‏أبوء لك بنعمتك عليَّ وأبوء لك بذنبي، فاغفر لي.

أسوأ الهزائم عمرها ما كانت من الناس، كانت دايمًا من الحاجات اللي حبيتها بكل صدق، واتعلقت بيها كأنها خلاص الأمان. الحاجات اللي دخلت قلبي بحماس وبِنية طيبة، وخرجت تجرّ وراها كل حاجة حلوة جوايا.
الهزيمة اللي تيجي من حب، دايمًا أوجع من ألف خذلان.
مش كسر عابر، ده انهيار صامت.. بطعم الخيبة والندم وسؤال "ليه؟" اللي عمره ما بيلاقي إجابة.
والغريب؟
إني في كل مرة، أرجع أفتح قلبي من تاني، بنفس البراءة، بنفس الحماس، وأقع.. من تاني.

الحمدلله الكلية نزلت النتيجة 😂،
اول مرة اشوف كلية بتنزل النتيجة بالليل😂،
بس الحمدلله
Up to senior level

❤️.

.

الحمدلله شكرًا وامتنانًا وإقرارًا بفضله واعترافًا بعظيم كرمه الحمد لله ليلًا ونهارًا سرًا وجهارًا , الحمدلله ملء كل شيء ولا توفيه حقه.

كل شوية بحس إني واقفة في النص، لا عارفة أرجع ولا عارفة أكمل. بحس إني ماشية وسط الزحمة وأنا جوايا فاضي، والفراغ ده بيكبر كل يوم. في حاجات بتبعد عني وأنا مش قادرة أمد إيدي أوقفها. ناس كنت فاكراهم قريبين بقوا غرب، ومشاعري بقت متلخبطة لدرجة إني مش عارفة حتى أزعل.
بسكت، وأقول يمكن أرتاح، يمكن ألاقيني، بس كل اللي بيحصل إني بضيع أكتر. كل مرة بحاول أبدأ من جديد، ألاقيني في نفس المكان، بنفس التعب، بنفس الأسئلة اللي ملهاش إجابات. وأرضى، أو أتظاهر إني راضية، وأكمل لحد ما أتوه من تاني.

بجد مبسوطة عشان لقيت شويبس خوخ من و أنا في أولي جامعة مش لقياها😔و كانو بيقولولي انها اتقطعت

الفيڤوريت😚.

خواتي بتوع ثانوية عامة مبارك يحبايبي ربنا يوفقكم في اللي جاي يارب.

انا مبسوطه اوي إن سوزي نجحت والله كدا اقدر انام مرتاحه😂😂❤.