ព្រឹកថ្ងៃ​សៅរ៍ ៩កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៥ ខែមេសា ឆ្នាំ២០២៦​ លោក អ៉ឹម ច័ន្ទសោធន សមាជិកគណ:កម្មាធិការគណបក្សប្រជាជនកម្ពុជាខេត្តកំពត និងជាប្រធានគណបក្សស្រុកទឹកឈូ បានអញ្ជើញជាអធិបតី ក្នុងកិច្ចប្រជុំការងារចំបាច់មួយចំនួនរបស់គណៈកម្មាធិការគណបក្សប្រជាជនកម្ពុជាថ្នាក់កណ្ដាល ស្ថិតនៅសាលប្រជុំស្នាក់ការគណបក្សស្រុទឹកឈូ ។

ដោយមានការអញ្ជើញចូលរួមពី លោក លោកស្រីគណៈអចិន្ត្រៃយ៍គណបក្សស្រុកទាំងអស់ លោក លោកស្រីសមាជិកគណៈកម្មាធិការគណបក្សស្រុកទាំងអស់ សរុបចំនួន ៥៤នាក់ ស្រី ០៨នាក់ ៕

ដើម្បីចូលរួមពិធីទិវាជាតិនៃការចងចាំ ២០ ឧសភា ឆ្នាំ២០២៦ នៅព្រឹកថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ គណកម្មាធិការគណបក្សប្រជាជនកម្ពុជាខេត្តកំពត បានប្រារព្ធពិធីទិវាជាតិនៃការចងចាំ ២០ ឧសភា ក្រោមអធិបតីភាពដ៏ខ្ពង់ខ្ពស់ ឯកឧត្តម ដួង សាវណ្ណ សមាជិកគណៈកម្មាធិការកណ្តាល អនុប្រធានគណៈកម្មាធិការគណបក្ស ប្រជាជនកម្ពុជាខេត្ត និងជាប្រធានគណៈប្រចាំការនៃគណៈអចិន្ត្រៃយ៍គណៈកម្មាធិការគណបក្សខេត្ត តំណាង ដ៏ខ្ពង់ខ្ពស់ ឯកឧត្ដមបណ្ឌិត ម៉ៅ ធនិន សមាជិកគណៈកម្មាធិការកណ្តាល និងជាប្រធានគណៈកម្មាធិការ គណបក្សប្រជាជនកម្ពុជាខេត្ត ដែលពិធីនេះធ្វើប្រារព្ធធ្វើឡើងកុនុបរិវេណវត្តជុំគៀល ស្ថិតក្នុងឃុំជុំគ្រៀល ស្រុកទឹកឈូ ខេត្តកំពត។

ក្នុងពិធីនេះមានការអញ្ជើញចូលរួមពីសំណាក់ពី សមាជិក សមាជិកាគណៈអចិន្ត្រៃយ៍គណៈកម្មាធិការគណបក្សខេត្ត, សមាជិក សមាជិកាគណៈកម្មាធិការគណបក្សខេត្ត, សមាជិកក្រុមប្រឹក្សាខេត្ត(មិនមែនសមាជិកគណៈកម្មាធិការគណបក្សខេត្ត), គណបក្សមូលដ្ឋាន និងសាខាបក្សមន្ទីរ អង្គភាពជុំវិញខេត្ត, យុវជនទាំង៤ប្រភេទ (សសយក សយសស យុវជនគណបក្ស និងស្ត្រី), គណៈកម្មាធិការគណបក្សស្រុក, ព្រះសង្ឃ តាជី យាយជី សរុបចំនួន ២៥០ អង្គ/នាក់៕

កាលពីថ្ងៃទី២៤ ខែឧសភា ឆ្នាំ២០២៦ ឯកឧត្តម ម៉ៅ ធនិន សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត និងជាប្រធានគណៈចលនាមហាជនខេត្ត បានអញ្ជើញជាអធិបតីក្នុងវេទិកា «យុវជន និងការងារមូលដ្ឋានឆ្ពោះទៅកាន់ការបោះឆ្នោតឆ្នាំ២០២៧-២០២៨»។