នៅព្រឹកថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៨ ខែមិថុនា ឆ្នាំ២០២៦ គណៈកម្មាធិការគណបក្សប្រជាជនកម្ពុជាខេត្តកំពត បានបើកវគ្គបំពាក់បំប៉នជំនាញការងារចាត់តាំង កសាងគណបក្ស និងការងារគ្រប់គ្រងបញ្ជីសមាជិកគណបក្ស និងមន្ត្រីគណបក្សតាមប្រព័ន្ធព័ត៌មានវិទ្យា ជូនគណៈកម្មាធិការគណបក្សខេត្ត ក្រុង ស្រុក នៃខេត្តកំពត ក្រោមការចូលរួមជាគណៈធិបតីពីសំណាក់ ឯកឧត្តម សោម សឿន សមាជិកគណៈអចិន្ត្រៃយ៍គណៈកម្មាធិការកណ្ដាល និងជា ប្រធានគណៈចាត់តាំងគណៈកម្មាធិការកណ្តាលគណបក្សប្រជាជនកម្ពុជា និងឯកឧត្តម ម៉ៅ ធនិន សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្ត៕

នៅ​ព្រឹក​ថ្ងៃទី១៤ ខែមិថុនា ឆ្នាំ២០២៦ ឯកឧត្តម ម៉ៅ ធនិន សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តកំពត បានអញ្ជេីញ​ចូលរួម​ក្នុង​កិច្ចប្រជុំផ្សព្វផ្សាយសេចក្តីសម្រេចស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧។
កិច្ចប្រជុំនេះបានប្រព្រឹត្តទៅនៅសាលសន្និសីទបូកគោ ក្រោមអធិបតីភាពរបស់ ឯកឧត្តមបណ្ឌិត​ប៉ែន​ សុី​ម៉ន​ សមាជិកគណៈកម្មាធិការកណ្តាល និងជាប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានខេត្តកំពត។

សាររបស់សម្តេចអគ្គមហាសេនាបតីតេជោ​ ហ៊ុន​ សែន ប្រធានគណបក្សប្រជាជនកម្ពុជា​ ក្នុងទិវារំឭកខួបលេីកទី​ ៧៥​ នៃថ្ងៃបង្កេីតគណបក្សប្រជាជនកម្ពុជា

នាព្រឹក ថ្ងៃអាទិត្យ ទី៥ ខែកក្កដា ឆ្នាំ២០២៦
លោក លាង រឿនសុធី អភិបាល នៃគណៈអភិបាលក្រុងបូកគោ និងជាប្រធានគណៈកម្មារធិការគណបក្សក្រុងបូកគោ បានដឹកនាំលោក លោកស្រីអនុប្រធានគណៈកម្មារធិកាគណបក្សក្រុង និងសង្កាត់ ដើម្បីចុះសួរសុខទុក្ខប្រជាពលរដ្ឋដែលមានជីវភាពខ្វះខាតចំនួន ៦គ្រួសារ ស្ថិតនៅភូមិទទឹងថ្ងៃ សង្កាត់បឹងទូក ក្រុងបូកគោ ខេត្តកំពត ក្នុងនោះលោក ក៏បាននាំយកសម្ភារ: ថវិកា ជូនក្នុង ០១គ្រួសារ ទទួលបាន អង្ករ ២៥គីឡូក្រាម មី ១កេស ត្រីខ ១យួរ និងថវិកា ២០,០០០៛។ បន្ទាប់ពីបានសួរសុខទុក្ខប្រជាពលរដ្ឋទាំង ០៦គ្រួសាររួចមក លោកអភិបាល បានចុះទៅពិនិត្យពីស្ថានភាពផ្ទះរបស់ប្រជាពលរដ្ឋ ចំនួន ០១គ្រួសារ ដែលមានសភាពចាស់ទ្រុតទ្រោម ហើយលោកក៏បានជួយឧបត្ថម្ភ សង្គ័សីមួយចំនួន ដើម្បីជួសជុលដំបូលផ្ទះជូនផងដែរ។