(ភ្នំពេញ)៖ នាល្ងាចថ្ងៃចន្ទ ទី១ ខែមិថុនា ឆ្នាំ២០២៦ លោកជំទាវ ចម និម្មល សមាជិកាគណៈកម្មាធិការកណ្ដាល និង​ជាប្រធានគណៈកម្មាធិការ​គណបក្សក្រសួងពាណិជ្ជកម្ម បានអញ្ជើញជាអធិបតី​ដឹកនាំកិច្ចប្រជុំគណៈកម្មាធិការគណបក្សក្រសួង​ ផ្សព្វផ្សាយសេចក្តីសម្រេចស្តីពីការកែសម្រួល និងតែងតាំងមន្ត្រីគណបក្ស ដែលមានការអញ្ជើញចូលរួមពី ឯកឧត្តម លោកជំទាវ សមាជិក​ សមាជិកាគណ:អចិន្ត្រៃយ៌ និង​សមាជិក សមាជិកា គណ:កម្មាធិការគណបក្សក្រសួង​ គណ:កម្មាធិការគណបក្សមូលដ្ឋាន​ សាខាបក្ស ប្រជាជនកម្ពុជាក្រសួងពាណិជ្ជកម្មជាច្រើនរូប។

ក្នុងឱកាសនោះ មានការប្រកាសនូវសេចក្តីសម្រេចស្តីពីការកែសម្រួល និងតែងតាំងមន្ត្រីគណបក្ស ដោយ ឯកឧត្តម កឹម ស៊ីថន សមាជិកគណៈកម្មាធិការកណ្តាល អនុប្រធានគណៈកម្មាធិការគណបក្សក្រសួង និងជាប្រធានគណៈចាត់តាំង បានប្រកាសនូវសេចក្តីសម្រេចស្តីពីការកែសម្រួល និងតែងតាំងមន្ត្រីគណបក្ស ដើម្បីបង្កើនប្រសិទ្ធភាពការងារបក្សឱ្យកាន់តែល្អប្រសើរ និងបានធ្វេីការផ្សព្វផ្សាយឯកសារចំនួន ២រួមមាន៖ ១)-សេចក្តីសម្រេចលេខ ១៤៣/០៤២៦ សស.គក ស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ និង ២)-ជំនួយស្មារតីស្តីពីក្រមសីលធម៌សម្រាប់ក្រុមការងារ និងគណៈកម្មាធិការគណបក្សក្នុងការជ្រើសរើស និងរៀបចំបញ្ជីបេក្ខជនរបស់គណបក្ស សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ ២០២៧​ ជូនដល់សមាជិក​ សមាជិកានៃអង្គប្រជុំផងដែរ។
...
ភ្ជាប់ទំនាក់ទំនងជាមួយយើង៖
Connect with Us:
🌐 Facebook
🌐 Telegram