🇨🇳🇷🇺 Хитойлик экспертларнинг фикрича, Украинадаги уруш яқин келажакда тинч муроса билан тугаш имконияти кам, шунинг учун узоқ давом этадиган жанговар ҳаракатларга ва Россиянинг сезиларли даражада заифлашишига тайёрланиш керак, деб ёзади South China Morning Post.

Нанкин халқаро муносабатлар институти ходими Чжу Фенгнинг фикрича, узоқ давом этган уруш ядро қуролидан фойдаланиш хавфини оширади ва глобал хавф туғдиради.

Бундан ташқари, у “Пост-Путин даври жуда тез орада келади”, деб қўрқади ва Россиянинг Ғарб билан қарама-қаршилиги кучаядими ёки аксинча, Россия ғарбпараст бўлиб қоладими, ҳар икки ҳолатда ҳам Пекиннинг Москва билан ҳамкорлиги катта зарар кўради.

Бошқа экспертлар ҳам уруш Россия иқтисодига путур етказган ва Марказий Осиёдаги таъсирини заифлаштирганига қўшилади. Путин 2023-йилда муддатидан олдин сайловлар ўтказиши мумкин, аммо Хитой ҳали ҳам заифлашиб бораётган Россиянинг расмий иттифоқчисига айланмаслиги керак. Бунинг ўрнига Пекин Москвага қатъий айтиши керак: "Биз сизнинг хавотирларингизни тушунамиз, аммо уруш бу муаммоларни ҳал қилишнинг йўли эмас".

@gorizont_uz

​​#бурчакдаги_шахс

Фашистлар етакчиси Адолф Гитлерни қилган ваҳшийликлари ва ғоялари билан дунё танийди. Бироқ тарихда шундай инсонлар яшаб ўтганки, улар Гитлер каби ваҳшийликлар амалга оширмаган бўлса-да, ғоявий томонлама унга устоз вазифасини бажаради.

Карл Хаусҳофер — немис генерали, профессор, географ ва сиёсатчи. Унинг геополитика  концепцияси Адолф Гитлер экспанционистик стратегияларининг ривожланишига таъсир кўрсатган. У "Лебенсраум" атамасини фанга киритган эди ва Гитлер "Mein Kampf" асарида бу атамани қабул қилган. У бу назарияни глобал нацистик  экспанционизм ва геноцидни қўзғатиш учун ишлатган.

Хаусҳофер геополитик назариясини жуда хилма-хил манбалардан, жумладан Освалд Шпенглер, Александр Ҳумболдт, Карл Риттер, Фридрих Ратсел, Рудолф Челлен ва Хелфорд Ж. Маккиндер асарларидан ишлаб чиқади.

Унинг геополитик назарияси фашистларнинг ташқи сиёсат стратегиясига катта ҳисса қўшган. Ушбу назариялар урушлараро даврда Германия ташқи сиёсатига бешта ғояни киритган:

— органик ҳолат
— лебенсраум
— автаркия
— пан-минтақалар
— қуруқлик ва денгиз кучи дихотомияси.

Ҳаусҳофернинг назарияси сиёсатшунослик фанида тавсифловчи ва таҳлилий хусусиятга эга, лекин миллий сиёсат учун стратегик кўрсатмаларига меъёрий элементлар қўшади. Хаушофернинг баъзи ғоялари Америка ва Британиянинг олдинги геостратегиясидан келиб чиққан бўлса-да, немис геополитикаси миллий манфаатларга нисбатан фашистик нуқтаи назарни қабул қилди ва муаммоларни ҳаддан ташқари соддалаштирди. Янги ва зарурий мафкура сифатида ушбу геополитик назария Биринчи жаҳон урушидан кейинги аҳолининг ишончсизлиги билан резонанслашди.

