تسلية العقول..
اقترح لكم للمطالعة هذه الليلة كتاب:- فلسفة الولاء

قد يكون العنوان غريباً لكن إن امعنتم التفكير ستجدون ان حياتنا مرتبطة بالولاء جداً في الكثير من الامور ربما هذا الكتاب سيحدث تغيير في وجهة نظركم للامور وقد يساهم في احداث تغيير في حياتكم. احظوا بالفائدة والمتعة. 📚📖

منصة نفس ملهمة
مجموعة نفس ملهمة
انستغرام نفس ملهمة

الاستماع للمحاضرات الدينية او البحث في الكتب الدينية ليس ارهاقا للنفس او تخويفا لها من الخالق انما هي ما تحتاجه نفسك لتتهذب وتستقيم. 📖📚
-يسرى قاسم

إنّ من أعظم فضائل الإمام علي بن أبي طالب عليه السلام أنّه أوّل من آمن برسول الله ﷺ من الفتيان، ففتح قلبه للإيمان منذ نعومة أظفاره، ولم يسجد لصنم قط، فكان إيمانه صافياً نقياً لم تشبه شائبة شرك.
نشأ في بيت النبوّة، وتربّى على عين الرسول صلى الله عليه وآله وسلم، فكان أقرب الناس إليه علماً وخلقاً وشجاعةً وزهداً. وقد قال فيه النبي صلى الله عليه وآله وسلم:
«أنا مدينةُ العلمِ وعليٌّ بابُها»، فكان عليه السلام باب الحكمة، ومرجع الأمة في القضاء والعلم، وصوت العدل الذي لم يساوم، وسيف الحق الذي لم ينكسر.

ليش اهذب نفسي؟ ليش ائدب ذاتي؟ هي كلها مستهترة وطالعة من الطريق ظلت علية؟ هو العمر يخلص بسرعة عليمن احبس نفسي واكبت جماحي؟ عليمن اتأدب هاي الشباب كلها عايشة حياتها شنو فرقي عنها؟ اني كاتل ناهب هو اني شاب ودا اعيش شبابي عادي على شنو اخاف؟


شايب مهموم مليان ذنوب ومعاصي وميكدر يسيطر على شهوته ويتحرش بالرايح والجاي والحيوانات حتى يمسك عورته امام الناس بدون حرج او تردد غير مرتب الهندام يتفوه بالكلام البذيء ياكل الاخضر واليابس ومحد يحب يعزمه ويجالسه

عجوز تتحرش بالقاصرات تقذف بالرايحة والجاية بدون حشمة وحذر فاقدة عقلها محد يحب يجالسها تاكل وتنتقد ومحد تحب تعزمها لبيتها من سوء اقوالها والشر الي يصاحبها


المصير بيدك انت تقرر تعيش هالمصير لو تغيره من البدايه وتشتغل على ضبط شهواتك👍🏻

في ذكرى رحيل السيدة زينب عليها السلام، لا نقف لنرثي امرأةً غابت، بل لنستحضر معنى الصبر الواعي والثبات الذي لا ينكسر. زينب عليها السلام رأت الفاجعة كاملة، عاشت الألم بكل تفاصيله، ومع ذلك وقفت لتقول كلمتها الخالدة: ما رأيتُ إلا جميلاً، كلمة لم تكن إنكاراً للألم بل انتصاراً للحق فوقه.
لم تكن زينب شاهدةً صامتة على المأساة، بل كانت حارسة للرسالة، وصوتاً للحق حين خرس الجميع، وبرهاناً أن القوة الحقيقية لا تكون في السيف، بل في الكلمة الصادقة حين تُقال في وجه الظلم بثبات وإيمان. بها اكتملت الحجة، وبموقفها حُفظت كربلاء من النسيان.
علّمتنا السيدة زينب عليها السلام أن المرأة قادرة على حمل أعظم الرسالات، وعلى الصمود في أقسى المحن، وعلى تحويل الجراح إلى وعي، والحزن إلى موقف، والفقد إلى رسالة خالدة لا تموت بمرور الزمن.
السلام على زينب، يوم وُلدت نوراً، ويوم وقفت شامخة في قلب المحنة، ويوم رحلت جسداً وبقي أثرها حياةً لكل من اختار الوقوف مع الحق مهما كان الثمن.

