​​នៅព្រឹកថ្ងៃអាទិត្យ ៨រោច ខែមាឃ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី៣ ខែមីនា ឆ្នាំ២០២៤ ឯកឧត្តម​ ម៉ៅ ធនិន ប្រធានគណៈកម្មាធិការគណបក្សប្រជាជនកម្ពុជាខេត្តកំពត​ បាន​អញ្ជើញដឹកនាំ​កិច្ច​ប្រជុំ​បូក​សរុប​លទ្ធផល​ការងារ​បោះឆ្នោត​ជ្រើសតាំង​សមាជិក​ ​ព្រឹទ្ធសភា​ នីតិកាល​ទី៥​ ​​ឆ្នាំ​២០២៤​ ជា​មួយ​ថ្នាក់​ដឹកនាំ​​គណបក្ស​ក្នុង​ខេត្ត​ទាំង​អស់​ នៅ​សាលសន្និសីទ​បូកគោ​៕

ប្រជាពលរដ្ឋនៅទូទាំងខេត្តកំពត សូមធ្វើការបដិសេធទាំងស្រុងនូវការអត្ថាធិប្បាយរបស់លោក ចេម សុខ ដែលជាអ្នកវិភាគក្រៅស្រុកគ្មានហេតុផល បានលើកឡើងក្នុងបណ្តាញសង្គមតាមការផ្តល់ព័ត៌មានរបស់ក្រុមមនុស្សបាត់បង់ផលប្រយោជន៍មួយចំនួនតូច ធ្វើអោយមានការភាន់ច្រឡំពីសាធារណៈមតិ។ ប្រជាពលរដ្ឋក្នុងខេត្តកំពតបានដឹងច្បាស់ពីឯកឧត្តម ម៉ៅ ធនិន ដែលលោកតែងតែគិតគូពីផលប្រយោជន៍ ក៏ដូចសុខទុក្ខរបស់ប្រជាពលរដ្ឋ ឯកឧត្តមជាថ្នាក់ដឹកនាំដ៏ល្អបំផុតរបស់ប្រជាពលរដ្ឋទូទាំងខេត្តកំពត។

គណបក្សប្រជាជនកម្ពុជា បានប្រកាសជាឱឡារិកនូវការគោរព និងទទួលយកលទ្ធផលផ្លូវការនៃការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដែលគណៈកម្មាធិការជាតិរៀបចំការបោះឆ្នោតបានប្រកាសនៅថ្ងៃទី៥ ខែមីនា ឆ្នាំ២០២៤ នេះ។ លទ្ធផលនៃការបោះឆ្នោតនេះពិតជាបានឆ្លុះបញ្ចាំងទាំងស្រុងនូវឆន្ទៈដ៏ថ្លៃថ្លា និងមោះមុតរបស់ប្រជាជនកម្ពុជានៅទូទាំងប្រទេសក្នុងការថែរក្សាសន្តិភាព និងបន្តជំរុញការអភិវឌ្ឍសេដ្ឋកិច្ច សង្គម ដើម្បីលើកស្ទួយជីវភាពរបស់ខ្លួន។

សារលិខិត សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ក្នុងឱកាសបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សា រាជធានី-ខេត្ត និងក្រុង-ស្រុក-ខណ្ឌ អាណត្តិទី៤

នៅព្រឹកថ្ងែសុក្រ ១០កើត ខែពិសាខ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី១៧ ខែឧសភា ឆ្នាំ២០២៤ គណបក្សប្រជាជនកម្ពុជាខេត្តកំពត បានបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សា ខេត្ត ក្រុង ស្រុក នៃខេត្តកំពត អាណត្តិទី៤ ក្រោមអធិបតីភាព ឯកឧត្តមបណ្ឌិត ប៉ែន ស៊ីម៉ន ប្រធានក្រុមការងារគណបក្សចុះមូលដ្ឋានខេត្តកំពត ឯកឧត្តម ម៉ៅ ធនិន ប្រធានគណៈកម្មាធិការគណបក្សប្រជាជនកម្ពុជាខេត្ត និងឯកឧត្តម លោកជំទាវ ជាសមាជិកព្រឹទ្ធសភា សមាជិករដ្ឋសភា អនុប្រធានក្រុមការងារគណបក្សចុះមូលដ្ឋានខេត្តកំពត ឯកឧត្ដម លោកជំទាវ សមាជិកគណៈកម្មាធិការគណបក្សខេត្ត លោក លោកស្រី សមាជិក គណៈកម្មាធិការគណបក្សមន្ទីរជុំវិញខេត្ត ដែលពិធីនេះធ្វើឡើងនៅសាលសន្និសីទ បូកគោ ខេត្តកំពត។