Хаусҳофернинг Мюнхен университетидаги мавқеи унинг геосиёсий ғоялари, журнал мақолалари ва китоблари тарқалиши учун платформа бўлиб хизмат қилди. 1922 йилда у Мюнхенда Геосиёсат институтига асос солди ва ундан геосиёсий ғояларни оммалаштиришга киришди. 1924 йилга келиб, немис геополитик мактабининг раҳбари сифатида Хаусҳофер геополитикага бағишланган "Zeitschrift für" ойлик журналини таъсис этди. Унинг ғоялари 1926 йилда Ҳанс Гримм томонидан нашр этилган "Volk ohne Raum" нинг лебенсраум контсепциясини оммалаштириши билан кенгроқ аудиторияга етди. Хаусҳофер ўзининг академик таълимоти орқали ҳам ўз шогирдларини қитъалар нуқтаи назаридан фикрлашга ундаб, халқаро сиёсатда ҳаракатга урғу бериб, сиёсий фаолияти орқали ҳам таъсир кўрсатди. Гитлернинг нутқлари оммани ўзига жалб этган бўлса, Хаусҳофернинг асарлари қолган зиёлиларни ўз сафига олиб киришга хизмат қилган.

👉 @burchakostida

Умидбахш ҳужжат

Шавкат Мирзиёев ва Қасим-Жомарт Тоқаев бугун Тошкентда Иттифоқчилик муносабатларини ўрнатиш тўғрисида шартномани имзолади, чегара масаласига ҳам қоғозда, ҳам амалда нуқта қўйилди. Иттифоқчилик стратегик шерикликдан кейинги энг юқори босқич бўлиб, икки мамлакатни муштарак мақсадлар йўлида ҳаракат қилишга ундайди. Икки давлат ўзаро ишонади, керак пайти, барча кўмакни тақдим этади, келишилган ҳолда ташқи сиёсат юритади.

Барча баҳсли масалалар мулоқот орқали ҳал қилинади. Бу шартнома Россиянинг тобора империалистик амбициялари авж олаётган бир пайтда ҳам жуда муҳимдир. Россиянинг "бўлиб ташла, ҳукмронлик қил" принципидаги ғаразли хатти-ҳаракатлари учун ҳам жавоб бўла олади. Шартноманинг 20-моддасида икки давлат БМТ, Туркий давлатлар иттифоқи, ЕХҲТ, Осиёда ҳамкорлик ва ишонч чоралари бўйича кенгаш, ШҲТ, Ислом ҳамкорлик ташкилоти ва МДҲ доирасида ҳамкорликка эътиборни кучайтириши қайд этилган. Приоритет аниқ.

Депутатлик фаолиятимни якунлашга қарор қилдим. Бундай ишлай олмас эканман.

Бунга мажбур бўлганимдан афсусдаман.

Ишонч билдирган, қўллаб-қувватлаган барчага раҳмат! Розинг бўлинглар!

Насиб қилса қолганини вақт кўрсатади. Аллоҳ мададкор бўлсин!

👉 @deputat_kusherbayev

Кушербаев депутатлик мандатини топширмоқда

Кушербаев:

"Депутатлик фаолиятимни якунлашга қарор қилдим. Бундай ишлай олмас эканман.

Бунга мажбур бўлганимдан афсусдаман.

Ишонч билдирган, қўллаб-қувватлаган барчага раҳмат! Розинг бўлинглар!

Насиб қилса қолганини вақт кўрсатади. Аллоҳ мададкор бўлсин!"

Изоҳлашга сўзим йўқ тўғриси.

Расул Кушербаев депутатлик фаолиятини тугатишга мажбур бўлди

У расман депутатлик фаолиятимни якунлашга қарор қилдим. Бундай ишлай олмас эканман. Бунга мажбур бўлганимдан афсусдаман. Ишонч билдирган, қўллаб-қувватлаган барчага раҳмат! Розинг бўлинглар! Насиб қилса қолганини вақт кўрсатади. Аллоҳ мададкор бўлсин- деб баёнот берди!

Уни бунга мажбур қилган ҳолат ва шахслар жиноий жавобгарликка тортилиши керак!

@kompromatuzb

Расул Кушербаев депутатликдан кетмоқда, бор умид ҳам пучга чиқди.

@tentakminds

Rasul Kusherbayev deputatlik faoliyatini yakunlashga qaror qilibdi.

Suratda uning kechagi byudjet loyihasi muhokamasi qanday o'tgani haqida yozgan posti.

Kusherbayev shaxsan men parlementda shaffof saylovlar orqali kelib o'tirganiga ishonadigan ikki deputatdan biri edi. Afsus, odamlarning parlamentga bo'lgan qilcha umid, ishonchini ham so'ndirishyapti.

