလခြင်းအလိုက် အရစ်ကျ ထုတ်ပေးတော့မှာပါ ။

မထုတ်ပေးခင် wallet ချိတ်ဖို့လိုရင် ချိတ်ရမယ် ။ ချိတ်ဖို့မလိုအပ်ရင် သက်ဆိုင်ရာ wallet created လုပ်ဖို့လိုရင် လုပ်ရမယ် ။

KYC အောင်ပြီးပြီ wallet လည်း ready ဖြစ်ပြီဆိုရင် CEX EXCHAGE တွေမှာ list လုပ်ဖို့
( အရောင်းအဝယ်စဖို့ ) ရင်ခုန်စွာစောင့်ရမယ့် အချိန်ပါပဲ ။

(၂) ဒါလေး နှိပ်ရုံနဲ့ ပိုက်ဆံက တကယ်ရမှာလား

ဒီမေးခွန်းအဖြေကတော့ no ပါ ။ ဘာလို့ဆိုရင် project တိုင်းက အင်တာနက်ပေါ်မယ် ကြိုက်သလို ထောင်လို့ရသလို Mining App တွေwebsite တွေက အရမ်းများပါတယ် ။ ကမ္ဘာနဲ့ချီပြီး အတုတွေရော အစစ်တွေရော ရောသောနေတာကြောင့် ကိုယ်တိုင် စစ်ဆေး သတင်းလိုက် (သို့) ကိုယ့်ထက်နားလည်တဲံ ဆရာသမားတွေ ဆီကနေ ကိုယ်လုပ်နေတဲ့ Mining က တကယ်ရော community တောင့်ရဲ့လား သူတို့ ပြောတဲ့ Roadmap အတိုင်း အကောင်ထည်ဖော်နိုင်ရဲ့လား background က ဘာလဲ ပါတနာ အနေနဲ့ ဘယ်သူတွေပါလဲ ။ project ရဲ့ white paper ကရော အထင်ကြီးလောက်ရဲ့လား ။ကိုယ်ပိုင် website ရောရှိရဲ့လား။ အဓိကက ကိုယ်မိုင်းနေတဲ့ token ရဲ့ utility နဲ့ ecosystem ပါပဲ ။ token တွေကို ဘယ်လို အသုံးချခွင့်ပေးမယ် ဆိုတာ ရှိမှသာ exchange မှာ list လာခဲ့ရင် စျေးကောင်းရမှာပါ ။
အဲ့တော့ ပြောချင်တာက Mining တွေ အကုန်လုပ်နေရုံနဲ့ မချမ်းသာနိုင်သလို လုပ်ထားသမျှဟာလည်း အစစ်ဖြစ်မယ် အလိမ်ဖြစ်မယ်ဆိုတာတော့ YouTube , Twitter တွေမှာ ရှာဖွေဖတ်ရမှာပါ ။

ရှေ့တွေမှာ project ကလဲ မဆိုးဘူး ကောင်းတယ် community ကလဲ အမှန်အလုပ်လုပ်နေရင်းမှ crypto market ရဲ့ စျေးကနှုန်းတွေ နိုင်ငံရေး သက်ရောက်မှုတွေ စတာတွေ ကြောင့် community funds ဆိုတဲ့ project ကို run နေတဲ့ ပိုက်ဆံ အဆင်မပြေတော့လို့ ဖျက်သိမ်းသွားတဲ့ project တွေလဲ အများကြီးပါပဲ ။ ဒါကြောင့် မိမိ လုပ်နေတဲ့ project ကိုလေ့လာပါ။ နားစွင့်ပါ။
ဒါမှသာလျှင် အချိန်မကုန်သင့်တဲ့ အချိန်တွေ မပေးမိမှာပါ ။ မဟုတ်ရင် နှစ်သာကြာသွားတယ် ငါဘာမှလည်း မရဘူးဆိုပြီး စိတ်ပျက်လာနိုင်ပါတယ် ။

