اقروا شعر علمود تعبرون عن مشاعركم او افكاركم العميقة الي صعب تحچوها بكلام عادي

علمود تحسنون مهاراتكم اللغوية و ثقافتكم

علمود تتأملون بالمعاني الحقيقية للحياة

او حتى علمود تتعالجون من صدمة فهو يكون علاج ممتاز حتى تفهمون نفسكم

بس لا تقره الشعر او تكتبه علمود شخص
دائماً تذكر محمود درويش من گال :
لا تستحقين قصيدة ولو كانت مسروقة

اثنينهن دمعي وضحكتي بلونها
و ضايعه الدنيا بسواد عيونها
ابقى حاير بين دمعتي و راحتي
روحي يمها تصير ابد مو مالتي

و نقطة ضعفي چانت كل شي وياك
شيجي ابالك يهزني وياي لتحير
اورث ذكرياتك واشهگ وداع
كلما ادير بالي او وجهك تدير

اشوفك كل دقيقة بلون وبصوت
واحس غيرك تراب تشوفه العيون

انا شوگي اعله گدك جاي تفصال
غيري منيلهم مثله و يجيبون

من عيني سهر تتداين النجمة

واتلگه اليجيني منين ما يشتاگ
اليمر عابر عليَّ من روحي ما اطلعه

اليفارگني شبر ابقى التفتله سنين
اتاني بكل جرح يا لچمه الترجعه

انه من الحچي يبللني طاري الماي
ويمر اسمچ وينشف خاطري بسرعة

على سرعة مشيتك صفنت الخيل
چنك للفراگ محسب حساب
اذا ميت حنينك روح معذور
بس بهاي اعذرك مو بالغياب

اگدر بالضوة بس ما رهم وياك
وعلى گد الشمس ملگاك فصلته
وافك نشاب صدري لكل سهم بيه روح
واكفر بالحنين الما اجه بوكته
طفه وجهي بغيابك لو بعده موجود؟
من نجمه اعله نجمه الليل ورثته
مو ما شفت وجهك ما شفت مگفاك
شمد ايدي و گفاك بعيني ما لحته
تعال اشلع الطين البي عرگ ملگاك
بيا صحرة حنينك مشَّة قافلته ؟
جبروك و طفيت و واهسك وياي
كفرت بكل شي بعدك والعشگ صمته

العليّ سألوك هم سألوني واحتاريت
سويتك نبي و گلت انجبر حگه
بعيده ولايتك والصدفة فكت باب
واجيت ومن لگيتك وجهك مسرگه

گالوا ترس اذاني انساها ما تهواك
لتسوي الصنم بيديك و تعبده
اضيع هيبته من اوگف على الشلال
و اوصلچ وكل شي بروحي يتبده

بعد لتودي طيفك ليلي ما بيه شوگ
اجاني وباب جفني بوجهة سديته
بعد ما التفت لو سمه بظهري تطيح
حسبالك گبل لا گلبي چويته
روح اترس فراغك بالبرود البيك
انا وجه الشمس بالملگة غطيته

من اموت برودتك خليها عالتابوت
وبيدك كون نعش جنازتي تطبگه
و خاف يمر وكت و تزورني من بعيد
تدليك بمكاني حرورة الشهگه

انا مبلل عشگ يل يبست ملگاك
رحت وخيال وجهك عيني حاضنته
و اجي مغيم سهر ، يمك وانگط ليل
و طرت مو بالسمه لا ، بالحچي الگلته
و عكس جية الضوه روحك بروحي تطير
وعبرنه السابعة و جناحي ما درته
ولحد ثامن سمه وصلت الشهگة وياك
و اسافر والتراب بجدمي ما دسته

هنا تنتهي ثامن سمه!

و اختم بأعظم ما كتب علي رشم :