@haqiqatdaIlyos

Kusherbayevga so'z bermaslik Inoyatovning shaxsiy tashabbusi emas. Bu kabi ishlarga uning kuchi, tafakkuri va jur'ati yetmaydi. Bu aniq.

Bu ishlar kuchliroq esayotgan shamolning natijasi (qani bundan ortiqcha gap gapirolsam).

Demoqchimanki, sabablar haqida o'ylayotganda Inoyatovni ro'yxatingizdan chiqarib tashlayvering.

Кўзгу журналисти Абдуқодир Мўминов ўзининг You Tube каналида сал аввал жонли эфир қилиб, уйи яқинида 5 нафар маскали шахслар унинг жонига қасд қилгани ҳақида айтиб ўтди. У базўр қотиллардан қочиб қолгани ҳақида айтиб ўтган. Видеода кўринишича автомашина ойналари уриб, синдириб ташланган.

Агар вазият Абдуқодир айтганидек бўлган бўлса, бу жуда-жуда ёмон сигнал.

Пс. 3 дақиқалик эфир охирида ИИБ ходимлари воқеа жойига келишган, шу сабаб Абдуқодир жонли эфирни ўчирганди, ҳозирча телефонга жавоб бермаяпти.

👉 @OlimjonHaydarov 👈

🇷🇺🇺🇦 Путин саратон касаллигини даволаш учун қабул қиладиган гормонал дорилар таъсири остида Украинага бостириб киришга қарор қилган бўлиши мумкин

Бу ҳақда Даниянинг Berlingske газетаси Дания разведкасидаги манбасига таяниб ёзмоқда.

👉 @burchakostida

СССРда поездлар билан боғлиқ ҳалокатлар кўпайганда Сталин нима қилганлигини биласизми? У темир йўллар раҳбари Фон Меккни саботажда айблаб отиб ташлаттиради. Бу темир йўл муаммосини ечмаслиги аниқ, ҳатто уни жиддийлаштириши мумкин. Бутун бошли тизим фақат бир шахс сабаб ишдан чиқиши мумкин эмас. Амма Сталин қаҳр остида уни отиб ташлашни буюради.

Мамлакатда ҳар сафар қайсидир тизим ишдан чиққанда ёки ўз ишини уддалаёлмаганда бу нарса такрорланаверади. Масалан, мамлакатда гўшт тақчиллиги бошланганда Чернов қўлга олинади. У трибуналда кўз ёш билан мамлакатда минглаб чорва ва паррандани йўқ қилганлиги, бу билан режимни издан чиқармоқчи ва халқни революцияга чорламоқчи бўлганлиги ҳақида кўрсатма беради. У бунақа кўрсатма беришга мажбурлиги ўз-ўзидан тушунарли. Албатта, отиб ташланади.

Кейинчалик, сариёғ ва тухум дефицити бошланади. Бу сафар госплан учун жавобгар Зеленский (ҳозиргиси эмас) қўлга олинади. У ҳам сариёғни эритворгани, 50 фура тухумни йўқ қилганлиги ҳақида кўрсатма беради. Отиб ташланади.

СССР аҳолиси бир енгил тортади. Ҳаммаси оддий экан. Муаммога ким айбдорлиги аниқланди ва жазоланди. Саботажни тушунтириш самарасизликни тушунтиришдан осонроқ. Аниқ айбдор топилди, кўрсатилди, жазоланди. Халқ айбдорни кўргандан хурсанд. Унга бутун бошли тизим мураккаб эканлиги, уни муаммосини ечиш қийин эканлиги, бу вақт олиши, кўп нарсани ўзгартириш кераклиги қизиқ эмас.

Бу тактикани 2000 йилларда Владимир Путин ҳам қўллайди. У ҳамма айбни олигархларга юклаш учун уларнинг орасида энг тозаси ва энг машҳури Ходорковскийни қамоққа олади. Ҳамма айб олигархларга юкланади. Халқ муаммолари сабабини тушунади гўё. Ҳаммасига Ходорковский айбдор. Бундан олигархлар камайиб, уларнинг ўғрилиги камаядими? Албатта, йўқ. Ўғирлаш олдингиданда каттароқ даражага чиқади.

