ازيكم يا 46 🤍🤗حاولت اقول اغلب الاسئله الى ممكن تدور فى بالكم وانتو لسه داخلين الكليه

أول حاجة ممكن يعني نفكر فيها، إحنا هنحتاج إيه نشتري للكلية وكده.
​ممكن ناس بتسأل على البالطو، جهاز الضغط، السماعة.. مش هنحتاج حاجة غير البالطو
بس، عشان ندخل بيه السكاشن. فى الاغلب مش كنا بنلبسه بس كان كام مره شددو عليه ف نجيبه من الصيدليه الخيريه فى الكليه او اى محل نعرفه عندنا حسب مكان كل واحد

في بقى بيفكر برضه تاني بالنسبة هيشتري إيه؟ آيباد، تابلت، لاب توب..
أنا عن نفسي اعتمدت على تابلت المدرسة بحل عليه أسئلة، والـ... المحاضرات أنا بطبعه ورق عشان بتكون أحسن لعيني من إن أنا أبص على الشاشات واقدر اكتب ملاحظات سهل ومعايا كشكول سلك العادى 100 ورقه كنت بكتب فيه الى عايزاه .
​فده بالنسبة ليا، لكن في ناس عادي بتذاكر من الآيباد أو التابلت، فاللي يريحكم. بالنسبة برضه للآيباد والتابلت واللاب.. فاللي هو الآيباد والتاب أحسن في الكتابة وكده، فالناس بتفضلهم يعني للكتابة ل الى ببذاكر من pdf
الى بقى معاه فلوس وهيذاكر فى ورق ممن يجيب لاب يستفاد ب حاجه بعدين
بس تاب المدرسه كافى يعنى ممكن نحطله كارت كمان عشان المساحه

عايز حاجه جنب الدراسه

أنا بنصح أول سنة إن الحاجة اللي إحنا نعملها ك انجاز إن إحنا نحفظ قرآن.
​بجد يعني أنا كان نفسي حد يقولي على الموضوع ده من أول السنة، أنا زميلتي مثلاً كانت قالتلي وعرفتني على بنت بتحفظ قرآن في الترم الثاني تقريباً، فكان نفسي حد يقولي من أول السنة ، جزاها الله خير. لو أنتِ بنت شوفي بنت بتحفظ قرآن أونلاين هيكون يعني أنسب للوقت وكده، وولد، ولد يعني. والى حافظ يراجع المهم، حاجة يعني ممكن نعملها، وكمان مش هتاخد وقت مننا، ويعني رضا ربنا وبركة فى كل حاجة ، فشايفة دي أحسن حاجة يعني.

واعرفو ان كل حاجه بتوفيق ربنا احنا بنعمل الى علينا بس

ب النسبه ل الناس الى بتسال على الصعوبه والدنيا صعبه ولا لا يعني
أول موديول ده، إحنا لسه بنتعرف على الحاجات.. فإحنا يعني لسه مش عارفين حاجة، حاسين إن المحتوى صعب، يعني لسه بنبدأ نتعلم وكده فعادى الاحساس ب الصعوبه بس نتعود مع الوقت والدنيا بتكون احسن بنبدا نعرف الدكاتره ب تركز على ايه واسلوب الدكاتره وكمان اكتسبنا شويه مصطلحات ف نقدر نعتمد اكتر على نفسنا فى اول مديول بنكون محتاجين حد يترجم ويفسر كل كلمه .
​الإنجليزي مش مشكلة ولا حاجة، إحنا بنبدأ نكتسب الحاجات دي مع الوقت، والمصطلحات برضو هنبدأ كل ده
نعرفه مع الوقت، فاللي هو مش مشكلة.
​يعني هو أول موديول، المحتوى كمحتوى يعني بيبقى كمية قليلة.. بس، بس احنا بنبقى شايفينه كمية كبيرة، وصعب، والحفظ صعب
​فهو لسه إحنا بنتعرف على الدنيا فـعادي جداً الموضوع يبقى صعب فى الاول فده كله واجهنا يعني وإحنا لسه داخلين، فمش حاجة جديدة يعني، أو إن حد مثلاً يفكر نفسه لا ده أنا غبي، ده مش عارف إيه.. فالكلام ده مش صح.

بالنسبة لإننا بنسمع كلمة "موديولات" (Modules)، فإحنا بنشتغل بنظام الموديولات، على عكس النظام القديم اللي كان مثلاً بياخد المادة على بعضها.. لا، إحنا بناخد نظام الموديولات.

يعني إيه نظام الموديولات؟ يعني مثلاً لو عندنا جهاز معين زي الجهاز الهضمي — بنبدأ نأخذه من نظرة كل مادة.

هنقول الثمان مواد الرئيسية اللي عندنا:

Anatomy (التشريح): بناخد فيه تركيب الجسم وأجزاءه وعلاقتها ببعض.

وفيه جزء اسمه Embryology، ده علم الأجنة، بناخد فيه إزاي الجنين بيتكوّن من البداية، من وقت اتحاد الـ sperm أو الحيوان المنوي مع الـ ovum أو البويضة، وبعدين مراحل نمو الجنين وتكوين الأعضاء.

