សកម្មភាពថ្ងៃទី2 នៃវគ្គបណ្តុះបណ្តាល ពី "ជំនាញប្រើប្រាស់បញ្ញាសិប្បនិម្មិត AI សម្រាប់ការគ្រប់គ្រងធុរកិច្ចរបស់សហគ្រាសធុនតូច និងមធ្យម" ដល់សមាជិកសមាជិកាជាង 30រូបមកពីអាជីវកម្មខុសៗគ្នានៃសមាគមសហគ្រិនស្ត្រីកម្ពុជា CWEA - Cambodia Women Entrepreneurs Association កាលពីថ្ងៃ16-17 មិថុនាកន្លងទៅនេះ។

នៅក្នុងថ្ងៃទី2នេះដែរ លោក សុខ សុភមង្គល Sopheakmonkol Sok ជាអគ្គនាយកក្រុមហ៊ុន Codingate និងជាសហស្ថាបនិកបច្ចេកវិទ្យាបញ្ញាសិប្បនិម្មិត្ត GateMaster.ai បានដាក់ការងារអោយសិក្ខាកាមហ្វឹកហាត់ផ្ទាល់ដោយប្រើប្រាស់ GateMaster.ai ក្នុងការសរសេរកូដដើម្បីបង្កើតឯកសារ Workflow បង្កើតស្តង់ដានៃលំហូរការងារអោយមានប្រសិទ្ធិភាពក្នុងអាជីរកម្ម ក្នុងនាមជាសហគ្រិន។

ថ្ងៃនេះដែរគឺមាន Challenge ខ្លាំងសំរាប់សិក្ខាកាម ក៏ប៉ុន្តែនៅក្រោយការចែករំលែករបស់លោកគ្រូ សុភមង្គល បានបង្ហាញនូវការចាប់អារម្មណ៍ និងការបើកចិត្តទូលាយនៅក្នុងការចាប់យកប្រធានបទដ៏សំខាន់នេះ ដោយគ្រប់គ្នាខិតខំមើល ផ្ទៀងផ្ទាត់ ខំសិក្សា ខំស្រាវជ្រាវនូវរឿងដែលអ្នកចូលរួមមិនដែលធ្វើ ហើយដែលជាការងារជ្រៅនៅក្នុងអាជីវកម្មរបស់ពួកគាត់។

នៅចុងបញ្ចប់នៃវគ្គសិក្សា យើងក៏ទទួលបានជោគជ័យជាផ្លែផ្កាគួរជាទីមោទន។

ភាពសប្បាយរីករាយនៅថ្ងៃចុងបញ្ចប់ និងការផ្តល់ជូននូវវិញ្ញាបនបត្រដល់សិក្ខាកាមជាង30រូបមកពីអាជីវកម្មខុសៗគ្នា នៃសមាជិកសមាជិកាជាងសមាគមសហគ្រិនស្ត្រីកម្ពុជា CWEA - Cambodia Women Entrepreneurs Association ក្នុុងវគ្គបណ្តុះបណ្តាល ស្តីពី "ជំនាញប្រើប្រាស់បញ្ញាសិប្បនិម្មិត AI សម្រាប់ការគ្រប់គ្រងធុរកិច្ចរបស់សហគ្រាសធុនតូច និងមធ្យម" កាលពីថ្ងៃ 16-17 កក្កដា កន្លងទៅនេះ។

ឆ្លងតាមមតិយោបល់ពីសមាជិកក្រោយបានចូលរួមវគ្គបណ្តុះបណ្តាលនេះបានអោយដឹងថាបច្ចេកវិទ្យាAI អាចចូលរួមជំរុញនូវប្រសិទ្ធភាពក្នុងការគ្រប់គ្រងអាជីវកម្មនិងវិស័យអប់រំនិងការស្វែងរកព័ត៌មានទៀតផង ហើយសមាគមនិងបង្កើតវគ្គបណ្តុះបណ្តាលលើថ្នាលបច្ចេកវិទ្យានេះបន្ថែមទៀតជូនដល់សមាជិកដែលមិនទាន់បានចូលរួម។