‏مين الإنسان اللي هيختار إن نظرته تكون سوداوية بمزاجه؟مين هيبقى مبسوط لما الدنيا تكون متقفلة في وشه و حاسس بالعجز و لا قادر يعيط و لا قادر يضحك و لا قادر يتحرك؟ و الأهم إن لما كل واحد بيعاني و بيشوف الدنيا سوداء هيتنبذ، يبقى إيه اللي اتبقى من إنسانيتنا؟

رمضان خلص والتراب اللي نفضته من علي قلبك في رمضان رجع تراب غيره بعد رمضان.

بداية من يوم النهاردة إن شاء الله فرصة تنفض وتشيل الغبار تاني
هي أعظم أيام الدنيا وأقسم ربنا بيها في تاني آية في سورة الفجر "وليالٍ عشر" .. معظم أهل العلم أجمعوا أنهم أوائل ذي الحجة.

قال النبيَّ صلَّى اللهُ عليه وسَلَّمَ : "ما من أيَّامٍ العملُ الصَّالحُ فيهنَّ أحبُّ إلى اللهِ من هذه الأيَّامِ العشرِ ،قالوا : يا رسولَ اللهِ ولا الجهادُ في سبيلِ اللهِ ؟ فقال رسولُ اللهِ صلَّى اللهُ عليه وسلَّم : ولا الجهادُ في سبيلِ اللهِ إلَّا رجلًا خرج بنفسِه ومالِه فلم يرجِعْ من ذلك بشيءٍ ."

العمل الصالح اللي ربنا يقدرك عليه بقي (الفرض في المسجد - الصوم - الصدقات - الذكر - الدعاء - قراءة القرآن - صلة الرحم - ....الخ)


وياريت أكتر حاجه تعملها هو الذكر ودا مفيش اسهل منه.
قال الله تعالي (ليشهدوا منافع لهم ويذكروا اسم الله في أيام معلومات) والأيام المعلومات هي أيام العشر وفي علماء قالوا أيام العشر + أيام التشريق

ففرصة كبيرة عشان تفوق وترجع لـ ربنا وتسيبك من متاع الدنيا
نادراً ما بتجيلنا النفحات دي اللي ميستغلهاش ميلومش غير نفسه
اللي عليه حمل كبير شايل همه يقرب فيهم
اللي عليه ذنب كبير هلكه يقرب فيهم
اللي نفسه في حاجة يقرب فيهم ..

اتعب عشان الآخره والدنيا كدا كدا فانيه❤️

‏كلنا في فترة ما كنا فاكرين إن الحياة
هتمشي بالترتيب ، تتعب شوية تنجح ، تحب حد يقدّرك ، تكون طيب تلاقي الطيبة
بس الحياة أعقد من كدا
أوقات كتير الخير بيتأخر، والتعب يطول ، والنتيجة ما تبقاش شبه توقعاتك خالص ، لكن يمكن الحكمة الحقيقية إنك تفضل محترم نفسك حتى وسط الحياة القاسية دى

‏ماتطلبش مرتين، ماتنتظرش كتير، ماتلومش الظروف، ماتخافش من التجربة، ماتنساش اللي سندك، ماتسندش على مايل، ماتعشّمش بزيادة، ماتسبقش الأحداث، ماتوقفش سعي، وماتنساش فضل ربك.

🤍.

‏اتخضيت لما أفتكر حدث معين في حياتي وألاقي إن فات عليه أربع ولا خمس سنين مع إني حاسه كان قريب جداً .السنين فعلا بتجري بشكل مرعب.. والعمر بيتسرسب من الواحد من غير ما ياخد باله.. ودي في حد ذاتها حاجة تخوف.. ولكن لما بقعد أفكر شوية .
بحس إن طب ما كده خير برضه مش حاجة بشعة يعني .

‏أعتقد إن أكتر حاجة مريحة فعلًا
لما تحس إنك مش محتاج تمثل نسخة أحسن من نفسك قدّام شخص معين .

‏فجأة بتحس إنك عايز تقفل على نفسك، لا عندك طاقة للكلام ولا حتى لسماع صوت حـد، مش ضعف ولا هروب، أبسط حق ليك على نفسك إنك تديها فرصة تهدي، وتقعد مع أفكارك شوية من غير ضغط أو كلام مع غيرك، مش لازم تكون مُتاح طول الوقت.
العزلة المُؤقتة، هي الطريقة الوحيدة اللي بنرتب بيها روحنا من جوة.

‏احتراق عاطفي
احتراق اجتماعي
احتراق ذاتي
احتراق فكري
احتراقي

الشيخ الشعراوي مرة قال:
حينما يتولى الله أمرك فهو يسهل لك كل صعب، ويسير أمورك كما تحب، ويحقق لك ما كنت تظنه مستحيلًا
لذلك ردد دائمًا
« اللَّهُم احتويني برحمتك وتولني بقُدرتك فأنت يا رب خير المُنصفين »

‏طول ما إنت بتمشي المشوار لله ، وبتساعد لله ، وبتستجدع مع اللي قدامك لله ، وبتسلم لله ، وبتتكلم الكلمة لله .. إعرف وإتأكد من حاجتين : إن مش هيفرق معاك نظرة حد ليك ورأيه فيك أو تصرفاته معاك، والتانية: إن ربنا هيراضيك ويدعمك في كل اللي عينك تشوفه، وإيدك تمسكه، وقلبك يتمناه.

♡

صورتك في خيالي مبتروحش.

❤.