ኮረት የተጫነባት የእናቶች አምቡላንስ ፦

ከላይ በፎቶው የምትመለከቷት የእናቶች አምቡላንስ ጉዳይ መነጋገሪያ ሆናለች። እንዴት እንዲህ ያለ አሳዛኝ ድርጊት ይፈፀማል በሚል ብዙዎች በማህበራዊ ሚዲያ ቁጣቸውን ገልፀዋል።

ከዚህ ጉዳይ ጋር በተያያዘ አምቡላንሷ በጎፋ ዞን የምትገኝ እንደሆነ እና የጎፋ ዞን መንግስትም አደረኩት ያለውን ማጣራት ዛሬ አሳውቋል።

እንደዞኑ መንግስት መረጃ አምቡላንሷ የቡልቂ ከተማ ጤና ጣቢያ ናት።

በቡልቂ ከተማ አስተዳደር ጤና ጣቢያ በእናቶች አምቡላንስ ኮረት ሲጫን የሚያሳይ ምስል በማህበራዊ ሚዲያው መሠራጨቱን ተከትሎ ጉዳዩን የማጥራት ሥራ ሰራ መሰራቱን ገልጿል።

የከተማው ጤና ጣቢያ ግቢ ውስጥ ጭቃ የሚያስቸግር ቦታ ላይ ኮረት ለመድፋት ጤና ጣቢያው ለገዜ ጎፋ ወረዳ ፖሊስ ጽሕፈት ቤት ሕጋዊ የትብብር ደብዳቤ በጠየቀው መሠረት በፖሊስ ጽሕፈት ቤቱ ፈቃድ ኮረቱ የተወሰደ እንደሆነ ነው የተገለፀው።

በእናቶች አምቡላንስ መኪና ኮረት መጫኑ ግን ተግቢነት እንደሌለው ተገልጿል።

የጎፋ ዞን ጤና መምሪያ ጉዳዩን እስከ ቦታው ወርዶ ያጣራ ሲሆን ጉዳዩ እጅግ የሚያሳዝን ፤ በአምቡላንስ ኮረት መጫኑ እጅግ የሚወገዝ ተግባር ነው ብሏል።

ይህንን ህገወጥ ተግባር የፈፀመው አካል ሊጠየቅ ይገባልም ብሏል።

ጤና መምሪያው ድርጊቱን የፈፀሙትን አካላት እና በድርጊቱ ተሳታፊ በሆኑ ግለሰቦችም ላይም ስለምወስድ አስተዳዳራዊ እና ፖለቲካዊ እርምጃዎች ላይ ከከተማው አስተዳደር ጋር በቅንጅት እየሰራ መሆኑን አሳውቋል።

የጎፋ ዞን አስተዳደር በቡልቂ ከተማ አስተዳደር ጤና ጣቢያ በእናቶች አምቡላንስ የተፈፀመው ድርጊት የሚያስዝን ብቻ ሳይሆን የአከባቢውን ገጽታ የሚጎዳ ተግባር ነው ብሎታል።

@tikvahethiopia @tikvahethiopiaBot