ባለስልጣኑ ዘመናዊ ቴክኖሎጂን በመጠቀም የመንገድ ግንባታ ስራዎችን እያከናወነ ነው

የአዲስ አበባ ከተማ መንገዶች ባለስልጣን ዘመኑ ያፈራቸውን ቴክኖሎጂዎችን በመጠቀም የመንገድ ግንባታ ስራዎችን እያከናወነ ይገኛል፡፡ ከነዚህም መሀከል ከቃሊቲ ቀለበት መንገድ አደባባይ - ቡልቡላ - ቂሊንጦ አደባባይ የመንገድ ግንባታ አንዱ ነው፡፡

ከ2.3 ቢሊዮን ብር በላይ ተመድቦለት እየተከናወነ የሚገኘው ይህ መንገድ 10.5 ኪ.ሜ ርዝመትና 40/60 ሜትር የጎን ስፋት አለው፡፡ የግንባታ ስራውን ቻይና ኮንስትራክሽን ኮሚኒኬሽን ካምፓኒ እያከናወነው ሲሆን የግንባታ ክትትልና ቁጥጥር ስራውን ደግሞ ሀይ ዌይ ኢንጂነርስ እና ኮንሰልቲንግ ድርጅት እየሰራ ይገኛል፡፡

ይህ የመንገድ ግንባታ ኘሮጀክት አምስት ግዙፍ ድልድዮችን ያካተተ ሲሆን የመጀመሪያው ቡልቡላ ወንዝ መሻገሪያ ድልድይ ነው፡፡ ይህ ድልድይ 175 ሜትር ርዝመትና 5 ሜትር የእግረኛ መንገድን ጨምሮ 34 ሜትር የጐን ስፋት እንዲሁም የድልድዩ ማማዎች ከመሬት በ24 ሜትር ከፍታ እየተገነባ ይገኛል፡፡ ከቃሊቲ ቀለበት መንገድ - ቂሊንጦ ወደ አዲሱ ፈጣን መንገድ የሚያገኛኝ ይሆናል፡፡

ሁለተኛው አቃቂ ወንዝ ድልድይ ሲሆን ርዝመት 325 ሜትር 5 ሜትር የእግረኛን መንገድ ጨምሮ በ34 ሜትር ስፋት የሚገነባ ሲሆን የድልድዩ ማማዎቹ ከመሬት ከ30/43 ሜትር ከፍታ ያላቸው ናቸው፡፡ እነዚህ ሁለት ድልድዩች ተገንብተው ሲጠናቀቁ የውስጠኛው ቀለበት መንገድ ከውጪኛው ቀለበት መንገድ የሚያገናኙ፣ ኮየ ፈቼ እና ቱሉዴምቱ ያሉ ነዋሪዎችን ቀጥታ ወደ መሀል ከተማ ለማገናኘት የሚያስችል ይሆናሉ፡፡ በተጨማሪም ቡልቡላ እና ከቦሌ ሚካኤል ወደ ቂሊንጦ ለመሄድ የሚያስችሉ ይሆናሉ፡፡

እነዚህ ግዙፍ ድልድዮች ዘመናዊ በሆነ መልኩ በመገንባት ላይ የሚገኙ ሲሆን የድልድዮቹ ገርደሮች ቱሉ ዲምቱ በሚ