‏فيه إحساس جميل قوي أول ما تصحي من النوم، تحس إن ربنا إدّاك فرصة جديدة تعيش، تتنفس، وتشوف النور من تاني.
ساعات مِجرد إن يوم جديد بدأ دي لوحدها نعمة كبيرة تستحق الإمتنان، لأن كل صباح بداية جديدة وحكاية لسه قدامك تتكتب.

‏من حقك تسيب إي علاقة لمجرد إنك مش مبسوط، مش لازم تستنى مصيبة أو خيانة عشان تبرر، أنا مش مرتاح هنا جملة كاملة، ناس كتير بتفضل مستنية اللحظة اللي تبقى وحشة بزيادة عشان محدش يلومها.
بس عُمرك واحـد ومش محتاج إذن من حـد، عايز راحة بال كفاية ؟! عايز أحسن كفاية ؟! إنت سبب كفاية.

❤.

‏هتيجي عليك ليلة تعيط فيها أكتر من إي مرة عيطت فيها، على حاجة صغيرة، أغنية، ريحة، ذكرى مكنتش تعرف إنك دافنها.
وإنت لسه جواها، مكنتش تقدر تستحمل حجم زعلك، العياط دلوقتي هو إنك تسيب جسمك يحس بكل اللي كان لازم يعديهِ عشان تفضل عايش، الحزن المتأخر هو اللي أنقذك لما لازم يستني.

اه والله 😭

‏ناس بتفتكر إن أخطر مرحلة هي العياط مع إن الحقيقة إن أخطر مرحلة هي لما الشخص يسكت خالص، لما يفقد طاقته وشغفة في كل حاجه حتى الحاجات اللي كان بيحبها مابقتش بتحرك فيه أي شعور، جواه مطفي بطريقة صعبة محدش شايفها، والحُزن لما بيطول، بيحول الإنسان لنسخة باهتة من نفسه، نسخة مش عايزة حاجة

♡

وانا ف اعدادي كنت بسأل نفسي امتي؟

‏هي مؤلمة شوية لكن إسمحلي اقولك متجيش علي نفسك علشان حد.
علشان الحد هينسي و هينكر و هيعتبر ان دا العادي و حتي لو سألته هيقولك محدش قالك تيجي علي نفسك

safety ♡

الملسوع من الزبادي.

كل ما حد ينتقضني ف حاجه و يقعد يتكلم و أنا ابص واسكت بس ميعرفوش إني مببقاش سامعة فدماغي غير صوت الدحيح و هو بيقول أنا واحد من أحسن و أعظم و أهم و أوسم الناس أنا شخصياً بحبني جداً و بجدني شخص لذيذ ومحترم ولطيف مش متكبر مش مغرور.

‏مين الإنسان اللي هيختار إن نظرته تكون سوداوية بمزاجه؟مين هيبقى مبسوط لما الدنيا تكون متقفلة في وشه و حاسس بالعجز و لا قادر يعيط و لا قادر يضحك و لا قادر يتحرك؟ و الأهم إن لما كل واحد بيعاني و بيشوف الدنيا سوداء هيتنبذ، يبقى إيه اللي اتبقى من إنسانيتنا؟

رمضان خلص والتراب اللي نفضته من علي قلبك في رمضان رجع تراب غيره بعد رمضان.

بداية من يوم النهاردة إن شاء الله فرصة تنفض وتشيل الغبار تاني
هي أعظم أيام الدنيا وأقسم ربنا بيها في تاني آية في سورة الفجر "وليالٍ عشر" .. معظم أهل العلم أجمعوا أنهم أوائل ذي الحجة.

قال النبيَّ صلَّى اللهُ عليه وسَلَّمَ : "ما من أيَّامٍ العملُ الصَّالحُ فيهنَّ أحبُّ إلى اللهِ من هذه الأيَّامِ العشرِ ،قالوا : يا رسولَ اللهِ ولا الجهادُ في سبيلِ اللهِ ؟ فقال رسولُ اللهِ صلَّى اللهُ عليه وسلَّم : ولا الجهادُ في سبيلِ اللهِ إلَّا رجلًا خرج بنفسِه ومالِه فلم يرجِعْ من ذلك بشيءٍ ."

العمل الصالح اللي ربنا يقدرك عليه بقي (الفرض في المسجد - الصوم - الصدقات - الذكر - الدعاء - قراءة القرآن - صلة الرحم - ....الخ)


وياريت أكتر حاجه تعملها هو الذكر ودا مفيش اسهل منه.
قال الله تعالي (ليشهدوا منافع لهم ويذكروا اسم الله في أيام معلومات) والأيام المعلومات هي أيام العشر وفي علماء قالوا أيام العشر + أيام التشريق

ففرصة كبيرة عشان تفوق وترجع لـ ربنا وتسيبك من متاع الدنيا
نادراً ما بتجيلنا النفحات دي اللي ميستغلهاش ميلومش غير نفسه
اللي عليه حمل كبير شايل همه يقرب فيهم
اللي عليه ذنب كبير هلكه يقرب فيهم
اللي نفسه في حاجة يقرب فيهم ..

اتعب عشان الآخره والدنيا كدا كدا فانيه❤️

‏كلنا في فترة ما كنا فاكرين إن الحياة
هتمشي بالترتيب ، تتعب شوية تنجح ، تحب حد يقدّرك ، تكون طيب تلاقي الطيبة
بس الحياة أعقد من كدا
أوقات كتير الخير بيتأخر، والتعب يطول ، والنتيجة ما تبقاش شبه توقعاتك خالص ، لكن يمكن الحكمة الحقيقية إنك تفضل محترم نفسك حتى وسط الحياة القاسية دى

‏ماتطلبش مرتين، ماتنتظرش كتير، ماتلومش الظروف، ماتخافش من التجربة، ماتنساش اللي سندك، ماتسندش على مايل، ماتعشّمش بزيادة، ماتسبقش الأحداث، ماتوقفش سعي، وماتنساش فضل ربك.

🤍.

‏اتخضيت لما أفتكر حدث معين في حياتي وألاقي إن فات عليه أربع ولا خمس سنين مع إني حاسه كان قريب جداً .السنين فعلا بتجري بشكل مرعب.. والعمر بيتسرسب من الواحد من غير ما ياخد باله.. ودي في حد ذاتها حاجة تخوف.. ولكن لما بقعد أفكر شوية .
بحس إن طب ما كده خير برضه مش حاجة بشعة يعني .