ደንብ ቁጥር 180/2017 ላይ የስራ አፈጻጸም ግምገማ ተካሄደ።

11/07/2017 ዓ.ም
አዲስ አበባ

የአዲስ አበባ ከተማ አስተዳደር የደንብ ማስከበር ባለስልጣን፣ የአከባቢ ጥበቃ ባለስልጣን እና ከተማ ውበትና አረንጓዴ ልማት ቢሮ ወንዞችና የወንዝ ዳርቻዎችን ብክለት መከላከል ላይ የተከናወኑ ተግባራትን የስራ አፈጻጸም ግምገማ የተቋማቱ አመራሮች በተገኙበት በደንብ ማስከበር ባለስልጣን አዳራሽ አካሂዷል።

በመድረኩ የአዲስ አበባ ከተማ አስተዳደር የደንብ ማስከበር ባለስልጣን ዋና ስራ አስኪያጅ ሻለቃ ዘሪሁን ተፈራ እንደተናገሩት በቅንጅት ስራዎችን በማከናወን የተሻለ የስራ ባህልን ማዳበር እና ውጤታማ መሆን ተችሏል ብለዋል።

በቀጣይም አያጋጠሙ ያሉ ተግዳሮቶችን ከሚመለከታቸው ባለድርሻ አካላት ጋር በጋራ በመፍታት ከተማችንን ጽዱ ውብ እና ህገወጥነት የቀነሰባት ለማድረግ እንደሚሰራ ተናግረዋል።

በአዲስ አበባ ከተማ አስተዳደር የደንብ ማስከበር ባለስልጣን እና የአከባቢ ጥበቃ ባለስልጣን ወንዞችና የወንዝ ዳርቻዎችን ብክለት መከላከል ላይ የተሰሩ ስራዎች ሪፖርት በአከባቢ ጥበቃ ባለስልጣን የአከባቢ ትምህርትና ግንዛቤ ቡድን መሪ አቶ አንበሳው ፈንታ ቀርቧል።

በሪፖርቱም በደንብ ቁጥር 180/2017 የተፈጠሩ ግንዛቤዎችና ህግን ተላልፈው በተገኙ አካላት ላይ የተላለፉ 282 ድርጅቶች እና ግለሰቦችን 58,161,000(ሀምሳ ስምንት ሚሊዮን መቶ ስልሳ አንድ ሺ ብር ) የገንዘብ ቅጣት በመቅጣት አስተዳደራዊ እርምጃ መወሰዱ ተገልጿል።

በመድረኩ የአስራ አንዱም ክፍለ ከተማ ደንብ ማስከበር ጽ/ቤት እና የአከባቢ ጥበቃ ጽ/ቤት ኃላፊዎች የስራ አፈጻጸም ክንውኖች፣ በአፈጻጸም ወቅት ያጋጠሙ ተግዳሮቶች እና ተግዳሮቶችን ለመፍታት የተከናወኑ መፍትሔዎችን ተገልፀዋል።

ለህብረተሰቡ በቂ የግንዛቤ ማስጨበጥ ስራዎችን በመስጠት ወንዞችንና የወንዝ ዳርቻ ጽዱ ማድረግ ለከተማውና ለነዋሪዎች ውብና ማራኪ አካባቢን የሚያጎናፅፍ መሆኑን አንዲገነዘብ በማድረግ ሁሉም የማህበረሰብ ክፍል የበኩልን ሀላፊነት ሊወጣ እንደሚገባ የአከባቢ ጥበቃ ባለስልጣን ዋና ስራ አስኪያጅ አቶ ዲዳ ድሪባ ተናግረዋል።

አክለውም ደንቡን ተላልፈው በሚገኙ አካላት ላይ አስተዳደራዊ እርምጃ በመውሰድ ከድርጊታቸው እንዲቆጠቡ ማድረግ እንደሚያስፈልግ አፅንኦት ሰጥተዋል።

ከተማ ውበትና አረንጓዴ ልማት ቢሮ ኃላፊ አቶ ግርማ ሰይፉ እንደተናገሩት ለወንዝ ብክለት መንስኤዎችን ምንድናቸው የሚለውን በመለየትና ጥናቶችን በማጥናት እንዲሁም ለህብረተሰቡ ግንዛቤ በመፍጠር የወንዝና የወንዝ ዳር አከባቢ ብክለቶችን በመከላከልና በመቆጣጠር የህግ የበላይነት ማስከበር ይገባል ብለዋል።

