ថ្ងៃទី០៩ ខែកក្កដា ឆ្នាំ២០២៦ ឯកឧត្តម ម៉ៅ ធនិន ប្រធានគណៈកម្មាធិការគណបក្សប្រជាជនកម្ពុជាខេត្តកំពត បានអញ្ជើញជួបសំណេះសំណាល និងពង្រឹងការងារជាមួយថ្នាក់ដឹកនាំ មន្ត្រីគណបក្សស្រុក ឃុំ និងប្រធានសាខាបក្សភូមិទូទាំងស្រុកបន្ទាយមាស នៅសាលប្រជុំស្នាក់ការគណបក្សស្រុក។
ក្នុងឱកាសនោះ ឯកឧត្តមប្រធានបានកោតសរសើរចំពោះកិច្ចខិតខំប្រឹងប្រែងរបស់មន្ត្រីបក្សគ្រប់លំដាប់ថ្នាក់ ព្រមទាំងបានផ្តល់អនុសាសន៍ណែនាំគន្លឹះៗ ដោយជម្រុញឱ្យមន្ត្រីទាំងអស់បន្តពង្រឹងសាមគ្គីភាព និងឯកភាពផ្ទៃក្នុងឱ្យបានរឹងមាំពីថ្នាក់លើដល់ក្រោម។ បន្ថែមពីនេះ ត្រូវយកចិត្តទុកដាក់ខ្ពស់លើការផ្តល់សេវាសាធារណៈជូនប្រជាពលរដ្ឋឱ្យបានលឿន ទាន់ចិត្ត មានតម្លាភាព និងត្រូវបន្តចុះជាប់មូលដ្ឋានជាប្រចាំដល់ខ្នងផ្ទះ ដើម្បីក្តាប់ជាប់សុខទុក្ខ ព្រមទាំងជួយដោះស្រាយបញ្ហាប្រឈមនានាជូនពួកគាត់ឱ្យបានទាន់ពេលវេលា សមស្របទៅនឹងគោលការណ៍ «មន្ត្រីគឺជាអ្នកបម្រើរាស្រ្ត
ដោយស្មោះត្រង់»។
ពិធីនេះបានបញ្ចប់ទៅក្រោមបរិយាកាសស្និទ្ធស្នាល និងពោរពេញដោយស្មារតីសាមគ្គីភាពខ្ពស់បំផុត៕

សមាជិកសមាជិការបស់គណបក្សទាំងអស់អាចចូលទៅទាញយកទម្រង់បំពេញជីវប្រវត្តិរូបសង្ខេបរបស់គណបក្ស ពាក្យសុំចូលជាសមាជិកគណបក្ស និងសេចក្ដីសម្រេចស្ដីពីតួនាទីភារកិច្ច និងរចនាសម្ព័ន្ធចាត់តាំងរបស់គណៈចាត់តាំងនៃគណៈកម្មាធិការគណបក្សរាជធានី ខេត្ត និងក្រុង ស្រុក ខណ្ឌនៅក្នុងវេបសាយរបស់គណបក្សតាមរយៈតំណភ្ជាប់ https://www.cpp.org.kh/details/471573

នៅថ្ងៃទី១៥ ខែកក្កដា ឆ្នាំ២០២៦ ឯកឧត្តម ម៉ៅ ធនិន ប្រធានគណៈកម្មាធិការបក្សខេត្ត បានអញ្ជើញជាអធិបតីភាពក្នុងពិធីបើកវគ្គបណ្តុះបណ្តាលស្តីពីការងារមហាជន ដល់បងប្អូនដែលជាជនបង្គោលមកពីក្រុង-ស្រុក និងបណ្តាមន្ទីរ-អង្គភាពជុំវិញខេត្ត ៕

ព្រឹកថ្ងែទី១៧​ ខែកក្តដា​ ឆ្នាំ២០២៦​ នៅមន្ទីរគណះកម្មាធិកាគណបក្សខេត្ត មានកិច្ចប្រជុំ ជាមួយគណះកម្មាធិការគណបក្សក្រុង/ស្រុកទាំង៩ ក្រោមអធិបតីភាពឯកឧត្តម ដួង សាវណ្ណ សមាជិកគណះកម្មាធិការកណ្តាល អនុប្រធានគណះកម្មាធិការគណបក្សខេត្ត និងជាប្រធានគណះប្រចាំការនៃគណះអចិន្ត្រៃយ៍គណះកម្មាធិការគណបក្សខេត្ត ដោយមានការអញ្ជើញចូលរួម ពីសំណាក់ ឯកឧត្តម កើត ឆែ សមាជិកគណះកម្មាធិការកណ្តាក អនុប្រធានគណបក្សខេត្ត ឯកឧត្តម ប្រធាន គណះទាំង៥ នៃគណះកម្មាធិការគណបក្សខេត្ត លោក លោកស្រី ប្រធាន អនុប្រធានគណះកម្មាធិការគណបក្សក្រុង ស្រុក លោក លោកស្រីក្រុមជំនួយការគណះប្រចាំការគណបក្សខេត្ត និងលោកលោកស្រី មន្រ្តី អាយធីក្រុង ស្រុក។

នៅរសៀលថ្ងៃអាទិត្យ ទី០២ ខែសីហា ឆ្នាំ២០២៦ ឯកឧត្តម ម៉ៅ ធនិន ប្រធានគណៈកម្មាធិការគណបក្សខេត្ត បានអញ្ជើញជាអធិបតីក្នុងពិធីប្រកាសសម្រួលភារកិច្ច តែងតាំង និងផ្ទេតំណែងមន្រ្តីគណៈបក្សខេត្ត ក្រុង ស្រុក នៅសាលប្រជុំមន្ទីរគណបក្សខេត្ត។ ក្នុងពិធីនេះ ក៏មានពិធីប្រកាស និងផ្ទេរភារកិច្ចប្រធានគណៈកម្មាធិការគណបក្ស ក្រុង-ស្រុក ចំនួន៣ គឺ ក្រុងបូកគោ ក្រុងកំពត និងស្រុកជុំគិរី។