❝Beginner တို့အတွေးမမှားစေဖို့ ဒါတွေဆောင် ✅ ဒါတွေရှောင်❌❞

°=°=°=°=°=°=°=°=°=°=°=°=°=°=°=°=°=°=°=°=°

Web Development နယ်ပယ်ထဲကို စပြီးခြေချမယ်လို့စဉ်းစားနေတဲ့ Beginner လေးတို့အတွက်အတွေးမမှားရအောင် ဆောင်သင့်တာ‌ဆောင်ရှောင်သင့်တာရှောင်ဖို့ ဆက်ဖတ်လိုက်ရအောင် 👀

(၁) ရွေးချယ်မှုပြုလုပ်ပါ။

တစ်ခုခုကိုစလေ့လာဖို့ပြုလုပ်ပြီဆိုထဲက Selfstudy နဲ့သွားမှာလား သင်တန်းတက်ပြီးလေ့လာမှာလားဆိုတာရွေးချယ်ရမှာပါ။ ကိုယ်သွားမဲ့လမ်းကြောင်းကိုဖြောင့်ဖြောင့်တန်းတန်းသိပြီး ဘာဆက်လုပ်ရမယ် ဆိုတာကိုသိတဲ့သူတွေကတော့ သင်တန်းပဲတက်တက် selfstudy ပဲလုပ်လုပ်အဆင်ပြေမှာဖြစ်ပါတယ်။ ဒီလို သိဖို့လည်းမခဲယဉ်းတော့သလို ကိုယ်သိချင်တာတွေကို လျှပ်တစ်ပြတ်အတွင်း သိနိုင်တဲ့ခေတ်ကိုရောက်နေပါပြီ။
ဒီနေရာမှာအကြံပေးချင်တာက ကိုယ်ကအရမ်းကိုစိတ်အားထက်သန်နေတယ်ဆိုရင်တော့ သင်တန်းတစ်ခုခုကိုရွေးချယ်တက်ရောက်ပြီး အချိန်ကိုအကျိုးရှိစွာအသုံးချတာအကောင်းဆုံးပါ။ Selfstudy ကိုတော့ ကိုယ်က Web Development ကိုစိတ်၀င်စားတာမသေချာသေးဘူး စမ်းပြီးလုပ်ကြည့်ချင်တဲ့သူတွေအနေနဲ့ စလုပ်သင့်ပါတယ်။ Selfstudy လုပ်မဲ့ သူတွေကလည်းတိကျသေချာတဲ့ resource တွေ senior တွေကိုချဉ်းကပ်ပြီးသိသင့်တာတွေကိုမေးမြန်းပြီးပြုလုပ်လို့ရပါတယ်။

(၂) Goal တစ်ခုခုချမှတ်ပါ။

တစ်ယောက်နဲ့တစ်ယောက်နဲ့လေ့လာပုံပေါ်မူတည်ပြီး ကိုယ့်ကိုယ်ကိုယ်တစ်ပတ်ကိုဘယ်လောက်လေ့လာမယ် ဆိုပြီး goal ချမှတ်ထားပါ။ ဒီလိုသတ်သတ်မှတ်မှတ်လုပ်ထားခြင်းက ကိုယ်ဘာတွေလေ့လာထားပြီးပြီလဲဆိုတာကိုပြန်ကြည့်ရတာလည်းလွယ်ကူစေပါတယ်။

(၃) မသိတာရှိရင်ရှာဖွေမေးမြန်းပါ။

ရှာဖွေမေးမြန်းဆိုတဲ့နေရာမှာ မသိတာတစ်ခုခုရှိတာနဲ့ပထမဆုံး ကိုယ့်ဘာသာရှာဖွေတတ်တဲ့ အကျင့်ကိုလုပ်ထားပါ။ ပြီးရင်တော့ ကိုယ်နားလည်ထားတာက ဒီလိုမျိုးဟုတ်လား မှန်လားဆိုတာကို Senior တွေကိုမေးဖို့ မကြောက်ပါနဲ့ ။

(၄) လေ့ကျင့်ပါ။

Coding လုပ်တဲ့နေရာမှာ အဓိကကျတာက များများရေးဖို့ပါပဲ။ရေးတယ်ဆိုတဲ့နေရာမှာ ကိုယ်ကဒီနေ့ animation အပိုင်းလေ့လာခဲ့တယ်ဆိုရင် အဲ့တာကို ကိုယ်သိထားသလို
Project ထဲမှာထည့်သုံးပြီးရေးတာဖြစ်ပါတယ်။

(၅) ဆက်သွားပါ။

Beginner တော်တော်များများကတော့ အစပိုင်းမှာခက်တယ်ဆိုပြီး ညည်းကြတာပုံမှန်ပါပဲ။ အရေးကြီးတာက တကယ်သာဝါသနာပါတယ်ဆို နောက်ပြန်လှည့်မသွားဘဲ ပိုကြိုးစားနေဖို့ပဲဖြစ်ပါတယ်။

ကျွန်တော်တို့ Creative Coder Myanmar ကလည်း Beginner တွေသိလိုတာကိုဆွေးနွေးပြောပြပေးဖို့အဆင်သင့်ရှိနေသလို အခြေခံကိုတိကျပိုင်နိုင်စွာသင်ကြားပေးမဲ့ Web Development Foundation အတန်းတွေကိုလည်းဖွင့်လှစ်ထားလျက်ရှိပါတယ်။
ကဲ… Beginner တွေအနေနဲ့လေ့လာရမှာ အခက်အခဲဖြစ်နေတာတွေ၊ သိလိုတာတွေကို အခု Post အောက်မှာ‌မေးမြန်းသွားလို့ရပါတယ် ။
Senior တွေကလည်းကိုယ့်ရဲ့အတွေ့အကြုံတွေကိုပြန်လည်မျှဝေပေးသွားလို့ရတယ်နော် 👀