ក្នុងពិធីបើកយុទ្ធនាការឃោសនាបោះឆ្នោតជ្រើសក្រុមប្រឹក្សា ខេត្ត ក្រុង ស្រុក នៃខេត្តកំពត អាណត្តិទី៤ ក្នុងខេត្តកំពត មានការចូលរួមពីសមាជិក សមាជិកា គណបក្សខេត្ត និងសមាជិក សមាជិកា មកពីបណ្តាក្រុង-ស្រុក សរុបចំនួន ១,១៤៨នាក់។

នៅថ្ងៃទី១ដែលជាថ្ងៃបើកយុទ្ធនាការឃោសនាបោះឆ្នោត និងធ្វើដំណើរឆ្ពោះទៅកាន់ការបោះឆ្នោត អសកល ហើយដើម្បីធានាថា គណបក្សត្រូវតែឈ្នះសម្រាប់ការដឹកនាំក្រុមប្រឹក្សា ខេត្ត ក្រុង ស្រុក អាណត្តិទី៤បន្តទៀត។

ឯកឧត្តមបណ្ដិត ប៉ែន ស៊ីម៉ន បានសំណូមពរដល់បេក្ខភាព និងអង្គបោះឆ្នោតក្រុមប្រឹក្សាស្រុក ខេត្តទាំងអស់ត្រូវពង្រឹងស្មារតីសាមគ្គីភាព ឯកភាពផ្ទៃក្នុងឱ្យបានរឹងមាំនិងថែទាំសុខភាពឲ្យបានល្អ ហើយទៅពិនិត្យផ្ទៀងផ្ទាត់បញ្ជីឈ្មោះបោះឆ្នោតឱ្យបានគ្រប់ៗគ្នា និងត្រូវប្រុងប្រយ័ត្នរក្សាឯកសារពាក់ព័ន្ធនិងការបោះឆ្នោតឱ្យបានត្រឹមត្រូវហើយក្នុងកំលុងពេលនៃយុទ្ធនាការឃោសនាបោះឆ្នោតមានរយៈពេល៨ថ្ងៃ គឺចាប់ពីថ្ងៃទី១៧ ដល់ថ្ងៃទី២៤ ខែឧសភាឆ្នាំ២០២៤ ហើយត្រូវសម្រាក់និងរក្សាភាពស្ងៀមស្ងាត់១ថ្ងៃមុនពេលបោះឆ្នោតគឺថ្ងៃសៅរ៏ទី២៥ខែឧសភាឆ្នាំ២០២៤ ។

សូមឲ្យសមាជិក សមាជិការបស់គណបក្សប្រជាជនកម្ពុជា គ្រប់រូប ត្រូវគោរពទៅតាមការណែនាំរបស់គណបក្សនិងបទបញ្ជានីតិវិធី ច្បាប់របស់គណៈកម្មការជាតិរៀបចំការបោះឆ្នោត (គ.ជ.ប) ដែលបានកំណត់ និងជៀសវាងបញ្ហានានាក្នុងកំលុងពេលឃោសនា ដើម្បីរក្សាបាននូវសេចក្តីថ្លៃថ្នូរក្នុងនាមជាគណបក្សនយោបាយដឹកនាំប្រទេស និងសូមឲ្យក្រុមប្រឹក្សាឃុំ ដែលជាអង្គបោះឆ្នោតទាំងអស់ទៅបោះឆ្នោតជូនគណបក្សប្រជាជនកម្ពុជា នៅថ្ងៃអាទិត្យទី២៦ ខែឧសភាឆ្នាំ២០២៤ខាងមុខនេះ ដើម្បីប្រទេសជាតិមានសុខសន្តិភាព និងមានការអភិវឌ្ឍ៕