‏مش شطارة إنك تبقى شخص بيّاع وما عندكش عزيز،
دي مش قوّة، دي قسوة قلب وجحود.
واللي بيتفاخر إنه ما بيهمّوش حد، في الحقيقة بيعلن للناس كلها إنه شخص ما ينفعش يتعاشر ولا يُؤتمن.

الغريب فعلًا إن في ناس شايفة قِلّة الذوق قوّة، وقِلّة الأدب سيطرة
طيب مدركين إنتو بتتباهوا بإيه بجد ولا مش مدركين ؟!

‏إِنَّ اللَّهَ وَ مَلائِكَتَهُ يُصَلُونَ عَلَىٰ النَّبيِّ يَا أَيُّها الَّذِينَ آمَنُوا صَلُّوا عَلَيْهِ وَسلِّمُوا تَسْلِيمًا 🤍

أرجُوكَ ياللّه ‏أن لا أعود خائِبًا .

‏الرحلة طلعت طويلة أوى بجد ، واللي قالوا بكرا تكبر وتتمني تصغر مكدبوش ، واللي قالوا هتحب ومش هتطول حبيبك مكدبوش برده ، واللي قال بكرا تشوف نفسك عاجز عن حاجة بتتمناها من قلبك مكدبش ، الدنيا بتعلم فينا و بتعلمنا دروس قاسية كتير وقويه اوي.

‏في نظرية عملتها عندي في الاوضة وهيا انه المشاعر والاحاسيس اللي في اغاني ام كلثوم وعبدالحليم مبقتش موجودة في زمن الستيوشنشب والسايلنت تريتمنت والافوايدانس وكل المصطلحات اللي طلعت اخر كام سنة عشان بس توصف اننا كلنا بطلنا نعرف نحب ونتحب .

‏عدد الناس اللي نفسي أمسحهم من الوجود وأمسح ذكراهم للأبد وكأنهم لم يكونوا في زيادة مستمرة

اه والله 😔

‏الناس أوقات مبتحسش بقيمتك غير لما تبعد شوية، التعوّد بيخلي وجودك عادي مع الوقت، لكن أول ما تغيب يبدأوا يحسّوا بفرقك ويشوفوك بوضوح، الغريب إن المسافة بترجّع التقدير، والغياب يفوّق مشاعر كان القرب الزايد مطفيها.
لأن النفس البشرية بتتعود بسرعة، لكن لما الحاجة تختفي قيمتها بتبان.

♡

‏أصعب حاجة فعلًا إنك تكون زعلان بجد بس مش قادر تقول السبب الحقيقي
فتضطر تقول أسباب شكلها بسيطة أو مش واضحة
فاللي قدامك يفتكر إنك بتبالغ أو ان الموضوع مش مستاهل
والمشكلة إن السبب الحقيقي اللي ما بيتقالش هو اللي بيكبر جوّانا أكتر
لا منك قادر تشرحه ولا حتي عارف تتجاوزه .

_

"أستغفِرُ اللهَ عددَ ما كان وعددَ ما سيكون وعدد الحركات والسكون، أستغفِرُ اللهَ عدد مَن جاء وعدد مَن مات وعدد كلّ ذاهِبٍ وآت، أستغفِرُ اللهَ حتَّى ينقَضِي عُمري ويَختَفي أمري وتنتَهِي السَّنوات، أستغفِرُ اللهَ حتَّى تَفنَى ذُنوبي، وأستغفِرُ اللهَ كَي يَستُر عيوبي.. أستغفِرُ الله حتَّى يغفرَ لِي، وأستغفِرُ اللهَ إلى أنْ أدخُل الجَنَّة."

حاول ‏متخفش من اللي جاي لأن ربنا حططلك خطة اعظم من تفكيرك ، متخفش من اللي جاى لان ربنا جنبك وبيدبرلك الصالح..
متخفش من اللي جاي لأن ربنا هو الوحيد اللي هيسندك و يعديك الطريق اللي مليان حفر ومطبات..
متخفش لأن هو سندك وشايفك وحاسس بيك ومش هيستغنى عنك والله "متخفش"

‏فيه إحساس جميل قوي أول ما تصحي من النوم، تحس إن ربنا إدّاك فرصة جديدة تعيش، تتنفس، وتشوف النور من تاني.
ساعات مِجرد إن يوم جديد بدأ دي لوحدها نعمة كبيرة تستحق الإمتنان، لأن كل صباح بداية جديدة وحكاية لسه قدامك تتكتب.

‏من حقك تسيب إي علاقة لمجرد إنك مش مبسوط، مش لازم تستنى مصيبة أو خيانة عشان تبرر، أنا مش مرتاح هنا جملة كاملة، ناس كتير بتفضل مستنية اللحظة اللي تبقى وحشة بزيادة عشان محدش يلومها.
بس عُمرك واحـد ومش محتاج إذن من حـد، عايز راحة بال كفاية ؟! عايز أحسن كفاية ؟! إنت سبب كفاية.

❤.