Тизимли муаммоларга бош айбдор ясаб, уни халққа кўрсатиш муаммони ечмасада халқни тинчлантириш учун самарали бўлиши мумкин. Акулалардан бири қурбон қилинади, халқ ҳам тинчийди. Муаммо ечилмаслиги аниқ, зато оломон тинч.

1999 йилга келиб, дунё бозорида нефть ва газнинг ошиши сабаб, Россия жуда катта даромад ола бошлади. 2005-06 йилларга келиб, россиялик экспертлар ўзларининг давлатларини «Энергетик супер-қудрат» (энергетическая сверхдержава) ёки «Энергетик империя» деб атай бошлашди. Бунга сабаб, 2005 йилнинг декабрида В.Путин "Россия - дунё энергетикасининг лидери» деб атагани бўлади.

Украина уруши натижасида, Москванинг кейинги йигирма йилликда шакллантирган «Евросиё энергетикасини назорат қилиш» концепцияси ишдан чиқди. Европа Россиянинг энергетик назоратидан чиқиб бўлди. Уруш бошланганда Европа танлов олдида қолган эди: ёки иқтисодни ўйлаб Россиянинг тажовузини ютиш ёки келажак манфаатлари ва қадриятларни ўйлаб Россия шантажига имкон бермаслик. Қанчалик оғир бўлмасин, Европа иккинчи йўлни танлади.

Бугун, Россиянинг «Энергетик империя» концепцияси айнан Марказий Осиёни, ва энг аввало, Ўзбекистонни қуршовга олишни мақсад қилиб қўйди. Бошқа ҳудудлар Россиянинг таъсиридан чиқиб бўлди. Бу сўниб бораётган империянинг баҳайбат жасадининг оғирлиги минтақамизга, жумладан Ўзбекистонга тушмоқда. Ўзбекистон ўзининг энергетик ташаббусини Россияга ўша 2005 йилда олдирган эди.

Каримов бир томондан Россиядан қўрқар, ундан масофа сақлар эди. Лекин, айнан ички сиёсат – давлат ва халқ ўртасидаги концептуал тирашув натижасида, биринчи маъмурият, Андижон-2005 йилдан кейин Россия паноҳида жон сақлашга мажбур бўлди. Россия эса, бу панохи учун, бутун бир миллатнинг стратегик ресурсларини қўлга киритиб олди. Бугунги Ўзбекистоннинг энергетик инқирози ва Россия қуршовнининг кучайиб бориши айнан ўша 2005 йилдаги келишувларнинг натижаси ҳисобланади.

Миллатнинг малакаси ва сиёсий тафаккури шундай бўлиши керакки, ўзининг сиёсий эркини кучайтираман деб, геосиёсий қопқонга тушиб қолмаслиги керак. Бугунги қийинчиликлардан қутиламан деб, уни кечиктирмаслиги, келажак авлодларга каттароқ муаммолар қолдирмаслиги керак. Муаммоларни ечиш учун давлат ва халқ жипслиги – Миллат ҳамжиҳатлиги юқори бўлиши керак. Ички сиёсатда қанча бахс-мунозара, турфа фикрлар бўлмасин, Миллий манфаатлар борасида, ташқи тажовузлар борасида давлат ва жамият бир-бирини тушуниши ва қўллаб-қувватлаши керак.

Ўзбекистон ўзининг энергетик муаммоларини ечиш учун қолган ресурсларни ҳам Россияга қўш-қўллаб топшириши эмас, аксинча, Президент Мирзиёев Олий Мажлис ва халққа мурожаатида айтганидек, олдинги келишувларни ҳам қайта кўриб чиқиш зарур бўлади. Айнан мана шу йўл – миллий манфаатлар, миллий ғурур ва миллий бирлик йўлидир.

Камолиддин Раббимов

👉 @fayzboguz

Япониянинг Иккинчи жаҳон урушида мағлубиятдан сўнгги тарихи ҳақидаги уч қисмли туркумни бошлаймиз.

Бугунги, биринчи қисмда, урушдан кейинги 15 йил—Япония Иттифоқчи кучларнинг ҳарбий оккупацияси остидаги даврдан, мустақилликка эришиб, БМТга аъзо бўлиши, Корея уруши ва иқтисодий ўсиш пойдевори қўйилган, аммо сиёсий тўполон билан якунланган муҳим даврни кўриб чиқамиз.