Histology (علم الأنسجة والخلايا): بنبدأ ناخد الخلايا والأنسجة الطبيعية وشكلها تحت الميكروسكوب، وكمان الـ organelles
اللي فيها
(عضيات الخلية).

Physiology:) علم وظائف الأعضاء)،
بنشوف الجسم بيشتغل إزاي والوظائف الطبيعية للأعضاء.

Biochemistry:( علم الكمياء الحيويه)
بناخد فيه التفاعلات والعمليات الكيميائية اللي بتحصل في جسم الإنسان.

Microbiology ( علم الأحياء الدقيقه)
وبندرس فيه الكائنات الدقيقة زي البكتيريا والفيروسات والفطريات وغيرها، واللي ممكن تصيب جسم الإنسان.

Parasitology (علم الطفيليات): بندرس فيه الديدان والـ
Parasites
اللي بتصيب جسم الإنسان.

Pharmacology:(علم الأدوية)
بندرس فيه الأدوية، وإزاي بتشتغل على الجسم، وكمان آثارها الجانبية.

Pathology (باثولوجي): بندرس فيه الأمراض والتغيرات اللي بتحصل في الخلايا والأنسجة والأعضاء بسبب المرض، وبندرس شكل الخلايا والأنسجة المريضة تحت الميكروسكوب، وكمان بنشوف شكل العضو المريض بعنينا، وده بنقول عليه
"Gross".

وإحنا بننطق المواد باختصار، فتلاقوا بنقول فسيو / بايو / هستو / باثو / بارا / فارما / ميكرو، عشان لو سمعتوها تعرفوا إن المقصود بيها المواد دي.

بالنسبة للامتحانات، فكل موديول عليه 3 امتحانات:
​امتحان الميد (Midterm): بنمتحنه في نص الموديول، وهو من اسمه يعني امتحان الميد.
​الامتحان العملي (Practical): بنمتحنه في آخر الموديول، مع نهاية الموديول.
​امتحان الفاينل (Final): بنمتحنه في نهاية الترم.
​يعني إحنا هناخد في الترم الاول 3 موديولات، هنمتحن الفاينل بتاع الثلاث موديولات في آخر الترم، لكن مع كل موديول هنمتحن الميد بتاعه فى نصه والعملي بتاعه في آخره.
والفاينل اكتر ضغط لان بنمتحن على المحتوى كله بتاع الميد و الى هيتاخد بعد الميد هما بيعملو تخفيف ل كام محاضره كده بس

لكن امتحان العملى ده امتحان على محتوى السكاشن ومش داخل فاينل بنمتحنه مره واحده بس معتمد اكتر على الصور

بالنسبه لمصادر المذاكره في مصادر مجانيه وفي الكورسات المدفوعه
احنا عندنا قناه دكتورز
https://t.me/doctors_11111111
متجمع عليها كل محاضره اكثر من مصدر وكمان في مصادر فيها تبع طب بنها
وفي برده بتبقى مساعدات من زمايلكم بتبقى شرح مجاني برده وف
ي تيمات برده بتشرح مجاني زي connective tissue
https://t.me/connectivetissue46
برده ونجاح بدون جشع
و our course
https://t.me/ourcourse46
عن نفسي انا اعتمدت على مصادر المجانيه عادي جدا ويعني عادي جايبه امتياز بس دي بتختلف من شخص للتاني حد عايز حد ينظم له اموره ينزلوا المحاضره على نفس الداتا ومعاها الاسئله ومش يقعد يدور على الى بيفهم منه عادى مش افهم من فديو واشوف التانى عادى انا بحب كده بس فى ناس لا
وحاجه كمان نحاول نفهم الحفظ هيبقى سهل باذن الله
ومثلا عايز يوقعد في البيت مش عايز ينزل الكليه
او نزل ومش ارتاح وحس ان الافضل له كورسات فدي بتختلف من حد للتاني لكن ما تفرقش في المستوى اللي يفرق في المستوى انت نفسك ف الى بفرق بس يعني اللي هو بيحاول يعمل اللي عليه بس ومش بيراكم وربنا بيوفق

​خطة السنة الأولى:
​بنبدا ناخد المواد دي كلها General وكلمه General يعنى بناخد اساسيات الماده دى مثلا anatomy ناخد الاتجاهات anterior قدام وحاجات تانيه ،
أول موديول Anatomy و Histology، فهناخد General في كل المواد الثمانية اللي قلتهم.
​الترم الأول: بناخد 6 مواد General، كل موديول فيه مادتين.
​الترم الثاني: بناخد موديول General برضه لأخر مادتين.
​بعد كده ناخد موديولين Systemic:
وSystemic. يعنى متعلق ب system معين يعنى جهاز معين
​Musculoskeletal System: الجهاز العضلي الهيكلي (Musculo جاية من Muscle، و Sketal جاية من Skeleton يعني هيكل عظمي، و System يعني نظام)، هندرس فيه العضلات.
​GIT (الجهاز الهضمي): اختصار Gastrointestinal Tract (Gastro اسم لاتيني للمعدة، Intestinal يعني الأمعاء، Tract يعني قناة.. القناة الهضمية أو الجهاز الهضمي
الترم الاول
Module 1: Anatomy & Histology
Module 2: Physiology & Biochemistry
Module 3: Microbiology & Parasitology
الترم التاني
1/General
Pathology & Pharmacology
2/Locomotor Module
3/GIT Module