ዘገበው ፡-የአዲስ አበባ ከተማ አስተዳደር የደንብ ማስከበር ባለሥልጣን ኮሙዩኒኬሽን ጉዳዮች ዳሬክቶሬት ነው፡፡

ባለስልጣኑ ከባለድርሻ አካላት ጋር በመተባበር ሲሰጥ የቆየው የ6ኛ ዙር ፓራሚሊተሪ ኦፊሰሮች የአሰልጣኞች ስልጠና አጠናቀቀ።


11/07/2017 ዓ.ም
**አዲስ አበባ**

የአዲስ አበባ ከተማ አስተዳደር ደንብ ማስከበር ባለስልጣን በቀጣይ ለሚሰጠው 6ኛ ዙር የፓራሚሊተሪ ኦፊሰሮች ስልጠና የባለድርሻ አካላት ደንብ፣ መመሪያና አሠራርን የተመለከቱ ንድፈ ሀሳቦች ላይ ሲሰጥ የቆየው የአሠልጣኞች ስልጠና በዛሬው እለት አጠናቋል።

ባለስልጣኑ ከግንባታ ፍቃድ፣ መሬት አስተዳደር ፣ ከተማ ግብርና፣ ቄራዎች ድርጅት፣ አከባቢ ጥበቃ፣ ውኃና ፍሳሽ፣ ፅዳት አስተዳደር፣ ትራፊክ ማናጅመንት፣ ንግድ ቢሮ፣ ንብረት አስተዳደር ባለስልጣን እና የገቢ ደረሰኞች የውስጥ ቁጥጥር ኦዲት ጋር በጋራ በመሆን ከማዕከል እና ከአስራ አንዱም ክ/ከተማ ለተውጣጡ ሰልጣኞች በማዕከሉ አዳራሽ ለሶስት ተከታታይ ቀናት ስልጠናውን ሲሰጥ ቆይቷል።

የስልጠናና ጥናት ዳይሬክቶሬት ዳይሬክተር ወ/ሮ ላቀች ኃይሌ እንደተናገሩት ሰልጣኞች የስልጠናውን ዓላማ በመረዳት ያገኙትን እውቀት የተሻለ አፈጻጸም እና ትግበራ ላይ እንዲውል ለማስቻል በቀጣይ በሚሰጡት ስልጠና ላይ አጽኖት በመስጠት እና በማስገንዘብ ሀላፊነት መወጣት እንደሚገባ አሳስበዋል።

ለተከታታይ ሶስት ቀናት ሲሰጥ በቆየው ስልጠና ላይ ባለድርሻ ተቋማቱ በነባር እና በተሻሻሉ ደንብ ፣ መመሪያዎች እና አሰራሮቻቸው ላይ ከደንብ ማስከበር ኦፊሰሮች ጋር በመሆን በቀጣይ ከህግ አንጻር በቅንጅት እንሰራበታለን ባሏቸው ነጥቦች ላይ ሰነዶችን አቅርበዋል።

በስልጠናው ሂደት ላይ ከሰልጣኝ ኦፊሰሮች ሊነሱ ይችላሉ ባሏቸው ነጥቦች እና አጠቃላይ በነበሩ ቀናት ባይዋቸው ሰነዶች ላይ ከቤቱ ጥያቄዎች በማንሳት ከተቋማቱ በመጡ ተወካዮች ከመድረክ ምላሸ በመስጠት የጋራ ተደርጓል።

በመድረኩ ማጠቃለያ የሰጡት የባለስልጣኑ ም/ስራ አስኪያጅ እና የስልጠናና ቅድመ መከላከል ዘርፍ ኃላፊ አቶ ንጋቱ ዳኛቸው የስልጠናውን ዓላማ በመረዳት ለቀጣይ በማንኛውም የስራ ተልዕኮ እና መደበኛ ስራ ዘላቂነት የበኩላቹን ድርሻ መወጣት እንደሚገባም በማሳሰብ ሰልጣኞች በዲስፕሊንና በመልካም ተሳትፎ ስልጠናውን ስለተከታተሉ በማመስገን በቀጣይ የበለጠ ለቅንጅታዊ አሰራር ትኩረት ተሰጥቶ መስራት እንደሚገባ እና ሰለጣኞችንም በሚፈለገው ልክ ብቁ ማድረግ እንደሚገባ ገልጸዋል።

ዘገባው:- የደንብ ማስከበር ባለስልጣን ኮሚዩኒኬሽን ጉዳዮች ዳይሬክቶሬት ነው።