"ጠንካራ የመረጃ ስርዓት መገንባት እና የሁኔታዎች ትንታኔ የተቋም ተልዕኮን ለማሳካት መሠረት ነው " ምክትል ኮሚሽነር ዳንኤል ብርሀኑ

መጋቢትና 21 2018 ዓ ም
**ሰንዳፋን***

የአዲስ አበባ ደንብ ማስከበር ባለስልጣን ስትራቲጂክ አመራሮች በደህንነትና በወቅታዊ የመረጃ ትንተና በኢትዮጵያ ፌደራል ፖሊስ ዩንቨርሲቲ የአስተዳደርና ልማት ምክትል ፕሬዚደንት ምክትል ኮምሽነር ዳንኤል ብርሀኑ ስልጠና ተሰጠ።

ምክትል ኮሚሽነር ዳንኤል ብርሀኑ በስልጠናው ጠንካራ የጸጥታና የደንብ ማስከበር ተቋም በመገንባት ከደንብ መተላለፍ ነጻ አዲስ አበባን ማደራጀት እንደሚያስፈልግ ገልፀዋል።

የባለስልጣኑ ዋና ስራ አስኪያጅ ሻለቃ ዘሪሁን ተፈራ ደንብ ማስከበር ባለስልጣን ተልእኮን ለማሳካት ፈጣን የመረጃ ልውውጥ እና የሁኔታ ትንታኔ ትልቅ ሚና እደሚጫወት ገልፀው አመራሩ የሰለጠነው ስልጠና በተግባር ማዋል እንዳለበት አሳስበዋል።

መረጃው:- የባለስልጣኑ ኮሙኒኬሽን ዳይሬክቶሬት ነው

ለተጨማሪ የመረጃ አማራጮች ፦ https://linktr.ee/aacodeenforcement

"የህይወት ሚዛን መጠበቅ የመሪነት ስነ-ምግባር መሠረት ነው " ምክትል ኮሚሽነር ጀነራል ዶ/ር ታምራት ሙሉጌታ የኢትዮጵያ ፖሊስ ዩንቨርሲቲ ፕሬዚዳንት

መጋቢት 22/2018 ዓ. ም
** ሰንዳፋ**

የኢትዮጵያ ፖሊስ ዩንቨርሲቲ ፕረዚዳንት ምክትል ኮምሽነር ጀነራል ታምራት ሙሉጌታ ዶ/ር ለባለስልጣኑ ስትራቴጂክ አመራሮች የህይወት ሚዛን መጠበቅ እና ለመሪነት ያለው ሚና በሚል እርዕስ ስልጠና ሰጡ።

በስልጠናው ራስን በማወቅ፣ራስን በመግዛትና ራስን በማስተዳደር ስሜትና ደስታ መቆጣጠር
ማህበረሰብን በማክበር የተሰጠንን ተልእኮ ለማስፈጸምና ለመፈጸም የህይወት ሚዛንን በመጠበቅ ስራዎቻችን በአግባቡ ማከናወን እንደሚቻል ጠቁመዋል።

የስልጠናው አላማም ሰብአዊነትን በመላበስ ሁለተናዊ የመረዳት አቅምን በማዳበር በተሻለ አመራር ሰጭነት የደንብ መተላለፎችን በመከላከል እና በመቆጣጠር ለነዋሪቿና ለእንግዶቿ ምቹ አዲስ አበባን ለትልውድ ለማሻገር እንደሆነ የባለስልጣኑ ም/ል ስራ አስኪያጅ አቶንጋቱ ዳኛቸው ገልፀዋል።

መረጃው:- የባለስልጣኑ ኮሙኒኬሽን ዳይሬክቶሬት ነው።

ለተጨማሪ የመረጃ አማራጮች ፦ https://linktr.ee/aacodeenforcement

ተቋማት የሳይበር ሴኩሪቲ እና ዲጂታል ቴክኖሎጂ ስርዓት ተግባራዊ ማድረግ ከዘመኑ ጋር እኩል መራመድ እንደ ሚያስፈልግ ተገለፀ

መጋቢት 23 2018 ዓ ም
** ሰንዳፋ**

የአዲስ አበባ ከተማ ደንብ ማስከበር ባለስልጣን ስትራቴጂክ አመራሮች በሳይበር ሴኩሪታ እና በዲጅታል ቴክኖሎጂ አጠቃቀም ዙሪያ ስልጠና ሰጠ።

በመድረኩ ንግግር ያደረጉት የባለስልጣኑ ፅ/ቤት ሀላፊ አቶ ተስፋሁን አሉላ ባለስልጣኑ የደንብ መተላለፎችን ውጤታማ በመሆነ መልኩ ለመከላከል እና ለመቆጣጠር የቴክኖሎጂ አገልግሎት ልዩ ትኩረት ሰጥቶ እየሰራ መሆኑ አመላክተዋል።

ስልጠናው የሰጡት ዋና ኢንፔክር መሠረት አበበ የሳይበር ጥቃት ዘመኑን ያመጣውና የተቋማትና የግለሰብ የቴክኖሎጂ አገልግሎት ፈታን እያደረገው መሆኑ ገልፀው ለዲጅታል ቴክኖሎጂ አጠቃቀም ደህንነት ሁሉም ተቋማትና ግለሰብ ማስጠበቅ ካልቻሉ ህይወታቸው አደጋ ውስጥ እንደሚወድክ አስረድተዋል።

በዕለቱ ተግባቦት ማጠናከር አገልግሎት ቀላልና ውጤታማ በማድረግ የአመራርነት ስኬትን መጎናጸፍ እንዲሁም በማህረሰብ ዘንድ በጎ ተጽኖን መፍጠር እንደሚቻል የኢ/ያ ፖሊስ ዩንቨርስቲ የህዝብ ግንኙነት ሀላፊ ኢ/ር ፍፁም ብርሀኑ በሰጡት ስልጠና ገልጸዋል።

በእለቱ የኮሙኒኬሽን፣የሚዲያና የህዝብ ግንኙነት ሳይንሳዊ አሰራር እና አጠቃቀም ላይ ስልጠና ተሰጥቷል።

ዘገባው:- የባለስልጣኑ ኮሙኒኬሽን ዳይሬክቶሬት ነው።