#creative_coder_myanmar
#beginner
#web_development

ဒီလိုအမှားတွေ နောက်ထပ်မလုပ်နဲ့တော့နော် ❌🙅

Web Development နယ်ပယ်ကကျယ်ပြန့်ပြီး လေ့လာစရာတွေဆိုတာလည်း မကုန်နိုင်တာကြောင့် စလေ့လာတော့မယ်ဆိုရင် လမ်းကြောင်းမမှားအောင် အထူးဂရုပြုသင့်ပါတယ်။

Developer  တွေလုပ်လေ့ရှိတဲ့ အမှားတွေထဲက အချို့ကို ကြည့်လိုက်ရအောင် 👀 

🎯 စလေ့လာခါစမှာ အခြေခံတွေကို အရင်မလေ့လာဘဲ ကျော်ပြီး framework တွေကိုစလေ့လာတာကလည်း ရှေ့ကို မရောက်ဘဲ နောက်ကိုပြန်ပြန်လှည့် ရတတ်ပါတယ်။
HTML, CSS နဲ့ Javascript တွေရမှသာ ရှေ့တစ်ဆင့်ကို ဆက်ပြီးလေ့လာသင့်ပါတယ်။

🎯 အချို့ beginner တွေကျ စလေ့လာခါစမှာ အနားမယူဘဲ အချိန်အကြာကြီး လေ့လာတာဖြစ်ပါတယ်။ ဒီအလေ့အကျင့်ဟာ လူကို ပိုပင်ပန်းစေပြီး လေ့လာပြီးသမျှဟာလည်း ခေါင်းထဲကိုမရောက် ဖြစ်တတ်တာကြောင့် ‌တနေ့ကို နည်းနည်းချင်းစီ ခွဲပြီး လေ့လာတာအကောင်းဆုံးပါ။

🎯 Code တွေကို စာကြောင်းရေအများကြီးမရေးဘဲ သေသေချာချာ စနစ်တကျ variable name တွေပေးတာ၊ comment ရေးတာတွေက ကောင်းမွန်တဲ့ အလေ့အကျင့်တွေ ဖြစ်ပါတယ်။

🎯 စစချင်း code ရေးတည်းက code တွေကို maintain လုပ်ရလွယ်အောင် Git တို့လို version control system တွေ သုံးသင့်ပါတယ်။ ဒါဟာ code ရေးတဲ့နေရာမှာ အခြေခံ ဖြစ်တဲ့အတွက် ကျော်မသွားသင့်ပါဘူး။

Web Development နဲ့ပတ်သက်ပြီး roadmap ကို Creative Coder ရဲ့ Learning Platform မှာလည်း ကြည့်ရှုနိုင်ပါတယ်။

https://creativecodermm.com/path

#creative_coder_myanmar
#website
#mistake
#beginner

Web Development ကိုအစကနေ ထိထိရောက်ရောက်လေ့လာကြည့်ရအောင် 👀

=°=°=°=°=°=°=°=°=°=°=°=°=°=°=°=°=°=°=°=°=°=°=°=°=°

Web Development ကိုစတင်လေ့လာဖို့စဉ်းစားနေတဲ့ Developer တွေရှိပါသလား?

ဒါဆိုရင်နေ့ရွှေ့ညရွှေ့လုပ်မနေဘဲ အခုပြထားတဲ့ resource တွေကနေ အခမဲ့လေ့လာကြည့်လိုက်ရအောင် 👀🚀

ဒီနေ့မှာတော့ Beginner တွေအတွက်အသုံး၀င်စေမယ့် HTML, CSS resource (၂) ခုကိုမျှ‌ဝေပေးသွားမှာဖြစ်ပါတယ်။

📝 Mozilla Developer Network (MDN) မှာဆိုရင် ပထမဆုံး web page ကိုပြုလုပ်ဖို့အတွက် HTML ရဲ့ basic concept တွေဖြစ်တဲ့ tags, elements, attributes တွေကိုလေ့လာနိုင်မှာဖြစ်ပါတယ်။
👉 https://developer.mozilla.org/en-US/docs/Learn/Getting_started_with_the_web/HTML_basics


📝 Real world example တွေနဲ့အတူ လေ့လာနိုင်တာကတော့ CSS tricks - A complete guide to CSS ပဲဖြစ်ပါတယ်။ ဒီမှာဆိုရင် အခြေခံ concept တွေနဲ့အတူ web page တစ်ခုကို ဘယ်လိုစပြီး styling လုပ်ရမလဲဆိုတာတွေပါဝင်ပါတယ်။

👉 https://css-tricks.com/guides/


ဒီလိုမျိုး resource လုပ်ပေးတဲ့ series လေးကိုကြိုက်တယ်ဆိုရင် နောက်နေ့မှာလည်း လေ့လာဖို့လိုအပ်တဲ့ အကြောင်းအရာလေးတွေတင်ပေးသွားမှာဖြစ်လို့ ဒီ resource လေးတွေက ကိုယ့်အတွက် အသုံး၀င်မ၀င် comment မှာရေးပေးခဲ့ကြနော် 👀

#creative_coder_myanmar
#beginner
#html
#css