1945 йил августида Хиросима ва Нагасакига ташланган атом бомбалари, СССРнинг Манчжурияга босқини Японияни бурчакка қамаб қўяди. Ҳарбийлар орасида қаршилар бўлишига қарамасдан, 15 августда император Хирохито халққа радиода мурожаат қилиб, мағлубиятни қабул қилганини билдиради. 2 сентябрда таслим ҳужжатлари имзоланади. Ундан 3 кун олдин АҚШ Оккупацион армияси генерал Даглэс Макартур қўмондонлигида Японияга кириб келади. Урушда АҚШликларни шайтон деб билган Аҳоли уларни ваҳима билан кутиб олади, босқинчилар зўравонлик қилади, деб (хато) ўйлайди.

Оккупация расман 10 иттифоқчи давлат номидан бўлса-да, амалда Японияни АҚШ кучлари эгаллайди. Генерал Макартур Иттифоқчи кучлар олий қўмондони бўлиб, япон амалдорлар билан ҳамкорликда мамлакатни бошқара бошлайди. Макартур идораси Бош штаб-квартира (GHQ) деб аталади. Бир неча бошқармага бўлинган GHQ Япония тинчликка яна хавф туғдирмаслигини таъминлашга қаратилган ислоҳотларни бошлайди. Осон бўлиши учун, ислоҳотларни қисқартириб “4 Дем” деб атайман: 1) демилитаризация, 2) демобилизация, 3) демонополизация ва 4) демократизация.

Демилитаризация ҳукумат ва жамиятда милитаристлар таъсирини томири билан йўқ қилиш бўлса, демобилизация охирги 8 йил давомида “ҳамма нарса уруш учун” бўлган Япония саноати, иқтисодиёти ва жамиятини тинч ривожланиш рельсларига қайтариш мақсадидаги ислоҳотлар бўлган. Демонополизация ҳарбий-саноат комплексида устувор монополияларни (мас. Мицубиси, Мицуи вҳк) парчалашга қаратилган. Демократизация рукни остида сиёсий маҳбуслар озод бўлади, аёллар овоз ҳуқуқини олади, янги тинчлик Конституцияси қабул қилинади. Ҳарбий жиноятчилар суд қилинади.

Ислоҳотларни GHQ япон ҳукумати билан ҳамкорликда жорий қилади. Сентябрда Макартур императорни қабул қилади. Учрашув расми тарқалиб, ташқи кўринишдаги яққол фарқ Макартур халқ орасида “янги император” дея номланишига сабаб бўлади. Давр ислоҳотлари ичида “4 Дем”дан ташқари ер ислоҳоти ҳам муҳим бўлиб, ерга эга ўрта синф шакллана боради. АҚШ банкири Дож молиявий ислоҳотни амалга оширади. АҚШ ҳарбий омборларидан Японияга буғдой олиб келиниб, рамэн оммабоплашишига сабаб бўлади.

1947 йилдан Совуқ уруш чуқурлашгани сабаб, АҚШ “Тескари курс”га юз буради: ислоҳотлар ярим йўлда ташлаб кетилади, антикоммунист ҳарбий жиноятчилар қамоқдан чиқади, озод бўлган коммунистлар аста-секин сиқувга олинади, ишдан ҳайдалади. Монополияларнинг бор-йўғи 5%и парчаланади. Олдинги мақсад—яксон қилинган Япония яна уруш бошламаслиги—ортда қолади, энди Японияни коммунизм домига тушиб қолишдан қандай қилиб бўлмасин сақлаш, ундан АҚШ иттифоқчиси ва базаси ясаш олий мақсадга айланади. Бу йўлда уруш жиноятчилари аста-секин ҳукмрон ролларга қайтади.

1951 йилда ярим дунё (асосан Ғарб) билан Сан Францискода имзоланган тинчлик шартномаси ва АҚШ билан Хавфсизлик шартномаси ана шу олий мақсаднинг амалдаги кўриниши бўлади. Шартнома олти ойдан сўнг Японияга мустақилликни ваъда қилади. СССР ва Хитой имзоламайди. 1950-1953 йиллардаги Корея урушида Япония қатнашмаса-да, уруш япон иқтисодиёти учун муҳим туртки бўлади. БМТ қўшинлари (асосан АҚШ) Япониядан база сифатида фойдаланади, АҚШ ҳарбийлари у ерда дам олади, озиқ-овқат ва бошқа маҳсулотларга катта буюртмалар тушади.

