នៅព្រឹកថ្ងៃចន្ទ ១៣កើត ខែពិសាខ ឆ្នាំរោង ឆស័ក ព.ស២៥៦៧ ថ្ងៃទិ២០ ខែឧសភា ឆ្នាំ២០២៤ គណបក្សប្រជាជនកម្ពុជាខេត្តកំពត បានប្រារព្ធពីធី "ទិវានៃការចងចាំ ២០ឧសភា" ក្រោមអធិបតីភាព ឯកឧត្តម ដួង សាវណ្ណ អនុប្រធានគណ:កម្មាធិការគណបក្សខេត្ត និងជា ប្រធានគណៈប្រចាំការនៃគណៈអចិន្ត្រៃយ៍គណៈកម្មាធិការគណបក្សខេត្ត ដែលពិធីនេះប្រារព្ធធ្វើឡើងនៅក្នុងបរិវេណវត្តជុំគ្រៀល ស្ថិតក្នុងឃុំជុំគ្រៀល ស្រុកទឹកឈូ ខេត្តកំពត។

ក្នុងពិធីនេះមានការអញ្ជើញចូលរួមពី ឯកឧត្ដម លោកជំទាវ ជាសមាជិក សមាជិកា គណៈកម្មការគណបក្សខេត្ សមាជិក សមាជិកា គណៈកម្មាធិការគណបក្សមូលដ្ឋាន និងសាខាបក្សមន្ទីរ អង្គភាពជុំវិញខេត្ត គណៈកម្មការ ខ.១៨ គណៈកម្មការ ខ.២៦.១ , ខ.២៦.១, ខ.២៧ , ខ.២៧.១ យុវជនទាំងបីប្រភេទ(សសយក សយសស យុវជនគណបក្ស) គណៈកម្មាធិការគណបក្សស្រុកទឹកឈូ និងប្រជាពលរដ្ឋ តាជី យាយជី និងព្រះសង្ឃ សរុបចំនួន ៥៣៩ អង្គ/នាក់។

នៅព្រឹកថ្ងៃពុធ ១៥កើត ខែពិសាខ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី២២ ខែឧសភា ឆ្នាំ២០២៤ ឯកឧត្តមបណ្ឌិត ប៉ែន ស៊ីម៉ន សមាជិកអចិន្ត្រៃយ៍ ប្រធានគណៈកម្មការទី១០ នៃរដ្ឋសភាជាតិ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណ បក្សចុះមូលដ្ឋានខេត្តកំពត បានអធិបតីភាពដ៏ខ្ពង់ខ្ពស់ក្នុងពិធីបុណ្យកាត់ឫសខណ្ឌសីមាព្រះវិហារ វត្តគិរីគង្គា (ហៅវត្តកំពង់គ្រញូង) ស្ថិតនៅភូមិបាយទា ឃុំស្វាយទងខាងជើង ស្រុងកំពង់ត្រាច)។

ក្នុងពិធីក៏មានការអញ្ជើញចូលរួមពីសំណាក់ ឯកឧត្ដម លោកជំទាវ សមាជិក សមាជិកា ព្រឹទ្ធសភា រដ្ឋសភា ឯកឧត្ដម លោកជំទាវ សមាជិកក្រុមការងារគណបក្សចុះមូលដ្ឋានខេត្តកំពត ព្រះសង្ឃ តាជី យាយជី ប្រជាពុទ្ធបរិស័ទ ប្រមាណជាង ៣,៦០០អង្គ/នាក់៕

ព្រឹកថ្ងៃសុក្រ ២ រោច ខែពិសាខ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ខែឧសភា ឆ្នាំ២០២៤

លោក អ៉ឹម ច័ន្ទសោធន សមាជិកគណ:កម្មាធិការគណបក្សប្រជាជនកម្ពុជាខេត្តកំពត និងជាប្រធានគណបក្សស្រុកទឹកឈូ បានដឹកនាំក្រុមការងារ អញ្ជើញចូលរួម ពិធីបិទយុទ្ធនាការឃោសនាបោះឆ្នោតជ្រើសរើសសមាជិកក្រុមប្រឹក្សារាជធានី ខេត្ត ក្រុង ស្រុក នាថ្ងៃទី២៦ ខែឧសភាឆ្នាំ២០២៤ខាងមុខនេះ ក្រោមអធិបតីភាពដ៏ខ្ពង់ខ្ពស់ ឯកឧត្តម សោម ចិន អ្នកតំណាងរាស្ត្រមណ្ឌលកំពត និងជាប្រធានក្រុមការងារចុះមូលដ្ឋានក្រុងកំពត និងលោកជំទាវ អ៊ុន សុគន្ធា អ្នកតំណាងរាស្ត្រមណ្ឌលកំពត និងជាប្រធានក្រុមការងារចុះមូលដ្ឋានស្រុកទឹកឈូ៕

ដោយមានការអញ្ជើញចូលរួមពី ឯកឧត្តម លោកជំទាវប្រធាន និងអនុប្រធានក្រុមការងារចុះជួយមូលដ្ឋាន ក្រុងកំពត ក្រុងបូកគោ និងស្រុកទឹកឈូ លោក លោកស្រីប្រធានគណបក្សទាំង៣ ក្រុង ស្រុក និងសមាជិក សមាជិកាក្រុមប្រឹក្សា ពេញសិទ្ធិ និងបំរុងទាំង៣ ក្រុង ស្រុក និងអង្គបោះឆ្នោតទាំង២១ឃុំ សង្កាត់ ក្នុងស្រុក ក្រុងទាំង៣  នៅស្នាក់ការគណបក្សប្រជាជនកម្ពុជាក្រុងកំពត ៕