بنسبه ل كلمات هتلاقوها فى الجدول لما ينزل ان شاء الله على جروب الارشاد
cbl
tutorial
(tut) بنكتبها كده ك اختصار
دى كانهم محاضرات بس بيبقى فيهم case الاغلب بتبقى تطبيق على حاجه فى محاضره او سعات تكمله لجزء فى محاضره و case يعنى حالة مرضية بنستخدمها في الدراسة علشان نطبّق المعلومات اللي اتعلمناها على موقف لمريض
مثلًا: عندنا مريض عنده 20 سنة، جاله وجع في بطنه وبيستفرغ، فبندرس الحالة دي ونحاول نعرف إيه السبب أو المرض اللي ممكن يكون عنده من خلال الحجات المهمه فى الحاله او المميزه .

والسكاشن دى الى هيتشرح لكم فيها الى هتمتحنو عليه عملى

المحاضرات بتنزل لكم على جروب الارشاد وبتنزل powerpoint هو تيم زتونه https://t.me/ZatOona46
وكمان تيم نجاح بدون جشع
بتاع الداتا بينظمه بحيث يكون سهل المذاكره وسهل الطباعه وتوفير فى فلوس الطباعه ل الى عايز يطبع

ل الناس الى مش هتحضر فى تيم wiki
ب يتبعت عليه ريكوردات المحاضرات لو الدكتور وافق الى حضر يسجل ويبعت لهم و يساعد غيره وربنا يجازيه خير

بالنسبه ل الاسئله فى
تيمات بتعملكم
Quizzenhimer’s med

و
medics
على شكل vote

او ممكن كمان
ب gemini
او chat gpt
او notebook lm
دول اشهر ادوات ال Ai
نبعت الملف ونقول عدد الاسئله وبيعمل
ده مع كل محاضره لتثبيت المحاضره

لكل قبل الامتحان بنحل السنين السابقه لانها بتتكرر منها اسئله
موجوده على قناه creative
https://t.me/Yousef4568ghukloh
دى بتاعه 44 لحد ما يتعمل لكم 46
هتلاقو فى الرساله المثبته الاسءله
https://t.me/Yousef4568ghukloh/3688

ودى قناه doctors ازاى تلاقو المصادر

رساله مجمعه ل الى بعته👈

مقدمه terminology
مقدمه اناتومى
مقدمه هستولوجى

السلام عليكم ورحمة الله وبركاته 
مُبارك لأطباء وطبيبات المستقبل وصولهم إلى هذه المرحلة🌷🤩

بداية جديدة!
مرحلة مُبهمة!
أفكار وغمامة تحتاج من يُزيلها!

فجئنا نحن أسرة نجاح بدون جشع لنزيح هذه الغمامة عنكم ونكون النبراس لتمهيد هذا الطريق لكم وإيناسكم فيه -بإذن الله-💜

🔻فبنعلن معكم عن الكورس التمهيدي لأسرة نجاح بدون جشع واللي فيه هنتعرف مع بعض على نظام الكلية ونشرح بعض المواد وزملائكم الأكبر اللي سبقوكم يقدموا لكم سيشن ببعض النصائح اللي تهمكم في طريقكم..
+
كونكم دكاترة بيضع عليكم بعض المتطلبات منها:
دكتور، ممكن تقيس لي الضغط؟
دكتور، محتاجينك تدي حقنة لفلان!
ولذلك هنتعلم مع بعض ونكتسب هذه المهارات بإذن الله وأكثر💜

🗓️ الكورس عبارة عن ثلاثة أيام:
١٥, ١٦, ١٧ في شهر ٩ -اللي هم الأسبوع القادم دول اه🫣-

📍المكان: المدرج الأرضي بكلية طب بنها.

وعلشان تكونوا معانا في رحلة الثلاثة أيام، محتاجينكم تملوا الفورم التالي:

https://forms.gle/skexpGJvV7SNQEKu8

منتظرينكم بكل حماس وسعادة في أول خطوة لكم في الكلية وأول خطوة لنجاح معاكم..

ولسه خطوات نجاح ما وقفتش وهنفضل معاكم كل سنواتكم في الكلية نقدم لكم شرح في كل المواد بشكل مجاني💜

نفّع الله بكم يا أطباء وبارك وسدّد خُطاكم🌷

‏﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾.
جمعه مباركه 🤍
اكثروا من الصلاه على النبى ﷺ
تحدى 1000 صلاه على النبى ﷺ🤍

سوره الكهف 🤍