1955 йилда Япония иқтисодиёти урушдан олдинги даражага қайтади. Шу йилдан бошлаб консерватив ва антикоммунист ЛДП ҳукмрон партияга айланади. 1960 йилда Хавфсизлик шартномаси (Анпо) янгиланишига қарши намойишларда бош вазир Киши Нобусукэ истеъфо беради, издоши Икеда Хаято ("транзисторли радио сотувчиси") бор диққатни иқтисодий ўсишга қаратади. 1960 йиллар “иқтисодий мўъжиза” даврига айланади. Булар ҳақида—кейинги қисмда.

Каналга обуна бўлиш ➡️ https://t.me/profsherzod

A mamlakat B mamlakatda hozirda o’zi shakllantirgan siyosiy elita agenturasi orqali sabotaj uyishtirmoqda. Ya’ni mamlakat resurslariga egalik qilish uchun A mamlakat foydasiga turli shartnomalar imzolatish umidida. B mamlakat hokimiyati kuchliligi sababli bu o’z natijasini bermadi.

Endilikda A mamlakat ijtimoiy guruhlar orqali B mamlakat tuzumining stabil hokimiyatini ag’darishga urunib ko’radi. Bunda energetik inqiroz va iqtisodiy depressiya aholini namoyishlarga undaydi.

A mamlakat OAVlari esa tinmay propoganda qilishi sababli B mamlakat aholisida hukumatiga nisbatan ishonch kamaygan. Endi bosqichda A mamlakat propogandasi vaziyatni yana ham chigallashtirishga urunadi. Siyosiy elita vakillari orqali stabil hukumatga zarba beriladi, ya’ni og’ir vaziyatlarda kerakli qarorlar qabul qilishga to’sqinlik qilinadi, topshiriqlar mantiqsiz bahonalar sababli bajarilmaydi.

B mamlakat hokimiyatini saqlab qolish uchun fuqarolar bilan baryerlarsiz muloqat qilishi zarur. Muloqatdan tashqari maxsus xizmatlar A mamlakatning siyosiy elitasi tarkibidagi agenturani fosh qilishi hamda hokimiyat strukturasidan olib tashlashi kerak.

B mamlakatning shartli lideri hokimiyatni og’ir vaziyatda tashlab ketmasligi (turli xil siyosit tadbirlar hamda uchrashuvlar, davlat tashriflari) shart. Og’ir vaziyatlar bo’sh qoldirilgan o’rin xaos bilan to’ldiriladi. Harbiylashtirilgan agentura tizimi hokimiyat hamda ijtimoiy qatlamlarninf barcha darajasida isyon ko’tarish xavfi mavjud. Turli siyosiy elita guruhlari o’rtasidagi balans buzilsa, jarayonlar keskinlashib ketishi ehtimoli mavjud.

B mamlakat fuqaroli bu holatda nima qilishii zarur? Legitimligi aniq bo’lgan hukumat bilan jipslashishi zarur. Tashqi dushman - A mamlakat propogandasi uchun alternativ axborot tarqatishi shar.

👣 Oddiy yo'lovchi

Davlatlarda ijtimoiy kayfiyat |Hamid Sodiq va Kamoliddin Rabbimov

@KamoliddinRabbimov_rasmiy

1999 yilga kelib, dunyo bozorida neft va gazning oshishi sabab, Rossiya juda katta daromad ola boshladi. 2005-06 yillarga kelib, Rossiyalik ekspertlar o‘zlarining davlatlarini «Energetik super-qudrat» (энергетическая сверхдержава), yоki «Energetik imperiya» deb atay boshlashdi. Bunga sabab, 2005 yilning dekabrida V.Putin "Rossiya — dunyo energetikasining lideri» deb atagani bo‘ladi.

Ukraina urushi natijasida, Moskvaning keyingi yigirma yillikda shakllantirgan «Yevrosiyo energetikasini nazorat qilish» konsepsiyasi, ishdan chiqdi. Yevropa Rossiyaning energetik nazoratidan chiqib bo‘ldi. Urush boshlanganda, Yevropa tanlov oldida qolgan edi: yоki iqtisodni o‘ylab, Rossiyaning tajovuzini yutish, yоki kelajak manfaatlari va qadriyatlarni o‘ylab – Rossiya shantajiga imkon bermaslik. Qanchalik og‘ir bo‘lmasin, Yevropa ikkinchi yo‘lni tanladi.

Bugun, Rossiyaning «Energetik imperiya» konsepsiyasi aynan Markaziy Osiyoni, va eng avvalo, O‘zbekistonni qurshovga olishni maqsad qilib qo‘ydi. Boshqa hududlar Rossiyaning ta’siridan chiqib bo‘ldi. Bu so‘nib borayotgan imperiyaning bahaybat jasadining og‘irligi, mintaqamizga, jumladan O‘zbekistonga tushmoqda. O‘zbekiston o‘zining energetik tashabbusini Rossiyaga o‘sha 2005 yilda oldirgan edi.

Karimov bir tomondan Rossiyadan qo‘rqar, undan masofa saqlar edi. Lekin, aynan ichki siyosat – davlat va xalq o‘rtasidagi konseptual tirashuv natijasida, birinchi ma’muriyat, "Andijon-2005 yil"dan keyin Rossiya panohida jon saqlashga majbur bo‘ldi. Rossiya esa, bu panohi uchun, butun bir millatning strategik resurslarini qo‘lga kiritib oldi. Bugungi O‘zbekistonning energetik inqirozi va Rossiya qurshovnining kuchayib borishi, aynan o‘sha 2005 yildagi kelishuvlarning natijasi hisoblanadi.

Millatning malakasi va siyosiy tafakkuri shunday bo‘lishi kerakki, o‘zining siyosiy erkini kuchaytiraman deb, geosiyosiy qopqonga tushib qolmasligi kerak. Bugungi qiyinchiliklardan qutilaman deb, uni kechiktirmasligi, kelajak avlodlarga kattaroq muammolar qoldirmasligi kerak. Muammolarni yechish uchun, davlat va xalq jipsligi – Millat hamjihatligi yuqori bo‘lishi kerak. Ichki siyosatda qancha bahs-munozara, turfa fikrlar bo‘lmasin, Milliy manfaatlar borasida, tashqi tajovuslar borasida, davlat va jamiyat bir-birini tushunishi va qo‘llab-quvvatlashi kerak.

O‘zbekiston o‘zining energetik muammolarini yechish uchun, qolgan resurslarni ham Rossiyaga qo‘sh-qo‘llab topshirishi emas, aksincha, Prezident Mirziyoyev Oliy Majlis va xalqqa murojaatida aytgandek, oldingi kelishuvlarni ham qayta ko‘rib chiqish zarur bo‘ladi. Aynan mana shu yo‘l – milliy manfaatlar, milliy g‘urur va milliy birlik yo‘lidir.

©️ Kamoliddin Rabbimov

@KamoliddinRabbimov_rasmiy

Охирги пайтларда бирорта диндор хато қилса, буни унинг диний мансублигига боғлаб, жамиятда фобия шакллантириш ҳаракатлари кўпайиб қолмоқда. Менга келаётган маълумотларга қараганда мазкур лойиҳалар ортида миссионер ва лгбт жамоалари турибди. Табиийки, бу икки жамоалар жамият учун атом бомбасидан хатарли.

Чунки бу жамоалар узоқ минг йиллар давомида муқаддас Ислом асосида шаклланган жамиятдаги қадриятларга зарба бериш орқали, чириган ғарб ҳаётини импорт қилишни мақсад қилишган. Бу бўйича жуда кўп маротаба хавфсизлик идораларини огоҳлантириб келдик. Албатта, бунинг хавф кўламини жамиятшунослар ўрганиб, тегишли идораларга ўз хулосаларини беришлари керак. Акс ҳолда, келажакда пароканда бўлган жамият шаклланади.

Шунинг учун радикал экстремист қарашдаги "Дайди бўқ" ва шунга ўхшаш бошқа атеистик лойиҳалар ортидагиларни аниқлаб, жиноий жавобгарликка тортириш (сарказм: иложи бўлса, бунақаларнинг ориентацияларини тўғрилаш учун шизода дубинкага ўтқазиш) давлат хавфсизлиги даражасидаги масала эканлигини масъуллар иноабтга олиши шарт!!!

@adolat_kuychisi