♨️OKX , Bybit Exchanges ရှိသူတွေ
Dogs တွေထုတ်လို့ရပါပြီ
Not တုန်းက ပုံစံလိုပါပဲ
Myanmar Sim Support မပေးပါ
Exchanges ရှိသူတွေရဲ့ အားသာချက်က ခုလို နေရာမှာ Fees မကုန်တာပါပဲ
Exchange သမားတွေအတွက် ထုတ်နည်း မပြတော့ဘူးနော်

UID
Address
Memo / Comment မှန်အောင် ထည့်ပါ


♨️Wallet သမားတွေက Aug 20 မှာ Claim ခွင့်ရပါမယ်

မန္တလေးတွင် $Dogs ကွိုင်ထုသည့် အဲဒေါ့ဂိုဏ်းမှ တရုတ်နိုင်ငံသား ၄ဦးနှင့် မြန်မာ ၁၇ ဦး အဖမ်းခံရ

ဧရာဝတီ၊ ဩဂုတ် ၂၀၊ ၂၀၂၄

မန္တလေးမြို့ ၊ချမ်းအေးသာစံမြို့နယ်၊ ပြည်ကြီးမျက်မှန်ရပ်ကွက်ရှိ နေအိမ်တအိမ်၌ တယ်လီဂရမ်ဖြင့် ၎င်းတို့ အခေါ် $Dogs ကွိုင် လုပ်ကိုင်နေသည့် တရုတ်နိုင်ငံသား ၄ ဦးနှင့် မြန်မာနိုင်ငံသား ၁၇ ဦးတို့ကို ဩဂုတ်လ ၁၈ ရက်က ဖမ်းဆီးခဲ့ကြောင်း စစ်ကောင်စီအာဘော် သတင်းစာတွင် ယနေ့ဖော်ပြသည်။

ဖမ်းဆီးခံရသူ တရုတ်နိုင်ငံသားများမှာ အသက် ၂၈ နှစ်အရွယ် Yanlong အပါအဝင် အမျိုးသား ၃ ဦးနှင့် အမျိုးသမီးတဦး၊ မြန်မာနိုင်ငံသားများမှာ ရှမ်းပြည်နယ်မြောက်ပိုင်း၊ လောက်ကိုင်မြို့နယ်တွင် နေထိုင်သည့် အသက် ၂၀ အရွယ် ကိုရဲမြင့်အပါအဝင် အမျိုးသား ၁၀ ဦး၊ အမျိုးသမီး ၆ ဦးနှင့် အိမ်ရှင်အမျိုးသမီးတို့ဖြစ်ပြီး ၎င်းတို့ကို $Dogs ထုရာတွင် အသုံးပြုသည့် ကွန်ပျူတာ၊ ဖုန်းဆက်စပ်ပစ္စည်းများ၊ တယ်လီဂရမ် အကောင့်များနှင့်အတူ ဖမ်းဆီးရမိခဲ့ခြင်းဖြစ်ကြောင်း သိရသည်။ ၎င်းတို့သည် $Dogs တစ်ကွိုင်လျှင် မြန်မာငွေကျပ် 5ကျပ်ဟု သတ်မှတ်ကာ အွန်လိုင်းပေါ်တွင် ဈေးကစားနေကြသည့်သူများလည်း ဖြစ်သည်။

၎င်းတို့ကို ချမ်းအေးသာစံမြို့နယ် အမှတ် ၃ နယ်မြေရဲစခန်း၌ အီလက်ထရောနစ်ဆက်သွယ်ရေးပုဒ်မ ၃၃ (က) ဖြင့် အမှုဖွင့်ထားကြောင်း သတင်းတွင် ဖော်ပြသည်။

ပုံစာ- ဖမ်းဆီးခံထားရသော တရုတ်နိုင်ငံသားနှင့် မြန်မာနိုင်ငံသားများ / Global New Light of Myanmar

#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR