አብዛኞቹ የ AI መተግበሪያዎች (እንደ ChatGPT ያሉ) መረጃን ወደ ትላልቅ ሰርቨሮች ልከው መልስ እስኪመጣ ይጠብቃሉ። On-device AI ግን ይህንን አካሄድ ሙሉ በሙሉ በመቀየር፣ የAI ሞዴሉ በራሱ በስልካችሁ ወይም በላፕቶፓችሁ ውስጥ እንዲቀመጥና እንዲሰራ ያደርጋል።

ቀደም ሲል AI እንዲሰራ የግድ ፈጣን ኢንተርኔት እና የCloud አገልግሎት ያስፈልግ ነበር። አሁን ግን አዳዲስ ስልኮች እና ኮምፒውተሮች የራሳቸው የሆነ NPU (Neural Processing Unit) ስላላቸው፣ የትኛውንም መረጃ ወደ ኢንተርኔት ሳይልኩ እዚያው ባለበት ማቀነባበር ይችላሉ።

የOn-device AI ዋና ዋና ጥቅሞች፦

➤ የግል ሚስጥር ጥበቃ (Privacy): መረጃዎቻችሁ፣ ፎቶዎቻችሁና ድምፃችሁ ከስልካችሁ አይወጡም። ሁሉም ነገር እዚያው ስለሚሰራ ለደህንነት አስተማማኝ ነው።
➤ ያለ ኢንተርኔት መስራት (Offline Capability): ኢንተርኔት በሌለበት ቦታ ወይም አውሮፕላን ላይ ሆናችሁ AIን በነፃነት መጠቀም ትችላላችሁ።
➤ እጅግ ፈጣን ምላሽ (Low Latency): መረጃ ወደ ሰርቨር ሄዶ እስኪመለስ አይጠብቅም፤ ትዕዛዞችን በቅጽበት ይፈጽማል።
➤ የባትሪ ቆጣቢነት: መረጃን ወደ ሩቅ ሰርቨር ደጋግሞ ከመላክ ይልቅ እዚያው ማቀነባበሩ ለባትሪ እድሜ ጠቃሚ ነው።

ባጭሩ On-device AI ማለት AI በኪሳችሁ ውስጥ ገብቶ፣ ያለ ኢንተርኔት እና በከፍተኛ ጥበቃ የሚያገለግልበት የቴክኖሎጂ ደረጃ ነው።

ጽሑፉን ከወደዳችሁት 👍,❤️ አይረሳ። 😊

✍️ @codebiruh
#OnDeviceAI #EdgeComputing #AI #SmartTech