የባለስልጣኑ ኮሙኒኬሽን ጉዳዮች ዳይሬክቶሬት ሰራተኞች የስራ ልምድና ተሞክሮ ልውውጥ አደረጉ

23/03/2018 ዓ.ም
አዲስ አበባ

የአዲስ አበባ ከተማ አስተዳደር የደንብ ማስከበር ባለሥልጣን ኮሙዩኒኬሽን ጉዳዮች ዳይሬክቶሬት ሰራተኞች በአዲስ አበባ ከተማ አስተዳደር ትምህርት ቢሮ የህዝብ ግንኙነትና ኮሙዩኒኬሽን ጉዳዮች ዳይሬክቶሬት ጋር በህዝብ ግንኙነትና ኮሙኒኬሽን ስራዎችላይ የልምድና ተሞክሮ ልውውጥ አደረጉ።

በልምድ ልውውጡ ላይ የትምህርት ቢሮ የህዝብ ግንኙነትና ኮሙዩኒኬሽን ጉዳዮች ዳይሬክቶሬት ዳይሬክተር አቶ አበበ ቸርነት ስለ ተቋማቸው ተግባር እንዲሁም የስራ ክፍሉን መዋቅርና ዝርዝር ስራዎችን ሰፊ ገለፃ አድርገዋል።

በልምድ ልውውጡ ወቅቱን የሚጠይቀው የሚዲያና የኮሙኒኬሽን ስራዎችን በማዘመን የተሻለ የመረጃ ምንጭ መሆንእንደሚገባ ተገልጿል።

በተቋሙ ኮሙኒኬሽን ዳይሬክቶሬት እየተተገበሩ ያሉ የህዝብ ግንኙነት፣የህትመት ውጤቶች ፣የማህበራዊ ሚዲያ አጠቃቀምና የመረጃ አደረጃጀትና ተደራሽነት ስራዎች ዙሪያ ማብራሪያና በመስጠት የስራዎች ምልከታ ተደርጓል ።

የማህበራዊ ሚዲያ አጠቃቀምን ማሳደግ ስራዎችን ወደ ህብረተሰቡ ለማድረስ ከፍተኛ ጠቀሜታ መኖሩንና ስራዎች በሚሰሩበት ወቅት እና ለህብረተሰቡ ተደረሻ ሲደረግ ጥራታቸውን በጠበቀ መልኩ ሊሆን እንደሚገባ አቶ አበበ ገልጸዋል ።

የባለስልጣኑ ኮሙኒኬሽን ዳይሬክተር አቶ የምስራች ግርማ ለተደረገላቸው የልምድና ተሞክሮ ማጋራት አመስግነው ከትምህርት ቢሮ የማህበራዊ ሚዲያ አጠቃቀም፣የመረጃ አደረጃጀት አና የሚዲያ ሞኒተሪንግ ተግባራትን የወሰዱትንም ልምድ ወደ ተቋማቸው በማምጣት የኮሙኒኬሽን እና የህዝብ ግንኙነት ስራዎች አጠናክረው እንደሚሰሩ ተናግረዋል።

መረጃው ፡-የአዲስ አበባ የደንብ ማስከበር ባለሥልጣን ኮሙዩኒኬሽን ዳይሬክቶሬት ነው።

የፈጠራ ባህል መፍጠር (creating a culture of creativity) እና ከማህበረሰብ ጋር ያለ ተግባቦት ዙሪያ ስልጠና ተሰጠ

ህዳር 23/2018

ከአዲስ አበባ ከተማ አስተዳደር የደንብ ማስከበር ባለስልጣን ለማዕከል ዳይሬክተሮች ፣ ቡድን መሪዎች ፣ ለክፍለ ከተማ ቡድን አስተባባሪዎች እና የስልጠና ባለሙያዎች የፈጠራ ባህል መፍጠር (creating a culture of creativity) እና ከማህበረሰብ ጋር ያለ ተግባቦት ዙሪያ ስልጠና ተሰጠ።

በመድረኩ ንግግር ያደረጉት የባለስልጣኑ ምክትል ስራ አስኪያጅ አቶ ንጋቱ ዳኛቸው ባለስልጣኑ የግንዛቤ ፈጠራ ላይ ትኩረት በመስጠት በርካታ ስራዎች እየሰራ መሆኑንና በዚህም የፓራ ሚሊተሪ ኦፊሰሩን በተለያዩ ዙሮች ማሰልጠኛ በማስገባት ስልጠና እየሰጠ መሆኑን ጠቁመዋል ።

የዛሬው ስልጠናም የፈጠራ ባህልን እንዴት ማሳደግ እንደሚቻልና ተቋማዊ ተግባቦት እንዴት መፍጠር እንደሚቻል የሚያሳይ ስለሆነ የሚሰጡትን ስልጠናዎች በትኩረት በመከታተል እንደሚገባ አሳስብዋል ።

የፈጠራ ባህል መፍጠር (creating a culture of creativity) እና በተግባቦት ክህሎት ስልጠና በአዲስ አበባ ከተማ አመራር አካዳሚ ከፍተኛ አሰልጣኝ አቶ ወልደመድህን መኮንን ተሰጥቷል።

ከማህበረሰብ ጋር ያለ ተግባቦት ዙርያ ስልጠና የሰጡት የአዲስ አበባ አመራር አካዳሚ የከተማ አመራር ልማት ዳይሬክተር እና ከፍተኛ አሰልጣኝ የሆኑት ወ/ሮ ነፃነት የምሩ ሲሆኑ ተግባቦት ለአንድ ተቋም ስኬትና ውጤት አንዱ መለኪያ እነደሆነ፣ የመሪና የተመሪ ተግባቦት ለስራ ቅልጥፍና እንደሚጠቅም ፣ ለአገልግሎት አሰጣጥ ውጤታማነት ጉልህ ሚና እንዳለው እና በተቋም ውስጥ ያሉ ሰራተኞች ጤናማ ተግባቦት እንደሚኖራቸው በስልጠናው ተመላክቷል ።