_

‏من أهم الصفات اللي لازم تاخد بالك منها في أي شخص تدخله لحياتك صديقًا كان أَم شريكًا، هي امتلاكه لمخزون أخلاق عال يمنعه من إلحاق أي أَذى بك في أوقات الاختلاف بالذات..

فالتحلِّي بالأخلاق في أوقات الصَّفاء يَقدِر عليْه الجَميع.

صلو عليه .❤

‏تعلمتُ الرفق، منذ أن أدركتُ أن كل شخصٍ أقابله: لديه على الأقل حلمٌ واحد محطم، وخذلانٌ غير متوقع، وصدمةٌ لم يتعافَ منها، وموضوعٌ شائك يشغل باله ولا يعلم ما يصنع بشأنه

‏محاولات تانية وتالتة ورابعة.. ثم إحنا ورانا إيه غير المحاولات؟
ومش معنى إننا سلّمنا أمرنا لله إننا مناخدش بأسباب إصلاح الحاجات اللي باظت جوانا..
يمكن المحاولة نفسها تكون جزء من التسليم، إننا نعمل اللي علينا، ونسيب النتيجة على الله.

اه وربنا

‏ساعات الكتابة بتكون آخر حاجة بقدر أعملها قبل ما أقفل علي نفسي، بطلع كل اللي جوايا وبعدها بدخل في عُزلتي.

‏مجرد خدش كرامتك في أي موقف، أو علاقة، أو مكان هو أهم مؤشر إنك تمشي وتبعد.. مش كل البشر بيستوعبوا فكرة إن فيه غيرهم ليهم قيمة في عيون نفسهم، ومش بيقبلوا حد يقلل منها.. من الآخر الشخص الحر زعله مُرّ، وعشان تخلص من مرارته؛ اِبعد عن كرامته.

_

‏لازم تاخد بالك من انه غالبية الناس عاشوا و ماتوا بدون ما يحققوا أحلامهم
احيانا الأحلام بتفضل احلام بطرق خارجة عن سيطرتك

‏أحيانًا بيجيلي فضول أعرف الجزء الجاي في حياتي هيبقى عامل إزاي وهل الاختبارات انتهت كدا ولا في صدمات تانيه وبرجع لنقطة إن طول ما الإنسان عايش هيُختبر ويُبتلى ويتعلم وأقدار ربنا كلها خير ، يارب الجاي كله يبقى خير ونستقبله برضى وتوكل تام عليك يارب عوضنا عن كل الليالي الصعبة

♡

‏تخيل انك تكون مؤذي لدرجة ان شخص يفتكرك او يشوفك صدفة نفسيته تتعب ويتضايق من فكرة وجودك بس؟

‏الحب مش بالشكل والله بطلوا تقولوا ازاي ده يحب دي او دي بصتله علي إيه ، الحب اكبر من الشكل والمظاهر والحاجات التافهه اللي بتقولوها اول ما تشوفوا couples في حاجات تانيه كتير اهم مش هيحسها غير اللي حبك من قلبه مش حبك عشان شكلك او مستواك اللي بيحسبها بالشكل عمر عينه ما هتشبع بجد

وراء سراب

اه والله .

‏اعتقد نسبة كبيرة من التفكير المفرط مرتبط بالذكاء والملاحظة، بمعنى لو انك اقل ذكاء وفاهي هتكون مستمتع ومرتاح بحياتك؛ لأنك بتكون اغبى او بشكل الطف اقل وعي من إدراك ما يدور حولك

‏وائل جسار وهو بيقول "ولاقيتني رايحلك بمشاعري، ولقيتك مش عاملة حسابي، رتبت الدنيا علي وجودك رتبتي الدنيا على غيابي" بيقي عايزة أعيط وحقيقي مفيش اسوأ من إن حد يكون مخطط لحياته وراسم كل احلامه وبيحاول كل مرة عشان الشخص ده ويبقى الطرف الثاني بيخطط للفراق أصلا..

♡