منصة نفس ملهمة
مجموعة نفس ملهمة
انستغرام نفس ملهمة

عادي نزعل عادي نبجي عادي نغضب عادي نسكت ونعتزل عادي نهرب عادي ننام هواي عادي ناكل هواي بس مو طول العمر لحدما تبرد المشاعر حدما نعرف ماكو احد او شي يستاهل هيج نأذي نفسنا ونمضي والراجع النا مراح يلكانا نفسنا وياهم نسمح لنفسنا نعيش الشعور مهما كان ونؤمن بقضاء الله وقدره وانه راح يعوضنا وهو يعرف شنو حسينا وشنو عشنا مراح يسمح النا نعيش بغفلة وي ناس ما تستحقنا فالحمدلله على كل حال ويا هلا بالبدايات الجديدة والله يعوض الراح وعساه لا رجع.

حقيقة علمية غريبة لاحظتها للتو وهي عن قوة الدماغ

نلاحظ انه اذا شخص دماغه قوي لما يتعرض لخطر معين يرتفع الادرينالين لدرجة عالية ويدافع عن نفسه او عن شي او شخص يحبه لحدما يطمئن بعدها اما يغمى عليه او يموت بحسب نوع وشدة الخطر الي متعرضله

ونلاحظ بحالات ثانية الدماغ ضعيف او مو ضعيف نكدر نكول قابلية التحمل للشخص ضعيفة فالدماغ يخفي الخطر ويخلي الشخص يكمل حياته بدون وعي الى ان اذا شدة ونوع الخطر كبيرة يغمى عليه او يموت

اكو شخص تعرض لضربة مميتة دماغه خفى هذا الشي عن الوعي وخلى الشخص يكمل حياته يريد يروح للعمل الى ان وقع خلف باب المنزل وتوفى

اكو شخص اثناء نومه يروح يقتل اشخاص او يسوي شغلات غير منطقية نتيجة لاسباب نفسية او حوادث صايرتله بطفولته فمن كبر كام هو نفسه يطبق بدون وعي ربما اللا وعي يحاول يفهم شنو الي صار وشلون صار هالشي او هو هذا سؤال منتقل للا وعي وباللا وعي يبحث عن الاجابة.

اكو اشخاص يستلذون بالمعاناة او الخطر الي يواجههم لانهم ميتحملون الانهيار من شدة الخطر الي دا يواجههم

اكو اشخاص يتهربون من الخطر لان دماغهم مو جاهز لاستيعاب هذا الشي الي دا يواجههم هذا الوقت اذا استوعب شدة المأساة او المعاناة او الخطر ممكن يتعرض الشخص للجنون او اي مشكلة او مرض ثاني فالوقت المناسب مهم لهيج اشخاص حساسين ولازم الي عنده هيج حالة يحاول يتدرب ويقوي قابلية التحمل وايجاد الحلول المناسبة لوضعه او المشاكل الي يتعرضلها او يرضى بالمأساة الي صارت وياه هاي مثلا اكو اشخاص يموتلهم شخص عزيز يتخبلون ما يجزعون حتى يعتبرون الخبر وهم ويبدون يتصرفون بدون وعي من شدة الصدمة الي تعرضولها.

-يسرى قاسم

هو اني اعرفها وحاجية عنها بس كل وحدة حاجية بيها وحدها هسة انجمعن سوى احس الموضوع غريب اني عن نفسي استمتع بهيج سوالف مادري عنكم بعد 😂